09/05/2025
❤️
XIV වන ලියෝ පාප් වහන්සේගේ පළමු ප්‍රකාශය.
ඔබ සැමට සාමය වේවා!
ආදරණීය සහෝදර සහෝදරියනි,
දෙවියන් වහන්සේගේ රැළට තම ජීවිතය දුන් යහපත් එඬේරා වන උත්ථාන වූ ක්‍රිස්තුස් වහන්සේගේ පළමු වචන මෙයයි.
සාමයේ ආචාරය ඔබේ හදවත්වලට ඇතුළු වී, ඔබේ පවුල්වලට, සියලු මනුෂ්‍යයන්ට, ඔවුන් කොතැනක සිටියත්, සියලු ජනයාට සහ මුළු පොළොවටම සාමය ළඟා වීම මාගේ කැමැත්තයි. ඔබට සාමය වේවා! !
මෙය උත්ථාන වූ ක්‍රිස්තුස් වහන්සේගේ සාමයයි, නිරායුධ සහ නිරායුධ කරවන සාමයක්, නිහතමානී සහ මෘදු සාමයක්. එවැනි සාමයක් පැමිණෙන්නේ දෙවියන් වහන්සේගෙනි, සියල්ලන්ටම කොන්දේසි විරහිතව ප්‍රේම කරන දෙවියන් වහන්සේගෙනි.
රෝමයට සැමවිටම ධෛර්යයෙන් ආශිර්වාද කළ ඒ සුන්දර හඬට නැවත වරක් අපගේ දෙසවන් විවර කරමු: ඒ රෝමයට ආශිර්වාද කළ ෆ්‍රැන්සිස් පාප් වහන්සේ ය!
රෝමයට ආශිර්වාද කළ පාප් වහන්සේ, පාස්කු ඉරිදා දහවල්, ලෝකයට ආශිර්වාදය ලබා දුන්හ. අප මේ ආශිර්වාදයෙන්ම ස්පර්ශ වීමට ඉඩ දෙමු: දෙවියන් වහන්සේට සාමය අවශ්‍යයි, දෙවියන් වහන්සේගේ සාමය සැමට අවශ්‍යයි, කිසිවෙකු ඉන් ඉවත් නොකෙරේ! අපි උන්වහන්සේගේ නාමයෙන් එක්සත් නම්, අප විවිධ වු නමුදු අත් අල්ලාගෙන සිටින්නේ නම්, දෙවියන් වහන්සේ අප අතර සිටිති. අපි ක්‍රිස්තුස් වහන්සේගේ ගෝලයෝ වෙමු. ක්‍රිස්තුස් වහන්සේගේ ගෝලයන් සියලු දෙනා අතර සිටීමට හා දොරවල් විවෘත කිරීමට බිය නැත. ජේසුස් වහන්සේ සෑම කෙනෙකු වෙනුවෙන් පැමිණියාක් මෙන් , සෑම කෙනෙකුම වැළඳ ගැනීමට උන්වහන්සේ පැමිණි සේ , සෑම කෙනෙකුම ගලවා ගැනීමට එතුමා පැමිණියාක් මෙන්, කතෝලික සභාවද එලෙස කල යුතුය.
පේදුරුතුමන්ගේ අනුප්‍රාප්තිකයා ලෙස මාව තෝරා පත් කර ගැනීමටත්, සාමය, යුක්තිය සොයන එක්සත් කතෝලික සභාව ලෙස ඔබ සමඟ ගමන් කිරීමටත්, ජේසුස් ක්‍රිස්තුස් වහන්සේට විශ්වාසවන්තව, බියෙන් තොරව, ශුභාරංචිය ප්‍රකාශ කිරීමට, ධර්මදූතයන් වීමටත් රැස්වූ සියලුම කාර්දිනල්වරුන්ට මම ස්තූතිවන්ත වෙමි.
මම අගෝස්තිනු පැවිදි නිකායේ ශාන්ත අගෝස්තීනුගේ පුත්‍රයෙක්, ශාන්ත අගෝස්තීනු තුමන් මෙසේ පැවසීය: "ඔබ සමඟ මම කිතුනුවකු වෙමි, ඔබ වෙනුවෙන් මම රදගුරුතුමෙක් වෙමි." මේ අර්ථයෙන්, දෙවියන් වහන්සේ අප වෙනුවෙන් සූදානම් කර ඇති නිජබිම දෙසට අප සැමට එකට ගමන් කළ හැකිය.
රෝමයේ සභාවට විශේෂ සුබ පැතුම්. අපි එක්ව, මිෂනාරි සභාවක් වන්නේ කෙසේද, පාලම් සහ සංවාද ගොඩනඟන, සැමවිටම විවෘත දෑතින් - මේ චතුරශ්‍රය මෙන් - අපගේ විවෘත දෑත් , අපගේ සහභාගීත්වය, අපගේ සංවාදය සහ අපගේ එක්සත් ප්‍රේමය අවශ්‍ය සියල්ලන් පිළිගැනීමට සූදානම් සභාවක් වන්නේ කෙසේද යන්න විමසා බැලිය යුතුය.
විශේෂයෙන් මගේ ආදරණීය පේරු හි චික්ලායෝ රදගුරු පදවියට, එහි රදගුරුතුමා සමඟ ඇදහිල්ලේ ගමන් කරමින්, ජේසුස් ක්‍රිස්තුස් වහන්සේගේ විශ්වාසවන්ත සභාව ලෙස දිගටම පැවතීම සඳහා බොහෝ දේ, බොහෝ දේ පරිත්‍යාග කළ විශ්වාසවන්ත ජනතාවට විශේෂයෙන් සුබ පතමි.
රෝමයේ, ඉතාලියේ සහ මුළු ලෝකයේ සිටින ඔබ සැමට, සහෝදර සහෝදරියනි,
අපට අවශ්‍ය වන්නේ සමගාමී සභාවක් වීමටයි, ඉදිරියට යන සභාවක් වීමටයි, සැමවිටම සාමය සොයන, සැමවිටම පරිත්‍යාගය සොයන, විශේෂයෙන් දුක් විඳින අය වෙත සමීප වීමට සැමවිටම උත්සාහ කරන සභාවක් වීමටයි. අද පොම්පෙයිහි අප ස්වාමිදූට කන්නලව් කරන දිනයයි. අපගේ මෑණියන් වන මරිය තුමිය සැමවිටම අප සමඟ ගමන් කිරීමටත්, අපට සමීපව සිටීමටත්, ඇගේ මැදිහත් වීමෙන් හා ඇගේ ප්‍රේමයෙන් අපට උපකාර කිරීමටත් කැමතියි. එබැවින්, මම ඔබ සමඟ යාච්ඤා කිරීමට කැමැත්තෙමි: අපි එක්ව මෙම නව මෙහෙවර උදෙසාත්, මුළු සභාව උදෙසාත්, ලෝකයේ සාමය උදෙසාත් යාච්ඤා කරමු, තවද අපගේ මෑණියන් වන මරිය තුමියගෙන් මෙම විශේෂ වරප්‍රසාදය අයදිමු.
නමෝ මරියනි යාච්ඥාව ...
