Citizen.lk, Mirihana (2025)

21/07/2025

🟠 WTC අවසන් තරග තුනක සත්කාරක රට ලෙස එංගලන්තය නම් කෙරේ

ලෝක ටෙස්ට් ශූරතාවේ එළැඹෙන අදියර (2027) ඇතුලුව 2029 සහ 2031 වර්ෂන්හි පැවැත්වෙන අවසන් මහා තරග සඳහා ද සත්කාරක රට ලෙස එංගලන්තය නම්කර ඇත.

සිංගප්පූරුවේ පැවති ICC වාර්ෂික සමුළුවේදී මෙම තීරණය අනුමත කර ඇත.

ටෙස්ට් ලෝක ශූරතා අවසන් මහා තරගය පැවැත්වීමේ දී එංගලන්ත ක්‍රිකට් ආයතනය ඊට දැක්වූ සාර්ථකත්වය සැලකිල්ලට ගෙන මෙම තීරණය ගෙන ඇත.

ඒ අනුව, 2021 වසරේ පැවැති අවසන් මහා තරගය ඇතුලුව මේ දක්වා පැවැති සෑම අදියරකම (2023, 2025) අවසන් මහා තරග සඳහා ද සත්කාරකත්වය ලබාදී ඇත්තේ එංගලන්තයයි.

2023–2025 අදියරට අදාළ ටෙස්ට් ලෝක ශූරතාවේ අවසන් මහා තරගය පසුගිය මාසයේ ඓතිහාසික ලෝඩ්ස් ක්‍රීඩාංගණයේ පැවැති අතර, එහිදී ඔස්ට්‍රේලියාවට එරෙහිව කඩුලු 5ක ජයක් වාර්තා කිරීමට දකුණු අප්‍රිකාව සමත් වුණා.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 ධීවර සහ නාවික ප්‍රජාවට කාලගුණයෙන් රතු නිවේදනයක්

තද සුළං පිළිබඳ රතු නිවේදනයක් කාලගුණ විද්‍යා දෙපාර්තමේන්තුවෙන් නිවේදනය කර තිබෙනවා.

එම නිවේදනය හලාවත සිට පුත්තලම හරහා මන්නාරම දක්වා සහ ගාල්ල සිට හම්බන්තොට හරහා පොතුවිල් දක්වා වන මුහුදු ප්‍රදේශ සඳහා ඉදිරි පැය 24 දක්වා බලපැවැත්වෙනවා.

එම මුහුදු ප්‍රදේශවල සුළඟේ වේගය විසින් විට පැ.කි.මී 60 - 70 දක්වා ඉහළ යා හැකි අතර මුහුදු ප්‍රදේශ විටින් විට රළු හෝ ඉතා රළු විය හැකි ය.

පුත්තලම සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් 2.5 - 3ත් අතර විය හැකි ය.

මේ හේතුවෙන් එම ප්‍රදේශ හරහා පොතුවිල් දක්වා වන මුහුදු ප්‍රදේශවල මුහුදු රළ ගොඩබිමට පැමිණීමේ හැකියාව පවතිනවා.

ඉදිරි පැය 24 සඳහා පුත්තලම හරහා මන්නාරම දක්වා සහ ගාල්ල සිට හම්බන්තොට හරහා පොතුවිල් දක්වා මුහුදු ප්‍රදේශවල යාත්‍රා නොකරන ලෙස කාලගුණ විද්‍යා දෙපාර්තමේන්තුව නාවික සහ ධීවර ප්‍රජාවන්ට දැනුම් දී සිටිනවා.

එමෙන්ම, හලාවත සිට කොළඹ හරහා ගාල්ල දක්වා සහ මන්නාරම සිට කන්කසන්තුරය සහ ත්‍රිකුණාමලය හරහා වාකරේ දක්වා මුහුදු ප්‍රදේශවල යාත්‍රාකරන ධීවර හා නාවික ප්‍රජාව අවධානයෙන් කටයුතු කරන මෙන් කාරුණිකව ඉල්ලා සිටිනවා.

මේ අතර, ඉදිරි නිවේදන පිළිබඳ දැඩි අවධානයෙන් යොමුවන ලෙස ද කාලගුණවිද්‍යා දෙපාර්තමේන්තුව ධීවර හා නාවික ප්‍රජාවට දැනුම් දෙනවා.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 අස්වැසුමට අභියාචනා ඉදිරිපත් කිරීම අදින් අවසන් වෙයි

අස්වැසුම සුභසාධක ප්‍රතිලාභ වැඩසටහනට අභියාචනා ඉදිරිපත් කිරීමේ කාලය අදින් (21) දිනයෙන් අවසන් වන බව සුභසාධක ප්‍රතිලාභ මණ්ඩලය පවසනවා.

අස්වැසුම දෙවැනි අදියර සදහා අයදුම්පත් 30,000කට ආසන්න ප්‍රමාණයක් මේ වනවිට ලැබී ඇත.

අදාළ අභියාචනා ප්‍රාදේශීය ලේකම් කාර්යාලවලට භාරදිය හැකි අතර, අනතුරුව එම අභියාචනා සුබසාධක ප්‍රතිලාභ මණ්ඩලයට යොමු කර එහිදී සමාලෝචනය කිරීමට නියමිතයි.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 'රජය සිතා සිටින්නේ ඉතිහාසය විෂයෙන් කිසිදු ප්‍රතිලාභයක් නොමැති බව‍යි' - අස්ගිරි පාර්ශ්වයේ ලේඛකාධිකාරී හිමි

ඉතිහාසය විශේෂ විෂයක් ලෙස පාසල් පද්ධතිය තුළ ළමුන්ට කියා දිය යුතු බව අස්ගිරි පාර්ශ්වයේ ලේඛකාධිකාරී ආචාර්ය පූජ්‍ය මැදගම ධම්මානන්ද හිමියන් පවසනවා.

ඉතිහාසය සහ පුරාවිද්‍යාව ආර්ථික වශයෙන් ප්‍රතිලාභ පවතින විෂයක් බවත්, නමුත් වත්මන් රජය සිතා සිටින්නේ එම විෂයන්වලින් කිසිදු ප්‍රතිලාභයක් නොමැති බව යැයිත් උන්වහන්සේ සඳහන් කර සිටියා.

වෙනත් රටවල පුරවැසිකම් ලබා ගැනීමේදීද ඔවුන්ගේ රටේ ජාතිය, රටේ උරුමයන් සම්බන්ධයෙන් දැනගත යුතු බවයි ආචාර්ය පූජ්‍ය මැදගම ධම්මානන්ද හිමියන් වැඩිදුරටත් ප්‍රකාශ කර සිටියේ.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 කොළඹ - නුවර පාරේ ටිපර් රථයක් සහ CTB බස් රථයක් එකිනෙක ගැටී අනතුරක්

කොළඹ නුවර මාර්ගයේ තිත්වැල් මංකඩ ප්‍රදේශයේ ටිපර් රථයක් සහ ලංකා ගමනාගමන මණ්ඩලයට අයත් බස් රථයක් එකිනෙක ගැටී අනතුරක් සිදුව තිබෙනවා.

අනතුරින් බස් රථයේ රියදුරු සමග හිමිනමක් තුවාල ලබා රෝහල් ඇතුළත් කර ඇති බවයි දංඕවිට පොලීසිය පවසන්නේ.

නුවර දෙසට යමින් තිබූ ටිපර් රථයක අනුරාධපුරයේ සිට කොළඹ බලා ධාවනය වෙමින් තිබූ බස් රථය ගැටී තිබුණු අතර, බස් රථය මාර්ගයේ ඉවතට පැන වෙළෙඳසැලක් අසල නතරවී ඇත.

බස් රථයේ වැරදි මංතීරුවේ ධාවනය වීම නිසා ඉදිරියෙන් පැමිණි ටිපර් රථයේ ගැටීම හේතුවෙන් අනතුර සිදුව ඇති බව‍යි දංඕවිට පොලීසිය සඳහන් කළේ.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 පනහඩුව වැවේ මාලු ඇල්ලීමට ගිය දෙදෙනෙකු දියේ ගිලී අතුරුදන්

උඩවලව පනහඩුව වැවේ මාලු ඇල්ලීමට ගිය දෙදෙනෙකු දියේ ගිලී අතුරුදන්ව තිබෙනවා.

මෙම පුද්ගලයින් දෙදෙනා ටියුබ් එකක් ආධාරයෙන් මාලු ඇල්ලීම සඳහා පනහඩුව වැවට ගොස් ඇති අතර එහිදී දියේ ගිලී ඇති බවයි වාර්තා වන්නේ.

මෙසේ දියේ ගිලී අතුරුදන්ව ඇත්තේ වයස අවුරුදු 30ක සහ 29ක තරුණයින් දෙදෙනෙක්.

ඔවුන් දෙදෙනාම පනහඩුව ප්‍රදේශයේම පදිංචිකරුවන් බවයි සඳහන් වන්නේ.

තරුණයින් දෙදෙනා දියේ ගිලෙන ආකාරය ගම්වැසියෙකු විසින් දැක ඇති අතර ඔහු ඒ පිළිබඳව පොලීසිය දැනුවත් කර ඇත.

ඒ අනුව, ඇඹිලිපිටිය පොලීසියේ ජීවිතාරක්ෂක නිලධාරීන් සහ යුධ හමුදා පිහිනුම්කරුවන් පැමිණ ඔවුන් දෙදෙනාම සෙවීමේ කටයුතු ආරම්භ කර ඇත.

එහිදී එක් පුද්ගලයෙකුගේ සිරුර සොයා ගෙන ඇති අතර අතුරුදන්ව ඇති අනෙක් පුද්ගලයාගේ සිරුර සොයා මෙහෙයුම් ක්‍රියාත්මකයි.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 Papa Jake මියයයි

Tiktok සමාජ මාධ්‍යයේ 'Papa Jake' නමින් ප්‍රසිද්ධව සිටි ජේක් ලාර්සන් මිය ගොස් තිබෙනවා.

ඔහු මිය යන විට අවුරුදු 102වන වියේ පසුවුණා.

ඔහු දෙවන ලෝක යුද්ධයේ ක්‍රියාකාරී සාමාජිකයෙකු වන අතර, 1944 දී උතුරු ප්‍රංශයේ වෙරළ තීරයේ නාසි ජර්මනියේ හමුදාවන්ට පහර දුන් ඩී-ඩේ හි මිත්‍ර හමුදා අතර ලාර්සන් ද සිට ඇත.

ලාර්සන්ට TikTokහි අනුගාමිකයින් මිලියන 1.2 ක් සිටින අතර, ඒ හරහා ඔහු දෙවන ලෝක යුද්ධයේ සහ ඔහුගේ මියගිය සගයන් සම්බන්ධ මතකයන් සමාජය සමඟ බෙදා ගෙන තිබුණා.

ඔහුගේ මිනිබිරිය මැකේලා ලාර්සන් සමාජ මාධ්‍ය හරහා පවසා ඇත්තේ, ඔහු ජූලි 17 වනදා මියගිය බවත් අවසන් මොහොත දක්වාම ඉතාම සතුටින් ඔහු ජීවත් වූ බවත්ය.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 අස්ගිරි පාර්ශ්වයේ අනුනායක පූජ්‍ය ආනමඩුවේ ශ්‍රී ධම්මදස්සි හිමි අපවත් වෙයි

අනුරාධපුර භික්ෂු විශ්ව විද්‍යාලයේ හිටපු ජ්‍යෙෂ්ඨ කථිකාචාර්ය, වයඹ ඇත්කඳ රජමහා විහාරාධිපති, ආනමඩුවේ ශ්‍රී ධම්මදස්ස්‍යභිධාන මහා විහාරවංශික ස්‍යාමෝපාලි මහා නිකායේ අස්ගිරි මහා විහාර පාර්ශ්වයේ අනුනායක පුජ්‍ය ආනමඩුවේ ධම්මදස්සි හිමියන් අපවත් වී තිබෙනවා.

අපවත් වන විට උන්වහන්සේ 67වන වියේ පසුවුණා.

හදිසි රෝගී තත්ත්වයක් හේතුවෙන් පෞද්ගලික රෝහලකට ඇතුළත් කර ප්‍රතිකාර ලබමින් සිටියදී ඊයේ (20) රාත්‍රියේ උන්වහන්සේ අපවත් වී ඇත.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 මහින්දානන්දට සහ නලින්ට අධිචෝදනා

2014 වසරේ පැවති ජනාධිපතිවරණය සමයේ ස.තො.ස ආයතනය හරහා කැරම්බෝඩ් හා දාම් ලෑලි ආනයනය කර දේශපාලන වාසි ලබා ගැනීමේ අරමුණින් ක්‍රීඩා සංගම්වලට බෙදා දීම තුළින් පොදු දේපළ පනත යටතේ වරදක් සිදුකළේ යැයි චෝදනා කරමින් මේ වන විට සිරදඬුවම් ලබා සිටින හිටපු අමාත්‍යවරුන් වන මහින්දානන්ද අලුත් ගමගේ සහ නලින් ප්‍රනාන්දු සහ ක්‍රීඩා අමාත්‍යංශයේ හිටපු ලේකම් විශ්‍රාමික යුද හමුදා මේජර් ජෙනරාල් නන්ද මල්ලවාරච්චි යන අයට අද (21) කොළඹ මහාධිකරණය හමුවේ අධිචෝදනා භාර දී තිබෙනවා.

ඉන් අනතුරුව, මෙම විත්තිකරුවන් තුන්දෙනා ඇප මත මුදා හැරීමටද කොළඹ මහාධිකරණ විනිසුරු මංජුල තිලකරත්න නියෝග කර ඇත.

මෙම නඩුවේ විත්තිකරුවන් වන මහින්දානන්ද අලුත්ගමගේ සහ නලින් ප්‍රනාන්දු යන අය දැනටමත් සිරදඬුවම් නියම වී සිටින බැවින් ඔවුන්ව මීළඟ නඩු දිනයේ අධිකරණයට ඉදිරිපත් කරන ලෙසත් මහාධිකරණ විනිසුරු නියම කර සිටියා.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 මන්ත්‍රී ජගත්ගේ පුත් රසික විතාන රිමාන්ඩ්

නීති විරෝධීව එකලස් කරන ලද වාහනයක් ළඟතබා ගැනීමේ සිද්ධියකට අදාළව අත්අඩංගුවට ගත් සමගි ජන බලවේග පාර්ලිමේන්තු මන්ත්‍රී ජගත් විතානගේ පුත් රසික විතාන එළැඹෙන මස 01 වනදා දක්වා රක්ෂිත බන්ධනාගාර ගතකර තිබෙනවා.

ඔහු ඊයේ (20) මතුගම මහෙස්ත්‍රාත් අසංකා හෙට්ටියාවත්ත වෙත ඉදිරිපත් කිරීමෙන් අනතුරුව මෙම නියෝගය ලබා දී ඇත.

පානදුර වලාන දූෂණ මර්ධන ඒකකය විසින් රසික විතාන පෙරේදා (19) මතුගම ප්‍රදේශයේදී අත්අඩංගුවට ගනු ලැබුවා.

තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

21/07/2025

🟠 අද කාලගුණ නිවේදනය

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි ඇතිිවිය හැකි බව කාලගුණ විද්‍යා දෙපාර්තමේන්තුව සඳහන් කරනවා.

ඒ අනුව, සබරගමුව පළාතේත් නුවරඑළිය, මහනුවර, ගාල්ල, මාතර සහ කළුතර දිස්ත්‍රික්කවලත් ඇතැම් ස්ථානවල මි.මී. 75 ක පමණ තරමක තද වැසි ඇතිවිය හැකි ය.

වයඹ සහ ඌව පළාත්වලත් හම්බන්තොට දිස්ත්‍රික්කයේත් වැසි වාර කිහිපයක් ඇතිවිය හැකි ය.

මධ්‍යම කඳුකරයේ බටහිර බෑවුම් ප්‍රදේශවලත් බස්නාහිර, සබරගමුව, දකුණු, වයඹ සහ උතුරු-මැද පළාත්වල විටින් විට හමන පැ.කි.මී. 50 ක පමණ තද සුළං ඇතිවිය හැකියි. දිවයිනේ සෙසු ප්‍රදේශවල විටින් විට හමන පැ.කි.මී. (30-40) ක පමණ තරමක තද සුළං ඇතිවීමේ හැකියාව පවතිනවා.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කරගැනීමට අවශ්‍ය පියවර ගන්නා ලෙස කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.

*තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.*
https://whatsapp.com/channel/0029Va6pHaKLI8YSGVy3ZQ2W

2025.07.21| 𝘾𝙞𝙩𝙞𝙯𝙚𝙣.𝙡𝙠

19/07/2025

🟠 King Khan ආබාධයකට ලක් වෙයි

බොලිවුඩ් සුපිරි නළු ශාරුක් ඛාන් මාංශපේශී ආබාධයකට ලක්ව ඇති බව ඉන්දීය මාධ්‍ය වාර්තා කරනවා.

ඉදිරියේදී සිනමාගත කිරීමට නියමිත ශාරුක් ඛාන්ගේ නවතම සිනමාපටය වන King චිත්‍රපටයේ රූගත කිරීම් අතරතුරදී ඔහු මෙලෙස ආබාධයකට ලක්ව ඇත.

ශාරුක් ඛාන්ගේ ආබාධය පිළිබඳ නිශ්චිත තොරතුරු හෙළි කර නොමැති අතර එය බරපතල නොවන මාංශපේශි කිහිපයක සිදු වු ආබාධයක් බවයි ඉන්දීය මාධ්‍ය වාර්තා කරන්නේ.

කෙසේවෙතත්, ශාරුක් ඛාන් සහ ඔහුගේ කණ්ඩායම හදිසි වෛද්‍ය ප්‍රතිකාර සඳහා ඇමරිකා එක්සත් ජනපදයට ගොස් ඇති බවයි ඉන්දීය මාධ්‍ය සඳහන් කරන්නේ.

සුවය ලැබීම සඳහා මාසයක කාලයක් විවේක ගන්නා ලෙස වෛද්‍යවරුන් ඔහුට උපදෙස් දී ඇති බවද ඉන්දීය මාධ්‍ය වැඩිදුරටත් වාර්තා කරන්නේ.

*තහවුරු කරන ලද නවතම ප්‍රවෘත්ති දැනගැනීමට පහතින් අපගේ Whatsapp Channel එකට දැන්ම සම්බන්ධ වන්න.*
https://whatsapp.com/channel/0029Va6pHaKLI8YSGVy3ZQ2W

2025.07.19| 𝘾𝙞𝙩𝙞𝙯𝙚𝙣.𝙡𝙠

Citizen.lk

21/07/2025

21/07/2025

21/07/2025

21/07/2025

21/07/2025

21/07/2025

21/07/2025

21/07/2025

21/07/2025

21/07/2025

21/07/2025

19/07/2025

Address

Telephone

Website

Alerts

Contact The Business

Shortcuts

Share

Category

Our Story