Ceylon Sports, 3 Kuduwamulla Road, Moratuwa (2025)

29/12/2025

පසුගිය දිනවල ආන්දෝලනයකට ලක්වූ යාපනය ක්‍රිකට් ක්‍රීඩාංගනයේ ඉදිකිරීම් සම්බන්ධයෙන් ශ්‍රී ලංකා ක්‍රිකට් ආයතනය නිවේදනයක් නිකුත් කොට තිබෙනවා.

එම නිවේදනයේ සදහන් වුණේ මණ්ඩතිව් හි පිහිටි යාපනය ජාත්‍යන්තර ක්‍රිකට් ක්‍රීඩාංගනයේ ඉදිකිරීම් දැනට සිදුවෙමින් පවතින බවත් සැලසුම් කොට ඇති පරිදි ඉදිරියට යන බවයි.

දිත්වා සුලිකුණාටුව හේතුවෙන් ඉදිකිරීම් කටයුතු තාවකාලිකව නවතා දැමීමට සිදුවූ බවත් ඒ හේතුවෙන් ජනවාරි මස 14වනදා පැවැත්වීමට සැලසුම් කොට තිබූ අත්හදා බැලීමේ තරගයද ඇතුලු වැඩසටහන් වලට බාධා එල්ල වූ බවත් එම නිවේදනයේ සදහන්.

එම තරගය විස්සයි විස්ස ලෝක කුසලානයෙන් අනතුරුව පැවැත්වීමට සැලසුම් කොට ඇති බවද එම නිවේදනයේ වැඩිදුරටත් සදහන්.

29/12/2025

අන්තර්සමාජ රග්බි ලීග් තරගාවලිය වෙනුවන් ෆීජී ක්‍රීඩක වුනකි වකනිබෝ හැව්ලොක් ක්‍රීඩා සමාජය සමගින් එක්ව තිබෙනවා.

ඒ අනුව එළඹෙන ජනවාරි මස 2වනදා CR&FC ක්‍රීඩා සමාජය සමගින් පැවැත්වෙන තරගයේදී ඔහු හැව්ලොක් ක්‍රීඩා සමාජය වෙනුවන් තරග වැදීමට නියමිතයි.

හැව්ලොක් ක්‍රීඩා සමාජය මෙවර තරගාවලියේ ක්‍රීඩා කල තරග 3ක් ජයග්‍රහණය කොට ඇති අතර එක් තරගයක් ජයපැරදුමෙන් තොරව අවසන් කිරීමට සමත්වුණා.

ෆීජී ස්කිපර් කුසලානයේ තරගාවලියේ ක්‍රීඩකයා මෙන්ම වසරේ ආධුනික ක්‍රීඩකයා සම්මානයද පසුගියදා පැවති ටයිලෙවු රග්බි වර්ණ ප්‍රදානෝත්වසවයේදී මොහුට හිමිවුණා.

28/12/2025

ශ්‍රී ලංකා කාන්තා ක්‍රිකට් කණ්ඩායම සිය විස්සයි විස්ස පිටියේ ඉහළම ලකුණු සංඛ්‍යාව වාර්තා කිරීමට අද දිනයේදී සමත් වුණා.

ඒ ඉන්දීය කණ්ඩායම සමගින් පැවති සිව්වන විස්සයි විස්ස තරගයේදී. කෙසේ නමුත් මෙම තරගය පරාජයට පත් වන්නට ශ්‍රී ලංකා ක්‍රීඩිකාවන්ට සිදුවුනා.

තරගයේ පළමුව පන්දුවට පහර දුන් ඉන්දීය ක්‍රීඩිකාවන් කඩුලු 2ක් දැවී ලකුණු 221ක දැවැන්ත ලකුණු පුවරුවක් නිර්මාණය කලා. එහිදී ස්ම්‍රිටි මන්දනා ලකුණු 80ක් සහ ශෆාලි වර්මා ලකුණු 79ක් රැස්කිරීමට සමත් වුණා.

ඉල්ලකය හඹායාමට පිටියට පිවිසෙන ශ්‍රී ලංකා ක්‍රීඩිකාවන් පන්දුවාර විස්ස අවසානයේ කඩුලු 6කට ලකුණු 191ක් රැස්කිරීමට සමත් වුණා. එය ශ්‍රී ලංකා කණ්ඩායම විස්සයි විස්ස පිටියේ රැසකල ඉහළම ලකුණු සංඛ්‍යාවයි.

එහිදී චමරි අතපත්තු ලකුණු 52ක්, හසිනි පෙරේරා ලකුණු 33ක් රැස්කිරීමට සමත් වුනා. ඒ අනුව මෙම තරගයෙන් ලකුණු 30ක ජයක් හිමිකරගත් ඉන්දීය ක්‍රීඩිකාවන් තරගාවලිය 4-0ක් ලෙසින් පෙරමුණ හිමිකරගැනීමට සමත් වුණා.

28/12/2025

අන්තර් සමාජ තුන්දින තරගාවලියේ මීගමුව ක්‍රීඩා සමාජය සමගින් පැවැත්වෙන තරඟයේදී දසුන් ශානක සහ කුසල් මෙන්ඩිස් අවසන් ක්‍රීඩකයන් 11 අතරට ඇතුලත් නොකිරීමට SSC ක්‍රීඩා සමාජය තීරණය කොට තිබුණා.

තේරීම් සඳහා සලකා බලන ලෙස ඔවුන් දෙදෙනා ඉල්ලීමක් කොට තිබුණද ඩුබයි ILT20 තරගාවලියට සහභාගිවීම හේතුවෙන් අන්තර් සමාජ තරගාවලියේ මුල් තරග වලින් ඉවත් වීම හේතුවෙන් ඔවුන්ට ක්‍රීඩා කිරීමට අවස්ථාව ලබා දී නොමැති බව Sunday Times පුවත්පත වාර්තා කොට තිබෙනවා

28/12/2025

පාකිස්තානයට එරෙහි විස්සයි විස්ස තරගාවලිය සඳහා වන ශ්‍රී ලංකා සංචිතයට චරිත් අසලංක, දුනිත් වෙල්ලාලගේ, ධනංජය සිල්වා සහ මතිෂ පතිරණ කැඳවීමට නියමිත බවට තොරතුරු වාර්තා වනවා.

තවද යොවුන් දඟපන්දු යවන ට්‍රෙවින් මැතිව් ද ශ්‍රී ලංකා සංචිතයට කැදවීමට නියමිතව බවටයි තොරතුරු වාර්තා වී ඇත්තේ.

මෙම ක්‍රීඩකයන් 18 දෙනාගේ සංචිතයට භානුක රාජපක්ෂ, විජයකාන්ත් වියස්කාන්ත් සහ පවන් රත්නායක ඇතුළත් නොවනු ඇතැයිද වාර්තා පළවනවා.

පකිස්ථාන කණ්ඩායම සමඟින් පැවැත්වෙන විස්සයි විස්ස තරගාවලිය ජනවාරි මස හත් වනදා ආරම්භ වන අතර මෙම තරගාවලිය දඹුල්ලේදී පැවැත්වීමට නියමිතයි.

28/12/2025

ශ්‍රී ලංකා කණ්ඩායම් සමගින් පැවැත්වෙන විස්සයි විස්ස තරගාවලිය සඳහා වන පාකිස්ථාන සංචිතය ප්‍රකාශයට පත්කොට තිබෙනවා.

ඒ අනුව ක්‍රීඩකයින් 15කින් සමන්විත මෙම සංචිතයට හිටපු පාකිස්ථාන නායකයින් දෙපළක් වන බාබර් අසාම් සහ ශහීන් අෆ්‍රිඩි ඇතුලත් වී නොමැත.

සල්මන් අලි අගාගේ නායකත්වයෙන් යුත් පාකිස්ථාන සංචිතයට ෂඩාබ් ඛාන් යළි කැඳවා ඇති අතර කඩුලු රකින පිතිකරු කවාජා නාෆි පළමුවරට පකිස්ථාන විස්සයි විස්ස සංචිතයට කැඳවා තිබෙනවා.

Salman Agha (capt), Abdul Samad, Abrar Ahmad, Faheem Ashraf, Fakhar Zaman, Khawaja Nafay (wk), Mohammad Nawaz, Mohammad Salman Mirza, Mohammad Wasim Jnr, Naseem Shah, Sahibzada Farhan (wk), Saim Ayub, Shadab Khan, Usman Khan (wk), Usman Tariq

27/12/2025

2026 විස්සයි විස්ස ලෝක කුසලානයට පෙර හිටපු ශ්‍රී ලංකා වේගපන්දු යවන ක්‍රීඩක ධම්මික ප්‍රසාද් ඇමරිකා එක්සත් ජනපද පිරිමි ජාතික කණ්ඩායමේ වේග පන්දු යැවීමේ පුහුණුකරු සහ සහකාර පුහුණුකරු ලෙස එක්වීමට නියමිතයි.

ධම්මික ප්‍රසාද් සිය ජාත්‍යන්තර ක්‍රිකට් දිවිය තුළ ටෙස්ට් තරග 25ක්, එක්දින තරග 24ක් සහ විස්සයි විස්ස තරගයකදී ජාතික කණ්ඩායම නියෝජනය කොට තිබෙනවා. ඔහු ශ්‍රී ලංකාව වෙනුවෙන් ටෙස්ට් කඩුලු 75ක් සහ එක්දින කඩුලු 32ක් දවා ගෙන තිබෙනවා.

27/12/2025

මෙල්බන්හිදී පැවති අළු බඳුන තරගාවලියේ සිව්වන ටෙස්ට් තරගයෙන් කඩුලු හතරක තියුණු ජයක් හිමිකර ගැනීමට සංචාරක එංගලන්ත කණ්ඩායම සමත් වුණා.

එංගලන්ත කණ්ඩායම ඕස්ට්‍රේලියානු භූමියේදී ටෙස්ට් තරඟයක් ජයගන්නේ 2011 වසරේ ජනවාරි මාසයෙන් පසුව වීම මෙහිදී සුවිශේෂී වනවා.

ඒ අනුව ටෙස්ට් තරග 19කට පසුව පරාජයන් 16ක් ලද එංගලන්ත ක්‍රීඩකයන්ට දින 5468කින් ඕස්ට්‍රේලියානු භූමියේ දී ලද මෙම ජයග්‍රහණය අතිශය සුවිශේෂී එකක් වනු ඇතියි.

අලුබදුන තරගාවලියේදී තරග 4ක් අවසානයේදී තරගාවලිය 3-1ක් ලෙසින් ජයග්‍රහණය කිරීමට ඕස්ට්‍රේලියානුවන් සමත්ව තිබෙනවා.

මෙවර අලුබදුන තරගාවලියේදී කිසිදු තරගයක් දින 5ම ක්‍රියාත්මක නොවූ අතර දින 20ක් පැවැත්වීමට නියමිත වූ තරග දින 11කින් අවසන් වුණා.

27/12/2025

බංග්ලාදේශ ප්‍රිමියර් ලීග් තරගාවලියේ 12වන අදියරෙන් නිරෝෂන් දික්වැල්ල සහ ඇන්ජිලෝ මැතිවුස් ඉවත්ව තිබෙනවා.

ශ්‍රී ලංකා ක්‍රිකට් ආයතනය විසින් දික්වැල්ලට විරෝධතා නොමැති සහතිකය නිකුත් නොකිරීම නිසාවෙන් ඔහුට තරගාවලිය අහිමිව තිබෙනවා.

හිටපු නායක ඇන්ජිලෝ මැතිව්ස් පෞද්ගලික හේතුවක් මත තරගාවලියෙන් ඉවත්ව තිබෙනවා.

27/12/2025

බිග්බෑෂ් ලීග් තරගාවලියේ පසුගිය සිකුරාදා දිනයේ පැවති තරගයකදී ප්‍රවේගකාරී පිතිකරු ටිම් ඩේවිඩ් ආබාධයකට ලක්වුනා.

මේ හේතුවෙන් ඕස්ට්‍රේලියානු ලෝක කුසලාන සංචිතය නම් කිරීමේ ගැටළුවක් මතු වී ඇති බවට මාධ්‍ය වාර්තා සඳහන් කොට තිබෙනවා.

නමුත් ටිම් ඩේවිඩ් සුවය ලබනු ඇතැයි අපේක්ෂාවෙන් ඔහුව සංචිතයට නම් කිරීමට නියමිත බවයි ඕස්ට්‍රේලියානු මාධ්‍ය සදහන් කොට ඇත්තේ.

ලෝක කුසලානයේදී ඕස්ට්‍රේලියානු කණ්ඩායම ශ්‍රී ලංකාව, සිම්බාබ්වේ, අයර්ලන්තය සහ ඕමානය සමගින් තරග වැදීමට නියමිතයි.

26/12/2025

තරගාවලි පරාජය ගැන ශ්‍රී ලංකා නායිකාවගේ අදහස

26/12/2025

සංචාරක ශ්‍රී ලංකා කණ්ඩායම සමගින් පැවති තෙවන විස්සයි විස්ස තරගයෙන්ද කඩුලු 8ක පහසු ජයක් හිමිකරගැනීමට ඉන්දීය ක්‍රීඩිකාවන් සමත්වුණා.

තිරුවන්නාතපුරම් හිදී පැවති මෙමම් තරගයේ පලමුව පන්දුවට පහර දුන් ශ්‍රී ලංකා කණ්ඩායම පන්දුවාර විස්ස තුළ කඩුලු 7කට රැස්කළේ ලකුණු 112ක් පමණයි.

ඉනීමේ වැඩිම ලකුණු ලාභිනිය වූ ඉමේෂා දුලානි ලකුණු 27ක් රැස්කළ අතර පන්දු යැවීමේදී රේණුකා සිං ලකුණු 21ට කඩුලු 4ක් සහ දීප්ති ශර්මා ලකුනු 18ට කඩුලු 3ක් දවාගැනීමට සමත් වුණා.

ඉල්ලකය හඹායාමට පිටියට පිවිසෙන ඉන්දීය ක්‍රීඩිකාවන් පන්දුවාර 13 පන්දු 2කදී කඩුලු 2ක් පමණක් දැවී තරගය ජයග්‍රහණය කිරීමට සමත් වුණා.

එහිදී ආරම්භක පිතිකාරිණිය ශෆාලි වර්මා පන්දු 42කින් හතරේ පහර 11ක් සහ හයේ පහර 3ක් සමගින් නොදැවුනු ලකුණු 79ක් රැස්කිරීමට සමත් වුනා.

ඒ අනුව තරග 5කින් සමන්විත විස්සයි විස්ස තරගාවලිය තරග 3-0ක් ලෙසින් ජයග්‍රහණය කිරීමට ශ්‍රී ලංකා ක්‍රීඩිකාවන් සමත් වුනා.

Ceylon Sports

29/12/2025

29/12/2025

28/12/2025

28/12/2025

28/12/2025

28/12/2025

27/12/2025

27/12/2025

27/12/2025

27/12/2025

26/12/2025

26/12/2025

Address

Telephone

Website

Alerts

Contact The Business

Shortcuts

Share

Category