06/10/2021
ෆේස්බුක් කමියුනිටි ස්ටෑන්ඩර්ඩ්ස් වයලේශන්
මේක ගොඩ දෙනෙක්ට ගැටලුවක් වෙලා තිබුණ නිසා අන්තර්ජාලයෙන් සොයාගත් කරුණු සහ මේ ක්ශේත්ර වල අත්දැකීම් ඇති අයගෙන් විස්තර අහලා මේක ලියන්න හිතුනා.
ෆේස්බුක් භාවිතය බහුල වීමත් සමඟ ෆේස්බුක් හරහා ඍණාත්මක සංකල්ප, ගැටුම්කාරී මතවාද සමාජගත වීම වැළැක්වීමට තමයි මේ කමියුනිටි ස්ටෑන්ඩර්ඩ්ස් හඳුන්වා දුන්නේ. මුලින්ම මේ හැම දේම ඉංග්රීසි මාධ්යයෙන් තිබුණත් මේ වෙද්දි බොහෝ භාෂාවල පරිවර්තනයන් තියෙන නිසා අපි සිංහල හෝ දමිළ හෝ වෙන මාධ්යයකින් යම් කිසි පෝස්ට් එකක් දැම්මත් ඒක ඉංග්රීසි භාෂාවට පරිවර්තනය කරලා අධ්යනය කිරීමේ හැකියාව තියෙනවා.
අවාසනාවකට වගේ මේ කමියුනිටි ස්ටෑන්ඩර්ඩ්ස් මොනිටර් වෙන්නේ ඉලෙක්ට්රොනික මාධ්ය ( උදාහරණයක් විදියට බොට්ස් ලා හරහා වගේ ) එහෙමත් නැත්නම් පෝස්ට් එකක තියෙන වචන බොට්ස්ලා පරිවර්තනය කරලා ඒක ෆ්ලෑග් කරනවා කමියුනිටි ස්ටෑන්ඩර්ඩ් වයලේශන් කියලා. ඊට පස්සේ ඒක ඩබල් චෙක් කරනවා ෆේස්බුක් එකේ වැඩ කරන කණ්ඩායමක්. ඔවුන් බොහෝ විට ශ්රි ලාංකිකයන් නොවන අය. එතකොට අපි සාමාන්යයෙන් භාවිතා කරන උපමා, වචන ආදිය පරිවර්තනය වීමෙන් පසුව ඔවුන්ට අනුව සම්පූර්ණ වෙනත් අදහසක් ඇති කරනවා. ඒ අනුව අපේ පෝස්ට් කමියුනිටි ස්ටෑන්ඩර්ඩ් වයලේශන් වලට යනවා.
උදාහරණයක් විදියට ලියාරා ෆැමිලි ග්ෲප් එකේ දාලා තිබුණා මෙන්න මේ දරු නැලවිල්ල.
නුඹේ අම්මත් ඉතා කලුයි
නුඹේ අප්පත් ඉතා කලුයි
නුඹ නලවන මාත් කලුයි
නුඹ විතරක් තලඑළලුයි
මේක අපේ ජනසම්ප්රදායේ එන නැලවිලි ගීයක්. නමුත් ෆේස්බුක් එකෙන් මේක කමියුනිටි ස්ටෑන්ඩර්ඩ් වයලේශන් එකක් විදියට හඳුනාගෙන තිබුණා.
හේතුව "කලුයි" කියන වචනය. මේ වචනය බොහෝ විට කලු ජාතිකයන්, එහෙමත් නැත්නම් කලු ඇමරිකානුවන් ආදී ජන කොට්ඨාශ හැඳින්වීමට භාවිතා කරනවා. මෙය පිළිගන්නේ එක්තරා ආකාරයකට කෙනෙක්ට අගෞරව කිරීමට යොදන පදයක් ලෙස.
මේ වගේම අපි භාවිතා කරන බොහොම සාමාන්ය වචන සමහර අවස්ථා වලදී හඳුනාගන්නවා කමියුනිටි ස්ටෑන්ඩර්ඩ් වයලේශන් විදියට. උදාහරණ විදියට මුස්ලිම් ජාතිකයෙක් ගැන මට පවසන්න අවශ්ය වුවත් මුස්ලිම් කියන වචනය භාවිතා කරන්න බෑ. මීට අමතරව හඳුනාගත් සහ හඳුනා නොගත් වචන බොහොමයක් කමියුනිටි ස්ටෑන්ඩරඩ් වයලේශන් වලට ඇතුළත් වෙනවා.
ඒ වගේම සියදිවි හානි කරගැනීම් පිළිබඳව ඇඟිලි දික් වීමක් පසු ගිය දින වල ෆේස්බුක් එකට යොමු වුණා. ඒ නිසා දැන් සියදිවි හානිය පිළිබඳව සහ ඒ සඳහා කෙනෙක්ව පොළඹවන ආකාරයේ පෝස්ට් ගැන ෆේස්බුක් කණ්ඩායම් ඉතාම සැලකිලිමත්.
සයිබර් බුලින්ග් සම්බන්ධයෙනුත් ඔවුන්ට තියෙන්නෙ දැඩි මතයක්. ඒ අනුව කෙනෙක්ව බුලි කරන ආකාරයේ වචන, පෝස්ට් ඔවුන් කමියුනිටි ස්ටෑන්ඩර්ඩ් වයලේශන් ගණයට ඇතුළත් කරනවා.
ඒ වගේම රටකට, ආගමික ස්ථානයකට, ආගමික මතයකට, ප්රසිද්ධ පුද්ගලයෙක් එල්ලකරගෙන කරන විවේචන පිළිබඳවත් ඔවුන් සැලකිලිමත්.
වෛරී ප්රකාශ පැතිරවීම්, කුපිත කිරීම් ආදිය ගැනත් ඉතාම දැඩි මතයක තමයො ෆේස්බුක් කණ්ඩායම සිටින්නේ.
ඔබගේ ග්ෲප් එකට කමියුනිටි ස්ටෑන්ඩර්ඩ්ස් වැදගත් වෙන්නෙ ඇයි?
ෆේස්බුක්හි අරමුණ විදියට එයාලා කියන්නේ අර්ථවත් සම්බන්ධතා ඇති ආරක්ෂිත ස්ථානයක් ලබා දීම කියලා. ඒ අනුව සමූහයක් තුළ අදහස් දැක්වීමේදී කිසි අයකුට හානියක් නොවන අයුරින් අදහස් දැක්වීම ඔවුන් බලාපොරොත්තු වෙනවා. බොහෝ ත්රස්ත කණ්ඩායම්, ආගමික මතවාද දරන්නන් නොයෙක් ආකාරයේ ෆේස්බුක් එකවුන්ට් ඔස්සේ ප්රජාව වෙත ළං වෙමින් විවිධ මත පතුරවන්න උත්සාහ කිරීමේදී ඔබේ සමූහයත් ඔවුන්ගේ ඉලක්කයක් වන්නට පුලුවන්. මෙය ඔබ නොදැනුවත්වම සිදු විය හැකියි. අන්න ඒ නිසා අවදානයෙන් ඉඳීම වැදගත්.
ෆේස්බුක් කණ්ඩායම විශ්වාස කරන්නේ සමූහයක පරිපාලක සහ උපපරිපාලක තනතුරු දරන්නන් විසින් තම කණ්ඩායම් සාමාජිකයන් පවසන දේ සහ සමාජගත කරන දේවල් පිළිබඳව යම්තාක් දුරකට වගකීමක් ගත යුතු බව. ඉතින් ඒ අනුව ග්ෲප් ඇඩ්මින්ස්ලා විදියට අපිට මේ වෙද්දි යම්තාක් දුරකට භාරදූර කාර්යයක් පැවරිලා තියෙනවා.
https://about.fb.com/news/2019/04/insidefeed-community-standards-development-process/
පහත කාණ්ඩ යටතේ ෆේස්බුක් කණ්ඩායම විසින් වර්ග කරලා තියෙනවා මොන වගේ දේවල් ද ෆේස්බුක් හරහා සමාජගත කරන්න බැරි කියලා.
1. වයලන්ට් ඇන්ඩ් ඉන්සයිට්මන්ට් - ප්රචණ්ඩකාරී සහ උසිගැන්වීම්
ෆේස්බුක් හරහා ප්රචණ්ඩත්වය සමාජගත කිරීමේ අවකාශ නොමැත. ඒවාගේම යම් කිසි රටකට, පුද්ගලයෙක්ට තර්ජනය වන ආකාරයේ පෝස්ට් ෆේස්බුක් කමියුනිටි ස්ටෑන්ඩර්ඩ්ස් ඔස්සේ ඉවත් කිරීමේ හැකියාව ඇත. ත්රස්තවාදය ආගම්වාදය පතුරනව හෝ ඒවාට අනුබල දෙන පෝස්ට් සඳහා ඉඩ නැති අතර ඒ සම්බන්ධව සැක ඇති ඕනෑම විටක ගිණුම පවා අක්රීය කිරිමේ අවකාශ ෆේස්බුක් සමාඟමට ඇත.
2. ඩේන්ජරස් ඉන්ඩිවිජුවල් ඇන්ඩ් ඔර්ගනයිසේශන්ස් - හානිකර පුද්ගලයින් සහ සංවිධාන
ලෝකයේ රටවල් වලට හානිකර වන පුද්ගලයන් හෝ සංවිධාන මගින් සිදු කරන ෆේස්බුක් ප්රොෆයීල්, පිටු සහ සමූහ මෙන්ම පෝස්ට්ද ෆේස්බුක් කණ්ඩායම් මඟින් ඉවත් කරනු ලැබේ. ප්රචණ්ඩත්වය සමාජගතවීම වැලැක්වීම මෙහි අරමුණ වන අතර ඒ යම් යම් පුද්ගලයින්ගේ අනුගාමිකයන් විසින් අදාල පුදගලයා හෝ සංවිධානය හෝ මත සමාජගත කරන පෝස්ට් ෆේස්බුක් හරහා ප්රචාරය කරයි නම් ඒවා ඉවත් කිරීමේ හැකියාව ඇත.
මේ යටතේ
* ත්රස්තවාදී සංවිධාන
* සංවිධානාත්මක වෛරය පතුරවන ආයතන
* මිනී මැරුම් ආදිය සිදු කරන ආයතන/ පුද්ගලයන්
* මිනිස් ජාවාරම් සිදු කරන ආයතන
* සංවිධානාත්මක කල්ලි
ආදියේ ප්රචාරණයන් සිදු කළ නොහැක.
ඒ වගේම මෙවැනි ක්රියාවන්ට අනුබල දෙන පෝස්ට් සහ කමෙන්ට්ද ෆේස්බුක් කමියුනිටි ස්ටෑන්ඩර්ඩ්ස් වලට විරුද්ධ වේ.
3. කෝඩිනේටින්ග් හාම් ඇන්ඩ් පබ්ලිසයිසින්ග් ක්රයිම්ස්
නොයෙක් ආකාර වල ප්රචණ්ඩක්රියා, හානිදායක ක්රියා සම්බන්ධීකරණය කිරිම සහ අපරාද වලට ප්රචාරණය ලබා දීමේ අවකාශ ෆේස්බුක් හරහා අහුරා ඇත.
4. රෙගියුලේටඩ් ගුඩ්ස් - නියාමනය කළ භාණ්ඩ
ෆේස්බුක් හරහා මත්ද්රව්ය වෙළඳාම සහ ප්රචාරණට ආදියට අවකාශ නොමැති අතර නියාමනය කරන ලද භාණ්ඩ ප්රචාරණයට පමණක් අවකාශ සලස්වා ඇත. ඒ වගේම ගිනි අවි, ගිනි අවි කොටස් මිලදී ගැනීම සහ හුවමාරුවද ෆේස්බුක් හරහා තහනම් ය.
5. ෆ්රෝඩ් ඇන්ඩ් ඩිසෙප්ශන් - වංචාව සහ රැවටීම
පුදගලයින් රැවටීමට හෝ වංචාවට ලක්වන ආකාරයේ පෝස්ට් සහ ප්රචාරණයන් ෆේස්බුක් මඟින් තහනම් කර ඇත.
6. සුයිසයිඩ් ඇන්ඩ් සෙල්ෆ් ඉන්ජරි
සිය දිවි හානිකරගැනීම සහ තමන් විදින් තමන්ට හානි කරගැනීමට පොළඹවන ආකාරයේ අන්තර්ගතයන් ඇති පෝස්ට් / ග්ෲප්ස්/ පේජස් ෆේස්බුක් හරහා ප්රචාරණය තහනම් ය.
සිය දිවි නසාගැනීම් ප්රචාරණය පිළිබඳව ෆේස්බුක් ඉතා දැඩි මතයක සිටී.
7. චයිල්ඩ් සෙක්ශුවල් එක්ස්ප්ලොයිටේශන්, ඇබියුස් ඇන්ඩ් නියුඩිටි
දරුවන් ලිංගික සූරාකෑම් වලට ලක් කිරීම, අපයෝජනය ආදිය සඳහාද ෆේස්බුක් හරහා ඉඩ නැත. මෙවැනි කරුණු සම්බන්ධ පෝස්ට් ප්රතික්ෂේප වීම මෙන්ම ඒ පිළිබඳව අදාල ආයතන දැනුවත් කිරීමද ෆේස්බුක් හරහා සිදු වේ. ඒ වගේම ඒ සම්බන්ධ මත ගොඩ නඟන පුදගලයින්/ සංවිධාන පිළිබඳව දැඩි අවධානයෙන් පසු වේ. දරුවන්ගේ නිරුවත් පින්තූර ෆේස්බුක් එකට එකතු කිරීමට අවකාශ නැත. හොඳ චේතනාවකින් (දෙමාපියන් විසින්) එම ඡායාරූප එක් කලත් එම රූප ඉවත් කිරීම සිදු වේ.
8. සෙක්ශුවල් එක්ස්ප්ලොයිටේශන් ඔෆ් ඇඩල්ට්ස්
වැඩිහිටි ලිංගික සූරාකෑම් වලට අදාල පෝස්ට් සහ පින්තූර ප්රචාරණයටද ෆේස්බුක් හරහා ඉඩ ලබා දෙන්නේ නැත. නමුත් ලිංගික හිංසනය සහ සූරාකෑම පිළිබඳව සාකච්ඡා කිරීමට හා අවධානය යොමු කිරීමට සුදුසු ස්ථානයක් ලෙස ෆේස්බුක් අවකාශ ලබා දී ඇති අතර මෙම සංවාදයට අවකාශය නිර්මාණය කිරීමට සහ ආරක්ෂිත පරිසරයක් ප්රවර්ධනය කිරීමේ උත්සාහයක් ලෙස, වින්දිතයින්ට ඔවුන්ගේ අත්දැකීම් බෙදා ගැනීමට ඉඩ ඇත. නමුත් ලිංගික හිංසනය, ලිංගික අතවර හෝ ලිංගික සූරාකෑම නිරූපණය කරන, තර්ජනය කරන හෝ ප්රවර්ධනය කරන අන්තර්ගතයන් එක් කිරීමේ හැකියාව නැත.
ඒ වගේම ලිංගික ක්රියාවන් ප්රදර්ශනය කිරිම සහ ප්රවර්ධනයට ඉඩ නැත. පුද්ගල කැමැත්තකින් තොරව එක් කරන ලද පෞද්ගලික ඡායාරූප ආදිය ඉවත්කිරීමට ෆේස්බුක් වලට හැකියාව ඇත ( පැමිණිල්ලක් ලැබුනහොත්)
9. බුලින්ග් ඇන්ඩ් හැරැස්මන්ට්
බුලි කිරීම සහ හිරිහැර කිරීමට අදාල පෝස්ට් වලට ඉඩ නැත. පුද්ගලිකව හඳුනාගත හැකි තොරතුරු මුදා හැරීම, තර්ජනාත්මක පණිවිඩ යැවීම සහ අනවශ්ය සම්බන්ධතා සඳහා ආරාධනාවන් ආදී බොහෝ ආකාර වල ක්රියා මේ යටතේ තහනම් ය.
පොදු සහ පෞද්ගලික පුද්ගලයන් ලෙස පුද්ගල කොටස් දෙකක් ෆේස්බුක් කණ්ඩායම් හරහා හඳුනාගෙන ඇති අතර පොදු පුද්ගලයන් (පබ්ලික් ෆිගර්ස්) සඳහා විවේචන වලට යම්තාක් දුරකට අවකාශ ඇතත් පෞද්ගලික පුද්ගලයන් සඳහා විවේචනයන්, කෙනෙක් එල්ල කරගෙන ප්රහාර ඇති කිරීම් ආදිය කමියුනිටි ස්ටෑන්ඩර්ඩ්ස් වයලේශන් ගණයට ඇතුලත් වේ.
කෙනෙක්ගේ ලිංගිකත්වය හාසයයට ලක් කිරීම ආදිය ගැන ෆේස්බුක් දැඩි මතයක් සිටී.
10. හියුමන් එක්ස්ප්ලොයිටේශන් - මිනිස් ශ්රමය සූරාකෑම
මිනිස් ශ්රමය සූරාකෑම් සහ මානව ජාවාරම් සඳහා ෆේස්බුක් ඔස්සේ ඉඩ නැත.
11. ප්රයිවසි වයලේශන් ඇන්ඩ් ඉමේජ් ප්රයිවසි රයිට්ස්
පුද්ගල අනන්යතාවය ආරක්ෂා කිරීමට ෆේස්බුක් බැඳී සිටී. ඒ අනුව ඔබගේ පෞද්ගලිකත්වය සහ අන්නය්තාවය පිළිබඳව ෆේස්බුක් කණ්ඩායම අවධානය යොමු කරන අතර යම් ආකාරයකින් ඔබගේ අනන්යතාවයට තර්ජනය වන සිදුවීමක් වී ඇත්නම් ඒ පිළිබඳව ෆේස්බුක් සමාගමට දැනුම් දී අවශ්ය ක්රියාමාර්ග ගැනීමේ පහසුකම ඇත. ඒ වගේම ඔබගේ තිරතුරු අවභාවිතා කිරීම , පුද්ගලිකව හඳුනාගත හැකි තොරතුරු හෝ මූල්ය, නේවාසික සහ වෛද්ය තොරතුරු මෙන්ම නීති විරෝධී ප්රභවයන්ගෙන් ලබාගත් පුද්ගලික තොරතුරු ඇතුළුව භෞතික හෝ මූල්යමය හානිවලට තුඩු දිය හැකි වෙනත් පුද්ගලික තොරතුරු බෙදාහදා ගැනීම, පිරිනැමීම හෝ ඉල්ලා සිටීම ෆේස්බුක් කණ්ඩායම මඟින් ඉවත් කරනු ලැබේ.
12. හේට් ස්පීච් - වෛරී සහගත පෝස්ට්/ කමෙන්ට්ස්
ජාතිය, ජනවාර්ගිකත්වය, ජාතික සම්භවය, ආබාධිතභාවය, ආගමික බැඳීම, කුලය, ලිංගික දිශානතිය, ස්ත්රී පුරුෂ භාවය, ස්ත්රී පුරුෂ භාවය සහ බරපතල රෝග යන කරුණු පදනම් කරගෙන වෛරී කථාව මිනිසුන්ට එරෙහි සෘජු ප්රහාරයක් විදියට ෆේස්බුක් මඟින් හඳුනාගෙන ඇත. ප්රචණ්ඩකාරී හෝ අමානුෂික කතා, හානිකර ඒකාකෘති, පහත් ප්රකාශ, පිළිකුල හෝ නෙරපා හැරීම, ශාප කිරීම සහ බැහැර කිරීම හෝ බෙදුම්වාදය වැනි ප්රකාශත් මේ අනුව ෆේස්බුක් හරහා සමාජගත කරන්නට බෑ.
සංක්රමණික ප්රතිපත්ති පිළිබඳ විවරණ සහ විවේචන වලට ෆේස්බුක් ඉඩ දුන්නත් සරණාගතයින්, සංක්රමණිකයන් ආදී සංවේදී මාත්ෘකා ගැන ෆේස්බුක් කණ්ඩායම් දැඩි අවදානයක් යොමු කරනවා.
13. වයලන්ට් ඇන්ඩ් ග්රැෆික් කන්ටෙන්ට් - ප්රචණ්ඩකාරී සහ ග්රැෆික් නිර්මාණ
ප්රචණ්ඩකාරීබව ඉස්මතු වන පෝස්ට්, රූප සහ ග්රැෆික් නිර්මාණ ෆේස්බුක් හරහා ප්රචාරණයට ඉඩ නෑ. නමුත් සමාජගැටලු ආදිය ගැන දැනුවත් කරන වීඩියෝ, පින්තූර ආදියට යම්තාක් දුරකට ෆේස්බුක් හරහා අවකාශ සැලසෙනවා. බොහෝ වෙලාවට ඒ වගේ පින්තූර යම් කිසි කවර් කිරීමකට ලක් වෙලා අවශ්ය නම් විතරක් බැරඹීමේ අවකාශ ලබා දෙන අතර වයස් කාන්ඩ අනුව සමහර රූප අවුරුදු 18 ට අඩු අයට නැරඹීමේ අවකාශ ලබා දෙන්නෙ නෑ.
14. අඩල්ට් නියුඩිටි ඇන්ඩ් සෙක්ශුවල් ඇක්ටිවිටි- වැඩිහිටි නිරුවත සහ ලිංගික ක්රියාකාරකම්
මෙහිදී නිරුවත සහ ලිංගික ක්රියාකාරකම් දැක්වෙන පින්තූර සහ වීඩියෝ යම් කිසි සීමාවන්ට යටත්ව පෝස්ට් කිරීමේ අවකාශ ලබා දී ඇත. බාලවයස් කාණ්ඩ සහ සංවේදී පුද්ගලයින් සමාජමාධ්ය භාවිතා කරන බැවින් මෙම පියවර ගෙන ඇතිබව ෆේස්බුක් කණ්ඩායම දක්වා සිටී. බොහෝ අවස්ථාවල හාස්යජනක ලෙස හෝ අධ්යාපනික මට්ටමින් ලිංගික කරුණු දැක්වෙන පෝස්ට් හැරුණුකොටගෙන වෙනත් ආකාරයේ ලිංගිකත්වය උද්දීපනය වන පෝස්ට් සඳහා ෆේස්බුක්හි ඉඩ නැත. නමුත් අරමුණ මත යම් කිසි ආකාරයකින් ලිංගිකත්වය මතුවන පෝස්ට් සඳහා ඉඩ ඇත (උදා: වෛද්ය ගැටලු)
තවද කාන්තාවන්ගේ පියයුරු තුඩ (නිපල්ස්) දැක්වෙන ඡායාරූප ෆේස්බුක් හරහා පෝස්ට් කළ නොහැකි වුවත් වෛද්ය ගැටලු ලෙස යම් කිසි රූපයක් පළ කරන්නේ නම් ඒ සඳහා අවකාශ ඇත (නමුත් මෙතන ඔවුන් එය කෙසේ හඳුනාගනීදැයි ගැටලු ඇත)
ඒ වගේම ලිංගික අවයව ප්රදර්ශනය වන ඡායාරූප ෆේස්බුක් හි පළ කල නොහැක.
නමුත් ලිංගිකත්වය නිරූපණය වන සිතුවම් හෝ මූර්ති වල ඡායාරූප පළ කිරීමේ ගැටලුවක් නැත.
15. සෙක්ශුවල් සොලිසිටේශන් - ලිංගික සූරාකෑම්
ෆේස්බුක් හරහා ගණිකා ව්ෘත්තිය ආදී ලිංගිකත්වය විකිණීමේ රැකියා ප්රවර්ධනය කළ නොහැක. නොයෙක් ආකාරයේ වැඩිහිටි ක්රියාකාරකම් සහ තමන්ගේ ලිංගිකත්වය භාවිතයෙන් මුදල් ඉපයීම හෝ වෙනත් ායෙකුගේ ලිංගිකත්වය සහ පෞද්ගලිකත්වය අවභාවිතය වැලැක්වීමට අවශ්ය පියවර ෆේස්බුක් කණ්ඩායම මඟින් ගනු ලැබේ.
ඒ වගේම ලිංගික ජාවාරම් සහ ගණුදෙනු ද ෆේස්බුක් හරහා සිදු කළ නොමැති අතර ඒ සඳහා භාවිතා කරනා වචන පෙර කී ලෙස ෆ්ලෑග් වී ඇත.
16. ක්ෘවල් ඇන්ඩ් ඉන්සෙන්සිටිව් - කුරිරු සහ අසංවේදී
බොහෝ අය විසින් කෙනෙක් හෝ සමාජ කොට්ඨාසයක් ඉලක්ක කරගෙන සිදු කරන කුරිරු සහ සංවේදී නොවන ප්රකාශ ෆේස්බුක් මඟින් සමාජගතවීම සීමා කරනු ලැබේ. විශේෂයෙන් කෙනෙක්ව සමච්චල් කිරීමේ අදහසින් සිදු කරන ප්රකාශ සඳහා ෆේස්බුක් හි අවකාශ නැත.
17. එකවුන්ට් ඉන්ටර්ග්රිටි ඇන්ඩ් ඔතෙන්ටික් අයිඩෙන්ටිටි
අව්යාජ ගිණුමක් තිබීම වැදගත් වන අතර මෙය බොහෝ විට අනවශ්ය බලපෑම් ඇති වීමෙන් වැලැකීමට හේතු වේ. අනිසි ලෙස භාවිතා කරනා ගිණුම් ඉවත් කිරීමේ හැකියාව ෆේස්බුක් සතු වේ.
18. ස්පෑම්
ස්පෑම් ලෙස හඳුනාගත් මැසේජ් සහ පෝස්ට් හරහා සමාජයට අවැඩක් වන අන්තර්ගතයන් සමාජගත වීම වැලැක්වීමට ෆේස්බුක් කටයුතු කරයි. ආරක්ෂාවට, භාවිතයට සහ ස්ථාවරත්වයට තර්ඣනයක් වන පණිවුඩ සහ පෝස්ට් ඉවත් කිරීම සහ සීමා කිරීම සිදු වේ.
19. සයිබර් සිකියුරිටි
ෆේස්බුක් භාවිතා කරන්නන්ගේ ආරක්ෂාවට තර්ජනය වන සිදුවීම් ෆේස්බුක් මංගින් හඳුනාගෙන ඉවත් කිරීම හෝ සීමා කිරීම සිදු කරනු ලබයි.
20. ඉන් ඔතෙන්ටික් බිහේවියර්
ෆේස්බුක් හරහා ව්යාජ ගිණුම් නිර්මාණය කිරීම, වැරදි නිරූපණයන් ආදිය සීමා කරනු ලැබේ. ඒ වගේම යම් කිසි අන්තර්ගතයක් / පෝස්ට් එකක ජනප්රියතාවය වැඩි ක්රීමට ව්යාජ ගිණුම් ඔස්සේ සිදු කරන ප්රවර්ධනයන්ද සීමා කර ඇත.
21. ෆෝල්ස් නිව්ස්
වැරදි පුවත් සමාජගතවීම හැකි තාක් අවම කිරීමට ෆේස්බුක් පියවර ගෙන ඇත. ඒ අනුව වැරදි හෝ සාවද්ය තොරතුරක් ලෙස පැමිණිලි ලැබුණහොත් ඒවා වහාම ඉවත් කිරිම සිදු වේ.
22. මැනිපියුලේටඩ් මීඩියා
සංස්කරණය කරන ලද / සකස් කරන ලද මාධ්ය සහ රූප ඔස්සේ වැරදි තොරතුරු සමාජගත වීම ෆේස්බුක් හරහා වැලැක්වීමට කටයුතු යොදා ඇත. නොමග යවන සුලු රූපරාමු ආදියද ෆේස්බුක් හරහා ප්රචාරණයට ඉඩ නැත.
23. ඉන්ටලෙක්චුවල් ප්රොපර්ටි -බුද්ධිමය දේපල
ඔබ විසින් ෆේස්බුක් සඳහා එක් කරනා සෑම දේකම අයිතිය ඔබ සතු වන අතර මෙය ඉතාම තදින් ෆේස්බුක් කණ්ඩායම විසින් සලකා බලනු ලැබේ. ඒ වගේම වෙනත් කෙනෙක් විදින් පළ කරන ලද පෝස්ටුවක් උපුටා දැක්වීමේදී ඒ සඳහා ඔබට නිසි අවසරය ඇති බව පිළිබඳව සැලකිලිමත් වීම වැදගත් වේ. අනෙක් අයගේ ප්රකාශන හිමිකම්, වෙළඳ ලකුණු සහ වෙනත් නීතිමය අයිතිවාසිකම්වලට ඒ ඒ රටට අනුව නීතිය ක්රියාත්මක වන බැවින් ෆේස්බුක් ඔස්සේ වුවත් එවැනි බුද්ධිමය දේපළ යටතේ ගැටලු ඇති කිරීමේ අවකාශ අහුරා ඇති බව මතක තබා ගන්න.
වෙනත් අයකුගේ වෙළඳ ලකුණක් ආදී බුද්ධිමය දේපල හා සම්බන්ධ වන අංශ ප්රචාරණය සඳහා ෆේස්බුක් ඉඩ ලබා දෙන්නේ නැත.
https://transparency.facebook.com/
ඉහත කාරණා වැඩි වශයෙන් ග්ෲප් ඇඩ්මින් කෙනෙක් සඳහා අවශ්ය වන අතර මේ කාරණා වලට අනුකූලව අපේ පෝස්ට් වල හෝ කමෙන්ට් වල අඩංගු පිතූර සහ වචන මඟින් එහි අන්තර්ගතය යම්කිසි පෙරණයකට ලක් කිරීම ෆේස්බුක් කණ්ඩායම හරහා සිදු වේ. ඒ අනුව දිගින් දිගටම යම් කිසි සමූහයක් ඔස්සේ ඉහත කී කමියුනිටි ස්ටෑන්ඩර්ඩ්ස් කඩ වීමක් දක්නට ලැබුණහොත්
1. අවවාදයක් ලබා දීම - වෝනින්ග්
2. ගිණුම තාවකාලිකව අත් හිටුවීම
3. ගිණුම සම්පූර්ණයෙන්ම අත් හිටුවීම
යන ක්රියාමාර්ග ගැනීමට ෆේස්බුක් කණ්ඩායමට හැකියාව ඇත.
මේ සඳහා කෙනෙක් හෝ කණ්ඩායමක් යම් කිසි පෝස්ට් එකක් රිපෝට් කිරීම අත්යවශ්ය නොවන අතර මම මුලින් සඳහන් කල අයුරින් වචන පෙරණය මඟින් හඳුනාගැනීමෙන් පවා අදාල ගිණුම හෝ සමූහය ගැන තීරණය කිරිමේ හැකියාව ෆේස්බුක් සතු වේ.
ඒ වගේම යම් කිසි රටක අදාල මාධ්ය අංශ මඟින් රටට/ රජයට හෝ නීතියට ඇති තරජන පිළිබඳව ෆේස්බුක් ආයතනය දැනුවත් කර ඒ සඳහා උපකාර ඉල්ලීමේ / අනවශ්ය ගිණුම් අක්රිය කිරිමට ඉල්ලීමේ හැකියාව ඇත.
වැඩි විස්තර සඳහා පහත ලින්ක් බලන්න.
https://www.facebook.com/communitystandards/
https://www.facebook.com/community/using-key-groups-tools/understanding-community-standards/
https://about.fb.com/news/2019/04/insidefeed-community-standards-development-process/
හංසනි හිදැල්ලආරච්චි
