KHOJ ਖੋਜ

KHOJ ਖੋਜ "KHOJ" is a platform through which you will get ample opportunity to know about the anonymous ancient heritages & stories of Punjab.
(1)

03/11/2024

ਮਾਤਾ ਸਾਹਿਬ ਦੇਵਾਂ ਜੀ ਦੇ ਪ੍ਰਕਾਸ਼ ਦਿਹਾੜੇ ਦੀਆਂ ਲੱਖ ਲੱਖ ਵਧਾਈਆਂ

08/10/2024

ਧੰਨ ਸੱਚੇ ਪਾਤਸ਼ਾਹ ਗੁਰੂ ਰਾਮਦਾਸ ਮਹਾਰਾਜ ਜੀਆਂ ਦੇ ਪ੍ਰਕਾਸ਼ ਪੁਰਬ ਦੀ ਆਰੰਭਤਾ ਅੱਜ ਮਹਾਰਾਜ ਜੀ ਦੇ ਜਨਮ ਅਸਥਾਨ ਚੂਨਾ ਮੰਡੀ ਲਾਹੌਰ ਵਿਖੇ ਹੋਈ ਹੈ।
ਸੱਚੇ ਪਾਤਸ਼ਾਹ ਮਿਹਰ ਕਰਨ ਤੇ ਸਾਡੀ ਬਿਰਤੀ ਸਦਾ ਗੁਰੂ ਚਰਨਾਂ ਨਾਲ ਜੁੜੀ ਰਹੇ।

03/10/2024

ਇਹ ਹੈ ਉਹ ਤਖਤ, ਜਿੱਥੇ ਬੈਠ ਕੇ ਸ਼ੇਰ ਏ ਪੰਜਾਬ ਸਭ ਨੂੰ ਇਕ ਅੱਖ ਨਾਲ ਦੇਖਦਾ ਰਿਹਾ।

03/10/2024

ਜਗਤ ਗੁਰੂ ਸੱਚੇ ਪਾਤਸ਼ਾਹ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਜੀ ਦੀ ਮੁਲਤਾਨ ਫੇਰੀ ਬਾਰੇ ਭਾਈ ਗੁਰਦਾਸ ਜੀ ਲਿਖਦੇ ਹਨ,
“ਮੇਲਿਓ ਬਾਬਾ ਉਠਿਆ ਮੁਲਤਾਨੇ ਦੀ ਜਾਰਤਿ ਆਈ।”
ਤੇ ਮੁਲਤਾਨ ਦੇ ਸਾਰੇ ਪੀਰ ਇਕੱਠੇ ਹੋ ਕੇ ਦੁੱਧ ਦਾ ਕਟੋਰਾ ਨੱਕੋ ਨੱਕ ਭਰ ਕੇ ਲੈ ਆਏ ਇਹ ਦੱਸਣ ਲਈ ਕਿ ਏਥੇ ਕਿਸੇ ਹੋਰ ਪੀਰ ਲਈ ਥਾਂ ਨਹੀਂ ਬਚੀ ਹੈ। ਭਾਈ ਗੁਰਦਾਸ ਜੀ ਅੱਗੇ ਲਿਖਦੇ ਹਨ,
“ਬਾਬੇ ਕਢਿ ਕਰਿ ਬਗਲ ਤੇ ਚੰਬੇਲੀ ਦੁਧਿ ਵਿਚਿ ਮਿਲਾਈ।”
ਤੇ ਉਹ ਚੰਮੇਲੀ ਦੁੱਧ ਉੱਤੇ ਤੈਰਨ ਲੱਗੀ। ਮੁਲਤਾਨ ਦੇ ਪੀਰ ਜਾਣ ਗਏ ਕਿ ਗੁਰੂ ਨਾਨਕ ਤਾਂ ਫੁੱਲ ਹੈ ਮਹਿਕ ਹੈ।
ਅੱਜ ਜਦ ਸੱਚੇ ਪਾਤਸ਼ਾਹ ਦੇਹ ਦਾ ਓਹਲਾ ਕਰਨ ਲੱਗੇ ਤਾਂ ਪ੍ਰੇਮੀਆਂ ਵਿਚ ਭਾਵਨਾ ਜਾਗੀ ਕਿ ਮਹਾਰਾਜ ਜੀ ਦੀ ਦੇਹ ਨੂੰ ਅਗਨ ਭੇਟ ਕੀਤਾ ਜਾਵੇ ਕਿ ਦਫਨਾਇਆ ਜਾਵੇ। ਚਾਦਰ ਚੁੱਕੀ ਗਈ ਤਾਂ ਹੇਠੋਂ ਫੁੱਲ ਹੀ ਨਿਕਲੇ, ਕਿਧਰੋਂ ਆਵਾਜ਼ ਆਈ,
“ਗੁਰੂ ਨਾਨਕ ਸੱਚੇ ਪਾਤਸ਼ਾਹ ਤਾਂ ਮਹਿਕ ਸਨ ਭਾਈ, ਮਹਿਕ ਨੂੰ ਕੀ ਵੰਡੋਗੇ, ਮਹਿਕ ਤਾਂ ਸਭ ਦੀ ਸਾਂਝੀ ਹੁੰਦੀ ਹੈ। ਉਹ ਕਿਸੇ ਇਕ ਦੇ ਹੱਥ ਨਹੀਂ ਆ ਸਕਦੀ। ਕਿਸੇ ਨਾਲ ਤੇਰ ਮੇਰ ਜਾਂ ਵਿਤਕਰਾ ਨਹੀਂ ਕਰਦੀ। ਉਹ ਦੇਹ ਵਿਚ ਵਿਚਰਦਿਆਂ ਵੀ ਮਹਿਕਾਂ ਵੰਡਦੇ ਰਹੇ ਤੇ ਦੇਹ ਓਹਲੇ ਕਰ ਲੈਣ ਮਗਰੋਂ ਵੀ ਵੰਡਦੇ ਰਹਿਣਗੇ। ਗੁਰੂ ਨਾਨਕ ਤੁਹਾਡਾ ਸਭਨਾ ਦਾ ਸੀ ਤੇ ਸਦਾ ਸਭਨਾ ਦਾ ਰਹੇਗਾ। ਤੁਹਾਡੇ ਲਈ ਉਹ ਫੁੱਲ ਛੱਡ ਗਏ ਹਨ ਆਪਣੇ ਆਪਣੇ ਹਿੱਸੇ ਦੇ ਚੁਗ ਲਓ”
ਮੇਰੇ ਚਿੱਤ ਵਿਚ ਆ ਰਿਹਾ ਸੀ ਕਿ ਕਿੰਨੇ ਭਾਗਾਂ ਵਾਲੇ ਸਨ ਉਹ ਲੋਕ ਜਿਹਨਾਂ ਗੁਰੂ ਨਾਨਕ ਸੱਚੇ ਪਾਤਸ਼ਾਹ ਜੀ ਨੂੰ ਫੁੱਲ ਜਾਣ ਚੁਗ ਲਿਆ ਤੇ ਲੋਕਾਂ ਤੋਂ ਸੰਗਤ ਹੋ ਗਏ।
ਤੁਸੀਂ ਦਰਸ਼ਨ ਕਰ ਰਹੇ ਹੋ ਕਰਤਾਰਪੁਰ ਸਾਹਿਬ ਨਾਰੋਵਾਲ ਦੇ, ਜਿੱਥੇ ਇਹ ਸਾਰਾ ਕੌਤਕ ਵਾਪਰਿਆ ਤੇ ਜਿੱਥੇ ਜਗਤ ਗੁਰੂ ਬਾਬੇ ਨੇ ਦੇਹ ਲੁਕੋ ਲਈ ਤੇ ਮਹਿਕ ਸਗਲ ਬਨਸਪਤਿ ਵਿਚ ਵੰਡ ਦਿੱਤੀ।

30/09/2024

ਇਹ ਲਾਹੌਰ ਹੈ… ਲਾਹੌਰ ਦਾ ਨਖਾਸ ਚੌਕ
ਮੀਰ ਮੰਨੂੰ ਦੀ ਕੈਦ ਦਾ ਦ੍ਰਿਸ਼ ਹੈ।
‘ਧੰਨ ਗੁਰੂ ਨਾਨਕ’ ਦੇ ਬੋਲ ਮਾਯੂਸ ਹੋ ਰਹੀ ਹਵਾ ਨੂੰ ਜਿਊਣ ਜੋਗਾ ਕਰ ਰਹੇ ਹਨ।
ਮਾਸੂਮ ਬਾਲ ਨੇਜ਼ਿਆਂ ’ਤੇ ਟੰਗੇ ਜਾ ਰਹੇ ਹਨ… ਕੁਝ ਜਲਾਦ ਉਹਨਾਂ ਟੋਟਿਆਂ ਨੂੰ ਰੱਸੀਆਂ ਵਿਚ ਪਰੋ ਰਹੇ ਹਨ। ਜਿਹਨਾਂ ਝੋਲੀਆਂ ਵਿਚੋਂ ਉਹ ਬਾਲ ਚੁੱਕੇ ਗਏ ਸਨ, ਉਹਨਾਂ ਗਲਾਂ ਵਿਚ ਹੀ ਉਹ ਹਾਰ ਪਾਏ ਜਾਂਦੇ ਹਨ।
ਇਕ ਮੁਗਲ ਸਿਪਾਹੀ ਕੀ ਦੇਖਦਾ ਹੈ ਕਿ ਇਕ ਮਾਈ ਉਸ ਨੂੰ ਇਸ਼ਾਰਾ ਕਰਕੇ ਬੁਲਾ ਰਹੀ ਹੈ।
ਨਾਲ ਦੇ ਸਿਪਾਹੀ ਨੇ ਫੇਰ ਕਿਹਾ, “ਜਾ ਆ, ਸ਼ਾਇਦ ਪਾਣੀ ਮੰਗਦੀ ਹੋਵੇ, ਦੇ ਦੇਈਂ ਜੇ ਪਾਣੀ ਜਾਂ ਕੁਝ ਹੋਰ ਮੰਗਦੀ ਹੋਈ ਤਾਂ… ਦੂਜਾ ਸਿਪਾਹੀ ਮਾਂ ਕੋਲ ਗਿਆ…
ਤੇ ਕੁਝ ਚਿਰ ਮਗਰੋਂ ਰੋਂਦਾ ਹੋਇਆ ਵਾਪਸ ਆਇਆ।
“ਕੀ ਹੋਇਆ, ਕੀ ਕਿਹਾ ਉਸਨੇ?”, ਜਿਸ ਸਿਪਾਹੀ ਨੇ ਭੇਜਿਆ ਸੀ ਉਸਨੇ ਪੁੱਛਿਆ। ਪਰ ਵਾਪਸ ਆਇਆ ਸਿਪਾਹੀ ਤ੍ਰਿਪ ਤ੍ਰਿਪ ਹੰਝੂ ਸਿੱਟ ਰਿਹਾ, ਉਸ ਤੋਂ ਕੁਝ ਵੀ ਬੋਲਿਆ ਨਹੀਂ ਜਾ ਰਿਹਾ ਸੀ।
“ਓ ਦੱਸ ਤਾਂ ਸਹੀ ਐਸਾ ਕੀ ਕਹਿ ਦਿੱਤਾ ਓਹਨੇ, ਐਸਾ ਕੀ ਮੰਗ ਲਿਆ, ਜੋ ਤੇਰਾ ਰੋਣ ਨਿਕਲ ਗਿਆ…”
“ਉਹ ਕਹਿੰਦੀ, ਕਿ ਜੋ ਹਾਰ ਤੂੰ ਮੇਰੇ ਗਲ ਵਿਚ ਪਾ ਕੇ ਗਿਆ ਹੈਂ, ਉਹ ਮੇਰੇ ਬੱਚੇ ਦਾ ਨਹੀਂ, ਮੇਰੇ ਬੱਚੇ ਦਾ ਤਾਂ ਔਹ ਹੈ, ਜੋ ਔਹ ਬੀਬੀ ਦੇ ਗਲ ਪਾਇਆ ਹੋਇਆ… ਮੇਰੇ ਗਲ ਵਿਚ ਮੇਰੇ ਬੱਚੇ ਦੇ ਟੁਕੜਿਆਂ ਦਾ ਹਾਰ ਲਿਆ ਕੇ ਪਾ, ਮੇਰੀ ਏਨੀ ਕੁ ਬੇਨਤੀ ਪ੍ਰਵਾਨ ਕਰ… ਨਾਲੇ ਜੀਹਦੇ ਬਾਲ ਦਾ ਹਾਰ ਤੂੰ ਮੇਰੇ ਗਲ ਪਾ ਗਿਐਂ, ਓਹਦੀ ਮਾਂ ਲੱਭ ਕੇ ਇਹ ਓਹਦੀ ਝੋਲੀ ਪਾ…”
ਤੇ ਏਨਾ ਕਹਿ ਕੇ ਉਹ ਧਾਹੀਂ ਰੋ ਪਿਆ
ਇਹ ਲਾਹੌਰ ਹੈ… ਲਾਹੌਰ ਦਾ ਨਖਾਸ ਚੌਕ
ਤੇ ਤੁਸੀਂ ਦਰਸ਼ਨ ਕਰ ਰਹੇ ਹੋ ਗੁਰਦੁਆਰਾ ਸਿੰਘ ਸਿੰਘਨੀਆਂ।
ਅਰਦਾਸ ਕਰੋ ਕਿ ਮਹਾਰਾਜ ਤੁਹਾਨੂੰ ਇਸ ਸਥਾਨ ’ਤੇ ਅੰਮ੍ਰਿਤ ਵੇਲੇ ਦਾ ਨਿਤਨੇਮ ਬਖਸ਼ਨ ਤੇ ਫੇਰ ਤੁਸੀਂ ਦੇਖੋਗੇ ਕਿ ਸ਼ਹੀਦੀ ਪਹਿਰੇ ਕੀ ਹੁੰਦੇ ਹਨ… ਅਰਦਾਸ ਕਰੋ ਬਸ

28/09/2024

ਸ਼ੇਰ ਏ ਪੰਜਾਬ ਤੇ ਬਲੋਚ ਸਰਦਾਰ ਬਹਿਰਾਮ ਖਾਨ

28/09/2024

ਮਹਾਂਬਲੀ ਰਣਜੀਤ ਸਿੰਘ ਹੋਇਆ ਪੈਦਾ,
ਨਾਲ ਜ਼ੋਰ ਦੇ ਮੁਲਖ ਹਿਲਾਇ ਗਿਆ ।
ਮੁਲਤਾਨ, ਕਸ਼ਮੀਰ, ਪਿਸ਼ੌਰ, ਚੰਬਾ,
ਜੰਮੂ, ਕਾਂਗੜਾ ਕੋਟ, ਨਿਵਾਇ ਗਿਆ ।
ਤਿੱਬਤ ਦੇਸ਼ ਲੱਦਾਖ ਤੇ ਚੀਨ ਤੋੜੀਂ,
ਸਿੱਕਾ ਆਪਣੇ ਨਾਮ ਚਲਾਇ ਗਿਆ ।
ਸ਼ਾਹ ਮੁਹੰਮਦਾ ਜਾਣ ਪਚਾਸ ਬਰਸਾਂ,
ਹੱਛਾ ਰੱਜ ਕੇ ਰਾਜ ਕਮਾਇ ਗਿਆ ।

04/09/2024

ਸ਼ੇਰ ਏ ਪੰਜਾਬ ਨੂੰ ਅਕਾਲ ਬੁੰਗੇ ਦੇ ਵਿਹੜੇ ਵਿਚ ਇਮਲੀ ਦੇ ਬੂਟੇ ਨਾਲ ਬੰਨਿ੍ਹਆਂ ਹੋਇਆ ਹੈ। ਇਕ ਸਿੰਘ ਦੇ ਹੱਥ ਕੋੜਾ ਹੈ। ਜਦ ਹੀ ਕੋੜਾ ਸ਼ੇਰ ਏ ਪੰਜਾਬ ਦੀ ਨੰਗੀ ਪਿੱਠ ਉੱਤੇ ਵੱਜਿਆ ਤਾਂ ਸੰਗਤ ਵਿਚੋਂ ਆਵਾਜ਼ ਆਈ, “ਧੰਨ ਮਹਾਰਾਜਾ ਧੰਨ ਸ਼ੇਰ ਏ ਪੰਜਾਬ… ਦੇਸ਼ ਦਾ ਰਾਜਾ ਹੋਵੇ ਤਾਂ ਐਸਾ ਹੋਵੇ” ਤੇ ਇਹ ਸੁਣਦਿਆਂ ਹੀ ਸ਼ੇਰ ਏ ਪੰਜਾਬ ਬੋਲੇ, “ਧੰਨ ਸਿੰਘ ਸਾਹਬ ਧੰਨ ਜਥੇਦਾਰ… ਕੌਮ ਦਾ ਜਥੇਦਾਰ ਹੋਵੇ ਤਾਂ ਅਜਿਹਾ ਹੋਵੇ…”
ਕੌਣ ਸੀ ਜਥੇਦਾਰ…
ਹੋਰ ਕੌਣ ਬਾਬੇ ਨੈਣਾ ਸਿੰਘ ਪੰਥ ਪਾਤਸ਼ਾਹ ਦਾ ਪੜ੍ਹਾਇਆ ਹੋਇਆ ਸਿੰਘ ਸਾਹਿਬ ਅਕਾਲੀ ਬਾਬਾ ਫੂਲਾ ਸਿੰਘ। ਕੀ ਕੁਝ ਕਹਿ ਲਵਾਂਗੇ ਅਕਾਲੀ ਜੀ ਬਾਰੇ ਕੁਝ ਪਲਾਂ ਵਿਚ… ਸਾਰੀ ਜ਼ਿੰਦਗੀ ਵੀ ਲੱਗੇ ਰਹਾਂਗੇ ਤਾਂ ਵੀ ਕਿੱਥੇ ਕਹਿ ਸਕਾਂਗੇ ਉਹਨਾਂ ਬਾਰੇ ਪੂਰਾ।
ਅਕਾਲੀ ਫੌਜ ਦਾ ਜਥੇਦਾਰ ਕਹਾ ਲੈਣਾ ਕਿਤੇ ਸੌਖਾ ਹੀ ਕਾਰਜ ਹੈ।
ਰਾਜੇ ਨੂੰ ਮੂੰਹ ’ਤੇ ਕਾਣਾ ਕਹਿ ਦੇਣਾ ਕਿਤੇ ਸੌਖਾ ਹੈ।
ਤੋਪਾਂ ਨਾ ਪਹੁੰਚੇ ਹੋਣ ਦੇ ਬਾਵਜੂਦ ਵੀ ਦੁਸ਼ਮਨਾ ਅੱਗੇ ਲੋਹ ਗੁਰਜ ਬਣ ਖਲੋ ਜਾਣਾ ਕਿਤੇ ਸੌਖਾ ਹੈ।
ਸੱਤ ਗੋਲੀਆਂ ਖਾ ਕੇ ਵੀ ਜੈਕਾਰੇ ਛੱਡਣੇ ਕਿਤੇ ਸੌਖਾ ਹੈ।
ਸੌਖੇ ਕਾਰਜਾਂ ਨੂੰ ਹੱਥ ਪਾਉਣਾ ਤਾਂ ਅਕਾਲੀ ਜੀ ਦਾ ਸੁਭਾਅ ਹੀ ਨਹੀਂ ਸੀ।
ਇਹ ਸ਼ੇਰ ਏ ਪੰਜਾਬ ਦੁਆਰਾ ਬਣਾਈ ਗਈ ਸਰਦਾਰ ਦੀ ਸਮਾਧ ਹੈ, ਪਿੱਛੇ ਇਕ ਵਿਸ਼ਾਲ ਗੁਰਦੁਆਰਾ ਸਾਹਿਬ ਹੈ।
ਕੀ ਆਪਣੇ ਜੀਵਨ ਦਾ ਇਕ ਵੀ ਐਸਾ ਸਵਾਸ ਸੀ ਜੋ ਉਹਨਾਂ ਪੰਥ ਦੇ ਲੇਖੇ ਨਾ ਲਾਇਆ ਹੋਵੇ ਤੇ ਉਹਨਾਂ ਦਾ ਸਥਾਨ ਦੇਖ ਕੀ ਸਾਨੂੰ ਆਪਣੇ ਆਪ ਨੂੰ ਲਾਹਨਤਾਂ ਨਹੀਂ ਪਾਉਣੀਆਂ ਚਾਹੀਦੀਆਂ।
ਜਮਰੌਦ ਹੋਵੇ ਭਾਵੇ ਨੌਸ਼ਹਿਰਾ ਕੀ ਇਹ ਦੋਹੇਂ ਸੂਰਮੇ ਜਰਨੈਲ ਸਾਡੀ ਐਸੀ ਬੇਰੁਖੀ ਦੇ ਹੱਕਦਾਰ ਸਨ।
ਸਵਾਲ ਤਾਂ ਸਾਨੂੰ ਇਕ ਦਿਨ ਕੀਤਾ ਜਾਵੇਗਾ ਤੇ ਪਤਾ ਨਹੀਂ ਜਵਾਬ ਸਾਡੇ ਕੋਲ ਹੋਵੇਗਾ ਜਾਂ ਨਹੀਂ।.

01/09/2024

ਇਹ ਦਰਵਾਜ਼ਾ ਕਿਸੇ ਆਮ ਹਵੇਲੀ ਦਾ ਨਹੀਂ। ਇਸ ਦੀਆਂ ਝੀਥਾਂ ਵਿਚੋਂ ਤੁਹਾਨੂੰ ਸਿਖ ਰਾਜ ਦੀਆਂ ਝਲਕਾਂ ਨਜ਼ਰ ਆਉਂਦੀਆਂ ਹਨ। ਇਹ ਸ਼ੇਰ ਏ ਪੰਜਾਬ ਦੇ ਲਾਹੌਰ ਦੀ ਬਾਰੀ ਹੈ। ਇਹ ਤੁਹਾਨੂੰ ਟਾਈਮ ਟਰੈਵਲ ਕਰਵਾਵੇਗਾ ਤੇ ਸਮੇਂ ਤੋਂ ਪਾਰ ਜਾ ਕੇ ਤੁਹਾਨੂੰ ਉੱਨੀਵੀਂ ਸਦੀ ਦੇ ਪੰਜਾਬ ਵਿਚ ਲੈ ਜਾਵੇਗਾ।
ਇਹ ਬੰਦ ਪਿਆ ਵੀ ਤੁਹਾਨੂੰ ਸੈਕੜੇਂ ਬਾਤਾਂ ਸੁਣਾ ਸਕਦਾ ਹੈ ਤੇ ਜੇ ਕਿਤੇ ਰੱਬੀਂ ਸਬੱਬੀਂ ਇਹ ਦਰਵਾਜ਼ਾ ਤੁਹਾਡੇ ਲਈ ਖੁੱਲ ਗਿਆ ਤਾਂ ਖਾਲਸਾ ਰਾਜ ਪ੍ਰਤੱਖ ਹੋ ਕੇ ਤੁਾਹਡੇ ਸਾਹਵੇਂ ਖਲੋ ਜਾਵੇਗਾ। ਸਿਖ ਰਾਜ ਦੇ ਯੋਧਿਆਂ ਦੀਆਂ ਕਿਰਪਾਨਾਂ, ਖੰਡੇ, ਬਰਛੇ, ਚੱਕਰ ਤੁਾਹਨੂੰ ਇਸ਼ਾਰੇ ਕਰਨਗੇ ਤੇ ਚੇਤੇ ਕਰਵਾਉਣਗੇ ਉਸ ਰਾਜ ਦੀ ਝਲਕ ਜਿਸ ਅੱਗੇ ਕਾਬਲ ਕੰਧਾਰ ਤੋਂ ਚੀਨ ਤੱਕ ਪਾਣੀ ਭਰਦੇ ਸਨ।
ਫਰਾਂਸ ਤੱਕ ਜਿਸਨੇ ਆਪਣਾ ਸਿੱਕਾ ਮਨਵਾਇਆ ਸੀ। ਗੋਰੇ ਜਿਸ ਦੇ ਪਰਛਾਵੇਂ ਤੋਂ ਵੀ ਡਰਦੇ ਸਨ।
ਇਹ ਦਰਵਾਜ਼ਾ ਫਕੀਰ ਖਾਨੇ ਦਾ ਹੈ। ਲਾਹੌਰ ਦੀ ਮਸ਼ਹੂਰ ਹਵੇਲੀ ਫਕੀਰਖਾਨਾ।
ਜਿਸ ਨੇ ਸਿਰਫ ਫਕੀਰ ਅਜ਼ੀਜ਼ ਉਦ ਦੀਨ ਫਕੀਰ ਨੂਰਦੀਨ ਦੀਆਂ ਯਾਦਾਂ ਹੀ ਸੰਭਾਲ ਨਹੀਂ ਰੱਖੀਆਂ ਸਗੋਂ ਪੰਜਾਹ ਸਾਲ ਦਾ ਸਾਰਾ ਪੰਜਾਬ ਹੀ ਸੰਭਾਲ ਰੱਖਿਆ ਹੈ।

29/08/2024

ਇਹ ਦਰਵਾਜ਼ਾ ਕਿਸੇ ਆਮ ਹਵੇਲੀ ਦਾ ਨਹੀਂ। ਇਸ ਦੀਆਂ ਝੀਥਾਂ ਵਿਚੋਂ ਤੁਹਾਨੂੰ ਸਿਖ ਰਾਜ ਦੀਆਂ ਝਲਕਾਂ ਨਜ਼ਰ ਆਉਂਦੀਆਂ ਹਨ। ਇਹ ਸ਼ੇਰ ਏ ਪੰਜਾਬ ਦੇ ਲਾਹੌਰ ਦੀ ਬਾਰੀ ਹੈ। ਇਹ ਤੁਹਾਨੂੰ ਟਾਈਮ ਟਰੈਵਲ ਕਰਵਾਵੇਗਾ ਤੇ ਸਮੇਂ ਤੋਂ ਪਾਰ ਜਾ ਕੇ ਤੁਹਾਨੂੰ ਉੱਨੀਵੀਂ ਸਦੀ ਦੇ ਪੰਜਾਬ ਵਿਚ ਲੈ ਜਾਵੇਗਾ।
ਇਹ ਬੰਦ ਪਿਆ ਵੀ ਤੁਹਾਨੂੰ ਸੈਕੜੇਂ ਬਾਤਾਂ ਸੁਣਾ ਸਕਦਾ ਹੈ ਤੇ ਜੇ ਕਿਤੇ ਰੱਬੀਂ ਸਬੱਬੀਂ ਇਹ ਦਰਵਾਜ਼ਾ ਤੁਹਾਡੇ ਲਈ ਖੁੱਲ ਗਿਆ ਤਾਂ ਖਾਲਸਾ ਰਾਜ ਪ੍ਰਤੱਖ ਹੋ ਕੇ ਤੁਾਹਡੇ ਸਾਹਵੇਂ ਖਲੋ ਜਾਵੇਗਾ। ਸਿਖ ਰਾਜ ਦੇ ਯੋਧਿਆਂ ਦੀਆਂ ਕਿਰਪਾਨਾਂ, ਖੰਡੇ, ਬਰਛੇ, ਚੱਕਰ ਤੁਾਹਨੂੰ ਇਸ਼ਾਰੇ ਕਰਨਗੇ ਤੇ ਚੇਤੇ ਕਰਵਾਉਣਗੇ ਉਸ ਰਾਜ ਦੀ ਝਲਕ ਜਿਸ ਅੱਗੇ ਕਾਬਲ ਕੰਧਾਰ ਤੋਂ ਚੀਨ ਤੱਕ ਪਾਣੀ ਭਰਦੇ ਸਨ।
ਫਰਾਂਸ ਤੱਕ ਜਿਸਨੇ ਆਪਣਾ ਸਿੱਕਾ ਮਨਵਾਇਆ ਸੀ। ਗੋਰੇ ਜਿਸ ਦੇ ਪਰਛਾਵੇਂ ਤੋਂ ਵੀ ਡਰਦੇ ਸਨ।
ਇਹ ਦਰਵਾਜ਼ਾ ਫਕੀਰ ਖਾਨੇ ਦਾ ਹੈ। ਲਾਹੌਰ ਦੀ ਮਸ਼ਹੂਰ ਹਵੇਲੀ ਫਕੀਰਖਾਨਾ।
ਜਿਸ ਨੇ ਸਿਰਫ ਫਕੀਰ ਅਜ਼ੀਜ਼ ਉਦ ਦੀਨ ਫਕੀਰ ਨੂਰਦੀਨ ਦੀਆਂ ਯਾਦਾਂ ਹੀ ਸੰਭਾਲ ਨਹੀਂ ਰੱਖੀਆਂ ਸਗੋਂ ਪੰਜਾਹ ਸਾਲ ਦਾ ਸਾਰਾ ਪੰਜਾਬ ਹੀ ਸੰਭਾਲ ਰੱਖਿਆ ਹੈ।

25/08/2024

ਇਹ ਦਰਵਾਜ਼ਾ ਕਿਸੇ ਆਮ ਹਵੇਲੀ ਦਾ ਨਹੀਂ। ਇਸ ਦੀਆਂ ਝੀਥਾਂ ਵਿਚੋਂ ਤੁਹਾਨੂੰ ਸਿਖ ਰਾਜ ਦੀਆਂ ਝਲਕਾਂ ਨਜ਼ਰ ਆਉਂਦੀਆਂ ਹਨ। ਇਹ ਸ਼ੇਰ ਏ ਪੰਜਾਬ ਦੇ ਲਾਹੌਰ ਦੀ ਬਾਰੀ ਹੈ। ਇਹ ਤੁਹਾਨੂੰ ਟਾਈਮ ਟਰੈਵਲ ਕਰਵਾਵੇਗਾ ਤੇ ਸਮੇਂ ਤੋਂ ਪਾਰ ਜਾ ਕੇ ਤੁਹਾਨੂੰ ਉੱਨੀਵੀਂ ਸਦੀ ਦੇ ਪੰਜਾਬ ਵਿਚ ਲੈ ਜਾਵੇਗਾ।
ਇਹ ਬੰਦ ਪਿਆ ਵੀ ਤੁਹਾਨੂੰ ਸੈਕੜੇਂ ਬਾਤਾਂ ਸੁਣਾ ਸਕਦਾ ਹੈ ਤੇ ਜੇ ਕਿਤੇ ਰੱਬੀਂ ਸਬੱਬੀਂ ਇਹ ਦਰਵਾਜ਼ਾ ਤੁਹਾਡੇ ਲਈ ਖੁੱਲ ਗਿਆ ਤਾਂ ਖਾਲਸਾ ਰਾਜ ਪ੍ਰਤੱਖ ਹੋ ਕੇ ਤੁਾਹਡੇ ਸਾਹਵੇਂ ਖਲੋ ਜਾਵੇਗਾ। ਸਿਖ ਰਾਜ ਦੇ ਯੋਧਿਆਂ ਦੀਆਂ ਕਿਰਪਾਨਾਂ, ਖੰਡੇ, ਬਰਛੇ, ਚੱਕਰ ਤੁਾਹਨੂੰ ਇਸ਼ਾਰੇ ਕਰਨਗੇ ਤੇ ਚੇਤੇ ਕਰਵਾਉਣਗੇ ਉਸ ਰਾਜ ਦੀ ਝਲਕ ਜਿਸ ਅੱਗੇ ਕਾਬਲ ਕੰਧਾਰ ਤੋਂ ਚੀਨ ਤੱਕ ਪਾਣੀ ਭਰਦੇ ਸਨ।
ਫਰਾਂਸ ਤੱਕ ਜਿਸਨੇ ਆਪਣਾ ਸਿੱਕਾ ਮਨਵਾਇਆ ਸੀ। ਗੋਰੇ ਜਿਸ ਦੇ ਪਰਛਾਵੇਂ ਤੋਂ ਵੀ ਡਰਦੇ ਸਨ।
ਇਹ ਦਰਵਾਜ਼ਾ ਫਕੀਰ ਖਾਨੇ ਦਾ ਹੈ। ਲਾਹੌਰ ਦੀ ਮਸ਼ਹੂਰ ਹਵੇਲੀ ਫਕੀਰਖਾਨਾ।
ਜਿਸ ਨੇ ਸਿਰਫ ਫਕੀਰ ਅਜ਼ੀਜ਼ ਉਦ ਦੀਨ ਫਕੀਰ ਨੂਰਦੀਨ ਦੀਆਂ ਯਾਦਾਂ ਹੀ ਸੰਭਾਲ ਨਹੀਂ ਰੱਖੀਆਂ ਸਗੋਂ ਪੰਜਾਹ ਸਾਲ ਦਾ ਸਾਰਾ ਪੰਜਾਬ ਹੀ ਸੰਭਾਲ ਰੱਖਿਆ ਹੈ।

18/08/2024

ਜਮਰੌਦ : ਇਹ ਸ਼ਬਦ ਸੁਣਦਿਆਂ ਹੀ ਸਾਡੇ ਲੂ ਕੰਡੇ ਖੜ੍ਹੇ ਹੋ ਜਾਂਦੇ ਹਨ ਤੇ ਐਸੇ ਸਰਦਾਰ ਦੀ ਯਾਦ ਆ ਜਾਂਦੀ ਹੈ ਜਿਸ ਅੱਗੇ ਸ਼ੇਰ ਵੀ ਕਤੂਰਿਆਂ ਜਿਹਾ ਵਿਹਾਰ ਕਰਦੇ ਸਨ। ਉਸ ਸਰਦਾਰ ਨੇ ਜਮਰੌਦ ਐਸਾ ਡੇਰਾ ਲਾਇਆ ਕਿ ਸੈਕੜੇ ਸਾਲਾਂ ਤੋਂ ਦੱਰਾ ਏ ਖੈਬਰ ਤੋਂ ਹਿੰਦੋਸਤਾਨ ਨੂੰ ਲੁੱਟ ਪੁੱਟ ਲੈਣ ਦੀ ਮਨਸ਼ਾ ਨਾਲ ਆਉਂਦੇ ਅਫਗਾਨਾਂ ਨੂੰ ਮਾਨੋ ਜਿੰਦੇ ਲੱਗ ਗਏ।
ਸਰਦਾਰ ਦੀ ਸਮਾਧ ਦੇਖ ਕੇ ਜਾਪਦਾ ਹੈ ਜਿਵੇਂ ਉਹ ਅੱਜ ਵੀ ਸਾਡਾ ਪਹਿਰੇਦਾਰ ਬਣ ਕੇ ਬੈਠਾ ਹੋਵੇ ਤੇ ਉਸ ਦੀ ਸਮਾਧ ਤੋਂ ਭੈਅ ਖਾ ਕੇ ਅਫਗਾਨ ਅੱਜ ਵੀ ਪੰਜਾਬ ਵੱਲ ਦੇਖਣ ਦਾ ਹੀਆ ਨਾ ਕਰਦੇ ਹੋਣ।
ਸਰਦਾਰ ਹਰੀ ਸਿੰਘ ਨਲੂਏ ਨੂੰ ਕੋਟਿ ਕੋਟਿ ਪ੍ਰਨਾਮ।

Address

Imbulgoda

Telephone

+923227000083

Website

Alerts

Be the first to know and let us send you an email when KHOJ ਖੋਜ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to KHOJ ਖੋਜ:

Shortcuts

Share

Category