25/11/2025
පිරිමියෙකුට වඩා ගැහැණු හිතක් බොහෝ දුක්කම්කටොලු ඉවසන්නී ය. හිතට මෙන්ම ගතට දැනෙන දුක් කන්දරාවක් ඉවසා දරා ගන්නී ය. කටෝර වූ ගිණියම් වූ පිරිමි ආශාවන්ගේ සියලු පාපී ක්රියාවන් පවා දරාගන්නී ය. සෑම ගැහැණියක් තුළ ම හටගන්නා වූ ප්රේමය නිසා ඇය ඉවසීම ප්රගුණ කරන්නී ය. කෙණෙහිලිකම් වලින් ඇතිවන පීඩාව දරා ගත්ත ද, ඉවසීමේ ශක්තිය හීන මොහොතේ ම ඇය යක්ෂණියක් බවට පත් වන්නී ය. ඉතිහාසයේ සිදු වූයේත් එවැනි දේවල්ම ය.
ආගන්තුකයෙකු ලෙස ආ රාජ කුමාරයෙකුට තම රාජ්ය උරුමය ලබා දී තම වරිගයා සමූල ඝාතනය කළ පසුත්, කුවේණියට මාළිගය හැරදා දරු දෙදෙනා සමඟ වන වදින්නට සිදු විය. කාලවර්ණ රූ සපුවෙන් අගතැන්පත් කුවේණි රැජිණ යකින්නක් බවට පත් වූයේත් ගැහැණියකගේ දරා ගැනීමේ සීමාව ඉක්මවූ මොහොතේදී ම ය. තරුණියකට තිබිය යුතු සුන්දර රූ සපුවෙන් යුතු වූ ලසඳා ද ක්රමයෙන් ගැහැණියකගේ සිත තුළ උපන්නා වූ ක්රෝධයෙන් යක්ෂාවේශයට පත් වෙමින් සිටියාය.
තම ස්වාමියා වූ ශිවට අසුරයන්ගෙන් සිදු වූ නොපණත්කම් ඉදිරියේ යක්ෂාවේශ වූ පාර්වතිය කාලි යකින්න බවට පත් වූයේ යම් සේ ද, රංකිරාගේත් කෙනෙරගේත් නාමයෙන් දැල්වෙන්නට වූ එම පහන් ඉදිරියේ කාලිගේ අවතාරයක් වූ කාලරාක්ෂි දිෂ්ටියෙන් ලසඳා මතුරන්නට වූවාය. වලව්වටත්, අප්පෝටත්, රදල පරම්පරාවන්ටත් සාප කරමින් මැතිරූ එම යාදිනි මහ කැළයේ වා තලය පුරා පැතිරෙන්නට විය.
දැන් සරසවි ශාඛාවන්ගෙන් හෝ අපගේ වෙබ් අඩවියෙන් https://www.sarasavi.lk/product/kalarakshi-9553135633 දැන් මිලදී ගත හැකිය.
