19/06/2026
ආදරණීය නිශ්මි !
නිශ්මි ගැන සටහනක් දැක්කම ඒක ඉවරවෙනකම් කියවෙන එක වෙන්නෙ ඉබේම .
ඒ අපේ නායකයා .මට වසරක් සීනීයර් බැච් එකේ . ඒත් අපි කවදාවත් සීනියස් ලට අය්ය කියල නෑ . උනුත් අපිට මල්ලි කියල නෑ . මචං ම තමය් කොච්චර සීනියර් උනත් .කොහොමත් ඉමීඩියට් සීනියර් බැච් එක විතර සුපර් සීනියර්ස් ල සෙට් වෙන්නෙ නෑ . නිශ්මිත් මුල් දවස් වල මචං ට වැඩි දෙයක් නෑ .
නිශ්මි නායකයෙක් විදිහට මතු උනේ ඉබේම .දේශපාලනිකව නෙවෙයි . මුල්ම මතුවීම අද වගේ මතකය් . මොනව හරි ඇකඩමික් ප්රශ්නයකදි EOE පෙරේරා හෝල් එකේ දි ෆැකල්ටි මීටිමකදි . ඕවයදි ඉතිං ලොක්කො ෆය්නල් ඉයර්ස් ලනේ . අදාල ප්රශ්නෙ එයාල විග්රහ කරල බාලයොන්ට කියල දෙනව . උන් මේ තව මාසකීපයකින් එලියට යන්න බලන් ඉන්න උන්. උන් කැමති නෑ ස්ටාෆ් එකත් එක්ක කචල් දාගන්න . දියාරු ටෝක් තමය් . ඒ මීටිමම දියාරු වේගෙන යනකොට ආව ආවේගශීලී සැර හඬක් . ප්රශ්නෙ ආවේ කොහොමද ,ඒක කොච්චර අසාධාරනද ,ප්රශ්නෙට ගොදුරු උනු අයට වෙන්න යන බලපෑම ,ඒකට කලයුතුදේ ඉතාමපැහැදිලිව හත් ටසීයක් උනු ප්රේක්ෂකයන් ට ආයේ කිසිම තර්කයක් මතු නොවෙන්නම දීල ඇද්ද . ඒ සටනේ එකම නායකයා ඉබේම මතු උනා . ඒකියපු විදිහටම සටන ගියා සුලු දින ගනනකදීම අපේක්ෂිත ජයග්රහණය සමගම සටන දිනුව .
එතනින් පස්සෙ ආයෙ ඉඦිනේරු ෆැකල්ටියට වෙන නායකයො නෑ . හිටපු සේරම ටික ටික වාශ්ප වෙලා තනි අයෝමය නායකය විදිහට නිශ්මි මතු උනා.එතනින් පස්සෙ එකින් එක ආපු ඉංජිනේරු පීඨයෙන් පිට පොදු සරසවි ප්රශ්නවලදිත් නායකත්වය ඇදිල ආවේ නිස්මි දෙසට.නිස්මි පේරාදෙණිය විශ්ව විද්යාලෙ අසහාය සිසු නායකයා උනා ඉතාම වේගයෙන්.නිස්මි ඉතාම ආදරණීය චරිතයක් ආශ්රය කරන්න පුලුවන් උනු දහස් ගනනක ගේම ලන්ඟම මිත්රයා . ඒ හැමෝටම තිබුන නිස්මි සමග පමනක්ම උනු තවත් අයට අදටත් කියවන පුද්ගලික දෙයක් . තමන් සහ නිස්මි විතරක් දන්න සුන්දර අමතක නොවන සිහිවටනයක් .සමහර විට ත්රාසජනක බේරීමක් වගේ අදටත් සලිත වෙන දෙයක්
මටත් එහෙම සිදුවීම් ඕන තරම් තියනවා . මොකද සරසවියෙ සිසු දහස් ගනනටම බෙදන්න වගකීම් නිස්මි ලඟ තිබුන . වගකීම් බෙදුව වගේම එකක් නෑර ෆලෝ අප් කලා . දැං වගේ ලැප් ටොප් ස්මාර්ට් ෆෝන් නැතුව සේරම මනසේ පිලිවෙලට ඩව්න්ලෝඩ් කරගෙන ෆය්ල් දහස් ගනනක ඩේටා බේස් එකක් නිස්මි .
ඒ ස්මාට් හැකියාව අසම සම නායකත්වයක්
මට අදටත් වෙන නායකයෙක් ගැන හිතාගන්නවත් බෑ ඒතරම් හැකියාවක් ඇති .ඒ තරම් මේ තමය් මගේ නායකයා අපේ නායකය කියන්න පුලුවන් .
නිස්මි අත්අඩංගුවට පත්වෙන්න සති කිහිපයකට කලින් මටය් මගේ මිත්රයෙකුටය් නිස්මි කොලඹදි හමු උනා . ඒ දවස්වල මමය් මගේ මිත්රයය් වීක් එන්ඩ් වල කොලඹ ඇවිත් කොම්පියුටර් කෝස් එකක් කලා ලෝටස් 123 අපි හෝටලයකින් ලන්ච් ගත්දි තමය් නිස්මි ආවෙ
අපි තුන්දෙනා කනගමන් තමය් නිස්මි ඇහුවෙ අජ්ජ කොලඹ ආවම කොහේද ඉන්නෙ කියල
එතකොට මම වැඩකලේ ඉස්සො ෆාම් එකක අපේ ඥාති අය්ය කෙනෙක්ගෙ එයා නුවර එයාගෙ ගෙදරක් තිබුන පිටකෝට්ටෙ එකට ඈඳල හදපු ගෙවල් දෙකක් එකක් දීල තිබුනේ එයාෆෙ මල්ලිට එයා එතකොට පොලිස් IP කෙනෙක් අනිත් ගෙදර බොස්ගෙ කොලඹ ආවම නවතින්න , ඒකෙ තමය් මම කෝස් එක කරන්න වීක් එන්ඩ් ආවම නවතින්නෙ .
ඔය විස්තර කිව්වම
අඩේ මටත් පුලුවන්ද වීක් එන්ඩ් වල උඹ ආවම නවතින්න
පුලුවන් වරෙන් !
එදා ඉඳල සති කීපයක්ම වීක් එන්ඩ් වල නිස්මි ආව එහේ
අපි IP අය්යත් එක්කත් සෙට් උනා කීප සැරයක් 🙂 අය්ය දන්නෑ නිස්මි ව එයා කිව්වෙ වෙන නමක් 😀
නිස්මි නැතිවෙලා අව්රුදු ගානකින් අර IP අය්යට මම කිව්වෙ ඔයාගෙ අල්ලපු ගෙදර මාත් එක්ක හිටියෙ නිස්මි කියල
පොරට සිහි නැතිවෙන්න ගියා
නිස්මි අපි ට තාමත් තියෙන්නෙ උඹ දීල ගියපු මතක මචං !
Copied from Ajitha Edirisinghe
ආදරණීය ” සනීපදායක මද පවන; නිෂ්මි “
….ඒ මගේ නායකයා , ඒ අපේ නායකයා ♥️
ශිෂ්ය වීර දිනය - ජුනි 20
