Wellassa Radio

17/08/2026

කෝටි 8ක වත්කම් සම්බන්ධ චෝදනා එල්ල වූ “තොටළඟ පොඩ්ඩි” යළිත් රක්ෂිත බන්ධනාගාරගත කරයි. ⚖️

17/08/2026

පාස්කු බෝම්බ ප්‍රහාර මාලාව සම්බන්ධයෙන් විභාග වන විශේෂ ත්‍රිපුද්ගල මහාධිකරණ නඩුවේ විත්තියේ සාක්ෂි විමසීම අද (17) සිට දිනපතා සිදුකිරීමට නියමිතයි.

මෙම නඩුවේ චූදිතයන්ට එරෙහිව ඉදිරිපත් කර ඇති චෝදනා සම්බන්ධයෙන් ඔවුන්ගේ විත්ති වාචික කැඳවීම පසුගිය 13 වැනිදා සිදුකර තිබෙනවා. එහිදී නඩුවට අදාළව චූදිතයන්ට නීතියෙන් සහ ව්‍යවස්ථාවෙන් හිමිවන සියලුම අයිතිවාසිකම් පිළිබඳවද ඔවුන් දැනුවත් කිරීමට අධිකරණය කටයුතු කර තිබුණා.

නඩු වාර්තාවල සඳහන් කර ඇති ආකාරයට, ඇතැම් චූදිතයන් තමන් වෙනුවෙන් විත්තිකූඩුවේ සිට ප්‍රකාශයක් සිදුකිරීමට තීරණය කර තිබෙනවා. එම චූදිතයන් වෙනුවෙන් වෙනත් සාක්ෂිකරුවන් කිහිපදෙනෙකුද අධිකරණය හමුවට කැඳවීමට නියමිත බව සඳහන්.

මේ අතර තවත් චූදිතයන් පිරිසක්ද විත්තිකූඩුවේ සිට තම ප්‍රකාශ ලබාදීමට සූදානම්ව සිටින නමුත්, ඔවුන් වෙනුවෙන් වෙනත් සාක්ෂිකරුවන් කැඳවීමට අවශ්‍ය නොවන බව අධිකරණයට දැනුම් දී තිබෙනවා.

ඒ අනුව, පාස්කු ප්‍රහාරයට අදාළ මෙම විශේෂ මහාධිකරණ නඩුවේ විත්තියේ සාක්ෂි විමසීම අද සිට දිනපතා ඉදිරියට පැවැත්වීමට නියමිතයි.

16/08/2026

🌍🇱🇰 ශ්‍රී ලංකාවේ වෛද්‍යවරුන් පිරිසක් සිදුකළ විස්මිත සැත්කමක් හේතුවෙන් ලෝකයේම අවධානය ශ්‍රී ලංකාව දෙසට යොමුවී තිබෙනවා.

ත්‍රිකුණාමලය මහ රෝහලේ වෛද්‍යවරුන් කණ්ඩායමක් විසින් වකුගඩුවක තිබූ අතිවිශාල ගලක් සාර්ථක ශල්‍යකර්මයකින් ඉවත් කර තිබෙන අතර, එහි බර කිලෝග්‍රෑම් 3යි ග්‍රෑම් 100ක්, එනම් කිලෝග්‍රෑම් 3.1ක් පමණ වන බව සඳහන්.

මෙම සිද්ධියට අදාළව රෝහලට ඇතුළත් වී තිබුණේ වයස අවුරුදු 52ක පුද්ගලයෙක්. ඔහු දැඩි ලෙස මුත්‍රා කිරීමේ අපහසුතාවකට මුහුණදීම හේතුවෙන් ත්‍රිකුණාමලය මහ රෝහලට ඇතුළත් කර තිබුණා.

වෛද්‍ය පරීක්ෂණවලදී ඔහුගේ වකුගඩුව තුළ අසාමාන්‍ය ලෙස විශාල ගලක් ඇති බව අනාවරණය වී තිබෙනවා. එම ගලේ බර කිලෝග්‍රෑම් 3.1ක් පමණ වන අතර, එහි දිග සෙන්ටිමීටර් 21ක් පමණ බව වෛද්‍යවරු පෙන්වා දී තිබෙනවා.

විශේෂත්වය වන්නේ මුල් වාර්තාවල මෙම දිග මීටර් 21ක් ලෙස සඳහන් වී තිබුණද, එය නිවැරදිව සෙන්ටිමීටර් 21ක් පමණ බව පසුව පැහැදිලි කර තිබීමයි.

ඉකුත් 14 වැනිදා සිදුකළ ශල්‍යකර්මයකින් අනතුරුව මෙම දැවැන්ත වකුගඩු ගල සම්පූර්ණයෙන්ම ඉවත් කිරීමට ත්‍රිකුණාමලය මහ රෝහලේ වෛද්‍ය කණ්ඩායම සමත්වී තිබෙනවා.

ලෝක සෞඛ්‍ය සංවිධානයේ දත්ත අනුව, මීට පෙර ලොව විශාලතම වකුගඩු ගලක් ඉවත් කළ අවස්ථාව වාර්තා වී තිබුණේ 2003 වසරේ බ්‍රසීලයෙන්. එම ගලේ බර කිලෝග්‍රෑම් 1.9ක් පමණ වූ බව සඳහන්.

ඒ අනුව ත්‍රිකුණාමලය මහ රෝහලේදී ඉවත් කළ කිලෝග්‍රෑම් 3.1ක වකුගඩු ගල, මීට පෙර වාර්තා වී තිබූ කිලෝග්‍රෑම් 1.9ක ගලට වඩා සැලකිය යුතු ලෙස විශාල බව වාර්තාව පෙන්වා දෙනවා. මේ හේතුවෙන් ශ්‍රී ලංකාවේ සිදුකළ මෙම සැත්කම ලෝක වාර්තාවක් ලෙස අවධානයට ලක්ව තිබෙනවා.

මෙම ඓතිහාසික ශල්‍යකර්මයට නායකත්වය ලබාදී ඇත්තේ වකුගඩු ශල්‍ය වෛද්‍ය ප්‍රහලතන් බාලක්‍රිෂ්ණන් මහතා විසින්.

ඔහු සමඟ මෙම සැත්කම සාර්ථක කරගැනීම සඳහා වෛද්‍ය එම්. රිෂ්ලි මහීල්, වෛද්‍ය ජේ.එම්. ඉහ්සාන්, වෛද්‍ය සී. ප්‍රහලතන් සහ නිර්වින්දන වෛද්‍ය අමිලා ජයකොඩි ඇතුළු වෛද්‍ය කණ්ඩායමක් එක්ව තිබෙනවා.

ශ්‍රී ලංකාවේ වෛද්‍ය කණ්ඩායමක් මෙවැනි සංකීර්ණ හා අවදානම් සහගත සැත්කමක් සාර්ථකව සිදුකරමින් ජාත්‍යන්තර අවධානය දිනාගැනීම මෙරට සෞඛ්‍ය ක්ෂේත්‍රයටත් විශේෂ ජයග්‍රහණයක් ලෙස සැලකිය හැකියි. 🇱🇰

16/08/2026

අයගම, ඉන්දොලවත්ත ප්‍රදේශයේ ආරණ්‍ය සේනාසනයක් ආසන්නයේ ගල් තලාවක සිට අඩි 300ක පමණ ප්‍රපාතයකට වැටී මියගිය පුද්ගලයෙකුගේ සිරුර අද (16) පස්වරුවේ ගොඩගත් බව පොලිසිය පවසනවා.

මෙලෙස මියගොස් ඇත්තේ අයගම, දුම්බර මානාන ප්‍රදේශයේ පදිංචි 59 හැවිරිදි පුද්ගලයෙක් බව පොලිසිය සඳහන් කළා.

පොලිසියට අනුව, මෙම පුද්ගලයා පසුගිය 9 වැනිදා ඥාති නිවසකට යන බව පවසා නිවසින් පිටත්ව ගොස් තිබෙනවා. එහෙත් ඔහු නැවත නිවසට නොපැමිණීම හේතුවෙන් 10 වැනිදා සිට අතුරුදන්ව ඇති බවට පොලිසියට පැමිණිල්ලක් ලැබී තිබුණා.

ඒ අනුව සිදුකළ සොයාබැලීමේදී, ආරණ්‍ය සේනාසනයට ඇතුළුවන ස්ථානය ආසන්නයේ තිබී අතුරුදන් වූ පුද්ගලයාට අයත් පාවහන් යුගලයක් සහ කුඩයක් සොයාගෙන තිබෙනවා.

ඉන් අනතුරුව, පසුගිය 13 වැනිදා පොලිසිය ඩ්‍රෝන කැමරා යොදාගෙන සිදුකළ සෝදිසි මෙහෙයුමකදී, අඩි 300ක පමණ ගැඹුරු ප්‍රපාතයක් තුළ තිබී ඔහුගේ මළ සිරුර සොයාගෙන තිබෙන බව වාර්තා වනවා.

අනතුරුව අද පස්වරුවේ එම සිරුර ප්‍රපාතයෙන් ගොඩගෙන ඇති අතර, සිද්ධිය සම්බන්ධයෙන් පොලිසිය වැඩිදුර විමර්ශන සිදුකරනවා.

සිද්ධිය සම්බන්ධයෙන් වැඩිදුර තොරතුරු අනාවරණය කර ගැනීම සඳහා විමර්ශන ක්‍රියාත්මකයි.

16/08/2026

2019 සිට 2025 දක්වා වසර හයක කාලය තුළ මෙරට බන්ධනාගාරවලින් රැඳවියන් 1,178 දෙනෙකු පලාගොස් ඇති බව බන්ධනාගාර දෙපාර්තමේන්තුව නිකුත් කළ සංඛ්‍යාලේඛන වාර්තාවකින් අනාවරණය වී තිබෙනවා.

එම වාර්තාවට අනුව, 2019 වසරේදී බන්ධනාගාරවලින් පලාගිය රැඳවියන් සංඛ්‍යාව 153 දෙනෙකු වන අතර, 2020 වසරේදී එය 110 දෙනෙකු ලෙස සටහන් වී තිබෙනවා. 2021 වසරේදී තවත් 103 දෙනෙකු බන්ධනාගාරවලින් පලාගොස් ඇති බව එහි සඳහන්.

2022 වසරේදී පලාගිය රැඳවියන් සංඛ්‍යාව සැලකිය යුතු ලෙස ඉහළ ගොස් ඇති අතර, එම වසරේදී 231 දෙනෙකු බන්ධනාගාරවලින් පලාගොස් තිබෙනවා.

ඉන් අනතුරුව 2023 වසරේදී 207 දෙනෙකු, 2024 වසරේදී 188 දෙනෙකු සහ 2025 වසරේදී 186 දෙනෙකු ලෙස බන්ධනාගාරවලින් පලාගිය රැඳවියන් සංඛ්‍යාව වාර්තා වී තිබෙනවා.

ඒ අනුව 2019 සිට 2025 දක්වා වසර හයක කාලය තුළ වාර්තා වී ඇති මුළු පලාගිය රැඳවියන් සංඛ්‍යාව 1,178ක්.

කෙසේ වෙතත්, පලාගිය සියලුම රැඳවියන් නැවත අත්අඩංගුවට ගැනීමට හැකි වී නොමැති බවද බන්ධනාගාර දෙපාර්තමේන්තුවේ සංඛ්‍යාලේඛන මගින් අනාවරණය වී තිබෙනවා.

පලාගිය රැඳවියන් 1,178 දෙනාගෙන් 474 දෙනෙකු නැවත අත්අඩංගුවට ගැනීමට හැකි වී ඇති අතර, තවත් 704 දෙනෙකු මේ දක්වා නැවත අත්අඩංගුවට ගැනීමට නොහැකි වී ඇති බව එම වාර්තාවේ දැක්වෙනවා.

වසර අනුව පලාගිය රැඳවියන් සංඛ්‍යාව සැලකීමේදී 2022 වසරේදී එය 231ක් දක්වා ඉහළ ගොස් ඇති අතර, ඉන් පසුවද වසරකට 180කට වැඩි පිරිසක් බන්ධනාගාරවලින් පලාගොස් ඇති බව සංඛ්‍යාලේඛන පෙන්වා දෙනවා.

මෙම සංඛ්‍යා බන්ධනාගාර ආරක්ෂාව සහ පලාගිය රැඳවියන් නැවත අත්අඩංගුවට ගැනීම සම්බන්ධයෙන් පවතින තත්ත්වය පිළිබඳ අවධානය යොමු කරවන කරුණක් බවට පත්ව තිබෙනවා.

16/08/2026

ජාතික ජන බලවේග ආණ්ඩුව පිළිබඳ ජනතා අනුමැතිය සැලකිය යුතු ලෙස පහළ ගොස් තිබෙන බව නවතම “Mood of the Nation” සමීක්ෂණ දත්ත පෙන්වා දෙයි.

Verité Research විසින් සිදුකරන මෙම සමීක්ෂණයට අනුව, 2026 පෙබරවාරි මාසයේදී 65%ක් ලෙස සටහන් වූ ආණ්ඩුවේ අනුමැතිය ජූලි මාසය වන විට 50%ක් දක්වා පහත වැටී තිබේ. එය මාස කිහිපයක් තුළ සිදුවූ සැලකිය යුතු අඩුවීමකි.
මෙම දත්ත අනුව, 2025 පෙබරවාරි මාසයේදී ආණ්ඩුවේ ක්‍රියාකාරීත්වය පිළිබඳ අනුමැතිය 62%ක් වූ අතර, 2026 පෙබරවාරි වන විට එය 65%ක් දක්වා ඉහළ ගොස් තිබුණි. එහෙත් නවතම ජූලි සමීක්ෂණයේදී එම අගය 50% දක්වා පහත වැටී ඇත.

ඒ සමඟම ශ්‍රී ලංකාවේ වත්මන් ආර්ථික තත්ත්වය පිළිබඳ ජනතාවගේ තක්සේරුවද පහළ ගොස් තිබේ. 2026 පෙබරවාරි මාසයේදී රටේ ආර්ථික තත්ත්වය “විශිෂ්ට/හොඳ” ලෙස සැලකූ පිරිස 57%ක් වූ අතර, ජූලි මාසයේදී එය 38%ක් දක්වා අඩු වී ඇත.

එමෙන්ම ඉදිරි ආර්ථික තත්ත්වය පිළිබඳ ජනතා අපේක්ෂාවද දුර්වල වී තිබේ. ආර්ථික තත්ත්වය ඉදිරියේදී යහපත් වනු ඇතැයි සිතූ පිරිස පෙබරවාරි මාසයේ 64%ක් වූ නමුත්, ජූලි වන විට එය 42%ක් දක්වා පහළ ගොස් ඇත.

ජනතාවගේ සමස්ත තෘප්තිය සම්බන්ධයෙන්ද අඩුවීමක් දක්නට ලැබේ. 2026 පෙබරවාරි මාසයේදී රට ගමන් කරන දිශාව පිළිබඳව සෑහීමකට පත්වූ බව ප්‍රකාශ කළ පිරිස 59%ක් වූ අතර, ජූලි මාසයේදී එම ප්‍රතිශතය 46%ක් දක්වා පහළ ගොස් තිබේ.
මෙම වෙනස්කම් පෙන්නුම් කරන්නේ වසරේ මුල් භාගයේදී දක්නට ලැබුණු ආණ්ඩුව පිළිබඳ ඉහළ ජනතා විශ්වාසය සහ ආර්ථිකය පිළිබඳ ධනාත්මක අපේක්ෂාවන්, ජූලි වන විට සැලකිය යුතු ලෙස දුර්වල වී ඇති බවයි.

විශේෂයෙන්ම ආණ්ඩුවේ අනුමැතිය 65% සිට 50% දක්වාත්, ආර්ථිකයේ වත්මන් තත්ත්වය හොඳ හෝ විශිෂ්ට යැයි සැලකීම 57% සිට 38% දක්වාත්, ආර්ථිකය ඉදිරියේදී යහපත් වනු ඇතැයි අපේක්ෂා කිරීම 64% සිට 42% දක්වාත් පහත වැටීම මෙම වෙනස පැහැදිලිව පෙන්වා දෙයි.

මීට පෙර 2026 පෙබරවාරි සමීක්ෂණයේදී ආණ්ඩුවේ අනුමැතිය 65%ක් දක්වා ඉහළ ගොස් තිබූ අතර, එය එවකට ජනතා මතයේ කැපී පෙනෙන ධනාත්මක වෙනසක් ලෙස වාර්තා විය.
නවතම දත්ත අනුව, ආණ්ඩුවේ ජනප්‍රියත්වය, වත්මන් ආර්ථික තත්ත්වය පිළිබඳ තක්සේරුව, ඉදිරි ආර්ථික අපේක්ෂාව සහ සමස්ත තෘප්තිය යන ප්‍රධාන දර්ශක හතරම පහත වැටී තිබීම විශේෂ අවධානයට ලක්විය යුතු කරුණක් බවට පත්ව තිබේ.

23/07/2026