06/12/2025
" ආණ්ඩුව විවේචනය කර කර ඉන්නවාට වඩා උඹලා මේ වෙලාවෙ මිනිස්සුන්ට මොනවද කරේ.."
බුකියෙ කීප දෙනෙක් මගෙන් ප්රශ්ණ කරලා තිබ්බා ...
ලෝකයෙ එක එක්කෙනා දන් පින් කරන හැටි වෙනස්. සමහරු තමන් ඒ කරන දානමය කටයුතු ෆොටෝ අරන් බුකියෙ දානවා. සමහරු නෑ..
ඒ දෙකම වැරදි නෑ.. වඩාත් වැදගත් වන්නේ ඒ දානමය සිතුවිල්ල...
ඒ නිසා මට මුතුගල සර් හෙලිකොප්ටර් එකක ගිහින් කරපු ඒ දේ ගැන විවේචනයක් නෑ වගේම තිරය පිටුපස ඉඳගෙන නිහඬව උදව් කරන දස දහස් ගණනක් මිනිස්සු ගැනත් විවේචනයක් නෑ.
මම අයිති වෙන්නෙ ඒ දෙවෙනි කොටසට. වම් අතින් දෙන දේ දකුණු අත දන්නෙ නැති ගොඩට. මේ වෙලාවෙ ඒ අසරණ මිනිස්සු වෙනුවෙන් මොනවද කරේ සහ කරන්නෙ කියලා ලඟම හිතමිත්රාදීන් දන්නවා. දැනට ඒ ඇති...
වසන්ත සමරසිංහලා ඇමති මණ්ඩලෙ ඉන්න, කන්ටේනර් වංචාවට චෝදනාවට ලක් වුණු හනීෆ් යූසුෆ්, මල්ටි ප්ලග් එකෙන් පවා අධික ලාභ ගන්න හදපු ඉෂාර නානායක්කාර. ඉලෙක්ට්රිකල් වාහන පද්ධතිය වෙනස් කරා කියලා දැනටමත් නඩු තියෙන ජෝන් කීල්ස්ලා " Rebuilding Srilanka" අරමුදලේ කලමණාකරන මණ්ඩලයෙ ඉද්දි අපි මේ රටට ආධාර එවන්න එපා කිව්වාද... ? ඒ නිහඬතාවයම මේ වෙලාවෙ කරන උදව්වක් නෙවේද..?
ව්යවස්ථානුකූල නොවන අරමුදල් පිහිටුවන කොටත් කමක් නෑ මේ වෙලාවෙ මේ අසරණ මිනිස්සු වෙනුවෙන්නෙ කියලා කටයි පුපයි වහගෙන සිටීමම මේ ව්යසනයෙන් පීඩා විඳින ජනතාව වෙනුවෙන් කරපු උදව් නෙවේ ද..?
ජගත් මනුවර්ණලා, සුනිල් හදුන්නෙත්තිලා සහ රටපුරා සිටින මාලිමාවෙ පාර්ලිමේන්තු සහ ප්රාදේශීය නායකයින් අහිංසක ජනතාව එකතූ කරපු කෑම පැකට් එකේ ඉඳන් කොල්ලකාලා රතු තරුව නම ගහලා බෙදද්දි අපි ඒ වගෙ තුප්පහි වැඩ නොකර සිටීමම මේ වෙලාවෙ රටට කරන උදව්වක් නෙවේද..?
නොවැම්බර් 27 වෙනිදා පටන් ගත්ත මේ ව්යසනය දි තනි සිග්නල් කණුව යට රං බණ්ඩාගෙ පුතා එළියට නොබැහ සීත කාමර වල ඉඳන් ප්රශ්ණ ස්පර්ශ කරනකොට ටිකක් එළියට බැහැලා බලපන් මේ රටේ මිනිස්සු විඳින දුක කියපු එක මේ රටේ මිනිස්සුන්ට කරන උදව් නෙවේද..?
අපි අනුරට කියන්නෙ නෑ එළියට බැහැලා මාරි බිස්කට් බෙදන්න කියලා ඒත් ජනතාවගෙ විමුක්තිය වෙනුවෙන් කියලා ගරිල්ලා සටන් පවා කරපු ත්රස්තවාදීයෙකුට යුතුකමක් සහ වගකීමක් තියෙනවා මහ පොළොවට බැහැලා දුක් විඳින ජනතාවගෙ දුක්, සුසුම් බෙදාගන්න...
තමන් වගකීම් විරහිතව කරපු වැඩ නිසා මිනිස්සු පන පිටින් වැලලිච්චා, තමන්ගෙ ජීවිත කාලේම උපය ගත්ත වත්කම් එක තත්පරෙත් දිය වෙච්ච හැටි බලන්න යන්න අනුර කුමාර දිසානායකගෙ හෘදසාක්ෂිය ඉඩ දුන්නෙ නැතුව ඇති.
කොටහළු වෙච්ච දැරිවියක් ගෙට උනා වගේ දවස් 10 ක් හැංගිලා හිටපු ඒ මහා ජනතා නායකයාව හුඹහෙන් ඇඳලා ගත්ත තලගොයෙක් වගේ " පලයං ගිහින් බලපන් උඹට චන්දෙ දීලා ඔතෙන්ට ගෙනාපු මිනිස්සුන්ට මොකද වෙලා තියෙන්නේ කියලා " යන්තම් ජනතාව අතරට යාමට පීඩනයක් ඇති කිරීමම අපි මේ වෙලාවෙ කරන උදව් නෙවේද..?
උඹලා අට පාස් එවුන් නිකම්ම නිකම් සෙබළු කියලා පැත්තකට කරලා තියපු ඒ රණවිරුවන්ට ගෞරවයක් දීලා අභිප්රේරණය කරන ඒවා මේ වෙලාවෙ අපි අසරණ මිනිස්සු වෙනුවෙන් කරපු උදව් නෙවේද..?
පරසතු මල් චිත්රපටියෙ බොනී මහත්තයා තමන්ගෙ වලව්වෙ මෙහෙකාරියට අතවර කරලා බබා හම්බ වෙනකොට ඒ වැරැද්ද වහගන්න ඩ්රයිවර් කෙනෙක්ට බන්දලා දීලා වත්තෙ කොනේ පැලක් අටවලා දුන්නා වගේ මේ ව්යසනය ගැන කලින් දැනුවත්ව ඉඳලා ඒ ගැන වගකීම් විරහිතව වැඩ කරපු අනුර ඇතුළු ජඩ කණ්ඩායම ඒ වැරැද්දට වන්දි විදියට ජනතා බදු මුදලින් සල්ලි විසි කරනකොට ඒ වගකීම් විරහිත වැඩ ගැන සමාජය හමුවෙ නිරාවරණය කිරීම අප මේ වෙලාවෙ ජනතාව වෙනුවෙන් කරන උදව්වක් නෙවේද..?
ඉන්දියාව හැර වෙනත් කිසිම රටක් මේ ව්යසනය වෙලාවෙ අපිට දැනෙන විදිහට උදව් කරේ නෑ. චීනය, ඇමරිකාව, එංගලන්තය, කැනඩාව වගේ රටවල ඩොලර්, යුරෝ මිලියනය දෙක දුන්නෙ හරියට නොකර බැරි නිසා හිඟන්නන්ට ආප්ප විසි කරනවා වගේ.
මේ ජනාධිපති සහ ආණ්ඩුව පත් කර ගත්තෙ දවසෙ ඉඳන් උඹලාගේ භාෂාමය සංනිවේදනය දියුණු කර ගනිල්ලා නැත්නම් විදේශ සබඳතා සඳහා පරිචයක් ඇති දක්ෂයො ටිකක් පත් කරහල්ලා කිව්ව ඒවා ජනතාව වෙනුවෙන් කරපු උදව් නෙවේද..?
මිනිස්සුන්ට ගෙවල් සුද්ද කරන දෙනවා කියන රුපියල් 25,000 ගන්නත් මේ දුෂ්කර වෙලාවෙ ඒ ෆෝම් එක අත්සන් කරගන්න මාලිමාව ආපදා කමිටුවෙ නියෝජිතයා ඇතුළු 06 දෙනෙක් ලඟට යවන තුට්ටු දෙකේ ගංවතුරෙ දේශපාලනයක් නම් අපි මේ වෙලාවෙ කරන්නෙ නෑ.
සෑම ප්රාදේශීය ලේකම් කාර්යාලයකටම අධීක්ෂණය වෙනුවෙන් තමන්ගෙ කාඩර් වරු පත් කරන්න කියලා ලිඛිතව නියෝග කරපු නාමල් කරුණාරත්නලා කරනවා වගේ ඒ තුප්පහි ගංවතුරෙ දේශපාලනයත් අපි කරන්නෙ නෑ.
මිනිස්සු මේ ලෝකෙට බිහි වෙලා තියෙන්නෙ හැමෝම එකම දේ කරන්න නෙවේ. සොබා දහම විසින් ඒ ඒ පුද්ගලයන්ට ලෝකෙට වැඩ කරන්න ආවේණික වූ හැකියාවන් සහ දක්ෂතාවයන් වෙන් කරලා තියෙනවා.
ඒ නිසා පාරට වැටුණු ගල් ටික අයින් කරන කම්කරුවාගෙ ඉඳන් සෑම මිනිහෙක්ටම සුවිශේෂී වූ ලක්ෂණ මවලා තියෙනවා.
අපි මේ වෙලාවෙ කරමින් ඉන්නෙ අන්න එහි අපට පෑවරිලා තියෙන සමාජීය වගකීම. ඒ සමාජීය වගකීමට උඹලා ගංවතුරෙ දේශපාලනය හරි මොකක් හරි නමක් දාගත්තාට අපිට කමක් නෑ.
අපි ඒ වැරදි පෙන්නලා දෙනවාට පඩි ගෙවලා ෆේක් හනුමා කණ්ඩායම් දාලා අපට කුණුහරුපයෙන් බැන්නට අපි බයත් නෑ, සැලෙන්නෙත් නෑ වට්ටන්නත් බෑ. අපි මේ මහ පොළොවේ හොඳට පදම් වෙච්ච මිනිස්සු.
චේතනාන්විතව තම වගකීම් ඉටු නොකර මිනිස් ඝාතනයක් කරපු උමලාට වඩා මේ නරන සමාජිය වගකීම ගැන ඉහටත් උඩින් අපි තෘප්තිමත්. ඒ හෘදසාක්ෂියෙ නිදහස ඔය හැමදේටම වඩා ගොඩක් උඩින් තියෙනව.
නිලන්ත සත්සර ගමගේ ✍️
