04/07/2026
සුයාමය page එක ආරම්භ කළේ එකම සරල සහ සුන්දර අරමුණක් සමඟයි මේ ලෝකයට තවත් මෛත්රිය, කරුණාව, සතුට සහ සාමය බෙදා දීමටයි.
අද බොහෝ දෙනෙක් “සෙන්කඩගල සුදුබණ්ඩා”ගේ ආදරණීය පණිවිඩවලට ආදරය කරනවා. ඔහුගේ මෘදුකම, කරුණාව, විහිළුබර සතුට සහ කරුණාභරිත හදවත බොහෝ ජීවිත ස්පර්ශ කර තිබෙනවා. සරල වචන, සිනහව සහ අවංක ආදරය හරහා, මිනිසුන්ට නැවතත් බලාපොරොත්තුව, සතුට සහ ජීවිතය සමඟ ඇති සම්බන්ධතාවය දැනෙන්න ඔහු උපකාර කරනවා.
බොහෝ දෙනෙක් අහනවා:
“කවුද මේ සුදුබණ්ඩා?”
“එයා බෞද්ධයෙක්ද?”
“NGO හෝ CIA කාරයෙක්ද?”
“එයාට මෙච්චර ලස්සනට සිංහල කතා කරන්න පුළුවන් කොහොමද?”
“එයා ජීවත් වෙන්නේ ශ්රී ලංකාවේද?”
ඒ නිසා ඔහුගේ ගමන ගැන පොඩි කතාවක් කියන්න හිතුවා.
අවුරුදු 28කට පෙර, ඇමරිකාවේ මිචිගන් ප්රාන්තයේ Detroit නගරයේදී මට මයිකල් කියන අවුරුදු 19ක තරුණයෙක් හමු වුණා. ඒ කාලයේ මමත් තරුණ භික්ෂුවක් ලෙස mindfulness සහ මෛත්රී භාවනාව උගන්වමින් සිටියා. මයිකල් ඒ වෙද්දී martial arts පුහුණු වෙමින් සිටි තරුණයෙක්.
අපි මුලින්ම හමුවුණු දවසේ සිටම ගැඹුරු සහ අර්ථවත් සම්බන්ධතාවයක් ඇති වුණා. අප අතර තිබුණේ සංසාරගත දැහැමි බැඳීමක් බව මට දැනුණා. ඔහු දහම සොයා මා පසුපස ආවා.
කාලයත් සමඟ ඔහු මෛත්රිය, සිහිය සහ කරුණාවේ මාර්ගය අනුගමනය කළා. මම ඔහුට සිංහල භාෂාව ඉගැන්නුවා. භාවනාව පුහුණු කළා. දහම ගැන කියා දුන්නා. හැකි පමණින් පාලි සහ සංස්කෘත ඉගැන්වීම්ද ලබා දුන්නා. පිරිත් කියන්නත් ඉගැන්නුවා. ඔහු මා සමඟ කිහිප වතාවක්ම ශ්රී ලංකාවට ආවා.
අවසානයේ ඔහු ජීවිතය වෙනස් කරන තීරණයක් ගත්තා — ශ්රී ලංකාවේ පදිංචි වීමට.
අපි එකට ලස්සන wellness සහ meditation center එකක් ගොඩනැගුවා. ලෝකයේ විවිධ රටවලින් මිනිසුන් එහි පැමිණ භාවනා සහ යෝග කරමින්, දහම් සුවය සොයමින්, තමන්ව නැවත සොයාගන්න උත්සාහ කරනවා.
අද මයිකල් තම බිරිඳත්, තම මවත් සමඟ අපගේ භාවනා මධ්යස්ථානය අසලම ශ්රී ලංකාවේ ජීවත් වෙනවා. ඔහු යෝගා සහ භාවනා උගන්වනවා. බොහෝ පුණ්ය කටයුතු සහ සමාජ සේවා වල නිරත වෙනවා. ඒ වගේම ඔහු මගේ පෞද්ගලික ලේකම් ලෙසත් කටයුතු කරනවා.
මගේ ජාත්යන්තර ධර්ම ප්රචාරක වැඩසටහන්, සංචාර සහ ශ්රී ලංකාවේ සිදුවන පුණ්ය ව්යාපෘති සංවිධානය කිරීමට ඔහු මහත් කැපවීමකින් සේවය කරනවා.
නමුත් මේ හැම දේකටම වඩා ඔහුව විශේෂ වන්නේ ඔහුගේ අවංක හදවතයි. ඔහුගේ සැබෑ කරුණාව, නිහතමානීකම, සේවය සහ මනුෂ්යත්වය ඔහු ජීවිතයෙන්ම පෙන්වනවා.
අද ලෝකය තුළ ආතතිය, බිය සහ වෙන්වීම් වැඩි වෙමින් තිබෙන කාලයක, සුදුබණ්ඩා වැනි මිනිසුන් අපට මතක් කර දෙන්නේ කරුණාව තවමත් ජීවමාන බවයි.
ඔහුගේ මෘදු සිනහව, ආදරණීය වචන සහ සතුටෙන් පිරුණු හදවත බොහෝ ජීවිත සුවපත් කරනවා.
අපි හැමෝම එකිනෙකාට ආලෝකයත්, සාමයත්, කරුණාවත් එකතු කරමු.
අවුරුදු 30 කට වඩා කාලයක් මම ඇමෙරිකාවේ මෙවැනි ජීවිත දහස් ගණනකට දහමේ සුවය බෙදා දී තිබෙනවා. මට සියල්ල තිබෙන බවත්, ඒ සමඟම කිසිවක්ම ස්ථිරව මගේ නොවන බවත් දැනගෙන, ජීවිතය මරණය ලා දකිමින් මම සතුටින් ජීවත් වෙනවා.
භන්තේ සුජාත හිමි
ඇමෙරිකාවේ Chicago Blue Lotus විහාරයේ සිට 🙏
Venerable Bhante Sujatha, The Loving Kindness Monk
ටෙලි ලන්තය
Blue Lotus Buddhist Temple & Meditation Center
