http://www.gossiplankanews.com/

Gossip Lanka News, Nugegoda (2025)

18/09/2025

අබුඩාබි නුවර පැවති ආසියානු කුසලාන විස්සයි20 තරගයකින් ශ්‍රී ලංකා ක්‍රිකට් කණ්ඩායම ඇෆ්ගනිස්ථාන පිල පරදා සුපර් 4, ඊළඟ වටයට අද දින සුදුසුකම් ලබාගත්තේය.
මුලින් පන්දුවට පහරදුන් ඇෆ්ගනිස්ථාන පිල 170 ක ඉලක්කයක් ලබාදුන් අතර ශ්‍රී ලංකාව 18 වන ඕවරයේදී එම ඉලක්කය පසුකර ගියේය.

මේ අනුව ශ්‍රී ලංකාවේ ජයග්‍රහණය සමග ඒ කාණ්ඩයෙන් ඇෆ්ගනිස්තානය ඉවතට විසිවූ අතර බංග්ලාදේශ කන්ඩායමටද සුපර් 4 වටයට යාමට අවස්ථාව ලැබුණි.

බී කාණ්ඩයෙන් ඉන්දියාව මේ වනවිට අවසන් 4 දෙනාගේ සුපර් ‍ 4 වටයට සුදුසුකම් ලබා ඇති අතර හෙට පැවැත්වෙන ඉන්දියා- ඕමාන තරගයේ ජය අනුව පකිස්තානය හා එක්සත් අරාබි එමීර් කණ්ඩායම් දෙකින් එකක් අවසන් 4 දෙනාට සුදුසුකම් ලබනු ඇත.
ශ්‍රී ලංකාව හා බංග්ලාදේශය අතර සුුපර් 4 ඊළඟ තරගය ලබන 20 වනදා පැවැත්වේ.
අද තරගයේ වීරයා ලෙස පන්දු 52 කින් ලකුණු 74 ක් ගත් කුසල් මෙන්ඩිස් තේරිණි.
හොඳම පන්දු යවන්නා ලෙස කඩුළු 4 ක් දවාගත් නුවන් තුෂාරටද සම්මානයක් හිමි විය.

(වැඩි විස්තර හා ඡායාරූප සඳහා ක්ලික් කරන්න)

asia-cup-t20-cricket-sri-lanka-defeats-afghanistan-to-reach-super-4-round

18/09/2025

ප්‍රංශ ජනාධිපති එමානුවෙල් මැක්‍රොන්ගේ බිරිඳ වන බ්‍රිජිට් මැක්‍රොන්, තමන් කාන්තාවක් බවට විද්‍යාත්මක සාක්ෂි ඉදිරිපත් කිරීමට සූදානම් වේ. දක්ෂිණාංශික ක්‍රියාකාරිනියක වන කැන්ඩේස් ඕවන්ස්ට එරෙහිව ඇය විසින් අධිකරණයක අපහාස නඩුවක් ගොනු කර ඇත.

ඕවන්ස් දිගින් දිගටම ප්‍රකාශ කර ඇත්තේ බ්‍රිජිට් මැක්‍රොන් යනු කාන්තාවක් නොව පිරිමියෙකු බවයි. මෙම අසත්‍ය චෝදනාව බිඳ හෙළීම සඳහා, ඡායාරූපමය සහ විද්‍යාත්මක සාක්ෂි අධිකරණයට ඉදිරිපත් කිරීමට මැක්‍රොන් මහත්මියගේ නීතිඥයින් කටයුතු කරනු ඇත. ඇයගේ ගර්භණී සමයේ ඡායාරූප පවා සාක්ෂි ලෙස ඉදිරිපත් කිරීමට ඉඩ ඇති බවට වාර්තා වේ.

සමාජ මාධ්‍ය තුළ මිලියන ගණනක අනුගාමිකයින් සිටින කැන්ඩේස් ඕවන්ස්, මෙම මතය දිගින් දිගටම ප්‍රචාරය කර ඇත. "Becoming Brigitte" නමින් යූටියුබ් වීඩියෝ මාලාවක් පවා පවත්වාගෙන යමින් ඇය බ්‍රිජිට් මැක්‍රොන්ගේ ලිංගික අනන්‍යතාවය ප්‍රශ්න කර තිබේ.

මෙය මනුෂ්‍ය ඉතිහාසයේ විශාලතම දේශපාලන වංචාවක් බව ඇය ප්‍රකාශ කර ඇත.

මෙම කටකතාව මුලින්ම ප්‍රබල ලෙස පැතිර ගියේ 2021 වසරේදීය. ප්‍රංශ යූටියුබ් ක්‍රියාකාරිනියක වන අමන්ඩින් රෝයි විසින් මාධ්‍යවේදිනියක වන නටාෂා රේ සමඟ පැය හතරක සම්මුඛ සාකච්ඡාවක් පැවැත්වීමත් සමඟ මෙම තත්ත්වය උත්සන්න විය. එහිදී නටාෂා රේ ප්‍රකාශ කළේ, තමන් වසර තුනක පර්යේෂණයකින් අනතුරුව සොයාගත් පරිදි බ්‍රිජිට් මැක්‍රොන් යනු උපතින් පිරිමියෙකු බවත්, ඇයගේ සැබෑ නම ජීන්-මිෂෙල් ට්‍රොග්නෙක්ස් බවත්ය.

මෙම චෝදනාවලට එරෙහිව මැක්‍රොන් යුවළ පළමුව ප්‍රංශයේ නීතිමය ක්‍රියාමාර්ග ගත්තේ නටාෂා රේ සහ අමන්ඩින් රෝයිට විරුද්ධවය. 2023 සැප්තැම්බරයේදී පැරිස් අධිකරණයක් ඔවුන් වරදකරුවන් කරමින් බ්‍රිජිට් මැක්‍රොන් සහ ඇගේ සහෝදරයාට වන්දි මුදලක් ගෙවන ලෙස නියෝග කළේය. කෙසේ වෙතත්, අභියාචනාධිකරණයක් මගින් එම තීන්දුව පසුව නිෂ්ප්‍රභ කරන ලදී. ඊට එරෙහිව බ්‍රිජිට් මැක්‍රොන් මේ වන විට ප්‍රංශ ශ්‍රේෂ්ඨාධිකරණයට අභියාචනයක් ඉදිරිපත් කර තිබේ.

ජනාධිපති එමානුවෙල් මැක්‍රොන් සහ ඔහුගේ බිරිඳ අතර වයස් පරතරය වසර 24ක් වීමද සමාජ මාධ්‍ය තුළ නිරන්තර කතාබහට ලක්වන මාතෘකාවකි. 1992 දී එමානුවෙල් මැක්‍රොන් 15 හැවිරිදි පාසල් සිසුවෙකුව සිටියදී, 39 හැවිරිදි වියේ පසුවූ බ්‍රිජිට් ඔහුගේ නාට්‍ය හා සාහිත්‍ය ගුරුවරිය ලෙස කටයුතු කළ අතර, ඔවුන්ගේ හමුවීම එලෙස සිදුවිය.

ප්‍රසිද්ධ කාන්තාවන්ගේ ලිංගිකත්වය පිළිබඳව මෙවැනි කුමන්ත්‍රණ න්‍යායන් පැතිරීම බ්‍රිජිට් මැක්‍රොන්ට පමණක් සීමා වූවක් නොවේ. මීට පෙර එක්සත් ජනපදයේ හිටපු ජනාධිපති ආර්යාව වන මිෂෙල් ඔබාමා, නවසීලන්තයේ හිටපු අගමැතිනි ජසින්ඩා ආර්ඩර්න් සහ මෙලනියා ට්‍රම්ප් වැනි ඉහළ පෙළේ කාන්තාවන් ද මෙවැනිම අසත්‍ය චෝදනාවලට ලක්වී ඇත.

(වැඩි විස්තර හා ඡායාරූප සඳහා ක්ලික් කරන්න)

french-presidents-wife-to-prove-shes-not-a-man

18/09/2025

මිනිස් ක්‍රියාකාරකම් පහසු කිරීම සහ කාලය ඉතිරි කිරීම සඳහා යොදාගනු ලබන කෘත්‍රිම බුද්ධිය හෙවත් AI පිළිබඳව ලොව පුරා විවිධ අත්හදා බැලීම් සිදු වෙමින් පවතී. මිනිසුන් සඳහා පරිගණක කේත ලිවීමේ සිට චිකිත්සක උපදෙස් ලබා දීම දක්වා වූ පුළුල් පරාසයක කාර්යයන් සඳහා අද වන විට කෘත්‍රිම බුද්ධි චැට්බෝට් යොදා ගැනේ.
දේශපාලන ක්ෂේත්‍රය තුළද මෙහි භාවිතය ඉහළ යමින් පවතින අතර, මීට පෙර ඇල්බේනියාවේ දූෂණය මැඩලීම සඳහා කෘත්‍රිම බුද්ධිය අමාත්‍ය ධුරයකට පත් කිරීමේ පුවතක් වාර්තා විය. එම ප්‍රවණතාව තවදුරටත් ඉදිරියට ගෙන යමින්, ජපානයේ දේශපාලන පක්ෂයක් සිය නායකයා ලෙස කෘත්‍රිම බුද්ධිය පත් කර තිබේ.

බටහිර ජපානයේ කුඩා නගරයක හිටපු නගරාධිපතිවරයෙකු වූ ෂින්ජි ඉෂිමාරු විසින් පසුගිය ජනවාරි මාසයේදී "පුනරුදයේ මාවත" (Path to Rebirth) නමින් මෙම දේශපාලන පක්ෂය ආරම්භ කරන ලදී. 2024 වසරේ පැවති ටෝකියෝ ආණ්ඩුකාරවරයා තේරීමේ මැතිවරණයේදී දෙවන ස්ථානයට පත්වීමත් සමඟ ඉෂිමාරු මහතා මුළු රටේම අවධානය දිනා ගැනීමට සමත් විය. කෙසේ වෙතත්, මේ වසරේ පැවති එරට උත්තර මන්ත්‍රී මණ්ඩල මැතිවරණයේදී සිය පක්ෂයට එකදු ආසනයක් හෝ දිනා ගැනීමට නොහැකි වීම නිසා ඇති වූ කලකිරීමෙන් ඔහු පක්ෂ සභාපති ධුරයෙන් හදිසියේ ඉල්ලා අස්විය.

ඉෂිමාරුගේ ඉල්ලා අස්වීමෙන් පසු ඇති වූ පුරප්පාඩුව පිරවීම සඳහා පැවති අභ්‍යන්තර ඡන්ද විමසීමකින්,

කියෝතෝ විශ්වවිද්‍යාලයේ 25 හැවිරිදි ආචාර්ය උපාධි අපේක්ෂකයෙකු වන කෝකි ඔකුමුරා ජයග්‍රහණය කළේය. එහෙත්, ඔහු එම තනතුර භාර නොගත් අතර, පක්ෂයේ නව නායකයා කෘත්‍රිම බුද්ධිය (AI) වනු ඇති බව නිවේදනය කළේය. තමන් केवळ එම කෘත්‍රිම බුද්ධි පද්ධතිය සහ පක්ෂය අතර මානව සම්බන්ධීකාරක ලෙස පමණක් කටයුතු කරන බව ඔහු වැඩිදුරටත් ප්‍රකාශ කළේය.

මෙම නව කෘත්‍රිම බුද්ධි නායකයා පිළිබඳව සවිස්තරාත්මක තොරතුරු මෙතෙක් හෙළි කර නොමැත. කෙසේ වෙතත්, ඔකුමුරා මහතා පැහැදිලි කළේ පක්ෂ සාමාජිකයින්ගේ දේශපාලන ක්‍රියාකාරකම් පාලනය කිරීමක් සිදු නොවන බවත්, කෘත්‍රිම බුද්ධිය මඟින් ප්‍රධාන වශයෙන් සිදු කරනු ලබන්නේ පක්ෂයේ සම්පත් කළමනාකරණය කිරීම බවත්ය. ලොව පුරා දක්නට ලැබෙන මෙවැනි ප්‍රවණතා සැලකිල්ලට ගත් විට, නුදුරු අනාගතයේ දිනක කෘත්‍රිම බුද්ධිය මැතිවරණ සඳහා ද තරඟ කරනු දැකගත හැකි වුවහොත් එය පුදුමයට කරුණක් නොවනු ඇත.

(වැඩි විස්තර හා ඡායාරූප සඳහා ක්ලික් කරන්න)

japanese-political-party-appoints-artificial-intelligence-leader

18/09/2025

කරන්දෙනිය , කොටවෙල ප්‍රදේශයේ පසුගිය 11 වැනිදා සවස මවක සහ පුතකු කපාකොටා ඝාතනය කිරිමට සම්බන්ධ සැකකරු තියුනු ආයුධයක් සමග කරන්දෙනිය පොලිසිය අත්අඩංගුවට ගෙන තිබෙයි.
නිවස තුල දි තියුණු ආයුධයකින් ගෙල ප්‍රදේශයට කැපුම් තුවාල සිදුකර 75 වන වියේ මව හා 25 හැවිරිදි පුතා ඝාතනය කර තිබිය දී කරන්දෙනිය පොලිසිය සොයාගෙන තිබුණි.

අත්අඩංගුවට ගත් සැකකරු අසල්වැසි නිවසේ පදිංචි අයකු වන අතර කසිප්පු ජාවරම සහ කපාකොටා ප්‍රදේශවාසීන් බිය වැද්දිම්වලට අදාල නඩු පවතින කොටියා කුමාර නැමැත්තෙකු බව පොලිසිය පවසයි.

ඇල්පිටිය පොලිස් කොට්ඨාසයට අයත් කරන්දෙණිය පොලිස් වසමේ බොහෝදෙනකු අතමිට සරුකර ගන්නේ කුරුඳු රස්සාවෙනි. එම ප්‍රදේශයේ කුරුඳු ඉතාම සරුසාරව වගාකර තිබේ. කුරුඳු වගාවෙන් මෙන්ම කුරුඳු කැපීමෙන්, තැළීමෙන්ද විශාල පිරිසක් සිය ජීවනෝපය සරිකර ගනිති. මීට වසර කිහිපයකට පෙර කරන්දෙණිය පොලිස් වසම තුළ කපාකොටා ගැනීම්, වෙඩි තැබීම්, මිනිස් ඝාතන ආදිය වාර්තා වුවද මේ වන විට එම තත්ත්වය පාලනය වී තිබේ. කෙසේ වෙතත් ඉකුත්දා කරන්දෙණිය, කොටවෙල ප්‍රදේශයෙන් වාර්තා වූ බිහිසුණු ද්විත්ව මිනිස් ඝාතනයත් සමඟ මුළු කොටවෙල ග්‍රාමයම කිසියම් තිගැස්සීමකට ලක්විණි.

සිද්ධිය පොලිසියට සැලකරන්නේ කොටවෙල ග්‍රාමයේම පදිංචි තරුණ කාන්තාවක් විසිනි. සිද්ධිය සැලවීමත් සමඟ අපරාධ විමර්ශන අංශයේ ස්ථානාධිපති ලිහිනියකුල ඇතුළු නිලධාරීන් වහා කොටවෙලට ගිය අතර එලෙස ගිය නිලධාරීන්ට දක්නට ලැබුණේ නිවෙසක් තුළ කාන්තාවක් සහ පිරිමි පුද්ගලයකු කපාකොටා ඉතා අමානුෂික ලෙස මරා දමා ඇති බවකි. මුළු නිවෙසම සිරුරුවලින් ගලාගිය රුධිරයෙන් තෙත් වී තිබිණි. නිලධාරීන් වහා මේ බව කරන්දෙණිය පොලිස් ස්ථානාධිපති වරුෂවිතානවද දැනුවත් කිරීමෙන් අනතුරුව විමර්ශන ඇරැඹිණි.

“මම දැක්කා කොටියා කුමාර මන්නයක් අරගෙන ඒ ගෙවල් පැත්තේ ඉඳගෙන මේ පැත්තට එනවා. මම හිතුවා එයා අපිට කරදරයක් කරයිද දන්නේ නැහැ කියලා. ඒ නිසා මමත් ගෙදර දොර වහගත්තා. ඒත් එක්කම ඒ ගෙවල් පැත්තෙන් ගෑනු කෙනෙක් කෑගහන සද්දයක් ආවා…” පොලිසියට තොරතුරු දුන් කාන්තාව නිලධාරීන් ඉදිරියේ කියන්නට වූවාය. තවදුරටත් ඇගෙන් ප්‍රශ්න කිරීමේදී හෙළිවන්නේ සිද්ධියට මොහොතකට පෙර කොටියා කුමාර නමැත්තා ඇගේ නිවෙසට පැමිණ ඔහුගේ කුඩා දරුවා ඉල්ලා කරදර කළ බවකි. දරුවාට වයස අවුරුදු හතරකි.

“ඔයා හොඳටම බීලා ඉන්නේ. අක්කා දරුවා අපිට භාරදීලා තියෙන්නේ. අපිට ඔයාට දරුවා දෙන්න බැහැ…”

ඇය කොටියා කුමාර ඉදිරියේ කියන්නට වූවාය. ඉන් කෝපයට පත් ඔහු එතැනින් ඉවත්ව ගිය අතර ද්විත්ව ඝාතනය සිදුවන්නේ ඉන් අනතුරුවය.

මෙම සිද්ධියෙන් මරණයට පත්වන්නේ 74 හැවිරිදි කොලහකුරු ගුණවතී සහ 25 හැවිරිදි චතුරංග දිසානායක නමැති ඇගේ පුත්‍රයාය.

මෙම ද්විත්ව ඝාතනය සම්බන්ධයෙන් ඇල්පිටිය මහෙස්ත්‍රාත් අධිකරණයට කරුණු වාර්තා කිරීමට නිලධාරීහු ඉන් අනතුරුව පියවර ගත්හ. ඇල්පිටිය වැඩබලන මහෙස්ත්‍රාත් මුනිදාස හාල්පන්දෙණිය මහතා සිද්ධිය වූ ස්ථානයට පැමිණ මහෙස්ත්‍රාත් පරීක්ෂණය පවත්වා මව සහ පුතු ඝාතනය කෙලෙස සිදුවීද යන්න තහවුරු කර ගැනීම සඳහා ඔවුන්ගේ සිරුරු පශ්චාත් මරණ පරීක්ෂණයක් සඳහා යොමුකරනු ලැබීය.

කෙසේ වෙතත් ඒ වනවිට පොලිසියට ලද තොරතුරු මත ද්විත්ව ඝාතනයේ සැකය එල්ල වූයේ කොටියා කුමාර වෙතය. ඔහු විවාහකය. බිරිය විදේශ රැකියාවකට ගොස් සිටින්නීය.

කොටියා කුමාර එතරම් හොඳ චරිතයක් ඇත්තකු නොවන බව පොලිසිය කියයි. ඔහු කලක් කුරුඳු මණ්ඩිවල කසිප්පු පෙරුවේය. කසිප්පු වික්කේය. පොලිසියටද කොටු වූ අවස්ථා ඇත. ඒ අතර අනියම් සබඳකමක්ද පවත්වා ඇත්තෙක්ය.

මෙවන් තොරතුරු මත විමර්ශනයට ඊට පසුදාම එක්වූ කරන්දෙණිය පොලිස් ස්ථානාධිපති වරුෂවිතානද සිය කණ්ඩායම සමඟ කොටියා කුමාර ගැවසෙන තැන් සොයන්න වූහ. නිලධාරීන්ගේ සැකය කොටියා කුමාරටත් එල්ල වුවද ඔහු මෙම ද්විත්ව ඝාතන සිදුකළේ ඇයිද යන්නට කිසිදු අයුරකින් හෝඩුවාවක් නොවීය.

මේ අතර මෙම සිද්ධියෙන් පසු මුළු කොටගල ගම්මානය පුරාම කිසියම් භීතියක්ද ඇති විය. ඒ කොටියා කුමාර නිදැල්ලේ සිටීම නිසාය. එමෙන්ම බොහෝ පිරිස් මොහුට දැක්වූයේද කිසියම් බියකි.

“සර් මේ පුද්ගලයාට සමාවක් නම් දෙන්න එපා. අපි ගමේ ඉන්නෙත් බයෙන්. අපිටත් ඔය දේම කරයිද දන්නේ නැහැ. අනේ සර් කොහොමහරි ඕකව අල්ලා දඬුවම් කරන්න.”

ගමේ බොහෝ පිරිස් පොලිස් ස්ථානාධිපතිවරයා ඇතුළු කණ්ඩායමෙන් ඉල්ලා සිටියහ. එහෙත් කොටියා කුමාර සැඟවුණු දිශාවක් සොයා ගැනීමට කිසිවකුටත් හැකි වූයේ නැත. ඔහු කුරුඳු මණ්ඩියකට පැනගොස් සැඟව සිටින බවට ලද තොරතුරු මත බුද්ධි නිලධාරීන් මෙන්ම විශේෂ කාර්යාංශ නිලධාරීහුද විමර්ශනයට එක්ව සිටියහ.

“අපිට මේ මරණ හරිම ප්‍රහේලිකාවක්. මොකද කොටියා කුමාර ඔය සිද්ධියට සැක කළාට ඔය අම්මයි පුතයි දෙන්නත් එක්ක කොටියා කුමාරගේ ආරවුලක් තිබුණේ නැහැ. අඩුතරමින් පොලිසියට පැමිණිල්ලක්වත් ලැබිලා තිබුණේ නැහැ”

විමර්ශන නිලධාරියෙක් සඳහන් කළේය.

මේ අතර මෙම මව සහ පුතු ඝාතනය කර ඇත්තේ ඔහුගේ කසිප්පු ජාවාරම සම්බන්ධයෙන් ඔත්තුවක් දීම නිසා බවට සඳහන් මාධ්‍ය වාර්තාද පළ විණි. එහෙත් පොලිසිය කීවේ එවන් තොරතුරක් පොලිසිය වෙත ලැබී නැති බවය. මෙවන් තොරතුරු ප්‍රචාරය වීමත් සමඟ මෙහි ඇත්ත නැත්ත දැනගැනීම සඳහා කොටියා කුමාර අත්අඩංගුවට ගත යුතු බවත් නිලධාරීන් ඔහු සැඟව සිටින තැන් සොයා විමර්ශන සිදුකළේය.

මෙලෙස මෙහෙයුම් දියත් වෙද්දී විමර්ශන නිලධාරියකුට එක්තරා පුද්ගලයකු ඔත්තුවක් දුන්නේ ඔය අතරය.

“සර් මම දැක්කා ඕකා කැලේ කොලේ පැත්තේ ඉන්නවා. හොඳටම කසිප්පු බීලා හිටියේ. මිනිහා මාව හඳුනගත්තේ නැති වුණාට මම මිනිහව හඳුනගත්තා. මට මුහුණට මුහුණ හම්බ වුණා. මට කිව්වා මාව අල්ලන්න ආවොත් මම මරාගෙන මැරෙනවා කියලා.

“සර් දැන්ම කැලේ කොලේට ගියොත් ඕකව අල්ලගන්න පුළුවන්. හොඳටම බීලා හිටිය නිසා ඕකා වැඩිදුර යන්නේ නැහැ.” ලැබුණු තොරතුර අත් නොහළ නිලධාරීන් වහා කැලෑකොළ ප්‍රදේශයට ගොස් කොටියා කුමාර අත්අඩංගුවට ගත්තේය. ඒ වන විටත් ඔහු සිටියේ හොඳ පදමේය.

නිලධාරීන් ඔහු කුදළාගෙන පොලිසියට රැගෙනවිත් ප්‍රශ්න කිරීම ඇරඹුණේය. මව සහ පුතු ඝාතනයට යොදාගත් තියුණු ආයුධය නිලධාරීන් සොයාගත්තේ ඉන් අනතුරුවය.

“ඇයි උඹ ඒ මිනිස්සු දෙන්නව මැරුවේ” නිලධාරීහු කොටියා කුමාරගෙන් ප්‍රශ්න කළහ.

“මම මැරුවේ අහවලාගේ කීමට” ඔහු නිලධාරීන්ට කීවේය. සැකකරු ගමේ තවත් පුද්ගලයකුගේ නමක් කීවේය. ඔහුද මෙම මව සහ පුතා ළඟින් ඇසුරු කළ අයෙක් බව විමර්ශනයේදී හෙළි විය. ඒ අනුව කොටියා කුමාර පොලිසියට කීවේ කොන්ත්‍රාත්තුවක් මත මෙම ද්විත්ව ඝාතනය සිදුකළ බවය. එහෙත් විමර්ශන නිලධාරීන් සැකකරුගේ කතාව විශ්වාස කළේ නැත. කෙසේ වෙතත් සැකකරුගේ ප්‍රකාශය මත එම පුද්ගලයාද සැකපිට අත්අඩංගුවට ගැනීමට නිලධාරීන් කටයුතු කළේය. එහෙත් ඔහුගෙන් කළ ප්‍රශ්න කිරීමේදී එවන් කොන්ත්‍රාත්තුවක් සම්බන්ධ තොරතුරක්ද හෙළි වූයේ නැත.

මේ අතර නිලධාරීන් සැකකරුගෙන් තවදුරටත් ප්‍රශ්න කරමින් ද්විත්ව ඝාතනය සිදු කළ මොහොතේ ඔහු හැඳ සිටි ඇඳුම් ගැන විමසුවේය. ඒ එම ඇඳුම්වල අනිවාර්යෙන්ම රුධිරය තැවරී ඇති බවට නිලධාරීන් හොඳාකාරව දන්නා නිසාය. එම ලේ තැවරුණු ඇඳුම් විමර්ශනයට වැදගත් සාක්කියක් වන නිසා නිලධාරීන් එම ඇඳුම් කොහේදැයි විමසමින් ඔහුගෙන් ප්‍රශ්න කරන්නට විය.

“මම ඔය සිද්ධියෙන් පස්සේ… යාළුවගේ ගෙදරට ගිහිල්ලා නෑවා. නාලා ලේ ගෑවුණු සරමත් සෝදලා යාළුවගේ වැලේ වේළෙන්න දැම්මා.” සැකකරු කීවේය. නිලධාරීන් සැකකරුගේ මිතුරාගේ නිවෙස වෙත ගියේ ඉන් පසුවය. එහෙත් එම ඇඳුම මිදුලේ වැලේ නොවීය. නිලධාරීන් එම මිතුරා අත්අඩංගුවට ගෙන ප්‍රශ්න කළේය.

“මට ආරංචි වුණා සර්, ඔය සිද්ධිය. මම ගෙදර ආවා. එතකොට ඕකා හිටියේ නැහැ. මම දැක්කා ලේ ගෑවුණු සරම මූ හෝදලා වැලේ දාලා තියෙනවා. මම බය වුණා. මම ඒක අරගෙන ගිහින් මඩේ ඔබලා හැංගුවා. ඔහු නිලධාරීන්ට කීවේය. ඔහුගේ ප්‍රකාශය මත රුධිරය සහිත එම සරමද නිලධාරීන් සොයාගත්තේය.

ඒ අනුව මව සහ පුතු ඝාතනය සම්බන්ධයෙන් මේ වන විට කොටියා කුමාර ඇතුළු තිදෙනකු සැකපිට අත්අඩංගුවට ගෙන අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගත කොට අහවරය ප්‍රධාන සැකකරු අත්අඩංගුවට ගෙන ඇත්තේ ජීව අත්බෝම්බයක් සමඟය. එහෙත් මව සහ පුතු ඝාතනයට නිශ්චිත හේතුවක් තවමත් නිලධාරීන් සතුව නැත. එය තහවුරුකර ගැනීම සඳහා විමර්ශන ක්‍රියාත්මකය.

ඇල්පිටිය කොට්ඨාස භාර ජ්‍යෙෂ්ඨ පොලිස් අධිකාරි ලකී රන්දෙණියගේ උපදෙස් මත කරන්දෙණිය පොලිස් ස්ථානාධිපති ප්‍රධාන පොලිස් පරීක්ෂක පූජිත වරුෂවිතානගේ මෙහෙයවීම මත අපරාධ විමර්ශන අංශයේ ස්ථානාධිපති ප්‍රධාන පොලිස් පරීක්ෂක එස්.පී. ලිහිනියකුල ඇතුළු කණ්ඩායමක් සිද්ධිය සම්බන්ධයෙන් වැඩිදුර විමර්ශන පැවැත් වූහ.

කීර්ති මෙන්ඩිස්

(වැඩි විස්තර හා ඡායාරූප සඳහා ක්ලික් කරන්න)

kotiya-kumara-who-killed-mother-and-son-in-karandeniya-arrested

18/09/2025

හම්බන්තොට, මාගම්පුර වරායේ කළුගල් ඉවත් කිරීමේ ටෙන්ඩරයක් ලබාදෙන බව පවසා සිදුකරන ලදැයි කියන රුපියල් මිලියන 20ක මූල්‍ය වංචාවක් සම්බන්ධයෙන් හිටපු වරාය අමාත්‍ය රෝහිත අබේගුණවර්ධන මහතාගෙන් ප්‍රකාශයක් සටහන් කරගන්නා ලෙස කඩුවෙල මහෙස්ත්‍රාත් අධිකරණය අපරාධ පරීක්ෂණ දෙපාර්තමේන්තුවට නියෝග කර තිබේ. අදාළ ප්‍රකාශය සති දෙකක් ඇතුළත අධිකරණයට ඉදිරිපත් කරන ලෙස මහෙස්ත්‍රාත් අරුණ ඉන්ද්‍රජිත් බුද්ධදාස මහතා නියෝග කළේය.

මෙම නඩුවට පාදක වී ඇත්තේ, හුංගම, බටඅත දකුණ ප්‍රදේශයේ පදිංකරුවෙකු විසින් අපරාධ පරීක්ෂණ දෙපාර්තමේන්තුව වෙත ඉදිරිපත් කළ පැමිණිල්ලකි. 2021 වර්ෂයේ ජනවාරි 5 වන දින හෝ ආසන්න දිනයකදී, එවකට ජනාධිපති මහින්ද රාජපක්ෂ මහතාගේ ලේකම්වරයෙකු ලෙස පෙනී සිටි පුද්ගලයෙකු විසින් තමන්ව වරායට ගෙන ගොස්, කළුගල් තොගය පෙන්වා අත්තිකාරම් මුදලක් ලෙස රුපියල් මිලියන 20ක් ලබාගත් බව පැමිණිලිකරු සඳහන් කර ඇත.

පසුව පැවති රජය වෙනස් වීම නිසා පොරොන්දු වූ ටෙන්ඩරය ලබා දීමට නොහැකි වූ බවත්, ලබාගත් අත්තිකාරම් මුදල ආපසු ගෙවීම සඳහා ලබාදුන් චෙක්පත අගරුවූ බවත් පැමිණිල්ලේ වැඩිදුරටත් දැක්වේ. ගිණුමේ මුදල් නොමැති වීම හේතුවෙන් එම චෙක්පත බැංකුව විසින් ප්‍රතික්ෂේප කර ඇත.

සිද්ධිය සම්බන්ධයෙන් විමර්ශන පැවැත්වූ අපරාධ පරීක්ෂණ දෙපාර්තමේන්තුවේ විශේෂ විමර්ශන ඒකකය,

හිටපු අග්‍රාමාත්‍ය ලේකම්වරයෙකු ලෙස පෙනී සිටි තලංගම, හෝකන්දර ප්‍රදේශයේ පදිංදි සැකකරුවෙකු අත්අඩංගුවට ගෙන අධිකරණයට ඉදිරිපත් කිරීමෙන් අනතුරුව ඔහු ඇප මත මුදාහැර තිබිණි.

කෙසේ වෙතත්, නඩුව වසර ගණනාවක් විභාග වුවද, මුල් පැමිණිල්ලේ නම සඳහන් අනෙකුත් පුද්ගලයින්ගෙන් ප්‍රකාශ සටහන් කරගෙන නොමැති බව අධිකරණයේදී අනාවරණය විය. ඒ අනුව, පැමිණිල්ලේ නම සඳහන්ව ඇති හිටපු අමාත්‍ය රෝහිත අබේගුණවර්ධන මහතාගෙන්ද ප්‍රකාශයක් ලබාගන්නා ලෙසට මහෙස්ත්‍රාත්වරයා නියෝගය නිකුත් කළේය.

(වැඩි විස්තර හා ඡායාරූප සඳහා ක්ලික් කරන්න)

rohitha-ordered-to-pay-fine-in-connection-with-20-million-rupees-financial-fraud

18/09/2025

එක්සත් රාජධානියේ බිලියන ගණනක ආයෝජනයන් සිදු කිරීමට ප්‍රධාන පෙළේ එක්සත් ජනපද තාක්ෂණික සමාගම් පොරොන්දු වීමත් සමග, දෙරටේ නායකයින් විසින් "තාක්ෂණික සෞභාග්‍ය ගිවිසුමක්" අත්සන් කර තිබේ. මෙම නව තාක්ෂණික ගිවිසුමට "ජීවිත වෙනස් කිරීමේ බලයක් ඇති" බව අගමැති ස්ටාමර් ප්‍රකාශ කළ අතර, "මීළඟ තාක්ෂණික විප්ලවයට එක්සත් රාජධානිය සහ එක්සත් ජනපදය කරට කර නායකත්වය දීම" මෙමගින් සහතික වනු ඇති බව ජනාධිපති ට්‍රම්ප් පැවසීය.

යුක්රේනයේ යුද්ධය පිළිබඳව අදහස් දක්වමින් බ්‍රිතාන්‍ය අග්‍රාමාත්‍යවරයා සඳහන් කළේ, "තවත් ලේ වැගිරීම්" ලෝකය දකිද්දී රුසියානු ජනාධිපති ව්ලැදිමීර් පුටින් සිය සැබෑ මුහුණුවර පෙන්වා ඇති බවයි. තමා පුටින් සමග ඇති සබඳතාව නිසා යුක්රේන ගැටුම විසඳීම පහසු වනු ඇතැයි සිතුවද, "ඔහු මාව කලකිරීමට පත් කළා" යැයි ජනාධිපති ට්‍රම්ප් ප්‍රකාශ කළේය. යුක්රේනයේ පවතින අර්බුදය විසඳීමට ජනාධිපතිවරයා අදහස් කරන්නේ කෙසේද යන්න තවමත් අපැහැදිලි බව රාජ්‍ය තාන්ත්‍රික වාර්තා පෙන්වා දෙයි.

කෙසේ වෙතත්, පලස්තීන රාජ්‍යයක් පිළිගැනීම සම්බන්ධයෙන් නායකයින් දෙදෙනා අතර පැහැදිලි මතභේදයක් දක්නට ලැබිණි. ඊශ්‍රායලය යම් යම් කොන්දේසි සපුරා නොමැති වුවහොත්, ලබන සතියේ එක්සත් ජාතීන්ගේ මහා මණ්ඩල රැස්වීමකදී එක්සත් රාජධානිය පලස්තීන රාජ්‍යත්වය විධිමත් ලෙස පිළිගැනීමට අපේක්ෂා කරන අතර, එක්සත් ජනපදය එම පියවරට දැඩි ලෙස විරුද්ධ වේ. මාධ්‍යවේදීන් නැගූ පැනයකට පිළිතුරු දෙමින් ස්ටාමර් කියා සිටියේ "පිළිගැනීමේ ප්‍රශ්නය දෙස බැලිය යුතුයි" යනුවෙනි. එහෙත් ට්‍රම්ප් කෙලින්ම කියා සිටියේ "ඒ කාරණය සම්බන්ධයෙන් මට අගමැතිවරයා සමඟ එකඟ නොවීමක් තිබෙනවා" යනුවෙනි. ඔහුගේ පිළිතුර බොහෝ දුරට ගාසා තීරයේ රඳවා සිටින ඊශ්‍රායල ප්‍රාණ ඇපකරුවන්ගේ ඉරණම කෙරෙහි යොමු විය.

දක්ෂිණාංශික ක්‍රියාකාරිකයෙකු වූ චාලි කිර්ක් "තම මතය ප්‍රකාශ කිරීම නිසා දරුණු ලෙස ඝාතනය කරනු ලැබූ" බවද ජනාධිපති ට්‍රම්ප් මෙහිදී සඳහන් කළේය. තම එක්සත් රාජධානි සංචාරය අතරතුර වින්ඩ්සර් මාලිගයේදී සහ අග්‍රාමාත්‍ය නිල නිවස්න වන චෙකර්ස් හිදී තමාට සහ ජනාධිපති ආර්යාවට දැක්වූ ආගන්තුක සත්කාරය පිළිබඳව ඔහු සිය කෘතඥතාව පළ කළේය. චාල්ස් රජු සහ කැමිලා රැජින "විශිෂ්ට පුද්ගලයන් දෙදෙනෙකු" බවද ඔහු පැවසීය. අගමැති ස්ටාමර් "විශිෂ්ට කාර්යයක්" ඉටු කරන බව පවසමින් ට්‍රම්ප් ඔහුව ඇගයීමට ලක් කළේය.

එක්සත් ජනපද නිදහස් ප්‍රකාශනයට වසර 250ක් පිරීම නිමිත්තෙන් ලබන වසරේදී දෙරට "එක්ව දීර්ඝ ගමනක් පැමිණ ඇති" බව අගමැති ස්ටාමර් සඳහන් කළේය. මෙම හවුල්කාරිත්වය ලෝකය හැඩගස්වා ඇති බවද ඔහු පැවසීය. එක්සත් ජනපදය සහ එක්සත් රාජධානිය අතර "වෙනත් කිසිදු රටකට නොදෙවෙනි සබඳතාවක්" පවතින බව අවධාරණය කළ ට්‍රම්ප්, "අපි සැමවිටම එක්සත්ව සිටිනු ඇත, අපි සැමවිටම එකට සිටිනු ඇත" යනුවෙන් වැඩිදුරටත් පැවසීය.

(වැඩි විස්තර හා ඡායාරූප සඳහා ක්ලික් කරන්න)

trump-in-uk-holds-public-press-conference-with-prime-minister-starmer

18/09/2025

දෙහිවල, අල්විස් පාරේ නිවසක් පිටුපස තිබී චීන ජාතිකයෙකුගේ සිරුරක් සොයාගත් බව දෙහිවල පොලීසිය පවසයි. පොලීසියට ලද දුරකතන ඇමතුමක් මත මෙම සිරුර සොයාගෙන ඇත.

මෙලෙස මියගොස් ඇත්තේ පෞද්ගලික ආයතනයක සේවය කරන චීන ජාතිකයෙකි. ඔහු, යාබද මහල් නිවාස සංකීර්ණයක ඉහළ මාලයෙන් ඇද වැටෙන්නට ඇති බවට පොලීසිය සැක කරයි.

මියගිය පුද්ගලයා සමඟ තවත් චීන ජාතිකයින් පිරිසක් එම මහල් නිවාස සංකීර්ණයේ රැඳී සිට ඇති බවට තොරතුරු වාර්තා වේ.

සිරුර දැනට කළුබෝවිල හෙවත් දකුණු කොළඹ ශික්ෂණ රෝහලේ මෘත ශරීරාගාරයේ තැන්පත් කර ඇති අතර, දෙහිවල පොලීසිය සිද්ධිය පිළිබඳව පුළුල් විමර්ශනයක් පවත්වයි.

(වැඩි විස්තර හා ඡායාරූප සඳහා ක්ලික් කරන්න)

chinese-national-killed-in-dehiwala

18/09/2025

ශ්‍රී ලාංකික ඉංජිනේරුවන්ගේ තාක්ෂණික දායකත්වයෙන් නිර්මාණය කෙරුණු, මෙරට තුන්වන නැනෝ චන්ද්‍රිකාව වන 'BIRDS-X DRAGONFLY' හෙට (19) කක්ෂගත කිරීමට නියමිතය. ශ්‍රී ලංකා වේලාවෙන් පස්වරු 2.15ට ජාත්‍යන්තර අභ්‍යවකාශ මධ්‍යස්ථානයේ සිට එය කක්ෂයට මුදා හැරෙන බව ආතර් සී. ක්ලාක් ආයතනය පවසයි.

පසුගිය අගෝස්තු 24 වන දා නාසා ආයතනය මගින් දියත් කළ SPX33 රොකට් මෙහෙයුම ඔස්සේ මෙම චන්ද්‍රිකාව ජාත්‍යන්තර අභ්‍යවකාශ මධ්‍යස්ථානය වෙත රැගෙන යන ලදී. 2019 වසරේදී 'රාවණ-1' සහ 2022 වසරේදී 'KITSUNE' චන්ද්‍රිකා කක්ෂගත කිරීමෙන් අනතුරුව, මෙම නව චන්ද්‍රිකාව මෙරට අභ්‍යවකාශ තාක්ෂණයේ තවත් සුවිශේෂී සන්ධිස්ථානයක් සනිටුහන් කරන බව ආතර් සී. ක්ලාක් ආයතනය පෙන්වා දෙයි.

මෙම ව්‍යාපෘතියේ ඇති තවත් සුවිශේෂීතාවක් වන්නේ ශ්‍රී ලංකාවට කිසිදු ප්‍රාග්ධන පිරිවැයක් දැරීමට සිදු නොවීමයි. එය ශ්‍රී ලංකාවේ ආතර් සී. ක්ලාක් ආයතනය සහ ජපානයේ කියුෂු තාක්ෂණ ආයතනය අතර ක්‍රියාත්මක වූ තාක්ෂණික සහයෝගිතා වැඩසටහනකි. ජපානයේ අභ්‍යවකාශ පර්යේෂණ ආයතනය (JAXA) සහ ඩිජිටල් රේඩියෝ සන්නිවේදන ආයතනය (ARDC) ඇතුළු ජාත්‍යන්තර ආයතන කිහිපයක සහයෝගය ද ඊට හිමිව තිබේ.

මෙම ව්‍යාපෘතිය මෙරටට දායාද කරනු ලැබුවේ ආතර් සී. ක්ලාක් ආයතනයේ හිටපු අධ්‍යක්ෂ ජනරාල් සහ ශ්‍රී ලංකාවේ අභ්‍යවකාශ තාක්ෂණ වැඩසටහනේ නිර්මාතෘවරයා වන ඉංජිනේරු (ආචාර්ය) සනත් පනාවැන්නගේ මහතා විසිනි. විදේශීය පාර්ශ්වයන් සමඟ සාකච්ඡා කර එකඟතා ලබා ගනිමින් මෙම සහයෝගිතා ව්‍යාපෘතිය දියත් කරන ලද්දේ ඒ මහතාගේ මූලිකත්වයෙනි.

මෙම චන්ද්‍රිකාව නිර්මාණය කළ ශ්‍රී ලාංකික පර්යේෂණ ඉංජිනේරු කණ්ඩායම ආචාර්ය සනත් පනාවැන්නගේ මහතා විසින් මෙහෙයවන ලද අතර, ඉංජිනේරු කමනි එදිරිවීර, ඉංජිනේරු කවින්ද්‍ර ජයවර්ධන, පර්යේෂණ ඉංජිනේරුවන් වන තරිඳු දයාරත්න, කවීන්ද්‍ර සම්පත්, උදිත ගයාන් සහ පර්යේෂණ විද්‍යාඥ තිළිණ විජේබණ්ඩාර යන මහත්ම මහත්මීහු ඊට ඇතුළත් වූහ.

(වැඩි විස්තර හා ඡායාරූප සඳහා ක්ලික් කරන්න)

sri-lankas-third-nanosatellite-birds-x-dragonfly-to-be-launched-into-orbit-tomorrow-19

18/09/2025

ශ්‍රී ලංකා පොලිසියේ නිල ආරාධනයක් මත දේශනයක් පැවැත්වීමට මෙරටට පැමිණි අමෙරිකානු පොලිස් නිලධාරියෙකු, ජීව උණ්ඩ 17ක් සන්තකයේ තබා ගැනීමේ චෝදනාව මත අත්අඩංගුවට ගැනීමෙන් අනතුරුව, සුවිශේෂී කරුණු සලකා බලමින් දැඩි ඇප කොන්දේසි මත මුදා හැරීමට අධිකරණය නියෝග කර තිබේ.

නවාතැන් ගෙන සිටි කොළඹ හෝටලයේ වැසිකිළි බඳුනකට උණ්ඩ 17ක් බැහැර කිරීමේ සිද්ධියක් සම්බන්ධයෙන් මයිකල් ඇන්ඩෲ මෙනන් නමැති මෙම නිලධාරියා අත්අඩංගුවට ගෙන තිබිණි. ඊයේ (17) කොටුව මහේස්ත්‍රාත් ඉසුරු නෙත්තිකුමාරගේ මහතා හමුවට ඉදිරිපත් කළ සැකකරු,

රුපියල් ලක්ෂ පහක ශරීර ඇපයක් මත මුදා හැරිණි. ඔහුගේ විදේශ ගමන් බලපත්‍රය අධිකරණ භාරයට ගත් අතර, රටින් පිටවීම තහනම් කරමින් ඒ බව ආගමන විගමන පාලකවරයාට දැනුම් දෙන ලෙසද මහේස්ත්‍රාත්වරයා නියෝග කළේය.

සැකකරු වරද පිළිගැනීම, පොලිසියේ නිල ආරාධනය මත මෙරටට පැමිණීම, ශ්‍රී ලංකාව සහ අමෙරිකාව අතර පවතින රාජ්‍ය තාන්ත්‍රික සබඳතා සහ ද්විපාර්ශ්වික ගිවිසුම් යන කරුණු සලකා මෙම ඇප නියෝගය ලබා දෙන බව මහේස්ත්‍රාත්වරයා සඳහන් කළේය.

කාන්තා හා ළමා ආරක්ෂණය පිළිබඳව පොලිස් නිලධාරීන් දැනුවත් කිරීමට නියෝජ්‍ය පොලිස්පතිනියකගේ ආරාධනයෙන් සැකකරු මෙරටට පැමිණ ඇති බව පොලිසිය අධිකරණයට දන්වා සිටියේය. 9/11 ප්‍රහාරයෙන් පසු පිහිටවූ අමෙරිකානු ෆෙඩරල් ඒජන්සියක නියෝජිතයෙකු වන ඔහුට, සිය රට තුළ ගිනි අවි සහ උණ්ඩ භාවිතයට අවසර ඇති බවද පොලිසිය පැවසීය. මෙම උණ්ඩ සිය ගමන් මල්ලේ තිබූ බව ඔහු නොදැන සිට ඇති අතර,

අමෙරිකාව, දෝහා සහ කටුනායක යන ගුවන්තොටුපළ තුනේම ආරක්ෂක පද්ධතිවලටද ඒවා හසු වී නොමැත.

සැකකරු වෙනුවෙන් පෙනී සිටි නීතිඥ මඬුල්ල අධිකරණයට දන්වා සිටියේ, නොදැනුවත්කමින් රැගෙන ආ උණ්ඩ තොගය දුටු පසු ඇති වූ බිය නිසා සැකකරු ඒවා බැහැර කර ඇති බවයි. ඔහු සිය වරද පිළිගන්නා බවත්, මෙම සිද්ධියෙන් වරදකරුවෙකු වුවහොත් රැකියාව අහිමිවීමේ අවදානමක් පවතින බැවින් අවවාද කර මුදා හරින ලෙසත් නීතිඥවරු ඉල්ලා සිටියහ.

කරුණු සලකා බැලූ මහේස්ත්‍රාත්වරයා, දඬුවම් නියම කිරීම සඳහා නඩුව ලබන 30 වන දා නැවත කැඳවන ලෙස නියෝග කළේය.

(වැඩි විස්තර හා ඡායාරූප සඳහා ක්ලික් කරන්න)

court-grants-clemency-to-american-police-officer-who-left-bullets-in-colombo-hotel-toilet

18/09/2025

ප්‍රමිතියෙන් තොර රූපලාවණ්‍ය ද්‍රව්‍ය, විශේෂයෙන්ම සම සුදු කරන ආලේපන වෙළෙඳපොළේ ඉවත්කිරීම බලාත්මක කිරීම සඳහා වන නව රූපලාවණ්‍ය පනත් කෙටුම්පතක් මෙම වසර අවසන් වීමට පෙර පාර්ලිමේන්තුවට ඉදිරිපත් කරන බව කොළඹ ජාතික රෝහලේ චර්ම රෝග පිළිබඳ විශේෂඥ වෛද්‍ය ඉන්දිරා කහවිට මහත්මිය ප්‍රකාශ කරයි.

සෞඛ්‍ය ප්‍රවර්ධන කාර්යාංශයේ ඊයේ (17) පැවති මාධ්‍ය හමුවකදී අදහස් දක්වමින් ඇය සඳහන් කළේ, මෙම පනත සම්මත වීමෙන් පසු නීති විරෝධී ආලේපන භාවිතය සහ අලෙවිය තහනම් වනු ඇති බවයි.

පසුගිය වසර තුන තුළ ජාතික ඖෂධ නියාමන අධිකාරිය විසින් රූපලාවණ්‍ය ආලේපන වර්ග 9,000ක් පමණ ලියාපදිංචි කර ඇති බවද ඇය හෙළි කළාය.

රසදිය වැනි විෂ රසායනික ද්‍රව්‍ය අඩංගු සම සුදු කරන ආලේපන දිගුකාලීනව භාවිත කිරීම දියවැඩියාව සහ වකුගඩු රෝග ඇතුළු බරපතළ රෝගාබාධ රැසකට හේතු විය හැකි බවට විශේෂඥ වෛද්‍යවරිය අනතුරු ඇඟවීය. සම මත ආලේප කරන විෂ ද්‍රව්‍ය රුධිරයට එක්වී මුළු ශරීරයම රෝගී කරන බවද ඇය පෙන්වා දුන්නාය.

ගර්භණී මවුවරුන් මෙවැනි ආලේපන භාවිත කිරීමෙන්, ඉපදෙන දරුවාට ඉගෙනීමේ දුර්වලතා, මතකය අඩුවීම, සංවර්ධන ක්‍රියාකාරකම් ප්‍රමාද වීම සහ හැසිරීමේ ගැටලු වැනි තත්ත්වයන් ඇතිවිය හැකි බවද ඇය අවධාරණය කළාය. එමෙන්ම, ළදැරියන්ගේ සමෙහි පවුඩර් ආලේප කිරීම ඩිම්බකෝෂ පිළිකා අවදානමක් ඇති කළ හැකි බැවින් කුඩා දරුවන්ට පවුඩර් සහ කොලෝන් භාවිතයෙන් වළකින ලෙසද ඇය ඉල්ලා සිටියාය.

රූපලාවණ්‍යාගාර (සැලෝන්) තුළ සම සුදු කරන ආලේපන නිෂ්පාදනය කිරීමට කිසිදු නීතිමය අවසරයක් නොමැති බව අවධාරණය කළ වෛද්‍ය කහවිට මහත්මිය, එවැනි ස්ථානවලින් ලබාදෙන නිෂ්පාදන ප්‍රතික්ෂේප කිරීම පාරිභෝගිකයා සතු වගකීමක් බවද කියා සිටියාය. ශාකසාර නිස්සාරකවලින් නිෂ්පාදනය කළද ඇතැම් ආලේපන ශරීරයට අහිතකර විය හැකි බැවින් ඕනෑම රූපලාවණ්‍ය ද්‍රව්‍යයක් භාවිත කිරීමේදී පාරිභෝගිකයන් වඩාත් සැලකිලිමත් විය යුතු බවද ඇය වැඩිදුරටත් පැවසුවාය.

(වැඩි විස්තර හා ඡායාරූප සඳහා ක්ලික් කරන්න)

parliament-passes-bill-against-skin-whitening-creams

18/09/2025

සමගි ජන බලවේගය පිහිටුවීමත් සමඟ එක්සත් ජාතික පක්ෂයෙන් ඉවත්ව ගිය සාමාජිකයන්ට පනවා තිබූ සියලුම පක්ෂ තහනම් සහ විනය ක්‍රියාමාර්ග ඉවත් කිරීමට එක්සත් ජාතික පක්ෂ කෘත්‍යාධිකාරී මණ්ඩලය තීරණය කර ඇත.

හිටපු ජනාධිපති සහ එක්සත් ජාතික පක්ෂ නායක රනිල් වික්‍රමසිංහ මහතාගේ ප්‍රධානත්වයෙන්, පිටකෝට්ටේ සිරිකොත පක්ෂ මූලස්ථානයේදී පෙරේදා (16) පැවති කෘත්‍යාධිකාරී මණ්ඩල රැස්වීමේදී මෙම තීරණයට එළැඹ තිබේ.

මෙම තීරණය ක්‍රියාත්මක කිරීමේදී මතුවිය හැකි නීතිමය පසුබිම අධ්‍යයනය කිරීම සඳහා හිටපු නීතිපති, ජනාධිපති නීතිඥ තිලක් මාරපන මහතාගේ සභාපතීත්වයෙන් යුත් විශේෂ කමිටුවක්ද මෙහිදී පත් කර ඇත. මෙම පියවරත් සමඟ සමගි ජන බලවේගයට එක්වූවන්ට නැවත එක්සත් ජාතික පක්ෂය සමඟ එක්ව කටයුතු කිරීමට පැවති බාධා ඉවත්වන බව එජාප සභාපති, වජිර අබේවර්ධන මහතා සඳහන් කරයි.

මීට අමතරව, හිටපු ජනාධිපති රනිල් වික්‍රමසිංහ මහතා අත්අඩංගුවට ගත් අවස්ථාවේ සිට පොදු සන්ධානයක් ලෙස කටයුතු කිරීමට එක්වූ සියලු පාර්ශ්වයන් වෙත සිය ස්තූතිය පිරිනැමීමේ යෝජනාවක් ද කෘත්‍යාධිකාරී මණ්ඩලයේදී ඒකමතිකව සම්මත කරගෙන තිබේ.

ලබන 20 වනදා එජාප සම්මේලනයට සජබ පිරිස් පැමිණෙනු ඇතැයි එම පක්ෂය අපේක්ෂාවෙන් පසුවේ.

(වැඩි විස්තර හා ඡායාරූප සඳහා ක්ලික් කරන්න)

elephants-save-telephones

18/09/2025

මහනුවර ශ්‍රී දළදා මාලිගාවේ දියවඩන නිලමේ තේරී පත්වීමේ නිලවරණය ප්‍රකාශයට පත්ව ඇති පසුබිමක, ඇතැම් බාහිර පාර්ශ්ව තම අපේක්ෂකයන් ප්‍රවර්ධනය කිරීම සඳහා ගෙන යන අපහාසාත්මක ප්‍රචාර හේතුවෙන් බෞද්ධ සමාජය ජාත්‍යන්තරව හෑල්ලුවට ලක්වෙමින් පවතින බවට මල්වතු සහ අස්ගිරි පාර්ශ්වවල මහනාහිමිවරු ඒකාබද්ධ නිවේදනයක් නිකුත් කරමින් සිය සංවේගය පළ කරති.

අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල සහ අතිපූජ්‍ය වරකාගොඩ ධම්මසිද්ධි ශ්‍රී පඤ්ඤානන්ද ඥානරතන යන මහනාහිමිවරුන්ගේ අත්සනින් නිකුත් කර ඇති එම නිවේදනයේ දැක්වෙන්නේ, ඇතැම් සංවිධාන සහ පුද්ගලයන් දියවඩන නිලමේ තනතුර පිළිබඳව සාවද්‍ය තොරතුරු ප්‍රචාරය කරමින් සාම්ප්‍රදායික බෞද්ධ චාරිත්‍ර වාරිත්‍ර කෙරෙහි වෛරී සහගත ආකල්ප සමාජගත කරන බවයි.

මෙම ක්‍රියාවලිය හුදෙක් පුද්ගලික කාරණයක් ලෙස ලඝු කළ නොහැකි බවත්,

එය සමස්ත ශ්‍රී ලාංකික බෞද්ධ ප්‍රජාවගේ ප්‍රතිරූපය විනාශ කරන බරපතළ ඛේදවාචකයක් බවට පත්ව ඇති බවත් මහනාහිමිවරු පෙන්වා දෙති. මෙවැනි ක්‍රියාකලාප හරහා සමාජ සමගියට හානි වන අනවශ්‍ය සංවාද නිර්මාණය වෙමින් පවතින බවද එම නිවේදනයේ සඳහන් වේ.

ලෝකවාසී බෞද්ධ ජනතාවගේ මුදුන්මල්කඩ වන ශ්‍රී දළදා වහන්සේගේ ගිහි භාරකාරීත්වය දරන දියවඩන නිලමේවරයා, චිරාගත සම්ප්‍රදායන් සුරක්ෂිත කරමින් ජාතික හා ජාත්‍යන්තර වශයෙන් බෞද්ධ ප්‍රබෝධය සඳහා කටයුතු කළ යුතු බව මහනාහිමිවරු අවධාරණය කරති. එම ඉහළ වගකීම දැරීමට තමන් සතු හැකියාව සහ සැලසුම් පැහැදිලි කිරීම දියවඩන නිලමේ ධුරයට ඉදිරිපත් වන සෑම අපේක්ෂකයෙකුගේම යුතුකමක් බවද උන්වහන්සේලා තරයේ කියා සිටිති.

මෙරට ප්‍රථම බෞද්ධයා ලෙස සැලකෙන දියවඩන නිලමේ තනතුරට ජාත්‍යන්තර බෞද්ධ රටවලින්ද ඉහළ ගෞරවයක් හිමිවන බව නිවේදනයේ දැක්වේ.

එබැවින්, පටු පෞද්ගලික අරමුණු පෙරදැරිව සිදුකරන පදනම් විරහිත, වෛරී සහගත ප්‍රකාශ එකහෙළා හෙළා දකින බව පවසන මහනාහිමිවරු, ශ්‍රී දළදා මාලිගාවේත්, දියවඩන නිලමේ ඇතුළු අනෙකුත් නිලතලවලත් ගෞරවය සහ සම්භාවනීයත්වය ආරක්ෂා කිරීමට සියලු අපේක්ෂකයන් අධිෂ්ඨාන කරගත යුතු බවට වැඩිදුරටත් අවධාරණය කරති.

(වැඩි විස්තර හා ඡායාරූප සඳහා ක්ලික් කරන්න)

do-not-insult-buddhism-due-to-the-diyawadana-nilame-competition-the-mahanayakes-of-malwatta-and-asgiri-divisions-inform

Gossip Lanka News

18/09/2025

18/09/2025

18/09/2025

18/09/2025

18/09/2025

18/09/2025

18/09/2025

18/09/2025

18/09/2025

18/09/2025

18/09/2025

18/09/2025

Address

Telephone

Website

Alerts

Contact The Business

Shortcuts

Share

Category