Media Unit Of Gemunu National College

28/11/2025

ජයග්‍රහණය ගැමුණු පොඩ්ඩන්ට

පාසල් පාපන්දු සංගමය මගින් පවත්වනු ලැබූ 14න් පහල දිස්ත්‍රික්ක තරගාවලියේ තියුණු තරගයකින් පසු ගැමුණු පොඩ්ඩෝ අනු ශූරතාවය ලබාගෙන ඇත. ගැමුණු මහා විද්‍යාලයේ විදුහල්පතිතුමිය ඇතුලු සියලු පාසල් ප්‍රජාවගේ උණුසුම් සුබ පැතුම්!

12/11/2025

ශිෂ්‍යත්ව සමතුන් ඇගයීම හා විදුහල්පති උපහාර

ශිෂ්‍යත්ව විභාගය සමත් වූ පුංචි හපනුන් ඇගයීම් උත්සවය 2025. 11.06 දින කුඩා නෙළුබෑව ගැමුණු මහා විද්‍යාලීය ප්‍රධාන ශාලාවේදී පැවැත්වුණු අතර ඒ සඳහා ප්‍රධාන ආරාධිත අමුත්තා ලෙස විද්‍යාලයේ හිටපු විදුහල්පති W. M. S ප්‍රියශාන්ත මහතා සහභාගී විය. එහිදී වසර එකහමාරකට ආසන්න කාලයක් විද්‍යාලය වෙනුවෙන් කළ සේවය අගයමින් එතුමන්ට උපහාර දැක්වීමද සිදු විය. විද්‍යාලයේ නව විදුහල්පතිනිය වන M. M. කල්‍යාණි අබේවර්ධන මහත්මියගේ ප්‍රධානත්වයෙන් සහ උපදේශකත්වයෙන් පැවති මෙම උත්සවය සඳහා විද්‍යාලයේ නියෝජ්‍ය විදුහල්පති වරුන්, නියෝජ්‍ය විදුහල්පතිවරියන් සහ ආචාර්ය මණ්ඩලයේ සියලු දෙනාද විද්‍යාලයේ සිසුසිසුවියන්ද සහභාගී වූහ.

09/11/2025

29/10/2025

උසස් පෙළට සෙත් පතා පිරිත් දෙසුමක්

අ/ කුඩා නෙළුබෑව ගැමුණු මහා විද්‍යාලයේ මෙවර ආ. පො. ස උසස් පෙළ පරීක්ෂණයට පෙනී සිටීමට නියමිත ශිෂ්‍ය ශිෂ්‍යාවන්ට සෙත් පතා පිරිත් දේශනයක් පවත්වන්නට යෙදුණි. 2025.10.27 වන දින පවත්වන ලද මෙම ආශිර්වාදාත්මක පිරිත් දේශනය විද්‍යාලයේ විදුහල්පතිනි කල්‍යාණි අබේවර්ධන මහත්මියගේ සහ උසස් පෙළ අංශ භාර නියෝජ්‍ය විදුහල්පති නන්දන ජයරත්න මහතාගේ උපදේශකත්වය මත සැලසුම් කළ අතර විද්‍යාලයේ ස්වාමීන් වහන්සේ වන පූජ්‍ය සංවර ස්වාමීන් වහන්සේ විසින් සිදු කරන ලදී. මෙම අවස්ථාවට උසස් පෙළ ඉගැන්වීම් කටයුතු කරන ගුරු භවතුන් සහ ශිෂ්‍ය ශිෂ්‍යාවන් සම්බන්ධ වූහ.

25/10/2025

ආ/ කුඩා නෙළුබෑව ගැමුණු මහා විද්‍යාලයේ , ප්‍රාථමික අංශයේ සිසු සිසුවියන් සහභාගී වූ ජන ගායනා තරගාවලියක් 2025.10.08 දින විද්‍යාලීය එළිමහන් වේදිකාවේදී පවත්වන්නට යෙදුණි. ප්‍රාථමික අංශයේ නියෝජ්‍ය විදුහල්පති නිමල් කරුණාතිලක මහතාගේ සංකල්පයක් මත පවත්වන ලද ජන ගායනා තරගාවලිය සඳහා විද්‍යාලයේ විදුහල්පතිනි. M. M කල්‍යාණි අබේවර්ධන මහත්මිය ද නියෝජ්‍ය විදුහල්පති නන්දන ජයරත්න, නියෝජ්‍ය විදුහල්පතිනි නියන් වන W. A. I මදුභාෂිනී. D. G. M. L දෙනියගේ, S. D වන්නිනායක යන මහත්ම මහත්මීන් ද ප්‍රාථමික අංශයේ ගුරු භවතුන්ද සිසු සිසුවියන්ද සහභාගී වූහ. ප්‍රාථමික ශ්‍රේණි වල සිසු සිසුවියන් ඉදිරිපත් කළ ජන ගායනා විනිශ්චය සඳහා අනුරාධපුර කලාපයේ සංගීත විෂය භාර ගුරු භවතුන් දස දෙනෙකු සහභාගී වූහ.

15/10/2025

"උපධ්‍යාය විනයු ගුරුවාභිවන්දනා -2025"

2025 වර්ෂයේ ඔක්තෝබර් මස 06 වන දිනට යෙදී තිබු ලෝක ගුරු දිනය නිමිති කරගෙන ගැමුණු ගුරු දින සැමරුම 2025 වර්ෂයේ ඔක්තෝබර් මස 08 වන දින අති උත්කර්ෂවත් අන්දමින් පැවැත්විණි. පාසලේ ශිෂ්‍ය නායක සංසදය විසින් සංවිධානය කරන්නට යෙදුණු ,එම සැමරුම් උත්සවය සඳහා විද්‍යාලයේ ස්වාමින් වහන්සේලා වන පූජ්‍ය සංවර ස්වාමීන් වහන්සේ සහ නුගගෝලලේ රත්නසිරි ස්වාමීන් වහන්සේ, ‍විදුහල්පතිනි M.M. කල්‍යාණි අබේවර්ධන. , නියෝජ්‍ය විදුහල්තිවරුන් වන නන්දන ජයරත්න හා නිමල් කරුණාරත්න, නියෝජ්‍ය විදුහල්පතිනියන් වන W.A.L.මධුභාෂිණි, හා S.D.වන්නිනායක D.G.N.L. දෙනියගේ යන මහත්ම මහත්මීන්ද, ආචාර්ය මණ්ඩලයේ සියලුම ගුරුමෑණිවරුන්ද, ගුරුපියවරුන්ද, විද්‍යාලයේ සියලුම සිසු සිසුවියන් ද සහභාගී වූහ.

03/10/2025

"ආදරයෙන් සුරකින්න අපට ලොව දිනන්න"

2025 වර්ෂයේ ඔක්තෝම්බර් මස 01 වන දිනට යෙදී තිබූ ලෝක ළමා දිනය මුල් කරගනිමින් ගැමුණු ලෝක දින සැමරුම උත්කර්ෂවත් අන්දමින් එදින එනම් ඔක්තෝම්බර් මස 01වන දින පවත්වන ලදී. විද්‍යාලයේ ගුරු මව් පියවරුන් විවිධ විචිත්‍රවත් නැටුම්, ගැයුම් , වැයුම්වලින් එම අවස්ථාව තවදුරටත් අලංකාර කළහ.විද්‍යාලයේ ගරු විදුහල්පතිනි M.M. කල්‍යාණි අබේවර්ධන මහත්මියගෙ ප්‍රධානත්වයෙන් පැවැත්වුුණි. එම උත්කර්ෂවත් අවස්ථාව සදහා විද්‍යාලයේ ස්වාමින් වහන්සේලා වන පූජ්‍ය ය නුග ගොල්ලේ රතන සහ සංවර ස්වාමීන් වහන්සේලා, විද්‍යාලයේ නියෝජ්‍ය විදුහල්තිවරුන් වන නන්දන ජයරත්න හා නිමල් කරුණාරත්න, නියෝජ්‍ය විදුහල්පතිනියන් වන W.A.L.මධුභාෂිණි හා S.D.වන්නිනායක, D.G.N.L. දෙනියගේ යන මහත්ම මහත්මීන්ද, ආචාර්ය මණ්ඩලයේ සියලුම ගුරුමෑණිවරුන්ද, ගුරුපියවරුන්ද, විද්‍යාලයේ සියලුම සිසු සිසුවියන් ද සහභාගී වූහ.

30/09/2025

"තෙලි තුඩින් ලොව දකිමු" තේමාව යටතේ 2025 වර්ෂයේ ලෝක ප්‍රාථමික අංශයේ ශිෂ්‍ය ශිෂ්‍යාවන් සදහා පවත්වන්නට යෙදුණු චිත්‍ර වැඩමුළුව හා ප්‍රදර්ශනය 2025 වර්ෂයේ සැප්තැම්බර් මස 24 වන දින විද්‍යාලයේදී පැවැත්වුණි. එය පාසලේ නියෝජ්‍ය විදුහල්පති නිමල් කරුණාරත්න ගුරුපියාණන්ගේ මෙහෙයවීම යටතේ සිදු වූ අතර ඒ සඳහා අනුරාධපුර කලාපයේ පාසල් කිහිපයක චිත්‍ර විෂය ඉගැන්වීම සිදු කරන ගුරු මහත්ම මහත්මීන් ද, පාසලේ ප්‍රාථමික අංශයේ සියලු ම ගුරුභවතුන් ද, ප්‍රාථමික අංශයේ සියලු ම ශිෂ්‍ය ශිෂ්‍යාවන් ද සහභාගී වූහ.

23/09/2025

"ගැමුණු අභිසෙස්- 2025"

2025 වර්ෂය සදහා අභිනවයෙන් තේරීපත් වූ නවක ශිෂ්‍ය නායක නායිකාවන් සදහා නිල ලාංඡනය පැළදවීමේ උත්සවය 2025 වර්ෂයේ සැප්තැම්බර් මස 17වන දින පැවැත්වුණි. එම උත්කර්ෂවත් අවස්ථාවට ප්‍රධාන ආරාධිත අමුත්තා ලෙස සහකාර ප්‍රාදේශීය ලේකම් හසිනි හසාරා හිටිබණ්ඩාර නායක මැතිනිය ද කොට්ඨාස අධ්‍යාපන අධ්‍යක්ෂ M.K.M. ජාබර්, විශ්‍රාමික විදුහල්පති W.M. ආරියරත්න, නාච්චදූව කොට්‌ඨාසයේ විද්‍යාල කිහිපයක විදුහල්පතිවරු, නියාමක ගුරු උපදේශක E.P.N. පලගසිංහ, ආයුර්වේද වෛද්‍ය නිලධාරීතුමා, සෞඛ්‍ය වෛද්‍ය නිලධාරී මුදිත් අමරසිංහ, පාසලේ හිටපු විදුහල්පති W.M.S. ප්‍රියශාන්ත, සංවර්ධන කමිටුවේ ලේකම්තුමා යන මහත්ම මහත්මීන් සහභාගී වූහ. තවද විද්‍යාලයේ ස්වාමින් වහන්සේ වන පූජ්‍ය සංවර ස්වාමීන් වහන්සේ, විද්‍යාලයේ විදුහල්පතිනි M.M.කල්‍යාණි අබේවර්ධන ,, නියෝජ්‍ය විදුහල්තිවරුන් වන නන්දන ජයරත්න හා නිමල් කරුණාතිලක, නියෝජ්‍ය විදුහල්පතිනියන් වන W.A.I.මධුභාෂිණි හා S.D.වන්නිනායක යන මහත්ම මහත්මීන්ද, ආචාර්ය මණ්ඩලයේ සියලුම ගුරුමව්පියවරු ද පාසලේ සියලුම සිසු සිසුවියන් මෙන්ම නවක ශිෂ්‍ය නායක නායිකාවන්ගේ දෙමව්පියන්ද ඵම උත්සවයට සහභාගී වූහ.