26/05/2026
මේ විමන හැර මට යන්ට බැරි
කුලියට ගන්න ගස් අවට නැති
මල් පඳුරු තිබුණත් මැඳුරු සරි
පොඩි ඇනෙක්සියකටවත් නොසරි
මේ විමන මගෙ වුව එහි සුවය
මා වට අවට හැමදෙන විඳිති
අයිතිය ගසක හිමි ගසට වුව
ඉන් සදන සෙත ලොවට ය අයිති
ගස් වෙවුලුවන තැතිගෙන බිය ව,
ගස් කපන්නාණනි මට කියව
ඔබෙ සුරත රැඳි දිලිසෙන පොරව
එක පණක් රැක දුන්නෙද මෙලොව
* * * * * * *
තුරු සිඳින විට සවි ගෙන හිතට
අත වාරු නැති වී හාමතට
මගෙ පොරව වැටුණා ගඟ දියට
රුක් දෙවිඳුනේ මතක ද ඔබට
රන් රිදී වුව මුවහත් අවිය
සුන්කර දමයි මේ ලොව දිවිය
රුක් දේවතාවනි මෙය අසව
මේ ඔබ එදා මට දුන් පොරව
🔖 වස්සානෙන් පසුව
🔖 රත්න ශ්රී විජේසිංහ
🔖 ප්රකාශනය - සන්ථව ප්රකාශන
🔖 මිල -450/=
(සෑම සන්ථව ප්රකාශනයක් සඳහාම වසර පුරා 20%ක වට්ටමක් හිමිවේ...)
🏷️ ඔබට අවශ්ය ඕනෑම නවකතා, කෙටිකතා, පරිවර්තන,චරිතාපදාන, ශාස්ත්රීය, පාසල් ළමුන් සඳහා අවශ්ය පොත් මෙන්ම සියලුම පාසල් උපකරණද ඉතාම පහසු මිලකට අප වෙතින් මිලදීගත හැකියි..
ඒ සඳහා අදම පිවිසෙන්න
▪️Whatsapp - 0777 587301
▪️Youtube - Santhawa kavi TV
▪️Tiktok - Santhawa
▪️www.santhawa.lk
▪️No 112/4, Gampaha Road, Miriswaththa
