11/09/2025
අධ්‍යාපනය යනු මනස හා ශරීරයෙහි ශක්තින් පුහුණු කිරීම සහ වර්ධනය කිරීමේ ක්‍රියාවලියකි.
- ප්ලේටෝ -
2025 වර්ෂයට අදාලව දෙවන වාර විභාගය අවසන් වු අතර පිළිතුරු පත්‍ර ඇගයීමෙන් පසු සෑම පන්තියකම පළමුවෙනි දෙවෙනි සහ තුන්වෙනි ස්ථානයන්හී ප්‍රශංසනීය ලකුණු ලබාගත් ශිෂ්‍ය ශිෂ්‍යාවන්හට ප්‍රගති වාර්තා පොත් ලබාදීම සහ ඔවුන් ඇගයීමට ලක් කිරීමේ සරල උත්සව අවස්ථාව 2025.09.11 වන දින විද්‍යාලයේ ගරු විදුහල්පති රජිත තීක්ෂණ මහතා සුරතින් විද්‍යාලයේ නාලනී තෙන්නකෝන් එලිමහන් රංග පීඨයේදි සිදුකෙරෙනි. මෙහිදී
පළමු දෙවන සහ තුන්වෙනි ශ්‍රේණි ප්‍රවීණතා ලබාගත් ශිෂ්‍ය ශිෂ්‍යාවන්හට විශේෂ ලාංඡන පැළඳවීමක් ද සිදු කෙරෙනී.
එය විද්‍යාලයේ නියෝජ්‍ය සහ සහකාර විදුහල්පති මණ්ඩලයේ නව සංකල්පයක් වූ අතර මෙමගින් අනෙකුත් සිසුන් දිරිගැන්වීම සහ දක්ෂතා සපිරි දරුවන් හදුනාගැනීම අපේක්ෂා කෙරේ.
මේ සඳහා පංතිභාර සහ සහකාර පංතිභාර ගුරුභවතුන් සහභාගී වු අතර ගුණනුවණින් සපිරි දරුපිරිසක් විද්‍යාලය මගින් මහතලා පුරවයට,සමාජයට දායාද කිරීමෙහිලා කරනු ලබන සේවය සහ කැපකිරීම් උදෙසා විදුහල්පතිතුමන්ගේ හෘදයාංගම ස්තුතිය විද්‍යාලයේ සියලුම ගුරුමහත්ම මහත්මීන් වෙත එම අවස්ථාවේදී පුදකරන ලදී.
-𝗧𝗵𝗲 𝗠𝗲𝗱𝗶𝗮 𝗨𝗻𝗶𝘁 𝗼𝗳 𝗩𝗶𝗷𝗮𝘆𝗮 𝗖𝗼𝗹𝗹𝗲𝗴𝗲🇷🇴-
