Sri Lanka Railway Journal, Mabole (2026)

29/11/2025

කෝටි ගණනක දොඹකරයක් ජලයෙන් යටවීමෙ අවධානමක

වැල්ලව ගනේවත්ත අතර දැදුරු ඔයේ පාලම සම්පුර්ණයෙන්ම ජලයෙන් යටවී ඇති අතර මෑතකදී චීනයෙන් ගෙන්වන ලද නව CRRC දොබකරය යටවී යාමේ දැඩි අවදානමක් පවතී. තවමත් කුරුණෑගල දෙසින් එන්ජිමක් රැගෙන විත් දොබකරය ඉවත් කර ගැනීමේ හැකියාව ඇත. මාර්ගය පාලම දක්වා නිරුපද්‍රිතව ඇත. එම ස්ථානයේ සිටි සේවක මහතුන්ද පවතින අවධානම් තත්වය නිසා එම ස්ථානයෙන් ඉවත්ව යන ලදී.

යම් හෙයකින් මෙම දොඹකරය ජලයෙන් යටවුවහොත් ඉන් දෙපාර්තමේන්තුවට සිදුවන පාඩුව අතිමහත් ය.

Sri Lanka Railway Journal

26/11/2025

දුම්රිය ලොක්කන්ගේ මරිමොන්ගල් තීරණ නිසා ආපස්සට යන දුම්රිය දෙපාර්තමේන්තුව ,

රාත්‍රී තැපැල් දුම්රියන් වලට වෙන්න යන දේ,

අලි ප්‍රේමීන් නමින් හදුන්වා ගත් මානසික රෝගීන් ටිකක් නිසා දුම්රිය දෙපාර්තමේන්තුවේ වටිනා සම්පත් නැතිවීයාම කොතරම් නිශ්ඵල ද ?

අලි හැප්පෙනවා කියලා රාත්‍රියේ ධාවනය වන රාත්‍රී තැපැල් දුම්රියන් අවලංගු කිරීම කොතරම් අනුවන ක්‍රියාවක්වද ?
දුම්රිය දෙපාර්තමේන්තුව ඇත්තේ වන අලි රැක ගන්නද? දුම්රිය මගියාට සේවය සැලසීමට ද ? වනජීවී දෙපාර්තමේන්තුව සිටින්නේ කවුරු ආරක්ශා කරන්නද ?

රාත්‍රී තැපැල් දුම්රියක concept එක මොකක්ද කියන එකවත් දුම්රිය දෙපාර්තමේන්තුවේ නිළධාරීන්ට අවබෝධයක් නැද්ද ? Prasanna Gunasena ඔහේ දෙපාර්තමේන්තුවේ නිළධාරීන්ගේ බොරු තොරතුරු සමාජ ගතකරමින් සැමට විහිළු සපයයි, තමන්ගේ උගත් කම පවා බාල්දු කරගනී,

රාත්‍රී තැපැල් දුම්රිය සංකල්ප වන්නේ රැය පහන් වන විට අද තැපැල් කල ලියුමක් පසුදා වන විට අදාල ප්‍රදේශයන් වෙත යෑමයි, පාර්සල් ප්‍රවාහනයද රාත්‍රී කාල්‍යේදී සිදුවන්නේ පසුදා උදෑසන එම පාර්සල් අනෙක් අන්තයෙන් ලබා ගැනීමට හැක්වීමයි.

අලින් නිසා මෙම රාත්‍රී තැපැල් දුම්රියන් අවලංගු කර දහවල් කාලයේදී ධාවනය වේනම්, මෙම සංකල්ප බොහෝ සේ වෙනස් වේ,

01. ගොළු බෙලි තැපෑල තවත් ගොළුබෙලි වේ

02. පාර්සල් ප්‍රමාධ වේ

03. රාත්‍රියේ බස් කර්මාන්තයට වාසි වේ.

මීනගයා දුම්රියේ අදායම අහිමි කරගත් සැටි දුම්රිය දෙපාර්තමේන්තුව අහිමි කරගත් ආකරය දෙපාර්තමේන්තුවට අමතක වුවද ? අපට අමතක නැත.

යාපනය තැපැල් දුම්රියේ දමිළ ජන්තාව කොතරම් ගමන් කරයිද ? කොතරම් ව්‍යාපාරිකයන් ගමන් කරයි ද? ඇයි මේ ආදායම් මාර්ග නැති කරගන්න උත්සාහ කරන්නේ ?????

අලි ප්‍රෙමීන් නිසාද ?
පුද්ගලික බස් මාෆියාව නිසාද ??

එහෙම බැලුවොත් රාත්‍රි තැපැල් දුම්රියන් වලින් ඉතිරි වන්නේ බදුල්ල සහ ගාල්ල දුම්රියන් පමණි. යාපනය, ත්‍රිකුණාමලය සහ මඩකළපුව යන දුම්රියන් අහෝසි කිරීමට සිදුවේ,

දුම්රිය දෙපාර්තමේන්තුව වනජීවි දෙපාර්තමේන්තුව වෙන්න ඕනි නෑ. අලි ප්‍රේමින් එක්ක වනජීවි දෙපාර්තමේන්තුව එක්ව විසදුම් සෙවීම කළ හැක. මෙවැන් මෝඩ තීරණ වලට ඉඩ දුන්නොත් ඇමැතලාගෙන් ඉදන්ම සියළුදෙනාගේම නොහැකියාව ප්‍රදර්ශනය වේ.

උපුටා ගැනීමකි.

Sri Lanka Railway Journal

24/11/2025

ල.දු.දෙ ට (CGR) එකට මල් මිටක් 💐

මම දැන් ඉන්නේ කොළඹ මඩකළපුව කෝච්ච්යේ. කොහොමත් කෝච්චියට නැගැල සීට් එකක් හම්බ උනොත් මම නින්දක් දානව පොඩි. නින්දත් නැගල ගියා පැයකට වඩා. ඒත් පොඩි කලබලයක් වගේ ඇහිල ඇහැරුනා. අපි ඉන්නේ දැන් අලව්ව පහු කරල වලකුඹුරත් පහු කරනව.

School uniform එකක් ඇඳ ගත්තු දුවෙක් හොඳටම කලබල වෙලා. ඇස් රතු වෙලා. බයවෙලා. කෝච්ච්යේ හිටපු අය දැන් විස්තර අහනව. සෑහෙන කලබලයක්. කෙල්ලත් කාගෙන්ද phone එකක් ඉල්ලන් කලබල වෙලා විස්තරයක් කියනව. මමත් විපරං කරල බැලුව.

අඩේ... මේ දරුවා මීරිගම station එකෙන් නැගැල තියෙන්නේ. එහෙදි කිව්වලු අඹේපුස්ස සහ අලව්ව නවත්තනව කියල (ඒක ලමයට උනු වැරද්දක්ද දන්නෙත් නැහැ. ඒත් ඕව කතා කරන වෙලාවක් නෙමෙයි නෙ) දැන් නවත්තල නැහැ. අලව්ව රාහුලේ ළමෙක්. උදේ උසස් පෙළ විභාගෙට යන ගමන්. දැන් වෙලාව 8.13 යි. විභාගේ 8.30 ට. මම අමුතුවෙන් කියන්න ඕනි නැහැ නේ නේද පළමු වතාවට උසස් පෙළ කරන ලමෙක් විභාගයට පරක්කු උනාම දැනෙන පීඩණය. කලබල උනාම මොකවත් ලියාගන්න බැහැ. මටනම් ඉතිං පරක්කු වෙලා ගිහින් පුරුදුයි. (ඉතිං මම නම් පරක්කු වෙලා ගියාම කරන්න ඕන ටිකත් shape එකේ ඉගැන්නුවා ඒ ලමයට 😋)

මේකේ පොල්ගවෙලින් බැහැල, ආයෙත් දුටුගැමුණු හංදියට ගිහිං, එතනින් කොළඹ බස් එකක අලව්වට ගිහිල්ල, ආයෙත් නාරම්මල පාරේ රාහුලේට ගියොත් 9.15 න් මෙහා කොහොමත් යන්න බැහැ. (විභාගේ 8.30 - 10.30)

මගේ ටිකිරි මොලේට ආවා සජිත් වික්‍රමසිංහ (CGR Control) මගේ කළණ මිතුරා. Call කලා. කොල්ල rings දෙකෙන් ගත්ත. කෙල්ලගෙ වාසනාව. සජ්ජ සීට් එකේ duty. මේ කෝච්චියට සිග්නල් දෙන්නෙ (රාජපුත්‍රලාගේ සිග්නල් නෙමෙයි හොඳේ) සජ්ජා. මට ඔහොමම call එකේ ඉන්න කිව්ව. එතනින් ම පොල්ගහවෙල station එකේ SM ට කිව්ව විස්තරේ (AL කෙල්ලෙක් බ්ලා බ්ලා බ්ලා) නුවරින් Express කෝච්චිය එන ගමන්. ගත් කටටම කිව්වේ 8.04 ට රඹුක්කනින් ආව කියල. තව විනාඩි දෙකෙන් එතන. කෝච්චියටත් කිව්වා. කොටුව Control එකේ අනිත් අය line clear ද කියල ලහි ලහියේ check කරනව ඇහුන. ඔක්කොම තත්පර 50 ක් වගේ ඇතුලත.
කෝච්ච්ය පොල්ගහවෙල නැවැත්තුව. දුම්රිය ආරක්ෂකයෙක් ආවා. තමුන්ගේ දුවෙක් වගේ ආදරයෙන් කතා කර කර,බය නැති වෙන්න දේවලුත් කිය කිය පස් වෙනි වේදිකාවේ ඉඳල පළවෙනි වේදිකාවට අරන් ගියා. Guard සහ Driver ට පණිවිඩය දෙන්න දෙන්නෙක් හිටියා. අලව්වේ station එකටද කොහෙද තව කෙනෙක් call කරනවා ඇහුන ත්‍රීවීලර් එකක්ද කොහෙද ලෑස්ති කරන්න. දැන් වෙලාව 8.16 යි. 8.17 ට කෝච්චිය ආවා. කෙල්ල හිනා උනා. අපිටත් අත වැනුව. ගියා. 8.27 ට කෝච්ච්ය අලව්වේ, 8.32 ට කෙල්ල ඉස්කෝලේ.

මේ ඔක්කොම කලේ අවුරුදු 19 ක පොඩි පාසල් ශිෂ්‍යාවක් වෙනුවෙන් කියල අමතක කරන්න එපා. කිසිම මූල්‍ය වාසියක් නැතුව. රාජකාරියෙන් පිට.

උපුටාගැනීමක් ස්තූතියි🙏

Sri Lanka Railway Journal

19/11/2025

ලහි ලහියේ ඔහිය බලා ඇදෙන Break Down

Sri Lanka Railway Journal

19/10/2025

⛔️⛔️ උඩරට දුම්රිය මාර්ගයේ දුම්රිය පීලිපැනීමක් ⛔️⛔️

අංක 1010 දුම්රිය ඉහළ කෝට්ටේ දුම්රිය ස්ථානය අසලදී මාර්ගයට ගල් පෙරලීම හේතුවෙන් පීලිපැනීමට ලක්ව තිබීම හේතුවෙන් උඩරට මාර්ගයේ සියලුම දුම්රියන් බොහෝ වේලාවක් ප්‍රමාදවීමට හෝ අවලංගුවීමට ඉඩ ඇති බවට වාර්ථා වනවා.

මේ හේතුවෙන් අද දින ධාවනය වීමට නියමිත අංක 1045 කොළඹ කොටුව - බදුල්ල රාත්‍රී තැපැල් දුම්රිය අවලංගු කර තිබෙනවා.

උපුටාගැනීම - මහනුවර දුම්රිය ස්ථානය

04/10/2025

රේල්ලුවේ උසස් නිලධරයකුගේ බිරිඳක් නිසා ඉපදුණු කැන්ඩි ඉන්ටර්සිටිය.
-----------------------------------------------------------------

කන්ද උඩරට නොඑසේ නම් මහනුවර ප්‍රසිද්ධියට පත් වූයේ සිංහල රාජ සමයේ පටන් බව නොරහසකි. එයට හේතුව අන් කවරෙක් වත් නොව සිංහල ජාතියේ මුදුන්මල්කඩ වන ශ්‍රී දළදා සමිඳුන් වැඩ වෙසෙන ශ්‍රී දළදා මාලිගාව හේතුවෙනි. ‘මහනුවර’ යන නාම පුවරුවක් හෝ දුටු පමණක් මේ රටේ වෙසෙන්නන්ට පමණක් නොව විදේශිකයන්ට පවා නිතැතින්ම සිහියට නැගෙනුයේ ශ්‍රී දළදා මාළිගාව හා දළදා පෙරහරයි.

මෙරට පොදු ප්‍රවාහනයේදී ද එදා බ්‍රිතාන්‍ය පාලන යුගයේ සිටම මහනුවරට යම් ප්‍රමුඛස්ථානයක් ලබා දී තිබූ බව ඉතිහාසය විමසීමේදී පෙනේ.
මේ සඳහා උදාහරණ රාශියක් පෙන්වා දිය හැකි නමුත් දෙකක් පමණක් පැහැදිලි කරමි.
මෙරට පොදු ප්‍රවාහන සේවාවක් වන මගී බස් සේවා වෙනුවෙන්. සෑම මාර්ගයන් සඳහාම මාර්ග අංකයක් ලබා දී තිබේ. මෙහි අංක 01 ලෙසට ආරම්භ වන්නේ මහනුවර මාර්ගයයි. අංක 02 කොළඹ - ගාල්ල වන අතර රත්නපුර - කොළඹ මාර්ග අංක 03 ලෙසට නම් කර ඇත. මේ අනුව ප්‍රමුඛතාව ලබා දී තිබෙන්නේ මහනුවරටය.

දුම්රිය සේවාවේ ද වැඩිම නගරාන්තර දුම්රිය සංඛ්‍යාවක් ධාවනය කෙරෙන්නේ ද උඩරට මාර්ගයේ මහනුවරටත් බදුල්ලටත්ය.
අදටත් මගී ජනතාව අතර බෙහෙවින් ජනප්‍රියව පවතින දිනපතා කොළඹ කොටුවෙන් පෙ.ව. 07.00 ට ගමන් අරඹන කොළඹ - මහනුවර නගරාන්තර දුම්රිය හෙවත් කැන්ඩි ඉන්ටසිටිය අතීත රහස් ගණනාවක් වසන් කරගෙන ගමනේ යෙදෙයි. මහනුවර සිට අඩුම වේලාවකින් (මාර්ගයේ බාධා නොතිබුණහොත්) අගනුවරට ළඟා විය හැකි පහසුම පොදු සේවාව වන්නේ ද මෙම දුම්රියයි. දිනපතා කොළඹ කොටුවෙන් උදෑසන 07.00 ට ගමන් ආරම්භ කරන මෙය පෙ.ව. 09.00 ට මහනුවරට ළඟා වන අතර ප.ව. 03.00 ට මහනුවරින් පිටත් වී සවස 5.30 වන විට කොළඹට පැමිණේ.

මෙරට අදටත් මගීන් අතර ජනප්‍රිය හා රටේම ප්‍රචලිත රුහුණු කුමාරි, යාල්දේවි, උඩරට මැණිකේ ආදී දුම්රිය සේවා ආරම්භ කිරීමට ඒ ඒ කාල වකවානුවල කිසියම් නිශ්චිත හේතූන් තිබී ඇති නමුත් අප මේ කියන කැන්ඩි ඉන්ටසිටිය මෙකී වේලාවට ආරම්භ කිරීමට මගී ඉල්ලීම් හෝ කාලපරාසයක් නොතිබීම කුතුහලය දනවන්නක් වේ.

මන්ද මේ දුම්රිය ගමන් ආරම්භ කෙරෙන උදෑසන 07.00 ට ආසන්නව ඉන්ටසිටි ගමන පටන් ගත් 1982 කාල වකවානුව වන විට මහනුවරට යා ගත හැකි තවත් ශීග්‍රගාමී දුම්රියන් දෙකක් කොළඹ කොටුවෙන් පිටත්වීමයි. මේ කාලය වන විට අලුයම 5.55 ට මහනුවර බලා ශීඝ්‍රගාමී දුම්රියක් පිටත් වූ අතර උදෑසන 6.35 ට පොඩි මැණිකේ ශීඝ්‍රගාමී දුම්රිය බදුල්ලට යාමට කොළඹින් ගමන ආරම්භ කෙරිණි.

කැන්ඩි ඉන්ටර්සිටිය මහනුවර දක්වා පටන් ගත්තේ මේ දෙකටම මැද්දෙන් පෙ.ව. 7 ට වන අතර එදා 1982 සැප්තැම්බර් මස පළමුවැනිදා එවකට දුම්රිය සාමාන්‍යාධිකාරි මුල් පුටුව හෙබවූ ජී.පී.එස්. වීරසූරිය මහතා විසින් මෙම දුම්රිය මගී ජනතාව වෙතට පවරනු ලැබුවේ වසර ගණනාවක් තිස්සේ අලුයම 5.55 ට නුවර යාමට පිටත් වූ ශිඝ්‍රගාමී දුම්රිය අවලංගු කර පොඩි මැණිකේගේ ගමන් වේලාවද අලුයම 5.55 ලෙසට වෙනස් කරමිනි.

මේ කියන කාලය වන විට මහනුවර ශීඝ්‍රගාමිය හා පොඩි මැණිකේ මගී ජනතාව අතර බෙහෙවින්ම ජනප්‍රිය වී තිබිණි. මේ ජනප්‍රියභාවය තුට්ටුවකට හෝ නොසලකා හැර හිටිහැටියේම කැන්ඩි ඉන්ටසිටිය ඇරඹීම ගැන නිශ්චිත සාධාරණ හේතූන් හෝ හේතුවක් ඉදිරිපත් කිරීමට එදා දුම්රිය බලධාරීන් අපොහොසත්ව ඇති නමුත් මේ සම්බන්ධයෙන් දුම්රිය සේවකයන් හා මගීන් අතර ප්‍රචලිත කට කතා නම් බොහොමයකි.

මේවා හුදු නිකරුණේ එසේත් නොමැති නම් කට කහනවාට පබැඳුණු කථා නොවන බවට හැඟී යන්නේ ඒ කාලයේදී මේ සඳහා හේතුභූත වූ කරුණු මෙම කටකතා සමග සංසන්දනය කිරීමේදීය.

කැන්ඩි ඉන්ටසිටිය ආරම්භ කළ වකවානුවේ දී දුම්රිය දෙපාර්තමේන්තුවේ එක්තරා මහ පුටුවක් හෙබ වූ නිලධාරියෙකුගේ බිරිඳ සේවය කර ඇත්තේ මහනුවරට නුදුරු පේරාදෙණියේ රාජ්‍ය ආයතනයකය. මෙම රැකියාව සඳහා මහනුවර හෝ ඊට තදාසන්න ප්‍රදේශයක බෝඩිං නොවී දිනපතා කොළඹ සිට සේවා ස්ථානයට ගොස් රාජකාරි නිම කර සවසට ආපසු කොළඹ පැමිණීමේ “උණක්” මේ ඇත්තියට තිබී ඇත.

සාමාන්‍යයෙන් විවාහයෙන් පසුව බිරියට ඇහුම්කන්දීම, ඇයගේ උවමනා එපාකම් ඉටුකරදීම හා සමහර විටෙක ඇයට අවනතවීමට සිදුවීම බොහෝ ස්වාමිවරුන්ට අත්වන්නා වූ ඛේදාන්තයකි. සැමියා දරදඬු ස්ථාවරයක සිටී නම් බලහත්කාරයෙන් හෝ තම සිතැඟි ඉටු කර ගැනීම බිරින්දෑවරුන්ගේ සිරිතයි.

ඇතැම් විට බිරියගේ කන්දොස්කිරියාවෙන් බේරීමට ඇයට අවනත වන ස්වාමිපුරුෂයන් වේ. මේ කුමන අන්දමට වේවා තම බිරිඳගේ ගමන් පහසුව වෙනුවෙන් හෝ දිනපතා ඇය නොදැක සිටීමේ අපහසුතාවයකින් පෙළුණු මේ කියන ඉහළ නිලදරුවා ඇයට කලට වේලාවට රාජකාරියට ගොස් ආපසු පැමිණීමට මෙම ඉන්ටසිටිය ආරම්භ කළ බවට පවතින කටකතාව මුළුමනින්ම සත්‍යයෙන් තොර බවට බැහැර කළ නොහැක්කේ, එදා කැන්ඩි ඉන්ටසිටිය අතරමඟදී නතර කළ එකම නැවතුම පේරාදෙණිය දුම්රියපොළවීමයි.

අහසින් වැටුණාක් මෙන් එකවරම කඩාපාත් වූ මෙම නව දුම්රියටත් එතෙක් කාලයක් අලුයම 5.55 ට කොළඹින් පිටත් වූ මහනුවර ශීඝ්‍රගාමිය අහෝසි කර පොඩි මැණිකේ උදේ රැයින්ම ඒ වෙලාවටම පිටත් කිරීම පිළිබඳවත් මුල් කාලයේදී දැඩි මගී විරෝධයක් එල්ල වූ අතර මෙසේ කළේ ඇයි ද යන්න පිළිගත හැකි හේතු ඉදිරිපත් කිරීමක් ද දෙපාර්තමේන්තුව පාර්ශ්වයෙන් සිදුනොවිණි. බලධාරීහු කසාය බීගත් ගොළුවන් සේ පසුවූහ. එහෙත් කාලය ගෙවීයන විට අලුත් ඉන්ටසිටියද මගීන් අතර ජනප්‍රිය වූයේ මෙම දුම්රියටම පමණක් අදාළ වූ සුවිශේෂි හේතු ගණනාවක් නිසාය. මගීන් 208 දෙනෙකුට සැප පහසු ලෙසට ගමන් කළ හැකි පළමු පන්තියේ මැදිරි පහකින් මෙම දුම්රිය සමන්විත විය.

මෙකල මෙන් දහ ජරාව ගිනි ගණනට අලෙවි කරන ආපන ශාලා මැදිරි නොව ලංකා හෝටල් සංස්ථාව විසින් පවත්වාගෙන යන ලද සුඛෝපභෝගී ආපන ශාලාවක් ද මෙහි තිබුණි. කෑම බීම තේ කෝපිවලට අමතරව බීර හා ස්ටවුට් ආදී මත්පැන් නොවන මත් පැන් ද මෙහිදී මගීන්ට ලබා ගත හැකි විය. මේ නිසාම කැන්ඩි ඉන්ටසිටිය විදේශික සංචාරකයන් අතර ප්‍රචලිත වූ දුම්රියක් බවට පත්වීමට වැඩි කලක් ගත නොවීය.

එසේම ගමන අතරතුර මගියෙකුගේ හදිසි අවශ්‍යතාවකදී දුම්රිය තුළ සිට බාහිර පාර්ශ්වයන් වෙත ඇමතුම් ලබා ගත හැකි දුරකථන සේවාවක්ද මෙම දුම්රිය වෙත ලබාදී තිබිණි. වලංගු ප්‍රවේශ පත්‍රයක් සතු ඕනෑම අයෙකුට දුම්රියේ නියාමකවරයා හරහා මෙම පහසුකම ලබා ගත හැකි විය.

අද මෙන් සාක්කුවෙන් සාක්කුවට ස්මාර්ට් ජංගම දුරකථන නොවූ ඒ කාලයේ මෙම සේවාවේ වටිනාකම කොතෙක් දැයි සිතා ගැනීමටවත් නොහැක. එසේම මැදිරියෙන් මැදිරියට සවි කර තිබූ ස්පීකර් හරහා ගමන නිමවන තුරු සංගීත රස විඳ ගැනීමේ පහසුකම ද මෙම දුම්රියේ විය. බීර උගුරකින් තොලකට තෙමමින් සංගීතයට කන්දෙමින් නොඉඳුල් සොඳුරු පරිසරය සිපගෙන එන සිහිල් පවනින් ගත සනසාගෙන බිම් ගෙවල් අස්සෙන් බලන, කඩුගන්නාව කඳු නැඟ කන්ද උඩරටට ඉන්ටසිටියෙන් එදා ගිය ගමන කෙතරම් සුන්දර වන්නට ඇතිද.?

කැන්ඩි ඉන්ටර්සිටියේ තවත් විශේෂත්වයක් වූයේ ගමනට දින දහයකට පෙර මෙහි ආසන වෙන් කර ගැනීමට පහසුකම් සලසා තිබීමයි. මුල් කාලයේදී මෙම සුඛෝපභෝගී මැදිරි ඇදගෙන කඳු නැගීමට M 7 වර්ගයේ එන්ජිමක් යොදා තිබූ අතර ඒ කාලයේදී M 7 දෙපාර්තමේන්තුව සතුව තිබූ බලයෙන් අඩු එන්ජිමක් විය. ඉන්ටසිටිය වෙනත් දුම්රියන්ගෙන් වෙන් කර හඳුනාගැනීමට හා විශේෂ පෙනුමක් ලබාදීමට එන්ජිම හා මැදිරිවලට වෙනස් අන්දමක වර්ණ රටාවක් ලබාදී තිබුණි.

දෙවන පන්තියේ මැදිරි හා සංචාරකයන් වෙනුවෙන් නැරඹුම් මැදිරියක් ඉන්ටසිටියට එකතු කරන ලද්දේ පසුකාලීනවය. එසේම ගමන යන අතරතුර මහනුවර ගමනාන්තය පෙනි පෙනී පේරාදෙණිය පමණක් නතර වී ගිමන් නිවා ගත් ඉන්ටසිටිය ගම්පහ නැවැත්වීම සිදුකරන ලද්දේ පසු කාලයකදීය. එයටද රසවත් කතාවක් එකතු වී තිබේ.

දුම්රිය දෙපාර්තමේන්තුවේ ඉහළ ධුරයක් දැරූ එක්තරා නිලධාරියෙකුගේ දියණියක් අධ්‍යාපනය ලබා ඇත්තේ මහනුවර එක්තරා ප්‍රසිද්ධ පෞද්ගලික අධ්‍යාපන ආයතනයකය. මෙකී නිලධාරියා පදිංචිව සිට ඇත්තේ ගම්පහ ප්‍රදේශයේ වන අතර දියණියට දුම්රියට ගොඩවීමට ඉන්ටසිටිය ගම්පහ නතර කරවීම සිදුකර ඇත්තේ ඔහුගේ බලපෑම මතය. එතෙක් මෙතෙක් අදත් කැන්ඩි ඉන්ටසිටිය මහනුවර බලා කඳු අදින නමුත් එදා මුල් යුගයේ තිබු පහසුකම් නම් අද දක්නට නැත. අතීතය සිහිපත් කරවීමට දෝ මෙය අදටත් ගම්පහ හා පේරාදෙණිය නතර කෙරේ.

සටහන හා ඡායාරූපය : තිලක් පුෂ්පකුමාර

තොරතුරු ලබා ගැනීමේදී උපකාර කළ දුම්රිය දෙපාර්තමේන්තුවේ නලින් අබේසිංහ මහතාට ස්තූතිය.
_________________
,
උපුටා ගැනීමක්.

Sri Lanka Railway Journal

21/08/2025

මේ ඉස්ටේෂමට ඇයි මෙහෙම නමක්.?

1955 දී ඉදි කරන ලද මෙම දුම්රිය ස්ථානය පොතුපිටිය හා වස්කඩුව යන ගම් දෙක අතර පිහිටා ඇත. ප්‍රදේශවාසීන්ගේ ඉල්ලීම මත ගොඩනැගුණු මෙයට නමක් තැබීම ගැටලුවක් වුනේ "වස්කඩුව" ලෙස නම් කරනවාට විරුද්ධව පොතුපිටිය වාසීන් උද්ගෝෂණය කල අතර "පොතුපිටිය" ලෙස නම් කරනවාට විරුද්ධව වස්කඩුව වාසීන් එරෙහි වුනා.

පසුව මෙය "වස්කඩුව-පොතුපිටිය" ලෙසින් ගම් දේකේම නමින් හැඳින්වූවා. එවිට පොතුපිටිය වාසීන් කලහ කරමින් නාම පුවරුව ගලවා මුහුදට විසි කලා. ඊලඟට "පොතුපිටිය-වස්කඩුව" ලෙස නම් කරන ලද අතර වස්කඩුව වාසින් පැමිණ එම නාම පුවරුව මුහුදට විසි කලා. දුම්රිය ස්ථානයේ තාවකාලික මුර පොලක් වසරකට වඩා වැඩි කාලයක් පවත්වා ගෙන ගිය අතර මෙම ගැටුම අධිකරණය වෙතට පමුණුවන ලදී.

එවකට ප්‍රවාහන ඇමති සර් ජෝන් කොතලාවල මහතා මෙයට මැදිහත් වී "දුම්රිය නැවතුම් පොල අංක 1" ලෙස නමි කරන ‍ලෙස උපදෙස් දෙන ලදී. දැනට මුහුදුබඩ මාර්ගයේ වැඩිම ආදායමක් ලබන උප දුම්රිය ස්ථානය ලෙස සැලකෙන්නේ මෙයයි...

( තිලක් පතිරණ මහතාගේ "එදා දුම්රියෙන් ......." පොත ඇසුරෙන් )

කතෘ නම සඳහන්ව නොතිබුණි.
____________________
,
උපුටා ගැනීමක්.

Sri Lanka Railway Journal

20/08/2025

අඟුරු කකා වතුර බිබී දුවපු යක්කු එදා නැවතුන තැන්. පැරණි දුම්රිය නැවතුම් පොළවල් කිහිපයක්. මීගමුව, යාපනය, ගනේවත්ත, කඳපොල, ඔහිය, ගම්පොළ, හෙනරත්ගොඩ(ගම්පහ), වැල්ලවත්ත, ගල්කිස්ස, වාද්දූව, දකුණු පයියාගල, අළුත්ගම, කොස්ගොඩ, නුගේගොඩ,හපුතලේ, මැදවච්චිය හා වව්නියාව.
මෙම දුම්රියපොළවල් එකල තිබූ ආකාරයයි. මෙරට දුම්රිය සේවය ආරම්භ කල කාලයේ ඉදිකල ගොඩනැගිලි. 1900 වර්ෂයේ සිට පලවූ පොත්වල සටහන්වූ අයුරුයි. මෙරටට පැමින සංචාරකයන්ගේ පහසුව සඳහා මෙරට ගමන් මාර්ග, නවාතැන් පහසුකම් චාරිත්‍රයන්, සහ චමත්කාර දර්ශන සහිත ප්‍රදේශ යනාදී විස්තර එම පොත්වල සටහන් වෙනවා.

යටත්විජිත සමයේ රජයේ වැඩ දෙපාර්තමේන්තුවේ (PWD) එකේ පැරණි වාර්ථා අනුව මෙරටට මුල්ම දුම්රිය එන්ජිම (locomotive engine) එක ගෙනත් තියෙන්නේ 1864 ජනවාරි මාසයේ. 1865 ජනවාරි මාසයේ මහරදී සිදුවුන මරණීය දුම්රිය අනතුරක් එහි වාර්තාකර තිබෙනවා එයින් යූරෝපීය ජාතිකයකු ඇතුළු මගීන් 36 දෙනෙකුට දිවි අහිමිවී තිබෙනවා.

ඡායාරූප අන්තර්ජාලයෙනි.
( ස්තුතියි මුල් හිමිකරුට )

උපුටා ගැනීමකි

Sri Lanka Railway Journal

15/08/2025

⛔ දැවැන්තයෙකුගේ වසර 50ක අහිමානය ⛔

දුම්රිය ලෝලී ඔබ අප කවුරුත් ආදරය කරන මරදාන ඩීසල් විදුලි ධාවනාගාරය ( ELS ) 🚆 යටතේ සේවය සපයන M 4 දුම්රිය එංජිම වසර 50ක් සපිරු වගයි මෙහා සමානව තවත් වසර 50 ක් රජගමනකට යාමට මෙම එංජින් තම දරුවන් සේ රැක බලාගන්නා මරදාන ඩීසල් විදුලි ධාවනාගාරයේ නිළධාරි මහතුන් සහ සේවක මහතුන්ටත් රත්මලාන ප්‍රධාන යාන්ත්‍රික ඉංජිනේරු උප දෙපාර්තමේන්තුවේ ක.ශා 16 ඇතුළු අනෙකුත් කර්මාන්ත ශාලා වල නිලධාරීන් හා සේවක මහතුන්ටත් හද පිරි ස්තුතිය💐💐❤️

Sri Lanka Railway journal

11/08/2025

⛔️⛔️ හිස්වුනු පොඩි මැණිකේ ⛔️⛔️

මේ අද උදෑසන (08/11) කොලඹ කොටුවේ සිට බදුල්ල බලා ගමන් කරන පොඩි මැණිකේ දුම්රියේ වෙන්කල ආසන මැදිරිවල තත්ත්වයයි..
ප්‍රවේශපත්‍රය හා NIC එක ගැලපෙන දේශීය මගීන් 6යි.. Passport Number එක ගැලපෙන විදේශීකයින් 8යි...
නමුත් දුම්රියේ ආසන සියල්ල විකිණී ඇත....

දැන් කියන්න එපා tourism ඉවරයි කියලා.. එහෙමත් නැත්තන් මාසෙකට කලින් ගත්තේ කියලා.. සාමාන්‍ය මිලට අරත් 4 5 ගුණකයකට ඒවා විදේශිකයන්ට නීතිවිරෝදීව විකුණපුවගෙන් දැන් යන්න බැරි නිසා ගයිඩ්ලා විදේශීකයන්ව ඒ ටිකට් වලින් එවන්නේ නැතුව ගිහින්..

මේක මේ වගේම තව මාසයක් යනකොට නිවැරදිව ටිකට් බුක් කරන අයගෙන් මේ ආසන සියල්ල පිරී යනවා නිසැකවම..

ඡායාරූප උපුටා ගැනීම :- ගාඩ් මහත්තයා පිටුවෙනි
Sri Lanka Railway Journal

19/07/2025

1950 කාලයේ ගත් මෙම ඡායාරූපය එකල ලංකා දුම්රිය දෙපාර්තමේන්තුවේ
ප්‍රවේශපත් ආදිය කලින් වෙන්කරවා ගැනීම සඳහා තිබූ ජංගම කාර්යාලයක එකක්.
Ceylon Government Railway Mobile Booking Office 1950s
(ඡායාරෑපයේ ගෞරවය මුල්හිමිකරැට)

Sri Lanka Railway journal

30/06/2025

කාරුණික නිවේදනයයි!

හෙට දිනයේ (01.07.2025 / අගහරුවාදා) සිට ක්‍රියාත්මක වන පරිදි පහත සදහන් උඩරට දුම්රිය මාර්ගයේ දුම්රියන් සංශෝධනය කර ඇත!

⛔පෙ.ව.04:00ට පොල්ගහවෙල සිට මහනුවර බලා ධාවනය වීමට *නියමිත* දුම්රිය (1120) හෙට දින සිට;

🔷පෙ.ව. 04:20ට පොල්ගහවෙලින් පිටත් වී පේරාදෙණිය හන්දිය හරහා නාවලපිටිය දක්වා දීර්ඝ කර ඇත.

🔷මේ හේතුවෙන් එම දුම්රියේ මහනුවර බලා ගමන් ගන්නා මගීන් පෙ.ව. 05:30ට නාවලපිටිය සිට මහනුවර බලා ධාවනය වන දුම්රියට (1236) පේරාදෙණිය දුම්රිය ස්ථානයෙන් මාරුවිය යුතු බව කරුණාවෙන් සළකන්න.

⛔තවද, පෙ.ව. 06:25ට මහනුවර සිට නාවලපිටිය බලා ධාවනය වීමට නියමිතව තිබූ දුම්රිය (1121) හෙට දින සිට ධාවනය නොවන බව කරුණාවෙන් සලකන්න.

🔷මේ හේතුවෙන් පෙ.ව. 04:50ට මාතලේ සිට කොළඹ කොටුව බලා ධාවනය වන සෙංකඩගල මැණික් දුම්රිය (1036) සුපුරුදු නැවතුම් වලට අමතරව රැන්ඩල්ස් හිල් සහ රජවත්ත දුම්රිය නැවතුම්පොළ වලද නවතා ධාවනය කෙරේ.

🚦එහෙයින්, මහනුවර සිට නාවලපිටිය බලා ගමන් ගන්නා මගීන් එම දුම්රියේ ගොස් පේරාදෙණිය දුම්රිය ස්ථානයෙන් පොල්ගහවෙල සිට නාවලපිටිය බලා ධාවනය වන දුම්රියට (1120) මාරු විය යුතු බව කරුණාවෙන් සලකන්න.

Sri Lanka Railway Journal

Sri Lanka Railway Journal

29/11/2025

26/11/2025

24/11/2025

19/11/2025

19/10/2025

04/10/2025

21/08/2025

20/08/2025

15/08/2025

11/08/2025

19/07/2025

30/06/2025

Address

Website

Alerts

Contact The Business

Shortcuts

Share

Category