11/12/2024
මේ ලාවුලු වාරයයි...💛 ලාවුලු වල ගුණ බලලා කනවද මූනෙ ගානවද තීරණය කරමු..
ලාවුලු නිකම් කන හැටි හැමෝම දන්නවනෙ. විශේෂයෙන් බබාලට එහෙම නොදී අතාරින්න එපා..
ලාවුලු උයන්නෙ කෝමද 🙃😊
රසවත් ලාවුළු ව්‍යංජනයක ගුණ - (Pouteria campechiana) Canistel Curry 🍲
අතීත කතාව - මීට අවුරුදු ගණනකට ඉහතදී ලංකාවේ තිබුණා පරිප්පු ඇටයක්වත් හොයාගන්න බැරි උන කාලයක්. ඉතින් ආහාර වේලට පරිප්පු නැතිවම බැරි උන අය මේ සදහා ආදේශකයක් හොයාගත්තා. කතාවට කියන්නෙ නම් පරිප්පු වලට යොදන්න පුළුවන් ආදේශක කොහෙවත් නෑ කියලා උනත් රස බලපු හැමෝම කියලා තියෙන්නෙ මේ ව්‍යංජනය ඊටත් වඩා රසවත් උනා කියලා තමයි. ඒ තමයි ලාවුළු ව්‍යංජනය.
☘️ලාවුළු කියලා කියන්නෙ ටිකක් කන්න අපහසු තරම් මත් ගතිය එන නිසාම අපේ රටේ සමාජයෙන් ඉවත් වෙලා යන පලතුරක්.
☘️ලන්දේසී සමයේ ලංකාවට හදුන්වා දුන්නා කියලා අදහස් කෙරෙන මේ ශාකය හරිම ගුණදායක පෝෂක වලින් යුතු ගෙඩි වලින් යුක්තයි.
☘️ පෝෂණ බහුලතාව නිසා අධිකව ආහාරයට ගැන්මෙන් මත් ගතියක් ඇති වන්නේයැයි සඳහන් වන ලාවුළු ඉතා ශක්තිජනක පලතුරක්.
☘️ ලාවුළු මද ග්‍රෑම් 100ක, ශක්තිය කැලරි 138 ක් අඩංගු වෙනවා.
☘️ ඒ වගෙම විටමින් A B C ඛනිජ ලවණ- ප්‍රෝටීන් පොස්පරස් යකඩ කැල්සියම් පොටෑසියම් කාබොහයිඩ්‍රේට් පෝෂක, ඇමයිනෝ අම්ල, හිතකර රසායන සංයෝග, ප්‍රතිඔක්සිකාරක ගුණ ආදියෙනුත් පරිපූර්ණයි.
☘️ Canistel, Egg fruit , yellow sapotae යන නම්වලින් මෙය හඳුන්වනු ලබනවා. Egg fruit කියන නමේම ගැබ්වෙලා තියනවා මේ පලතුරේ තියන ගුණදායක බව
☘️ඉදුණු ගෙඩිවල දීප්තිමත් කහ පැහැති මාංශල, පිෂ්ට ගතියෙන් යුක්තයි.
☘️ පලතුරක් විදියට වගේම ජෑම් වර්ග අයිස්ක්‍රීම් කස්ටඩ් විදියටත් සකස් කරලා ආහාරයට ගන්න පුළුවන් මේ ගෙඩිවලින් බීම හදලා පානයට භාවිතාකරන්නත් පුළුවන්.
☘️මේ ගෙඩියෙ මදය පොල් හා පිටි සමග මිශ්‍රකර සකසා ගන්නා රොටී අතීතයේ සිට ම ජනප්‍රිය ආහාරයක් බවට පත්වුණා.
☘️පැසුණු අමු ගෙඩි පොතුහැර සිහින් කොටු කපා හොඳින් කිරි සෝදා හැර වෑංජන, මැල්ලුම් වගෙත් හදලා බතට එක්කර ගන්නවා. ව්‍යංජනය ගැන ලිපිය අන්තිමට සදහන් වෙනවා.
☘️ ශාකයේ ගෙඩි ඇට කොළ පොතු ආදි සියලු කොටස් ඔසු ගුණ සහිතයි.
☘️විෂනාශකයක්, දාහය නිවන්නක්, බැක්ටීරියා සහ දිලීර නාශකයක්, ප්‍රතිශක්ති වර්ධකයක්, හෝමෝන වර්ධකයක්, හා ස්වාභාවික රූපලාවණ්‍ය වර්ධකයක් විදියටත් සිරුරේ ක්‍රියාත්මක වෙනවා.
☘️ ඇසේ දෘෂ්ටි විතානයේ නීරෝගී පැවැත්මට අවශ්‍ය වන A විටමින කැරටිනොයිඩ ලාවුළුවල බහුලව පවතින බව ඔබ දන්නවාද. ඉතින් ඒ මගින් ඇස්වල වියළි බව නැතිකරන්න සමත් වෙනවා. සුද ඇතිවීමත් වෙනත් ඇස් රෝග වැළකී අක්ෂිවල පෙනුම වර්ධනය වීමක් සිදුවෙනවා.
☘️ ගෙඩිවල අන්තර්ගත කැරොටිනොයිඩ ඔබේ සම පැහැපත් කරලා එහි දිලිසෙන ගතිය නැත්තම් glow එක වැඩි කරනු ලබනවා.. ඒ වගේම ඔබේ හිසකෙස් නිරෝගිකර වර්ධනය කර දෙනු ලබනවා.
☘️මේ ශාකයේ ගෙඩි වලට හිසරදය, ආමාශයේ ඇතිවන දාහය , විෂාදය සහ අධි රුධිර පීඩන මට්ටම් පාලනය කිරීමේ හැකියාවකුත් පවතිනවා.ඒ වගේම පරීක්ෂණ වලින් සනාථ වෙල තියනවා පිළිකා සෛල මර්දනය කරන්නටත් උපකාරි වෙන බව.
☘️ඒ වගේම එය විටමින් B6 වලින් පොහොසත්.ඒ නිසා ඉන් අක්මාව ආරක්ෂා වන අතරෙ සිරුරේ විෂ හරණය වීමත් සිදුකෙරෙනවා.
☘️අක්මාවට වගෙම එය අග්න්‍යාශයටත් ඉතාම හිතකරයි. සීනි මට්ටම කෙරෙහි බලපාමින් දියවැඩියාව පාලනය කිරීමක් මෙමගින් සිදුකරනවා.
☘️රුධිරයේ මනා පැවැත්මට උපකාරී වන හිස්ටමින් නිපදවීමට උපකාරිවෙමින් රුධිර සංසරණ පද්ධතියේ මනා ක්‍රියාකාරිත්වයට මග පාදනවා ☘️ඒ නිසාම අධි රුධිර පීඩන,අධි කොලෙස්ටරෝල් , හදවත් රෝග ආදියත් ආහාරමය වශයෙන් පාලනය කිරීමක් කරන්න මේ ගෙඩිවලට පුළුවන් කම තියනවා.
☘️ලාවුළු ගෙඩි වල යකඩ බහුලයි. මේ නිසා ලාවුළු ආහාරයට ගැනීම මගින් හිමොග්ලොබින් නිපදවීමට සහායවෙමින්, ඔක්සිජන් ප්‍රවාහ වැඩිකර, මතක ශක්තිය වර්ධනය කිරීම අවශ්‍යයෙන්ම සිදුවනු ලබනවා.
☘️මෙමගින් රක්ත හීනතාවය නැතිනම් නිරක්තියත් එමගින් ඇතිවෙන්න පුළුවන් තවත් රෝග තත්වත් වළකනවා.
☘️ ලාවුළු ගෙඩිය කැල්සියම්වලිනුත් ඉතාම පොහොසත්. මේ නිසා මේ ගෙඩි ආහාරයට එකතු කරගන්න එකෙන් ඔබේ අස්ථි ශක්තිමත් වෙනවා.
☘️ කාටිලේජවල මනා පැවැත්මට උපකාරී වෙන අතරෙම ආතරයිටිස් වැනි සන්ධි රෝග පාලනය කිරීමටත් සමත් වෙනවා. අස්ථි වල මනා පැවැත්මට හේතු වෙන නිසා ඔස්ටියෝ පොරෝසිස් අවදානම අඩුකිරීමත් සිදුවෙනවා.
☘️අස්ථි වලටම අයිති වෙන දත් සවිමත්වීම සිදුවෙන අතරෙ විදුරුමසින් සිදුවෙන ලේ ගැලීමුත් වලකිනවා.
☘️දත් කැක්කුම දුරුකිරීමට ප්‍රතිකාරයක් ලෙස ඇට මදය යොදාගන්නවා ලාවූළු වල ඇති C විටමින් සෙම්ප්‍රතිශ්‍යා උණ ආදි බෝ වන රෝග ඇතිවීම වළක්වනවා. වයිරස් වලට ඇතිවන ප්‍රතිරෝධය තමයි ඊට හේතුව. ඒ වගේම එහි ඇති ක්ෂුද්‍ර ජීවීන්ට HI වෛරසය මර්දනය කරන ගුණ ඇති හෙයින් ලොව පුරා ඒඩ්ස් රෝගීන් බොහොමයකගේ ආහාර වේලට ලාවුළු එක්කරනු ලබනවා. .
☘️ලාවුළුවල ඇති ආහාරමය තන්තු ජීර්ණ පද්ධතියේ යහපත් ක්‍රියාකාරිත්වය ඇතිකරනු ලබනවා. මේ හින්දා බඩවැල් ආශ්‍රිතව ඇතිවන විවිධාකාර රෝග වලටත් මල බද්ධ අර්ශස් ආදී රෝගවලටත් මේ පලතුර ඉතාම හිතකරයි.
☘️ ස්නායු පද්ධතියට හිතකරව ක්‍රියා කරන ලාවුළු අපස්මාරය හා මතකය අඩුවීම ආශ්‍රිත ඩිමෙන්ෂියා රෝග තත්වය පාලනය කිරීමට සමත් වන ආහාරමය ඖෂධයක්.
☘️ ඒ වගේම මානසික ආතතිය දුරු කරලා සුවපත් නින්දක් ලබාදීමටත් සමත් වෙනවා.
☘️ ලාවුළු ගෙඩියේ ඇට සිහින්ව කපා රැයක් දියෙහි තබා උදෑසන හිස්බඩ පානය කිරීමට ලබා දීම මගින් ☘️ඕජස සහ ශුක්‍ර වර්ධනය කර ගැන්මට ද යොදාගනු ලබන්නක්.
☘️ඇටවලින් හිඳින තෙල් හිසකෙස් වර්ධනය කරන ගුණ සහිතයි. බීජ වගේම කොළ සහ පොතුත් සමේ රෝග දුරුකරන ශක්තියෙන් යුක්ත වෙනවා.
☘️ ඇට වල මදත්, ශාක පොතුත්, ගසේ කොළත් තැම්බු ජලය තුවාල සේදීමට යොදා ගන්නවා. කල් ගිය තුවාල අරමණ වණ සහ ඉස්ම ගලන තුවාල සුව කිරීමට පොතු කෂාය ලබා දෙනවා.
☘️ගසේ පොතු .විෂබීජ නාශක ගුණයෙන් යුතු අතර උණ සෙම් ප්‍රතිශ්‍යා කැස්ස ට ද කෂායකර බීමට දෙනවා. කොළ ප්‍රදාහ නාශක ගුණයෙන් යුක්ත වන අතර මෙහි කොළ කෂාය අධි රුධිර පීඩනය පාලනය කිරීමට ලබා දෙනවා.
👉 නිරෝගි ශක්තිමත් සිරුරක් ලබාගැනීමටත් නිරෝගී පැහැපත් සමක් ලබාදෙන ලාවුළු රූපලාවණ්‍ය වර්ධකයක් විදියටත් ,ආවේණික රෝග පාලනය කිරීමටත් උපකාරිවෙනවා. මේ නිසා රූපලාවන්‍ය නිෂ්පාදන වළටත් ලාවුළු යොදනු ලබනවා.
👉කොයිතරම් ගුණදායක වුවත්, මේවායේ පොටෑසියම් බහුලතාව නිසා වකුගඩු වල ක්‍රියාකාරීත්වය අඩු රෝගීන්ට ලාවුළු හිතකර වෙන්නෙ නෑ.
👉ගැබිණි මවුවරුන්ට ඉතාම පෝෂ්‍යදායි පලතුරක් විදියට ලාවුළු දක්වන්න පුළුවන්. බොහොමයක් පලතුරු වර්ග රසායන ද්‍රව්‍ය ඉහලා ගෙනෙන ඒවා උනත් ස්වභාවිකව ගන්න පුළුවන් විදියෙ හොදම පලතුරක් තමයි මේක.කොපමණ ගුණ වුවත් සීමාවකට ගැනීම සුදුසු බවයි සඳහන්වන්නේ.
ලාවුළු ව්‍යංජනය
==================
ලොකු ලාවුළු ගෙඩි 2
අමු මිරිස් කරල් 3
කරපිංචා
තෙල් ස්වල්පයක්
ලුණු ස්වල්පයක්
මිරිස් කුඩු තේ හැඳි 1
උකු පොල්කිරි කෝප්ප 1
රතු ළූණු ගෙඩි 3
කහ
අබ ස්වල්පයක්
උම්බලකඩ කැබලි තේ හැඳි 2
සාදාගන්නා ආකාරය..
හොඳින් පැසුණු ලාවුළු ගෙඩි මේ සඳහා තෝරාගන්න.
ලාවුළු පොත්ත ඉවත් කර හිරමනයකින් හෝ ග්රෙටරයකින් ගාගන්න.
ජලයේ දමා හොඳින් සෝදා ලුණු වතුර මිශ්‍ර උණු වතුරෙන් හොඳින් මිරිකන්න.
ඉන්පසු උම්බලකඩ,මිරිස්,කහ,ලුණු,අමු මිරිස් ආදිය දමා කිරිත් සමග මිශ්‍ර කර හොඳින් පිසගන්න.
සුදු ලූණු ,කපාගත් රතු ළූණු,කරපිංචා තෙම්පරාදු කරලා මිශ්‍ර කල විට වඩා රසවත් වෙනවා.
Dr. Rasanjana Ilangkoon
BAMS(University of Kelaniya )
Harithayur Healthcare
Ganemulla
0703482814 whatsapp
