26/02/2024
මොකක්ද මේ පින්තූරේ තියෙන්නෙ??
ගුවන් යානයක්ද? නැවක්ද? සබ්මරීන් එකක්ද?
එහෙමත් නැත්නම් පිට සක්වල යානයක්ද?
සමහරවිට ඔයාලා අහලා ඇති Ekranoplan (ඉක්‍රැනොප්ලැන්) ගැන.... සිංහලෙන් කීවොත් බෝට්ටු ගුවන් යාන ගැන....
මේ තියෙන්නෙ "Lun-class ekranoplan" නමින් හඳුන්වන රුසියානු බෝට්ටු ගුවන් යානය (Ekranoplan).
මේ වර්ගයේ යානා ground-effect vehicle (GEV), wing-in-ground-effect (WIG), ground-effect craft, wingship, flarecraft වගෙ නම් ගොඩකින් හඳුන්වනවා. Hovercraft එකත් මේ ළඟින් යන එකක් තමා.
ඔය පින්තූරේ තියෙන්නෙත් සීතල යුද්දෙ කාලේ රුසියාව නිපදවපු බෝට්ටු ගුවන් යානයක් එහෙමත් නැත්නම් සිංහලෙන් කීවොත් Ekranoplan එකක්.
ඒවගේම ප්‍රසිද්ධම Ekranoplan එකක් තමා Caspian Sea Monster කියලා කියන්නෙත්. ඒකෙ කාර්‍යමණ්ඩලය 5කුත් තවත් මඟීන් 50ක් අරන් යන්න පුළුවන්කම තිබ්බා කියලා තමා කියන්නෙ.
මේ යානා හදන එකේ අරමුණ වෙලා තියෙන්නෙ ප්‍රධාන වශයෙන්ම රේඩාර් වලට අහුනොවී මුහුදෙ ජල ස්ථරයට පෝඩ්ඩක් උඩින් ගිහින් මුහුදු සීමාවල ආරක්ශක කටයුතු වලට යොදාගන්න එක.
මිසයිල සහිතව පැයට කිලෝමීටර් 500කට වඩා වේගයෙන් මීටර්5-10 අතර උසකින් ගමන් කරන්න හැකියාවක් මේ යානයන්ට තිබිලා තියනවා.
Caspian Sea Monster අඩි302ක් දිග, පියාපත්වල දිග අඩි 123ක් වෙන ටොන්380ක් බර යානයක් කියලා තමා කියවෙන්නෙ.
මේක හදන්න පටන් අරන් තියෙන්නෙ එක්දාස් නමසිය හැට ගණන් වල. හැබැයි 1980 වෙද්දි රුසියානු සමූහාණ්ඩුවේ කඩාවැටීමත් එක්ක Caspian Sea Monster විනාශ කරලා.
ඉතුරුවෙලා තියෙන්නෙ Lun-class ekranoplan කියන මේ පින්තූරේ තියන යානය. ඒක දැනට තියෙන්නෙ Derbent වෙරළේ.
- වරුණ ලක්මාල්. ✍️
