15/07/2025
අපිට අවාසි ප්‍රේමදාසේ දිනන්න නම්....
1-1ක් විදිහට දැන් තරගාවලිය සමයි. තරගාවලිය දිනන්න නම් හෙට තියෙන ප්‍රේමදාස තරගය දිනන එක වැදගත්... පුහුණුකරු සනත්ට අත්හදා බැලීම් ටිකක් අන්තිම තරගයේදී කරන්න වුවමනාවක් තිබ්බා කියලා දෙවෙනි තරගයට පෙර තිබුන මාධ්‍ය සාකච්ඡාවේදී උපුල් චන්දන කියනවා. හැබැයි දැන් අපි තරගයක් පැරදිලා නිසා අඩුපාඩු හදාගෙන තරගාවලිය දිනන්න දැන් පුහුණුකරු ඇතුලු කන්ඩායමට උවමනා වෙලා ඇති...
මේක සුලුපටු පරාජයක් නෙමෙයි. බංග්ලාදේශයට එරෙහිව අපි ලංකාවේ ලබාගත් අඩුම ලකුණු සංඛ්‍යාව. ලෝක ශූර ඉන්දියාව පවා ඔවුන් ක්‍රීඩා කරපු අන්තිම තරග බැලුවොත් අච්චර හොද Batting Wickets වලත් Batsmanලා 6ක් Allroundersලා දෙන්නෙක් සහ පන්දු යවන්නෝ 3 දෙනෙක් එක්ක යද්දී අපි අපේ සංයුතියේ Batting අඩු කරලා හදාගෙන ගියා... ඒ ගිය ටීම් එකෙත් අවිශ්ක ප්‍රනාන්දු පිතිකරුවෙක් කියන්නේ ඒ ගැන ආයේ ආයේ කතා කරලා කිසි තේරුමක් නැ...
ඉස්සරහට එන ලෝක කුසලානය අපිට ක්‍රීඩා කරන්න වෙන්නේ ලංකාවේ විතරක් නෙමෙයි. ඉන්දියාවෙත් තරග තියෙයි. ඉතිං අපි අපේ සංයුතිය හදන්න ඕනේ ඒවටත් ගැලපෙන විදිහට..
දැන් අනිවාර්යයෙන්ම අපි මේ තරගය දිනන්න නම් කුඹුරක් ගෙනේවි... හේතුව අපි බංගලියෝ එක්ක ප්‍රේමදාසේ හොද Record එකක් නැ.. ගහපු මැච් 4න් එකයි අපි දිනලා තියෙන්නේ එකයි.. ඉතිං තරග තුනම බංග්ලාදේශය තමයි දින්නේ...
ඒක නිසා මේ තරගයට කුඹුර වැදගත්...
ඒ වගේම රිෂී හිතනවා වෙනස්කම් තුනක් ගැන. කමිඳු, චන්දි සහ දුනිත් කන්ඩායමට ආවොත් හොදයි කියලා හිතනවා. හැබැයි ඕකෙන් කමිඳු සහ චන්දි දෙන්නම ගේන එක අපේ මැනේජ්මන්ට් එක කරයි කියලා නම් විශ්වාස නැ... මොකද චරිත්ට අනුව චන්දි ෆිනිෂර් කෙනෙක් නෙමෙයි !
ඒත්... චන්දි කියන්නේ දැන් අවුරුද්දක් තිස්සේ බෙන්ච් එකේ ඉන්න කෙනෙක්. LPL එතැනින් ගියහම PSL වල ෆිනිෂර් කෙනෙක් විදිහට හොඳට කරලා ඉන්නේ... මෙයාලා අවිශ්කට බලන තියරිය චන්දිටත් බලනවා නම් අනිවාර්යයෙන්ම චන්දිටත් අවස්ථාවක් දිය යුතුයි. මං පෞද්ගලිකව චන්දිමාල් කියන ක්‍රීඩකයා ජාත්‍යන්තර විස්සයි විස්ස ක්‍රීඩා කරන විදිහට සතුටු නැ... මොකද ඔහු මීට පෙර අවස්ථා ගණනාවක ඩොමැස්ටික් ක්‍රීඩා කරලා ඇවිත් T20I කම්බැක් කරපු හැටි මතකයි. හැබැයි දැන් අවුරුද්දක් තිස්සේ බංකුවේ ඉන්නවා කියන්නේ අවිශ්ක වගේ අය කන්ඩායමේ ඉද්දි හරි අපරාදයක්... ඉතිං චන්දිටත් අවස්ථාව ලැබිය යුතුයි. මොකද ඔහුත් මේ සංචිතයේ ඉන්නේ ඩොමැස්ටික් පර්ෆෝම් කරලා... එතැනින් පස්සේ අපිට පුලුවන් ඉස්සරහටවත් විශේන් හැලඹගේලා, චමිදුලා, කෲස්පුල්ලේලා ගැන හිතන්න.
පැතුම් නිස්සංක
කුසල් මෙන්ඩිස්
කුසල් ජනිත්
දසුන් ශානක
කමිඳු මෙන්ඩිස්
චරිත් අසලංක
දිනේෂ් චන්දිමාල්
දුනිත් වෙල්ලාලගේ
මහීෂ් තීක්ෂණ / වැන්ඩසේ
බිනුර ප්‍රනාන්දු
නුවන් තුෂාර
කමිඳු මෙන්ඩිස් කියන්නේ පසුගිය IPL තරගාවලියේ පවා හොදට කරපු ක්‍රීඩකයෙක්... බොහෝවිට නොම්බර පහ හය වගේ තැන්වල ඔහු ඇවිත් IPL වලත් සාර්ථක වුනා. මේ පිතිකරන ලැයිස්තුව කාට හරි ප්‍රශ්නයක් වෙන්න පුලුවන්... ඇයි දසුන් අංක හතර ඉන්නේ කියලා. මං මේ තරගාවලියේ පලවෙනි තරගයේ ඉදන්ම කියනවා දසුන් අංක හතරේ පිතිකරුවෙක් ලෙස අවස්ථාව දීලා බැලිය යුතුයි කියලා. හේතුව දසුන් කියන්නේ ටිකක් සෙට්ල් වෙලා ලකුණු රැස් කරන පිතිකරුවෙක්... ඉතිං එහෙම කෙනෙක් සෙට් වුනා කියන්නේ ගලවනවා බොරු...මේ තියෙන්නේ දසුන් අංක හතර පිතිකරුවෙක් ලෙස පෙන්නපු විස්සයි විස්ස දක්ෂතා...
දසුන් ශානක T20 පිටියේ අංක හතර පිතිකරුවෙක් ලෙස,
- 1038 Runs, 37.07 Avg, SR 167.14
මට අනුව නම් චරිත් කියන්නේ මේ කන්ඩායමේ ඉන්න ඇත්තටම විශ්වාස කරන්න පුලුවන් ෆිනිෂර්. අදටත් කියන්නේ මෙන්ඩා පැතුම් දෙන ස්ටාර්ට් එක ෆිනිෂ් වෙන්න ඕනේ චරිත් අතින්... චරිත්ට පුලුවන් ඕනම ප්‍රෙෂර් සිටුවේශන් එකක ලකුණු රැස් කරන්නත් පලමු පන්දුවේ ඉදන් හයේ හතරේ පහරවල් ගහන්නත් ඕනි නම් ඔහුට ඒ දේ කරන්නත් පුලුවන්... ඉතිං මෙහෙම ප්ලෙයර්ස්ලා අපිට හරි අඩුයි. ඒ නිසා ඔහු කන්ඩායමේ ෆිනිෂර් විදිහට අඩියක් පස්සට ගියාට ප්‍රශ්නයක් නැ.. හැබැයි වෙන්න ඕනේ අදාල සිටුවේශන් එකේ ඔහුව පිටියට එවන එක විතරයි.
එතකොට මොකද චන්දිව මෙච්චර යටින් දාලා තියෙන්නේ... හාහා කලබල වෙන්න එපා... මේ ලංකාව. ඕපන් එක හොද Start එකක් අරන් දුන්නේ නැති වුනොත් අපේ ටීම් එකේ අංක හතේ පිතිකරුවෙක්ට මැච් 10ක් ගැහුවොත් ඉන් භාගෙකම අන්තිම පන්දුවාර 5ට කලින් ක්‍රීඩා කරන්න ලැබෙන ඉඩ වැඩියි. විශේෂයෙන්ම චන්දිගේ හුඟාක් වෙලාවට ප්‍රශ්න වෙන තැනක් තමයි මේ Strike Rate එක. හැබැයි ඔහු ෆිනිෂර් කෙනෙක් විදිහට T20 තරගවල හොද Strike Rate එකක් පවත්වාගෙන ගිහින් තියෙයි. ඒ වගේම චන්දි පසුගියදා පැවති PSL ලීගයෙත් ෆිනිෂර් කෙනෙක් විදිහට හොඳින් ක්‍රීඩා කරා. ඉතිං අපිට ඒ ෆිනිෂර් ජාත්‍යන්තර තලයේ දකින්න ලැබුනොත් ඒක ලොකු දෙයක්... Batting Lineup එකේ පහලින් හිටියට අපිට ඕනිම වෙලාවක සිටුවේශන් එක අනුව චන්දිව ටීම් එකට ඕනේ විදිහට උඩින් ගේන්න පුලුවන් !
හැබැයි මේක වෙන්න තියෙන සම්භාවිතාව අඩුයි. චරිත්ට අනුව නම් චන්දිව බලන්නේ ඕපන් හෝ නොම්බර තුන විතරයි. ඕනේ නම් නවසීලන්තයට ගිහින් 100ක් ගහපු කුසල් ජනිත්ව කපලා චන්දිව ගෙනාවත් ෆිනිෂර් කෙනෙක් විදිහට මේ මැච් එකේ බලයි කියලා නම් අවිශ්වාසයි. මැච් එක තියෙන්නේ ප්‍රේමදාස කුඹුරේ නිසා චාමික වෙනුවට දුනිත් ගේන්න ඉඩ තියෙයි..!
මගේ කන්ඩායමේ නම් දුනිත් Bowling Allrounder කෙනෙක් විදිහට ගේන්නේ කන්ඩායම බැලන්ස් කර ගන්න. එතකොට අපිට Batting 8ක් තියෙනවා. බෝලර්ස්ලා 3ක් ඉන්නවා. දුනිත්ටත් ඕවර්ස් 4 දාන්න පුලුවන්. එතකොට බෝලර්ස්ලා 4යි. ප්‍රේමදාස කුඹුරේ නිසා කමිඳු, චරිත්ටත් බෝල් කරන්න පුලුවන්. ඊට අමතරව දසුන් ඉන්නවා. Bowling Option 7ක් තියෙනවා. එය හොදටම ප්‍රමාණවත්... හැබැයි මේවා වෙන්න තියෙන සම්භාවිතාව හරි අඩුයි. පලමු තරගය දිනපු නිසා විනින්ග් කම්බිනේශන් ගහපු වෙනස්කම් කරන්න බය වුන ටීම් මැනේජ්මන්ට් එකක් දසුන්ව එකපාර නොම්බර හතරට ගෙනත් මේ වගේ දෙයක් කරයි කියලා හිතන්න අමාරුයි.
අඩු තරමේ ෆේල් අවිශ්ක වෙනුවට IPL වැඩ දාපු කමිඳු ගෙනත් දෙවෙනි තරගයෙන් පස්සේ නායක චරිතුත් මිඩියා වලට ඇවිත් පිලිගත්ත බැටිං අඩුව වහන්න පහුගිය PSL එකෙත් ෆිනිෂර් කෙනෙක් විදිහට හොදට කරපු නොම්බර 6 පිතිකරුවෙක් විදිහට T20 වල 150+ Strike Rate එකක් තියාගෙන ඉන්න චන්දිමාල්ව ෆිනිෂර් කෙනෙක් විදිහට නොම්බර හයට ගෙනත් වනිඳුගේ අඩුව පුරවන්න වනිඳු වගේම Allrounder කෙනෙක් වෙච්චි දුනිත්ව ගෙනාවොත් මේ තරග දෙකටම ක්‍රීඩා කරපු ටීම් එකට වඩා හොද සංයුතියක් අපිට හදාගන්න පුලුවන් වේවී...
පැතුම් නිස්සංක
කුසල් මෙන්ඩිස්
කුසල් ජනිත්
කමිඳු මෙන්ඩිස්
චරිත් අසලංක
දිනේෂ් චන්දිමාල්
දසුන් ශානක
දුනිත් වෙල්ලාලගේ
මහීෂ් තීක්ෂණ / ජෙෆ්‍රි වැන්ඩසේ
බිනුර ප්‍රනාන්දු
නුවන් තුෂාර
✍️ | Rishie Bro
