Dinamina

Dinamina Dinamina is a Sinhala language daily news Provider in Sri Lanka. It is published by the Associated Newspapers of Ceylon Limited.

Dinamina is a Sinhala language daily newspaper in Sri Lanka. It is published by the Associated Newspapers of Ceylon Limited, a government-owned corporation. The newspaper commenced publishing in 1909.

'සංස්කෘතික පුරවැසියා සොයා යාම' තේමාව යටතේ ගම්පහ මහා නගර සභා යක්කල උප කාර්යාලයීය පරිශ්‍රයේදී සංවිධානය කෙරුණු ගම්පහ සාහිත්...
06/09/2026

'සංස්කෘතික පුරවැසියා සොයා යාම' තේමාව යටතේ ගම්පහ මහා නගර සභා යක්කල උප කාර්යාලයීය පරිශ්‍රයේදී සංවිධානය කෙරුණු ගම්පහ සාහිත්‍ය උළෙලේ ‘Salute 70’s’ සංගීත ප්‍රසංගයේ සමාරම්භය විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතාගේ ප්‍රධානත්වයෙන් ඊයේ (05) පැවැත් විය.

වත්මන් රජයේ ‘පොහොසත් රටක් - ලස්සන ජීවිතයක්’ ජාතික ප්‍රතිපත්තියට අනුගත වෙමින්, ලාංකේය ජන සමාජය තුළ අර්ථවත් සංස්කෘතික පුනරුදයක් නිර්මාණය කිරීමේ අරමුණින් මෙම සාහිත්‍ය උළෙල සංවිධානය කර ඇත.

ගීතය, කවිය, සිනමාව සහ වේදිකා නාට්‍ය ඇතුළු ගද්‍ය පද්‍ය සාහිත්‍ය කලාංගයන් සම්බන්ධ විද්වත් සාහිත්‍යයික සංවාද මණ්ඩප මෙන්ම පොත් ප්‍රදර්ශන කුටි රැසකින් මෙම කලා උළෙල සමන්විත වන අතර, භෞතික සංවර්ධනයෙන් ඔබ්බට ගිය ආධ්‍යාත්මික හා සංස්කෘතික ප්‍රබෝධයකින් යුත් පුරවැසියෙකු බිහි කිරීම සඳහා මෙවැනි ප්‍රජා කේන්ද්‍රීය උත්සාහයන් ක්‍රියාත්මක කිරීම අතිශයින් වැදගත් වේ.


ශ්‍රී ලාංකේය රාජ්‍ය විශ්වවිද්‍යාල පද්ධතිය තුළ කෘත්‍රිම බුද්ධිය (AI) සහ ඩිජිටල් පරිවර්තනය උපායමාර්ගිකව හා වගකීම්සහගතව ස්ථ...
06/09/2026

ශ්‍රී ලාංකේය රාජ්‍ය විශ්වවිද්‍යාල පද්ධතිය තුළ කෘත්‍රිම බුද්ධිය (AI) සහ ඩිජිටල් පරිවර්තනය උපායමාර්ගිකව හා වගකීම්සහගතව ස්ථාපිත කිරීම පිළිබඳ විශේෂ සංවාදයක්, 'Artificial Intelligence and Digital Transformation in Higher Education' යන තේමාව යටතේ නියෝජ්‍ය උපකුලපතිවරුන්ගේ සහ උපකුලපතිවරුන්ගේ මණ්ඩල (CVCD) සම්මේලනයට සමගාමීව පසුගිය දා (04) කොළඹ විශ්වවිද්‍යාල පරිශ්‍රයේදී පැවැත්විණි. මෙම විශේෂ සංවාද සභාව සඳහා ඩිජිටල් ආර්ථික නියෝජ්‍ය අමාත්‍ය ඉංජිනේරු එරංග වීරරත්න මහතා සහ අධ්‍යාපන හා උසස් අධ්‍යාපන නියෝජ්‍ය අමාත්‍ය ගරු මධුර සෙනෙවිරත්න මහතා ප්‍රධාන ආරාධිතයින් ලෙස සහභාගී වූහ.

විශ්වවිද්‍යාල ප්‍රතිපාදන කොමිෂන් සභාව (UGC) මගින් සම්මත කරන ලද ජාතික AI ප්‍රතිපත්ති රාමුව ප්‍රායෝගිකව ක්‍රියාත්මක කිරීම සහ උසස් අධ්‍යාපන පද්ධතිය ජාතික ඩිජිටල් ආර්ථිකයට සමගාමීව ප්‍රතිසංස්කරණය කිරීම සඳහා උපකුලපතිවරුන් ඇතුළු ජ්‍යෙෂ්ඨ පාලක මණ්ඩලය සක්‍රීයව දායක කරගැනීම මෙහි ප්‍රධාන අරමුණ විය. මෙහිදී අදහස් දක්වමින් නියෝජ්‍ය අමාත්‍යවරයා අවධාරණය කළේ, විශ්වවිද්‍යාල හුදෙක් විදේශීය තාක්ෂණයන් භාවිත කරන්නන් පමණක් නොව, දේශීය ගැටලුවලට දේශීය තාක්ෂණික විසඳුම් නිෂ්පාදනය කරමින් ජාතික ඩිජිටල් ආර්ථිකය සක්‍රීයව බලගන්වන පාර්ශ්වකරුවන් බවට පත්විය යුතු බවයි.

සංවාද මණ්ඩපයේදී 2026 ජූනි 24 දින UGC අනුමැතිය ලත් ජාතික AI ප්‍රතිපත්ති රාමුව සහ 2026 සිට 2029 දක්වා ක්‍රියාත්මක කිරීමට නියමිත තෙවසරක ජාතික සැලැස්ම පිළිබඳව දීර්ඝ ලෙස කරුණු පැහැදිලි කෙරිණි. 2026 දෙසැම්බර් 31 වන විට සෑම රාජ්‍ය විශ්වවිද්‍යාලයක්ම සිය ආයතනික AI ප්‍රතිපත්ති සහ සම්මත මෙහෙයුම් පටිපාටි (SOPs) සකස් කරගත යුතු බවට මෙහිදී යෝජනා වූ අතර, පුද්ගලික දත්ත ආරක්ෂණ පනතට අනුකූල වීම, සයිබර් ආරක්ෂාව, AI Maturity Index (AIMI) හරහා ප්‍රගතිය මැනබැලීම සහ අඩු පහසුකම් සහිත විශ්වවිද්‍යාල සඳහා පොදු ඩිජිටල් යටිතල පහසුකම් හා LMS පද්ධති ලබාදීමේ වැදගත්කම පිළිබඳව ද සාකච්ඡා විය.



ජපන් - ශ්‍රී ලංකා ප්‍රවර්ධන සංවිධානයේ (Japan Sri Lanka Promotion Association) සාමාජිකයන් වන හරදා කට්සුමි (Harada Katsumi...
06/09/2026

ජපන් - ශ්‍රී ලංකා ප්‍රවර්ධන සංවිධානයේ (Japan Sri Lanka Promotion Association) සාමාජිකයන් වන හරදා කට්සුමි (Harada Katsumi) සහ මෝරි හරියුකි (Mori Haruyuki) යන මහත්වරුන් පසුගිය දිනක වරාය, සිවිල් ගුවන් සේවා සහ බලශක්ති අමාත්‍ය අනුර කරුණාතිලක මහතා සමඟ එක්ව බියගම ප්‍රාදේශීය රෝහලේ නිරීක්ෂණ චාරිකාවක නිරත විය. රෝහලේ අත්‍යවශ්‍ය සංවර්ධන කටයුතු සොයා බැලීම අරමුණු කරගත් මෙම සංචාරයේදී, නව රසායනාගාර ගොඩනැගිල්ල අලුත්වැඩියා කිරීම, රෝගී පරීක්ෂණ මධ්‍යස්ථානය ප්‍රතිසංස්කරණය කිරීම සහ එම ප්‍රදේශ වෙත වායු සමීකරණ යන්ත්‍ර සවි කිරීම ඇතුළු කරුණු කිහිපයක් කෙරෙහි විශේෂ අවධානය යොමු විය.

එම සාකච්ඡාවල ප්‍රායෝගික ප්‍රතිඵලයක් ලෙස, අමාත්‍ය අනුර කරුණාතිලක මහතාගේ මැදිහත් වීම මත එම මහත්වරුන්ගේ පෞද්ගලික පරිත්‍යාගයක් යටතේ රෝහලට අත්‍යවශ්‍ය වායු සමීකරණ යන්ත්‍ර දෙකක් අද (06) දින නිල වශයෙන් ප්‍රදානය කරන ලදී. රෝහලේ ප්‍රතිකාර සේවා විධිමත් කිරීම සඳහා මෙම පරිත්‍යාගය බෙහෙවින් ඉවහල් වනු ඇත.

මෙම සත්කාරය සාර්ථක කර ගැනීම සඳහා මූලික සම්බන්ධීකරණ කටයුතු සිදු කළ කැලණිය විශ්වවිද්‍යාලයේ සමාජීය විද්‍යා පීඨයේ පීඨාධිපති මහාචාර්ය චමින්ද අබේසිංහ මහතා ඇතුළු කණ්ඩායමට සහ බියගම ග්‍රාමීය රෝහල් සංවර්ධන කමිටුවේ සාමාජිකයන් වෙත රෝහල් පරිපාලනය සිය ස්තුතිය පුද කර සිටියි.



එක්සත් ජනපද සම්බාධක හමුවේ දැඩි ආර්ථික අර්බුදයකට මුහුණ දී සිටින ඉරානය, එම ආර්ථික ගැටලු මඟහරවා ගැනීම සඳහා සිය උත්සාහයන් තී...
06/09/2026

එක්සත් ජනපද සම්බාධක හමුවේ දැඩි ආර්ථික අර්බුදයකට මුහුණ දී සිටින ඉරානය, එම ආර්ථික ගැටලු මඟහරවා ගැනීම සඳහා සිය උත්සාහයන් තීව්‍ර කරන බව නිවේදනය කර ඇත. මේ අතර, රටට එරෙහිව ඉදිරියේදී තවත් ප්‍රහාර එල්ල වුවහොත් "වේදනාකාරී ප්‍රතිචාරයක්" ලබාදෙන බවට ඉරාන උසස් නිලධාරියෙක් දැඩි අනතුරු ඇඟවීමක් කර තිබේ.

අමෙරිකානු - ඊශ්‍රායල ඒකාබද්ධ ප්‍රහාරවලින් මාස හයකට පසු, වර්තමාන යුධ තත්ත්වය ඇණහිට ඇති ස්වභාවයක් ගෙන ඇත. ජුනි මාසයේදී ඇති කරගත් මූලික සටන් විරාම ගිවිසුම බිඳ වැටී ඇති අතර, සාම සාකච්ඡා යළි ආරම්භ කිරීම සඳහා ගෙන යන රාජ්‍යතාන්ත්‍රික උත්සාහයන් ද අඩාල වී තිබේ. අගෝස්තු මාසයේ වැඩි කාලයක් සටන් ක්‍රියාමාර්ග ඇණහිට තිබුණද, පසුගිය සෙනසුරාදා ඉරාන ඉස්ලාමීය විප්ලවීය ආරක්ෂක බළකාය (IRGC) අමෙරිකානු නාවික යුධ නෞකා දෙකක් ඉලක්ක කර බැලස්ටික් මිසයිල ප්‍රහාර එල්ල කිරීමත් සමඟ දෙපාර්ශවය අතර යළිත් ප්‍රහාර හුවමාරු වීම ආරම්භ විය.

ප්‍රහාරවලින් පසු අදහස් දැක්වූ ඉරාන පාර්ලිමේන්තු කථානායක මොහොමඩ් බාගර් ගාලිබාෆ් ඉරිදා දින ප්‍රකාශ කළේ, අමෙරිකාව තවදුරටත් පමා වීමට පෙර ඉරානයට එරෙහි යුද්ධයේ 'ක්‍රීඩා නීති වෙනස් වී ඇති' බව වටහා ගත යුතු බවයි. එපමණක් නොව, ඉරානයේ සුරක්ෂිතභාවයට හා අයිතිවාසිකම්වලට එරෙහිව එල්ල වන ඕනෑම ප්‍රහාරයකට මින් ඉදිරියට වඩාත් වේගවත්, බරපතළ සහ වේදනාකාරී ප්‍රතිචාරයක් ලබාදෙන බවද ඔහු අවධාරණය කළේය.

කෙසේ වෙතත්, ඉරාන තෙල් අපනයන අවහිර කරමින් සහ සම්බාධක මඟහැරීමේ මාර්ග අහුරමින් අමෙරිකාව ක්‍රියාත්මක කරන ආර්ථික පීඩන උපායමාර්ගයට මුහුණ දීම එරටට දැඩි අභියෝගයක් වී තිබේ. රට තුළ උද්ධමනය, විරැකියාව සහ විනිමය අනුපාතවල උච්චාවචනයන් මඟහරවා ගනිමින් ජනතාවගේ ජීවනෝපාය ආරක්ෂා කිරීම වර්තමාන ප්‍රධානම සටන බවද ගාලිබාෆ් සඳහන් කළේය. අමෙරිකානු සම්බාධක හේතුවෙන් ඉරානයට සිය මාවත වෙනස් කළ නොහැකි බවත්, ආර්ථික ප්‍රතිසංස්කරණ ක්‍රියාත්මක කිරීමේ වගකීම අමෙරිකානු භාණ්ඩාගාරය සතු නොව ඉරාන රජය සහ ජනතාව සතු වන බවත් ඉරාන ආර්ථික අමාත්‍යවරයා ප්‍රකාශ කර තිබේ.


බුලත්සිංහලදී පැවති 'අපේ ආණ්ඩුව: වසර දෙකයි - රටට සුබයි' මහා රැලියේ ඡායාරූප කිහිපයක්.
06/09/2026

බුලත්සිංහලදී පැවති 'අපේ ආණ්ඩුව: වසර දෙකයි - රටට සුබයි' මහා රැලියේ ඡායාරූප කිහිපයක්.

06/09/2026

'සමහර අපරාධවලට
අපරාධයේ උණුසුම යන්න කලින්
දඬුවම දෙන්න ඕන

ශ්‍රේෂ්ඨාධිකරණය තීන්දුව දුන්න ගමන්
පාර්ලිමේන්තුවට ඉදිරිපත් කරලා
22 සම්මත කරගන්නවා'

- ජනාධිපති අනුර කුමාර දිසානායක

ඩිජිටල් ආර්ථික අමාත්‍යාංශයේ GovTech යටතේ ක්‍රියාත්මක වන GOV PAY ක්‍රමවේදයට සමාන ව්‍යාජ වෙබ් අඩවියක් සකස් කර ජනතාවගේ මුදල...
06/09/2026

ඩිජිටල් ආර්ථික අමාත්‍යාංශයේ GovTech යටතේ ක්‍රියාත්මක වන GOV PAY ක්‍රමවේදයට සමාන ව්‍යාජ වෙබ් අඩවියක් සකස් කර ජනතාවගේ මුදල් සහ සංවේදී දත්ත සොරාගන්නා ජාවාරමක් ක්‍රියාත්මක වන බව පොලිසිය ජනතාවට දැනුම් දෙයි.

රථවාහන වැරදි සඳහා GOV PAY ක්‍රමවේදය මගින් දඩ මුදල් ගෙවීම හඳුන්වා දුන්නේ ජනතාවගේ කටයුතු පහසු කිරීම සහ මුදල් වංචා අවම කිරීමේ අරමුණින් මේ වසර මුලදීය. කෙසේවෙතත්, එම ව්‍යාජ වෙබ් අඩවියේ සබැඳි, කෙටි පණිවුඩ (SMS) සහ WhatsApp පණිවුඩ ලෙස ජංගම දුරකථනවලට එවා ජනතාවගේ මුදල් සහ සංවේදී දත්ත සූක්ෂ්මව සොරාගැනීම මෙම ජාවාරමේදී සිදුවන බව පොලිසිය සඳහන් කරයි.

GOV PAY ඔස්සේ ගෙවීමට වෙනත් කිසිඳු වෙබ් අඩවියක් නොමැති බැවින් එම ව්‍යාජ මූල්‍ය වංචාවලට අසු නොවෙන ලෙස රථවාහන නියෝජ්‍ය පොලිස්පති ඩබ්ලිව්. පී. ජේ. සේනාධීර මහතා මහජනතාවගෙන් ඉල්ලා සිටී. ඒ අනුව, මෙවැනි වංචාවලට හසු නොවී විමසිල්ලෙන් කටයුතු කරන ලෙස ඩිජිටල් ආර්ථික අමාත්‍යාංශය සහ පොලිසිය එක්ව සමස්ත මහජනතාව වෙත දැනුම් දෙයි.


06/09/2026

'නයි, මුගටි, පොළොන්ගු එකතුවෙනවලු
පොළොන්ගු තමයි ඔය
වෙන කවුද?

අපි පළාත් මට්ටමින්
අල්ලස් කොමිසම් පිහිටවනවා
මේක පළාත් මට්ටමින්ම සුද්ද කරන්න ඕන'

- ජනාධිපති අනුර කුමාර දිසානායක

06/09/2026

'මේ අවුරුද්දට නිවාස අමාත්‍යාංශයෙන් පමණක්
පවුල් 12,000කට
අලුත් නිවාස හදලා දෙනවා,

දල වශයෙන්
ගෙවල් 35,000ක් පමණ හැදෙනවා'

- අමාත්‍ය සුසිල් රණසිංහ

Address

Lake House Digital/Associated Newspapers Of Ceylon Limited
Morawaka

Telephone

+94112429640

Website

Alerts

Be the first to know and let us send you an email when Dinamina posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dinamina:

Shortcuts

Share

Category