News Casting Unit - Sri Dharmaloka College

08/09/2025

ශ්‍රී ලාංකේය පාසැල් මාධ්‍යකරුවන්ගේ නිර්මාණශීලී ඇස් හඹා පියාසරන "සහස් සේයා" ඡායාරූප තරගාවලිය සඳහා මේ මොහොතේ සිට ඔබට ඉදිරිපත් විය හැක. !!

🛑 සැප්තැම්බර් මස තේමාව - Street Photography වේ.

• තරගාවලියේ සියලු විස්තර, නීති හා රෙගුලාසි පහත සබැදියේ අන්තර්ගත වේ.

https://drive.google.com/drive/folders/1rznmviVHt_IyIsqaRHWuAws3vTSUmL5h?usp=sharing

• පහත සබැදියට පිවිස Google form එක පුරවා ඔබේ දත්ත සහ ඡායාරූපය එහි උඩුගත කරන්න.

https://forms.gle/No2FcfAK1kEBrUKV7

• ඔබේ නිර්මාණශීලී හැකියාවට වටිනාකමක් එකතුකරගන්න මේ අවස්ථාව ඔබේම කරගන්න!!...

( මේ තේමාවට ආදළ ජායාරූප පමණක් තරඟය සඳහා මේ මස තුළ දී වලංගු ය.)

03/09/2025

" කැළණිය ශ්‍රී ධර්මාලෝක විද්‍යාලය වෙනුවෙන් ඔබේ කෙටි රාජකාරී කාලවකවානුව තුළ සිදු කළ මෙහෙවර අපමණයි... ඒ වෙනුවෙන් මේ උපහාරය ඔබතුමියට ...

ඔබේ ඉදිරි ගමන සුභ ම වේවා ගුරු මෑණියනි!!..

13/08/2025

නිකිණි පුර පොහොය නිමිත්තෙන් පින්කම් රැසක් කැලණිය ශ්‍රී ධර්මාලෝක විද්‍යාලයේදී අද දින පැවැත්විය. ඒ අනුව අද උදෑසන විද්‍යාලයේ ප්‍රධාන ශාලාවේදී 10 ශ්‍රේණියේ දූ දරුවන් සඳහා ධර්ම දේශනාවක් පවත්වන ලදී . ඊට සමගාමීව එම අංශයේ සිසුන් විසින් අලංකාර මල් පෙරහරක් සංවිධානය කොට තිබිණ.

එම ධර්ම දේශනා සඳහා වැඩම කරනු ලැබුයේ පෑලියගොඩ විද්‍යාලංකාර පිරිවෙන් ආචාර්ය රාජකීය පණ්ඩිත කලවානේ රතන ජෝති ස්වාමින් වහන්සේය.

විද්‍යාලයේ බෞද්ධ සංගමයේ ප්‍රධාන අනුශාසක පූජ්‍ය මහව සීලානන්ද ස්වාමීන් වහන්සේ හා විද්‍යාලයේ අනෙකුත් ස්වාමීන්වහන්සේලාත් විදුහල්පතිතුමන්ගෙත් මග පෙන්වීම යටතේ මෙම පින්කම් මාලාව සංවිධානය කරනු ලැබුයේ 10 ශ්‍රේණිය අංශ ප්‍රධාන නාලක ගුරු මහත්මා හා 10 ශ්‍රේණි පන්තිභාර ගුරුභවතුන්ගේ හා 10 ශ්‍රේණිය සිසු දරු දැරියන්ගේ සහභාගිත්වයෙනි..
තවද උසස් පෙළ කලා අංශ ප්‍රධාන විද්‍යාලයේ බෞද්ධ සංගමය භාරව කටයුතු කරන ශාන්ත පතිරණ ගුරු පියාණන්ගේත් සහය ලැබිණි.


මෙම අවස්ථාවට විද්‍යාලයේ බෞද්ධ සංගමයේ දූ දරුවන්ගේ හා අනධ්‍යන කාර්ය මණ්ඩලයේ සහය ද හිමි විය.

13/08/2025

කැලණිය ශ්‍රී ධර්මාලෝක විද්‍යාලයේදී පසුගිය දිනක නාට්‍ය රංග කලා පුහුණු වැඩමුළුවක් ඉතා සාර්ථක ලෙස විද්‍යාලයීය ප්‍රධාන ශාලාවේදී පැවැත්විණි.

මේ සඳහා විද්‍යාලේ නාට්‍ය හා රංග කලාව හදාරන 9,10,11 ශ්‍රේණි සහ උසස් පෙළ අංශවල සිසුන් සම්බන්ධ වූ අතර මෙහි සම්පත් දායකයා ලෙස කටයුතු කළේ ජාත්‍යන්තර සම්මානලාභී, ප්‍රවීණ රංගධර, වෘත්තීය පුහුණු උපදේශක, අධ්‍යාපන උපදේශක, ශ්‍රී ලංකා පදනම් ආයතනයේ මානව සංවර්ධන හා කළමනාකරන අංශයේ ආරාධිත ජ්‍යෙෂ්ඨ කතිකාචාර්ය, අප විද්‍යාලයේ ම ආදි ශිෂ්‍ය විල්සන් ගුණරත්න මහත්මා යි.

විදුහල්පතිතුමාගේ මග පෙන්වීම යටතේ නාට්‍ය හා රංග කලා විෂයට අදාළ මෙම න්‍යායාත්මක කරුණු සහ ප්‍රායෝගික දැනුම සහිත සුවිශේෂී වැඩමුළුව සංවිධානය කරනු ලැබුවේ විද්‍යාලයේ නාට්‍ය හා රංග කලාව විෂය උගන්වන ඩී.ශසිනි පරණවිතාන , ගයනි එරංගා විජේනායක හා චමරි ආරච්චිගේ යන ගුරු මහත්මීන් විසිනි.

තවද මේ වැඩමුළුව සාර්ථක කර ගැනීම උදෙසා විද්‍යාලයේ මාධ්‍ය ඒකකයේ සහ අනධ්‍යන කාර්යමණ්ඩලයේ සහයෝගය හිමි විය.

17/07/2025

ඇසළ පුර පසළොස්වක පොහොය නිමිත්තෙන් විද්‍යාලයේ 9 ශ්‍රේණියේ දූ දරුවන් උදෙසා සිදුකල පෙර පෝය වැඩසටහන කැලණිය ශ්‍රී ධර්මාලෝක විද්‍යාලයීය ප්‍රධාන ශාලාවේදී පසුගිය දිනක පැවැත්වීය .
ඊට සමඟාමීව ඔවුන් විසින් අලංකාර මල් පෙරහැරක්ද සංවිධානය කොට තිබිණි.

මෙම ධර්ම දේශනා සඳහා වැඩම කරනු ලැබුයේ පෑලියගොඩ විද්‍යාලංකාර පිරිවෙන් ආචාර්‍යය දීගල පඤ්ඤාවංශ ස්වාමින් වහන්සේයි.

විද්‍යාලයේ බෞද්ධ සංගමයේ ප්‍රධාන අනුශාසක පූජ්‍ය මහව සීලානන්ද ස්වාමීන් වහන්සේ හා විද්‍යාලයේ අනෙකුත් ස්වාමීන්වහන්සේලාත් විදුහල්පතිතුමන්ගෙත් මග පෙන්වීම යටතේ මෙම පින්කම් මාලාව සංවිධානය කරනු ලැබුයේ 9 ශ්‍රේණිය අංශ ප්‍රධාන තිලකරත්න ගුරු මහත්මා ඇතුලු 9 ශ්‍රේණි පන්තිභාර ගුරුභවතුන්ගේ හා 9 ශ්‍රේණිය සිසු දරු දැරියන්ගේ සහභාගිත්වයෙනි .

තවද මෙම අවස්ථාව සාර්ථක කර ගැනීම උදෙසා උසස් පෙළ කලා අංශයේ අංශ ප්‍රධාන විද්‍යාලයේ බෞද්ධ සංගමය භාරව කටයුතු කරන ශාන්ත පතිරණ ගුරු පියාණන්ගේ සහය ලැබිණි.


මෙම අවස්ථාවට විද්‍යාලයේ බෞද්ධ සංගමයේ දූ දරුවන්ගේ හා අනධ්‍යන කාර්ය මණ්ඩලයේ සහය ද හිමි විය.

30/04/2025

18/04/2025

සිංහල හා දෙමළ අලුත් අවුරුද්ද වෙනුවෙන් කැලණිය ශ්‍රී ධර්මාලෝක විද්‍යාලයේ හත ශ්‍රේණියේ සිසුන් විසින් පසුගිය සිකුරාදා දින අවුරුදු පොළක් පැවැත්විය.

18/04/2025

බක් පුර පසළොස්වක පොහෝ දිනය මුල් කරගනිමින් පෙර පෝය පින්කම් මාලාවක් පසුගිය සිකුරාදා දින කැලණිය ශ්‍රී ධර්මාලෝක විද්‍යාලයේදී පැවැත්වීය.

15/03/2025

"50 news stories and counting! 🚀
This journey has been incredible, and it’s all because of YOU—our amazing viewers and supporters! From the first story to the 50th, your encouragement has fueled our passion for delivering news. This is just the beginning—bigger and better things are coming! Stay tuned, stay informed, and let's keep making history together! 📰🔥

SDC NEWS :
https://youtube.com/?si=hJptSuAatYQYz6kV

13/03/2025

කැළණිය ශ්‍රී ධර්මාලෝක විද්‍යාලීය උසස්පෙළ සිසුන් සඳහා 2025.03.07 වන දින පැවැත්වූ " සිහින සියපත් " නායකත්ව හා පෞරුෂ සංවර්ධන වැඩසටහන අති සාර්ථක ලෙස පැවැත්විණි.

සමාජ සේවයක් ලෙස රටේ දරුවන් වෙනුවෙන් ඔවුන්ගේ නායකත්ව හා මානුෂීය සාරධර්ම පෝෂණය කරන්නට වෙර දරන සිහින බලකාය තරුණ සංවිධානයේ නිර්මාතෘ අංජන කුමාරසිංහ මැතිතුමා ප්‍රධාන එම කණ්ඩායම විසින් මෙම වැඩසටහන මෙහෙයවනු ලැබීය.

විද්‍යාලයේ ගරු විදුහල්පති තුමාගේ මඟපෙන්වීම යටතේ මෙය සම්බන්ධීකරණය කලේ විද්‍යාලයේ සහකාර විදුහල්පතිනියක් ලෙස කටයුතු කරන ධනෝරි ධර්මරත්න මහත්මිය විසිනි.
තවද විද්‍යාලයේ නියෝජ්‍ය විදුහල්පති නීතීඥ නිලුක්ෂිණි ප්‍රනාන්දු මහත්මියගේත් අනෙකුත් නියෝජ්‍ය හා සහකාර විදුහල්පතිවරුන්ගේත් සහයෝගය මේ සඳහා නොඅඩුව ලැබිණි.

මෙම වැඩසටහන උසස්පෙළ අංශ ප්‍රධාන ගුරු මහත්ම මහත්මීන් ඇතුළු උසස්පෙළ ගුරුභවතුන් විසින් සංවිධානය කොට තිබුණි.
තවද මේ සඳහා විද්‍යාලීය අනධ්‍යන කාර්ය මණ්ඩලයේ සහ දෙමාපිය මහත්ම මහත්මීන්ගේද සහයෝගය හිමි විය.

25/02/2025

ආයුබොහෝ වේවා! අප හිමියනි ...

කැලණිය ශ්‍රී ධර්මාලෝක විද්‍යාලය කියු පමණින්ම මතකය පුරා ඇදෙන්නේ මෙරට ඇති වූයේ බෞද්ධ පුනර්ජීවනයේ තවත් එක් කතා පුවතකි. ඒ මග යමින් එදා සිට අද දක්වාම ධර්මාලෝකයට ආලෝකයක් සපයන යතිවරු ගණනාවක් මෙපින් බිමේ හාස්කමකට මෙන් පහළ විය.
ධර්මාලෝකයේ නූතන ඩිජිටල් යුගය ප්‍රභාවත් කළ එවැනි යතිවර හිමි සඳක් පිළිබඳවයි මේ සටහන.
ගම්පහ දිස්ත්‍රික්කයේ වැලිවේරිය ප්‍රදේශයේ තුන් දරු පවුලක වැඩිමහල් දරුවා ලෙස උපත ලබන අප කතා නායකයා කුඩා කල සිටම ආගමට දහමට දැඩි නැඹුරුවක් දැකිවිය. සසුන් ගතවීමේ තම අපේක්ෂාව මුදුන් පමුණුවා කර ගැනීමට දෙමාපියන්ගෙන් කැමැත්ත නොලැබීම ඔහු සතුව පැවැති එකම අභියෝගය විය. නමුත් මේ දරුවාගේ මහා පින් කඳ අවබෝධ කරගත් සුපින්වත් දෙමාපියන් තම පවුලේ වැඩිමහල් දරුවා බුදු සසුන වෙත පරිත්‍යාග කරනු ලැබීය. එදා කුඩා සාමණේර හිමිනමක් ලෙස සම්බුද්ධ ශාසනයේ පහස ලබන වැලිවේරියේ නාරද ධර්මකීර්ති හිමියන් අද අප කාටත් නැතිව බැරි මහා යතිවර රත්නයකි.
නිට්ටඹුව ශාරිපුත්ත අධ්‍යාපන පීඩයෙන් තම උසස් අධ්‍යාපන කටයුතු නිමවා සීමා වාසික පුහුණුව සඳහා උන්වහන්සේ 2011 වර්ෂයේදී ශ්‍රී ධර්මාලෝක විද්‍යාලයට පා තබයි. 2013 වර්ෂයේදී තම පළමු පත්වීම ලබා පැමිණෙන්නේද ශ්‍රී ධර්මාලෝක විද්‍යාලයට වීම උන්වහන්සේගේ ජීවිතය තුළ සුවිශේෂී සිදුවීමකි.
එතැන් සිට අද දක්වා කැලණිය ශ්‍රී අග්‍රබෝධි විහාරවාසීව වැඩවසමින් සාමාජීය හා සංස්කෘතික කාර්යභාරයන් රැසක් සිදු කරන උන්වහන්සේ ශ්‍රී ධර්මාලෝක විද්‍යාලයට නැතුවම බැරි සුවිශාල ශක්තියක් විය .
ආගමික ජීවිතයට මෙන්ම තම සේවයටද ඇති දැඩි ලැදියාව හා කැපවීම නිසාම උන්වහන්සේ ඉතා කෙටි කලකින්ම 11 ශ්‍රේණියේ අංශ ප්‍රධානාචාර්යවරයා බවටද පත්විය.තම අප්‍රතිහත ධෛර්යය මත නිරන්තරයෙන් කැපවෙමින් එකොළහ අංශය පාසලේ හොඳම අංශයක් ලෙස ඉහළින්ම ඔසවා තැබීමට උන්වහන්සේට හැකි විය. එමෙන්ම ශ්‍රී ධර්මාලෝක විද්‍යාලීය වාර්ෂිකව මෙහෙයවන ශතාධික මහා සංඝරත්නය සහභාගී වන සංඟ ගත දක්ෂිණාව මෙහෙය වීමේදී උන්වහන්සේගේ දායකත්වය අපට නැතිවම බැරි විය.

පාසලේ දුවා දරුවන්ට මෙන්ම ගුරුවරුන්ටද දෛනිකව ඇතිවන සාමාජීය සංස්කෘතික මෙන්ම ආර්ථික ගැටලුවලදීද උන්වහන්සේගෙන් ලැබෙන මග පෙන්වීම සහ උපදෙස් සැබවින්ම කල්යාණ මිත්‍ර ඇසුරක්ම විය.
තම ජීවිත කාලයම සම්බුද්ධ ශාසනයේ චිරස්ථිතිය වෙනුවෙන් කැපකළ තම සේවා කාලයෙන් තුනෙන් එකක් පමණ ශ්‍රී ධර්මාලෝක විද්‍යාලය තුළ ගෙවා දමන මහා යතිවරයාණෙනි. ඔබ වහන්සේ නැති අඩුව ශ්‍රී ධර්මාලෝක විද්‍යාලය ලෙස කෙසේ සනිටුහන් කරමු දැයි අපි නොදනිමු.

ඔබ වහන්සේ පිය නගන නව සේවා ස්ථානයේදී ද ඔබ වහන්සේට මෙතෙක් සිදුකරගෙනා ආ සමාජීය මෙහෙවර නොඅඩුව කරගෙන යන්නට ලැබේවායි අප එක සිතින් ප්‍රාර්ථනය කරමු. ඔබ වහන්සේ වැනි කල්‍යාණ මිත්‍ර ඇසුරක් ශ්‍රී ධර්මාලෝක විද්‍යාලයට නැවතත් ලැබේවායි ප්‍රාර්ථනා කරමු.

18/02/2025

2025 චතුර්වර්ණ සංග්‍රාමයේ මේ වන විට නිවාස හිමි කරගෙන ඇති සමස්ථ ප්‍රතිඵලය 🔵🔴🟢🟡


්නේ