Api Jesuge අපි ජේසුගේ

18/09/2025

ගම්පහ ඉඳිගොල්ල සාන්ත ජූඩ් මුනි දෙව්මැදුර ක්‍රියාශීලී ජවසම්පන්න පූජක පුතුන් යටතේ එදා අතීතයේ නන් දෙසින් ආ කිතුනු බැතිමතුන්ගේ ආදරය දිනාගත් ශ්‍රී ලංකාවේ ප්‍රධාන සිද්ධස්ථානයක්.සෑම මසකම පෝය දින පැවැත්වෙන ''සුව මෙහෙය'' සුවිශේෂී වූ අතර ඒ සඳහා එදා විශාල බැතිමතුන් පිරිසක් සහභාගි විය.එය අද දක්වාම පැවැත්වෙන නමුත් නොයෙක් හේතූන් මත ඊට සහභාගීවන පිරිස අද වන විට අතලොස්සක් වී ඇත.කෙසේ වෙතත් ඉඳිගොල්ල සිද්ධස්ථානය යනු පැමිණෙන කාට වුණත් සැනසීම සුවය දෙන පරිසරයකින් වටවූ සුන්දර ස්ථානයකි.තමන්ගේ බලාපොරොත්තු ඉටු කරගන්නා පිණිස ජූඩ් මුනිතුමන්ගේ මැදහත්කම පතා පැමිණෙන සියල්ලන්ගේ සරණය සැනසුම ලබාදුන් ආශිර්වාදයෙන් පිරුණු පුද බිමකි.තවමත් ඔබ මේ පුදබිමෙහි පහස ලබා නොමැති නම් , එය විඳගැන්මට ආරාධානා කරනවා හැකි දවසක.....
ඔබ සැමගේ බලාපොරොත්තු දෙවියන් තුළ ඉටුවන ශුද්ධවූ ජූඩ් මුනි මැදහත්කම පිරි ලස්සන දවසක් වේවා ! 💚✝️

18th of September 2025
©️Api Jesuge අපි ජේසුගේ
#ජේසුගේමහගෙදර ゚

17/09/2025

ජුසේ තාත්තා 🤎✝️

©️Api Jesuge අපි ජේසුගේ

゚

17/09/2025

ගැළවීමේ ඉතිහාසය තුළ අපිට විවිධ චරිත හමුවෙනවා වීරවරු, රජවරු, ජන නායකයො වගේ ප්‍රබල චරිත... නමුත් අවසානයේ ගැළවීමේ උච්ඡතම අවස්ථාවේ ඒ ලස්සනම කතාව නිර්මාණය වන්නෙ පුංචි පවුලක් එක්ක.එකෙන් අපට දෙන පණිවිඩය ලෝකයක් දිනන්න වුණත් පටන් ගන්න එකම තැන පවුල.හැමදේකම මුල පවුල.පවුලක් නැතිනම් මනුස්සයෙක් නෑ..දෙවියන් වහන්සේ එදා මුලු ලෝකයම මවල බාර දුන්නෙත් පවුලකට.අවසානයේ තමන්ගෙ එකම පුතත් එක්ක ගැළවීමේ මහ කාර්‍ය බාරදෙන්නෙත් පවුලකට.......අපිටත් දීල ඇති ලස්සන පවුලක්, අපිටත් ඇති කැඳවීමක්.... අභියෝග ගොඩක් එක්ක.....පහසු නැති ගමනක්.ගැළවීමකට උපත දෙන්න එදා බලාපොරොත්තු පොදි බැඳගෙන බෙත්ලෙහෙම් ගමන ගිය මරියා ජුසේ ඒ ගමන ගියෙ තනියම නෙවෙයි.ජේසුවත් කුසයේ දරාගෙන....... අපිත් පහසු නැති මේ ගමන යන්න ඕන ජේසුත් එක්ක.එතකොට තමයි අභියෝග මැද්දෙත් මේ ගමන ලස්සන.....❤💙🤎

17th of September 2025
©️Api Jesuge අපි ජේසුගේ
#ජේසුගේමහගෙදර ゚

16/09/2025

'' ඉපදුනට පස්සෙ අවුරුදු 2කින් දුවව දැක්කෙ නෑ.. මෙදාපාරවත් නත්තලට ගෙදර එන්න ඕන... ඒත් සල්ලිත් නෑ.......''
මේ එක සහෝදරයෙක් ළඟදි අපිට කියපු වචන ටිකක්........
තමන්ගෙ දරුවො බිරිඳෑවරු ස්වාමිපුරුෂයන් , සමහරවිට අම්මා තාත්තා , සහෝදර සහෝදරියන්ව අත්හැරලා පිට රටවල් වල තනි වෙච්ච , ඒ වගේ තව ගොඩක් අය ඇති..... මේ ප්‍රාර්ථනය ඒ හැමෝම වෙනුවෙන්........

ඒ ආදරණීය සිහින ජේසු පිහිටෙන් සැබෑවෙන්නයි අපේ ප්‍රාර්ථනාව 🙏🥹

©️Api Jesuge අපි ජේසුගේ
#ජේසුගේමහගෙදර ゚

16/09/2025

ආදරය උතුරන සාමය පතුරන අවුරුද්දෙ ලස්සනම දවස්,
හිත කැමතිම දවස්, ජේසුගෙම ආදරණීය දවස්........
එන්නෙ ඉස්සරහට.........
ආදරය බෙදාගන්න, බිඳුනු රිදුනු තැන් හදාගන්න
ලෑස්තිවෙලා ඉන්න.............❤🎄🎁

©️Api Jesuge අපි ජේසුගේ
#ජේසුගේමහගෙදර ゚

16/09/2025

'' හිතම නිවන සාන්ත අන්තෝනි මුනි නිවහන - කලබල සිත දැහැන්ගත කරන පුංචි පාදුවාව '' 🤎✝
Saint Anthony's Shrine, Kochchikade

16th of September 2025
©️Api Jesuge අපි ජේසුගේ
#ජේසුගේමහගෙදර ゚

15/09/2025

සැප්තැම්බර් 16 වෙනිදා උදා වෙනවා කියන්නෙ.....
අමුතු සීතල හැඟීමක් දැනෙන්න ගන්නවා.........
''ඔව් නත්තලට තව දවස් 100යි..... හැමදේම අමතක කරන ලොකු සතුටක් දැනෙනවා ''

©️Api Jesuge අපි ජේසුගේ
゚

15/09/2025

- P I E T A -
''හිතම ඉරාගන්න හිතෙන දුක,
හදවතින් දරාගන්න උගන්වපු අම්මා''' 💙

Ferdiya Photography

©️Api Jesuge අපි ජේසුගේ
゚

15/09/2025

පියෙටා 💙

1498-99 කාලයේ නිර්මාණය වූ අඩි 5යි අඟල් 9ක් උසැති "පියෙටා'' (Pieta) ප්‍රතිමාව කිරිගරුඬ ගලකින් නෙළන ලද මූර්තියකි. කුරුසියේ මිය ගිය තම පුතුණුවන් (ජේසුස් වහන්සේ) සිය ඇකයේ හොවා ගෙන ශෝකයෙන් පසුවන මරි මවුන්ගේ ශෝකී විලාශය මෙයින් මනාව නිරූපනය කෙරේ.පියෙටා කෘතියේ වැදගත් කලා ලක්ෂණයක් වන්නේ ජීවමාන මරිය මව්තුමියගේ ජීවමාන ස්වරූපයත්, මළ ජේසු තුමගේ ශරීරයේ අප්‍රාණික හිස සහ දකුණත පහතට කඩා වැටුණු ස්වරූපයෙන් ද නෙලීමට ඇන්ජලෝ ශිල්පියා ඉතා විශිෂ්ඨ ශූරතාවයය. දේව මාතාවන්ව ඉතාමත් තරුණ පෙනුමකින් තමයි නිර්මාණය වී තිබුණේ.දේවමාතාවන් වහන්සේ තම අඩවන් නෙතින් ජේසුතුමාගේ නිසල දේහය දෙස බලා සිටින අයුරු නිරූපනය කරයි. තවද මරියාවන්ගේ වස්ත්‍ර රැළි ඉතා තාත්විකය.පේසුතුමගේ ශරීරය රෙදි කඩකින් පමණක් අවරණය වී ඇති සේ නිරූපනය කිරීම තුළින් ශිල්පියා තුළ මිනිස් සිරුරේ මාංශ පේෂීන් හා හැඩ තල ඉස්මතු කිරීමේ දක්ෂතාවය මනාවට පසක් කර ඇත.

මෙය මයිකල් ඇන්ජලෝ නම් චිත්‍ර මූර්ති ශිල්පියාගේ ප්‍රධානතම කලා නිර්මාණ වලින් එකකි.මෙය නිර්මාණය කරද්දි ඔහුගේ වයස 24ක් පමණයැයි සඳහන්.මෙම නිර්මාණයේ පමණයි ඇන්ජලෝගේ අත්සන සටහන් කර ඇත්තේ.
මුලින්ම මෙම මූර්තිය සාන්ත පෙට්‍රොනිල්ල දේවස්ථානයේ තැන්පත් කර තිබුණත් පසු කාලීනව එය සාන්ත පීතර් බැසිලිකාවට ගෙන යන ලදි..අද දක්වාම එය එතන පවතියි....
මෙයින් නිරූපනය කෙරෙන්නේ වික්ෂෝප දේවමාතාවන් ලෙසම මෙම ප්‍රතිමාව ද නොයෙක් වර විවිධාකාර ගැටළුකාරී තත්වයන්ට මුහුණපා තිබෙනවා.. විටෙක නොසැලකිලිමත් ප්‍රවාහනය නිසා සිදුවූ කැඩීම් බිඳීම් සහ 1972දී මිටියක් අතැතිව පැමිණි යම් මානසික රෝගයකින් පෙළි මනුශ්‍යයෙකුගේ මිටි පහර 12කින් මූර්තිය ට දැඩි ලෙස හානි පැමිණෙනවා.ඉන් කැඩී ගිය කොටස් සියල්ල එකතු කරගැනීමට දේවස්ථානයේ සියල්ලන්ගේ සහය පැතුවත් බොහෝ කොටස් රහසින් තමන් සතු කරගෙන පසු කාලීනව වැඩි මිලකට අලෙවි කර ඇති බවටද සඳහන් වෙනවා.කෙසේ වෙතත් අද වන විට නිර්මාණය පෙර තිබූ ලෙසම ප්‍රතිසංස්කරණය කොට පවතිනවා.

අවසන් වශයෙන් කීමට ඇත්තේ මූර්තියේ මූර්තිමත්වූ චරිත ද්විත්වය සේම මෙම කලා නිර්මාණයද විටෙක නොසැලකිල්ලට, විටෙක මිටි පහරට, කැඩීමට, අසාධරණයට ලක්වූ බවයි.😞🙏💙✝

©️Api Jesuge අපි ජේසුගේ House of Heaven ජේසුගේ මහ ගෙදර

#ජේසුගේමහගෙදර

15/09/2025

වික්ශෝප දේවමාතාවන්ගේ මංගල්‍යය අදයි ✝💙🙏

වර්ෂ 1232 දී ඉතාලියේ ටස්කනි නැමති නගරයේ සිටි තරුණයින් දොළොස් දෙනෙකු එකතු වී ‘මරියාවන්ගේ සේවකයෝ’ (Order of the Servants of Mary) හෙවත් ‘සර්වයිට් ඕඩර්’ (Servite Order) පටන් ගත් අතර ඔවුන්ගේ ප්‍රධානතම යැදුම් මෙහෙයක් ලෙස මරියාවන්ගේ මෙම වේදනාත්මක සිද්ධීන් 7 හා බැඳුණු යැදුම් මෙහෙය ගොඩ නගා ගත් බව ඉතිහාසය තුළ පැහැදිලිය.

දේව මෑණියන්ගේ මෙම වේදනාවන් හා බැඳුණු කළු බෙන්තිඤ්ඤය (Black Scapular) ඔවුන්ගේ නිර්මාණයක් විය. වික්ෂෝප 7 වෙනුවෙන් කරන මෙම යෙදුම් මෙහෙය දොළොස් වන ශතවර්ෂය තුළ වර්ධනය වූ නමුදු දේවමාතාවන් අත්දුටු වේදනාවන් ගැන බොහෝ ලිපි ලියැවෙන්නට පටන් ගත්තේ එකොළොස්වන ශත වර්ෂයේ පටන්මය.

1423 දී ජර්මනියේ කොලෝන් නගරයේ තිබූ රදගුරු සම්මේලනයකදී ගත් තීරණයක් අනුව මෙම භක්ති අභ්‍යාසය, මංගල්‍යයක් ලෙස එම ප්‍රදේශ තුළ සැමරීම ආරම්භ වූ අතර පළමුව එය සමරන ලද්දේ උත්ථාන සමයේ තුන්වන ඉරුදිනට පසුව එන සිකුරාදාය.

මෙම භක්ති අභ්‍යාසය වර්ෂ 1600 දී ප්‍රංශය පුරා ඉතා ප්‍රචලිත වූ අතර 1727 අප්‍රියෙල් 22 දිනදී XIII වන බෙනඩික්ට් ශුද්ධෝත්තම පියාණන් විසින් ගොබ් ඉරිදා ට පෙර පැමිණෙන සිකුරාදාව ‘වික්ශෝප සිකුරාදා’ ලෙස නිල වශයෙන් ප්‍රකාශයට පත් කරන ලදී. අදටත් වික්ශෝප සිකුරාදා ව අප සමරනු ලබන්නේ ගොබ් ඉරිදා ට පෙර එන සිකුරාදාය.

එසේම 1913 දී X වන පයස් ශුද්ධෝත්තම පියාණන් විසින් සැප්තැම්බර් 15 දා දිනය වික්ෂෝප දේව මාතාවන්ගේ මංගල්‍යය සමරනු ලබන දිනය ලෙස නිල වශයෙන් ප්‍රකාශයට පත් කරන ලදී. එබැවින් අද දක්වා වික්ෂෝප මාතාවන්ගේ මංගල්‍යය, සභාව සමරනු ලබන්නේ සැප්තැම්බර් පහළොස් වැනිදාය.

සියලු වේදනාවන් හමුවේ දෙවියන් වහන්සේ අත්නොහැර දෙවියන් වහන්සේ කෙරෙහි ඇති ගැඹුරු ඇදහිල්ලක් තුළ ජීවිත වේදනාවන්ට මුහුණ දෙන්නට වික්ෂෝප මාතාව අපට කියා දෙන්නීය.

15th of September 2025
©️Api Jesuge අපි ජේසුගේ
#ජේසුගේමහගෙදර ゚

14/09/2025

වික්ෂෝප අප ස්වාමිදුවගේ මංගල්‍යය ජනවන්දනාමය ලෙසින් සෑම සැප්තැම්බර් 15 දිනකම පැවැත්වෙන අතර, සමහරක් කතෝලික රටවල වික්ෂෝප සිකුරාදා මංගල්‍යයක් පැවැත්වෙයි

අපගේ බස තුළ දේවමෑණියන් ‘වික්ෂෝප මාතාවන්’ ලෙස හැඳින්වූවද, ඉංග්‍රීසි භාෂාව තුළ දේව මෑණියන් වින්ද දුක, වේදනාව හා සම්බන්ධකොට භාවිතා කරන නම් කිහිපයක් ඇත. Our lady of Dolours(අවර් ලෙඩි ඔෆ් ඩොලර්ස්), Our lady of the seven Sorrows (අවර් ලෙඩි ඔෆ් ද සෙවන් සරොස්), Our lady of seven Dolours (අවර් ලෙඩි ඔෆ් සෙවන් ඩොලර්ස්) යනු ඒ සමහර නාමයන්ය.

ලතින් භාෂාවෙන් එතුමිය හඳුන්වන්නේ ‘මාටෙර් ඩොලරොසා’ (Mater Dolarosa) යනුවෙනි. මේ සියලු නාමයන් තුළ ගැබ්ව ඇත්තේ දේවමාතාවන් ජීවිත කාලය පුරාවටම වින්ද දුක සහ වේදනාව පිලිබඳ කරුණුය. මෙයට පාදකවන්නේ ජෙරුසලම් දේව මාලිගාවේ දී මරියාවන් ජේසු බිළිඳුන් පුදදුන් මොහොතේදී සිමියොන් දිවැසිවරයා පැවසූ වදන් ය. “එසේ ය ඔබේම හදවත කඩුවකින් අනිනු ලැබුවාක් මෙන් තුවාළ වනු ඇත.

මෙසේ වන්නේ බොහෝ දෙනෙකුගේ සිත් හි රහස් කල්පනා එළිදරව් වන පිණිසය (ශු. ලූක් 2/ 35). එබැවින් දේවමාතාවන් තම ජීවිතය තුළ වින්ද වේදනාවන් සත කිමෙක් දැයි අපි විමසා බලමු.

සමිඳුන් දේව මාලිගාවේ දී පුද දුන් විට සිමියොන් දිවැසිවරයා ප්‍රකාශ කළ වදන්(ශු. ලූක් 2: 33 – 35).
හෙරොද්ගේ කඩු පහරින් ජේසු බිළිඳුන් බේරාගැනීම සඳහා වේදනාව පිරුණු හදවතකින් මිසරයට පලා යෑම (ශු. මතෙව් 2: 13 – 15)
දේව මාලිගාවේ දී ජේසු සමිඳුන් නැතිවීම (ශු. ලූක් 2: 41- 50)
කුරුස ගමනේදී මරියාවන්ට ජේසු සමිඳුන් මුණගැසීම (ශු. ලූක් 23: 27).
කල්වාරි කන්ද මුදුනේ දී ජේසුස් ක්‍රිස්තුස් වහන්සේගේ කුරුස පත්වීම (ශු. ජුවාම් 19: 25 – 27).
ජෙසුස් ක්‍රිස්තුස් වහන්සේ ගේ ශ්‍රී සිරුර කුරුසියෙන් බාන ලදුව තම උකුලේ හොවා ගැනීම (ශු. මාක් 15: 43 – 45).
උන්වහන්සේ ගේ ශ්‍රී ශරීරය සොහොනක තැන්පත් කිරීම (ශු. ජුවාම් 19: 38 – 42).

©️Api Jesuge අපි ජේසුගේ
#ජේසුගේමහගෙදර ゚

14/09/2025

කනත්තක් නේද?
රැයක් දවාලක් වෙලාවක් කලාවක් නැතුව කනත්තක් මැද්දට යන්න බයක් නැද්ද?
ගිනිගහන මහ දවාලෙත් ඔය කනත්තෙ සුසානවල් උඩ ඉඳන් පූජාවල් අහන්න, කන්න බොන්න , ගිමන් හරින්න
හිතට පුංචිවත් අවුලක් නැද්ද?
මොකක්ද ඔච්චරටම ඔතන තියෙන විශේෂය..... ජාතියක් ආගමක් නැතුව මිනිස්සු ඔච්චරටම එන්නෙ ඇයි?
වැලි ඇනෙන පොලොවෙ පෝලිමට දණ ගහගෙන ගිහින් මිනිස්සු මොනවද බලාපොරොත්තු වෙන්නෙ
කනත්තක් මැද්දෙ?

ඔන්න ඔය වගේ ප්‍රශ්න ඔයාගෙ ඔලුවටත් එනවා නම් , ඔයත් තාම එතනට ගිහින් නැත්නම්....
ගිහින් බලන්න.............
කවුරුහරි ඔයාගෙන් මේ වගේ ප්‍රශ්න අහනවා නම්, ඔයා දැනටමත් එතනට යන එන කෙනෙක් නම්,
එහෙනම් ඔයා ළඟ තියෙනවා උත්තරය........❤️✝️

Holy Cross National Shrine - Marawila | ශ්‍රී කුරුස ජාතික සිද්ධස්ථානය - මාරවිල

Photography by Ferdiya

©️Api Jesuge අපි ජේසුගේ
#ජේසුගේමහගෙදර ゚