Colombo Times

Colombo Times The Digital News Portal of Sri Lanka
(2)

යාපනය, ඇන්තනීපුරම් ප්‍රදේශයේ අත්හැර දමා තිබූ ළිඳකින් T56 වර්ගයේ පතරොම් 2,249ක් සොයාගෙන තිබෙනවා.ඒ එම ළිඳ පිහිටි ඉඩමේ හිමි...
06/09/2026

යාපනය, ඇන්තනීපුරම් ප්‍රදේශයේ අත්හැර දමා තිබූ ළිඳකින් T56 වර්ගයේ පතරොම් 2,249ක් සොයාගෙන තිබෙනවා.

ඒ එම ළිඳ පිහිටි ඉඩමේ හිමිකරුවන් විසින් ලබාදුන් තොරතුරකට අනුව පොලීසිය සිදුකළ සෝදීසි මෙහෙයුමකදීයි.

පොලීසිය සඳහන් කළේ පෙට්ටියක බහා තිබීයදී හමුවූ අදාළ පතරොම් තොගය ඉතා පැරණි තත්ත්වයේ පවතින බව හඳුනාගෙන ඇති අතර එම තොගය නිෂ්ක්‍රීය කිරීම සඳහා අධිකරණ නියෝගයක් ලබා ගැනීමට නියමිත බවයි.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

ඌව, මධ්‍යම සහ නැගෙනහිර පළාත්වලත් පොළොන්නරුව සහ මුලතිව් දිස්ත්‍රික්කවලත් හෙට (07) පස්වරු 2.00 න් පසුව තැනින් තැන වැසි හෝ ...
06/09/2026

ඌව, මධ්‍යම සහ නැගෙනහිර පළාත්වලත් පොළොන්නරුව සහ මුලතිව් දිස්ත්‍රික්කවලත් හෙට (07) පස්වරු 2.00 න් පසුව තැනින් තැන වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසනවා.

නිවේදනයක් නිකුත් කරමින් එම දෙපාර්තමේන්තුව සඳහන් කළේ ඌව සහ නැගෙනහිර පළාත්වල ඇතැම් ස්ථාන වලට මි. මී 50 ට වැඩි තරමක තද වැසි ඇති විය හැකි බවයි.

බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් වැසි ස්වල්පයක් ඇති විය හැකි බවද එම නිවේදනයේ වැඩිදුරටත් සඳහන්.

ගිගුරුම් සහිත වැසි සමඟ ඇති විය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙසද කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටිනවා.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

කාලගුණ විද්‍යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය විසින් උණුසුම් කාලගුණ තත්ත්වය පිළිබ...
06/09/2026

කාලගුණ විද්‍යා දෙපාර්තමේන්තුවේ ස්වභාවික විපත් පිළිබඳ පූර්ව අනතුරු ඇඟවීමේ මධ්‍යස්ථානය විසින් උණුසුම් කාලගුණ තත්ත්වය පිළිබඳව අවවාදාත්මක නිවේදනයක් නිකුත් කර තිබෙනවා.

එම නිවේදනයේ සඳහන් වන්නේ උතුරු - මැද, නැගෙනහිර පළාත් සහ යාපනය, කිළිනොච්චි, මුලතිව්, වව්නියා, කුරුණෑගල, මොණරාගල සහ හම්බන්තොට දිස්ත්‍රික්කවල ඇතැම් ප්‍රදේශවල දිවා කාලයේදී උණුසුම් දර්ශකය එනම් මිනිස් සිරුරට දැනෙන උණුසුම "අවධානය යොමු කළ යුතු" මට්ටමක පැවතිය හැකි බවයි.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

හෙරොයින් කිලෝ ග්‍රෑම් 1යි ග්‍රෑම් 295 ක් සහ යතුරුපැදියක් සමඟ සැකකරුවන් දෙදෙනෙක් මාතර වෙල්ලමුල්ල ප්‍රදේශයේදී ඊයේ (05) අත්...
06/09/2026

හෙරොයින් කිලෝ ග්‍රෑම් 1යි ග්‍රෑම් 295 ක් සහ යතුරුපැදියක් සමඟ සැකකරුවන් දෙදෙනෙක් මාතර වෙල්ලමුල්ල ප්‍රදේශයේදී ඊයේ (05) අත්අඩංගුවට ගෙන තිබෙනවා.

ඒ පොලිස් විශේෂ කාර්ය බලකායේ ගෝනහේන කඳවුරේ නිලධාරීන්ට ලැබුණු තොරතුරකට අනුව සිදුකළ වැටලීමකදීයි.

පොලීසිය සඳහන් කළේ එක් සැකකරුවෙක් නවාතැන් ගෙන සිටි කාමරයක තිබී රිපීටර් වර්ගයේ ගිනි අවියක්, ටී-56 වර්ගයේ ජීව පතරොම් 56ක් සහ පිස්තෝල ජීව පතරොම් 47ක් අදාළ සැකකරුවන් පිළිබඳව සිදුකරන ලද වැඩිදුර විමර්ශනවලදී සොයාගත් බවයි.

අත්අඩංගුවට ගත් සැකකරුවන් වයස අවුරුදු 24ක් හා 25ක් වන මාතර ප්‍රදේශයේ පදිංචිකරුවන්.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

****ms

විවිධ වර්ගයේ පක්ෂීන් 101කට අධික සංඛ්‍යාවක් සමඟ ශ්‍රී ලාංකිකයෙක් ඉන්දුනීසියාවේදී ඊයේ (05) අත්අඩංගුවට ගෙන තිබෙනවා.ඒ ඉන්දුන...
06/09/2026

විවිධ වර්ගයේ පක්ෂීන් 101කට අධික සංඛ්‍යාවක් සමඟ ශ්‍රී ලාංකිකයෙක් ඉන්දුනීසියාවේදී ඊයේ (05) අත්අඩංගුවට ගෙන තිබෙනවා.

ඒ ඉන්දුනිසියාවේ බැන්ටන් හී ජාත්‍යන්තර ගුවන්තොටුපලකදීයි.

විදෙස් මාධ්‍ය වාර්තා කළේ මෙම පක්ෂීන් ගමන්මල්ලක කුඩා පෙට්ටි 15ක් තුල ඉතා සූක්ෂම ලෙස සඟවා රටින් පිට කිරීමට උත්සාහ කර ඇති අතර ඉන්දුනීසියානු නීති රෙගුලාසිවලට අනුව එරට සංරක්ෂණය කළ යුතු පක්ෂීන් වර්ග කිහිපයක් ද එහි සිට ඇති බවයි.

එමෙන්ම අත්අඩංගුවට ගෙන ඇති සැකකරු සම්බන්ධයෙන් එරට නිරෝධායන කාර්යාලය සහ ස්වභාවික සම්පත් කාර්යංශය විසින් වැඩිදුර විමර්ශන ආරම්භ කර ඇති බවයි වාර්තා වන්නේ.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

කිරිබත්ගොඩ සතිපොළ භූමියේ පිහිටි අතහැර දමා තිබූ වෙළෙඳ කුටියක සඟවා තිබියදී උණ්ඩ කිහිපයක් සොයාගෙන තිබෙනවා.ඒ කිරිබත්ගොඩ පොලි...
06/09/2026

කිරිබත්ගොඩ සතිපොළ භූමියේ පිහිටි අතහැර දමා තිබූ වෙළෙඳ කුටියක සඟවා තිබියදී උණ්ඩ කිහිපයක් සොයාගෙන තිබෙනවා.

ඒ කිරිබත්ගොඩ පොලිස් ස්ථානාධිපතිවරයාට ලැබුණු විශේෂ තොරතුරකට අනුව සිදුකළ හදිසි සෝදීසි මෙහෙයුමකදීයි.

පොලීසිය සඳහන් කළේ අත්අඩංගුවට ගන්නා ලද මෙම සියලු උණ්ඩ අද (06) මහර මහේස්ත්‍රාත් අධිකරණය හමුවට ඉදිරිපත් කිරීමට නියමිත බවයි.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

කාලගුණ විද්‍යා දෙපාර්තමේන්තුව විසින් ප්‍රබල අකුණු පිළිබඳව අවවාදාත්මක නිවේදනයක් නිකුත් කර තිබෙනවා.එම නිවේදනයේ සඳහන් වන්නේ...
06/09/2026

කාලගුණ විද්‍යා දෙපාර්තමේන්තුව විසින් ප්‍රබල අකුණු පිළිබඳව අවවාදාත්මක නිවේදනයක් නිකුත් කර තිබෙනවා.

එම නිවේදනයේ සඳහන් වන්නේ නැගෙනහිර සහ ඌව පළාත්වලත් පොළොන්නරුව සහ මුලතිව් දිස්ත්‍රික්කවලත් සවස් කාලයේදී හෝ රාත්‍රි කාලයේදී තැනින් තැන ගිගුරුම් සහිත වැසි සමඟ ප්‍රබල අකුණු ඇතිවීමේ වැඩි හැකියාවක් පවතින බවයි.

එමෙන්ම ගිගුරුම් සහිත වැසි සමඟ ඇති විය හැකි තාවකාලික තද සුළං වලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙසද එම දෙපාර්තමේන්තුව ජනතාවගෙන් ඉල්ලා සිටිනවා.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

මේ වසරේ මේ දක්වා කාලය තුළ ඩෙංගු රෝගය වැළදීමෙන් මියගිය සංඛ්‍යාව 73ක් දක්වා ඉහළ ගොස් තිබෙනවා.ඒ අනුව ජාතික ඩෙංගු මර්ධන ඒකකය...
06/09/2026

මේ වසරේ මේ දක්වා කාලය තුළ ඩෙංගු රෝගය වැළදීමෙන් මියගිය සංඛ්‍යාව 73ක් දක්වා ඉහළ ගොස් තිබෙනවා.

ඒ අනුව ජාතික ඩෙංගු මර්ධන ඒකකය සඳහන් කළේ මේ වන විට දිවයින පුරා වාර්තා වී ඇති සමස්ත ඩෙංගු රෝගීන් සංඛ්‍යාව 96,288ක් බවයි.

ඉන් වසරේ වැඩිම ඩෙංගු රෝගීන් සංඛ්‍යාවක් ජූලි මාසයේදී වාර්තා වී තිබෙනවා.

එම සංඛ්‍යාව 29,964ක්.

ඊට අමතරව ජුනි මාසයේදී රෝගීන් 21,533ක් සහ අගෝස්තු මාසයේදී 10,155ක් වශයෙන් වාර්තා වී තිබෙනවා.

ජාතික ඩෙංගු මර්ධන ඒකකය වැඩිදුරටත් සඳහන් කළේ පළාත් මට්ටමින් සලකා බැලීමේ දී වැඩිම බලපෑමක් එල්ල වී ඇත්තේ බස්නාහිර පළාතට වන අතර සමස්ත රෝගීන්ගෙන් 52.84%ක් එනම් රෝගීන් 50,851ක් ඉන් වාර්තා වී ඇති බවයි.

එමෙන්ම දකුණු පළාතෙන් රෝගීන් 13,950ක්, මධ්‍යම පළාතෙන් රෝගීන් 8,818ක්, සබරගමුව පළාතෙන් රෝගීන් 7,925ක් ලෙස ද වාර්තා වී තිබෙනවා.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

මුහුදු කූඩැල්ලන් 673ක් තොගයක් ප්‍රවාහනය කරමින් සිටි පුද්ගලයින් තිදෙනෙක් ඊයේ (05) නාවික හමුදාව සිය භාරයට ගෙන තිබෙනවා.ඒ උත...
06/09/2026

මුහුදු කූඩැල්ලන් 673ක් තොගයක් ප්‍රවාහනය කරමින් සිටි පුද්ගලයින් තිදෙනෙක් ඊයේ (05) නාවික හමුදාව සිය භාරයට ගෙන තිබෙනවා.

ඒ උතුරු නාවික විධානයට අයත් නාවික ස්ථානගත කිරීම වෙත්තලකේණි ආයතනය මඟින් යාපනය කුඩරප්පු වෙරළ ප්‍රදේශය ආශ්‍රිතව සිදුකළා විශේෂ සෝදිසි මෙහෙයුමකදීයි.

අත්අඩංගුවට ගත් සැකකරුවන් වයස අවුරුදු 51ත් 56ත් අතර පසුවන මන්නාරම ප්‍රදේශයේ පදිංචිකරුවන්.

නාවික හමුදාව සඳහන් කළේ අත්අඩංගුවට ගත් සැකකරුවන්, මුහුදු කූඩැල්ලන් තොගය, ප්‍රවාහනයට යොදාගත් යාත්‍රාව සහ ධීවර ආම්පන්න ඉදිරි නීතිමය කටයුතු සඳහා යාපනය ධීවර පරීක්ෂක කාර්යාලය වෙත භාරදීමට කටයුතු කළ බවයි.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

වෑන් රථයක් සහ ත්‍රීරෝද රථයක් මුහුණට මුහුණ ගැටීමෙන් මාරක අනතුරක් සිදුවී තිබෙනවා.ඒ කඩවත නගරයේ පිටත වටරවුම් මාර්ගයේ ශරීර සු...
06/09/2026

වෑන් රථයක් සහ ත්‍රීරෝද රථයක් මුහුණට මුහුණ ගැටීමෙන් මාරක අනතුරක් සිදුවී තිබෙනවා.

ඒ කඩවත නගරයේ පිටත වටරවුම් මාර්ගයේ ශරීර සුවතා උයන ආසන්නයේදීයි.

එම අනතුරෙන් බරපතළ තුවාල ලැබූ ත්‍රීරෝද රථ රියදුරු රාගම රෝහලට ඇතුළත් කරන විටත් මියගොස් ඇති බවයි වාර්තා වන්නේ.

මියගිය පුද්ගලයා වයස අවුරුදු 58ක් වන කඩවත - ගෝණහේන ප්‍රදේශයේ පදිංචිකරුවෙක්.

පොලීසිය සඳහන් කළේ අදාළ සිද්ධිය සම්බන්ධයෙන් වෑන් රථයේ රියදුරු අත්අඩංගුවට ගෙන ඇති බවයි.

🟢Join Our WhatsApp Group: https://chat.whatsapp.com/J7gS5n5yTTfKGhvYvuk9A

Address

177/6, Rathmaldeniya Road, Palanwaththa, Pannipitiya 10230
Pannipitiya
10250

Telephone

+94112279118

Website

Alerts

Be the first to know and let us send you an email when Colombo Times posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Colombo Times:

Shortcuts

Share

Category