29/08/2025
Sexuality (ලිංගිකත්වය) දරුවන්ට ඉගැන්විය යුතු ද?
Sexuality එහෙම නැත්නම් ලිංගිකත්වය කියන දේ ''අපෝ ඔය මොනාද කියන්නෙ ලැජ්ජා නැද්ද'' කියලා අහන්න තරම් අපේ සමාජේ කොච්චර නොදියුණු ද? මේ දේ හරියට කියා නොදී හංගන නිසා තමයි, ලොකු උනාම කෙනෙක් තවත් කෙනෙක්ගේ ශරීරයට ගරු කරන්න දන්නේ නැති වෙන්නේ. පිරිමි දරුවෙක්ට කියා දෙන්න ඕනි ඔයා බිහි වෙන්නේ ගැහැනු කෙනෙක්ගේ (අම්මාගේ) කළවා දෙකක් මැද්දෙන්. ඔයා මේ ලෝකෙට ආව ගමන් ඔයා යැපෙන්නේ තන පුඩු වල කිරි වලින් කියලා. එහෙම නැතුව රෝස කැළෙන් ආවා කිව්වොත් වෙන්නේ ගැහැනියකට ගරු කරන්න දන්නේ නැතුව යන එක.
මේ ලොකේ පැවැත්ම තීරණය කරන දේ ලිංගිකත්වය කිව්වොත් ඔබ පිළි ගන්නවද? අපි හැමෝම බිහි වෙන්න හේතුව තමයි ඒ. ගස් වැල් වලට උනත් පරාගනයක් අවශ්‍ය වෙනවා ඵල හට ගන්න.එහෙම බලද්දි පිරිමි ගැහැනු එකතු වීම හරිම ස්වභාවික දෙයක්. හැබැයි ගොඩක් අය ඒ ගැන හරි අවබෝධයක් ලබා ගන්න වගේම කතා කරන්නත් බයයි. අපි හැමොම මේ ලෝකෙට බිහි උන විදිය ගැන ඇයි කතා කරන්න බය.පිරිමි ලමයෙක් ගැහැනු ලමයෙක් අතර සම්බන්ධයකින් මේ ලෝකෙට ලමයෙක් ආවොත් ගොඩක් වෙලාවට බලන්නකො වයසක අය කියන කතා. අන්න ඒ කතා වලට බයෙන් අන්න ඒ කතා ටික අහන්න අකමැති නිසා තමයි අද කාලෙ අහන්න ලැබෙන්නෙ අලුත ඉපදුන බිළිදුන් කැලේ දාල යනවා වගේ කතා.අපිට බැරිද අපේ ලමයි එක්ක මේ ගැන කතා කරන්න. අවුරුදු 2-3 වෙද්දි පුතා අම්මි බඩෙ හිටපු විදිය, පුතා හැදුනෙ අම්මිගෙයි තාත්තාගෙයි ජාන දෙකේම එකතුවෙන්, තාත්තා තාත්තගේ s***m එකක් අම්මගේ ඇග ඇතුළට දැම්මම අම්මගෙ ඇග ඇතුළෙ තියෙන o**m එකක් එක්ක එකතු වෙලා ඔයාව හැදෙනවා, මේ ලෝකේ හැමෝම හැදෙන්නෙ ඒ විදියට, ගස් වැල් වලට පවා පරාගනයක් ඕනි ( සමනල්ලු මී මැස්සන් වගේ සත්තු උදව් වෙනවා පරාගනයට) මේ විදියට සංවාදයක් ගොඩ නගා ගන්න පුළුවන්.
පොඩි බබාල පුරුදු වෙනවනේ මං අම්මිගෙ හෝ මං තාත්තිගෙ වගේ දේවල් කියන්න. හැබැයි ඔයාට පුළුවන් නම් ඔයා පුතේ අම්මිගෙයි තාත්තිගෙයි දුව එහෙම නැත්නම් පුතා, මට විතරක් ඔයාව හදන්න බෑ අපි දෙන්නගෙම එකතුවෙන් තමයි ඔයාව හැදුනේ, ඒ නිසා ඔයා අපි දෙන්නගෙම දුව හෝ පුතා කියන්න, එතකොට දරුවා ඉබේටම අම්මටයි තාත්තටයි එක වගේම ආදරය කරන්න ගන්නවා. ඒ වගේම body parts කියා දෙද්දි private parts කියන්නෙ මොනාද ඒවා අනිත් අයට අල්ලන්න දෙන්න හොඳ නැති බව කියා දෙන්න. අපි ඇදුම් අදින්නේ මේ private parts වසා ගන්න කියලා කියා දෙන්න.
අවුරුදු 2/3/4 වගේ ගැහැනු දරුවො අම්මලා කරන කියන දේ කරන්නත් පිරිමි දරුවො තාත්තලා කරන කියන දේවල් කරන්නත් පෙළඹෙනවනේ. මොනයම් ආකාරයකින් හරි දරුවො දකිනවනේ අම්මලා sanitary pads හෝ bras (සනීපාරක්ෂක තුවා හෝ තන පට) පාවිච්ච් කරනවා. එතකොට සාමාන්‍යයෙන් අවුරුදු 2-2 1/2 දරුවන් එයාලටත් sanitary pads හෝ bra අදින්න ඕනි කියලා කියනවා සමහර වෙලාවට අඩනවා. ඒ වෙලාවට මේවා ඔයාට වැඩක් නෑ කියලා කියන්නෙ නැතුව ඔයාට අදින්න වෙනවා මේවා ඔයා ටිකක් ලොකු උනාම, අපි ගැහැනු අයනේ ඒ නිසා අපිට මාසයක් ගානේ මේ විදියට bleeding එකක් වෙනවා ඔයා ලොකු උනාම කියලා කියන්න, ඔයා ලොකු උනාම අනිවාර්යයෙන් ඔයාගෙ breast එක වසා ගන්න bra එකක් අදින්න වෙන බව කියන්න. එයාලට ලොකුවට තේරුනේ නැතත් ආයෙත් එහෙම දෙයක් දකිද්දි මාත් ලොකු උනාම අදින්නම් කියලා හරි කියයි. පුතෙක්ට නම් මේවා අදින්නේ ගැහැනු අය පුතේ ඔයාලා මේවා අදින්න අවශ්‍ය වෙන්නෙ නැහැ කියලා කියා දෙන්න. එහෙම නැතුව එයාලා අඩද්දි ඒක හංග ගන්නවා කියන්නේ එයාලගේ හිතේ කුතුහලයක් ඉතුරු වෙන එක. කුතුහලය එක්ක තමයි දරුවො එක එක දේවල් අත් හදා බලන්න උත්සාහ කරන්නෙ. අත් හදා බැලීම් හොඳ උනාට ලිංගිකත්වය කියන කාරණාවේදී දරුවො අත් හදා බැලීම් කරන එක අවදානමක්නේ. ඒ නිසා මේවගේ දේවල් කියා දෙන එක ලැජ්ජාවක් නෙමෙයි. මේවා ස්වභාවික සංසිද්ධි නේද?
ඊට අමතරව අවුරුදු 3-6 කියන්නේ සාමාන්‍යයෙන් දරුවන් මේ body parts ගැන ගොඩක් හොයන්න පෙළඹෙන කාලයක්. අම්මා අර අයියාගේ මේ මේ body parts මට නෑනේ වගේ කතා ගැහැනු දරුවෝ කියයි. පිරිමි දරුවෝ නම් ඇයි අම්මේ මට වගේ නංගිට මේ body parts නැත්තේ කියලා අහයි. ඒ වෙලාවට ඒ කුතුහලය තව වැඩි නොකර ඔයාගෙයි නංගිගෙයි, එහෙම නැත්නම් පිරිමි ලමයෙක්ගෙයි ගැහැනු ලමයෙක්ගෙයි වෙනස ඒක තමයි. අපේ private body parts වලින් තමයි ගැහැනු පිරිමි වෙන් කරලා හදුනා ගන්නේ කියලා කියා දෙන්න.
ඔබ දන්නවාද සමහර විශ්වවිද්‍යාල සිසුවියන් සිටිනවා බස් එකේදී ශුක්‍රාණුවක් බැරි වෙලා හරි ශරීරයේ ගැවුණත් තමන් pregnant වෙයි කියා සිතන. සිතන්න. විශ්වවිද්‍යාලයට යන්නේ උගත් බුද්ධිමත් පිරිසක් බිහි වීම සඳහා නේද? හැබැයි එයාලගේ මේ සමාජ දැනුම ගැන මොකද හිතන්නේ. දරුවෙක් ලැබෙන්න නම් පිරිමි ශුක්‍රාණුවක් ගැහැනු යෝනි මාර්ගය තුළට ඇතුළු වීමක් සිදු විය යුතු බව වත් නොදන්නා ඔවුන්ගේ ලිංගික දැනුම ගැන සිතිය යුතුයි නේද?
දරුවන් ටික ටික වයසින් වැඩි වෙද්දි, දරුවෙක් වැඩි වියට පැමිනි පසු, ඒත් සමඟ ශරීරයේ සිදුවෙන වෙනස්කම් කියා දෙන්න. ගැහැනු දරුවන් වගේම පිරිමි දරුවනුත් වැඩි විය පැමිණෙන බව සහ එසේ සිදු වන්නේ ශාරීරිකව සිදුවන හෝමෝන වෙනස් කම් මත බව කියා දෙන්න.
අපේ සමාජයේ ප්‍රමුඛත්වය දෙන්නේ ගැහැනු ලමයෙක් වැඩි වියට පැමිණීම පමණක් නිසා සහ සමාජය දැන ගන්නේ ගැහැනු ලමයෙක් වැඩි විය පැමිණීම පමණයි. මොකද ඒ එක්ක සම්බන්ධ උන සංස්කෘතික උත්සව ගැහැනු දරුවන් සඳහා පවත්වන නිසා. හැබැයි අම්මලා දැන ගත යුතුමයි පිරිමි දරුවන්ගේ ශාරීරික වෙනස් කම් මත ඒ දරුවන්ටද නිසි දැනුවත් කිරීම් කරන්න. එයාලත් වැඩිවියට පැමිණෙන බව කියන්න.
එසේම ගැහැනු දරුවෙක් නම් ඇය දරුවෙක් බිහි කරන්න පුළුවන් වෙන පළමු පියවර දැන් සම්පූර්ණ බව කියන්න.
නමුත් දරුවෙක් බිහි වීමකින් තොරව ගැහැනු කෙනෙක් සහ පිරිමි කෙනෙක් එකතු විය හැකි උපත් පාලන ක්‍රම තිබුණත්, (condom, උපත් පාලන පෙති පාවිච්චි කිරීම වැනි ක්‍රම) එහෙම එකතු වීම් මාරාන්තික රෝග (sexually transmitted diseases - eg. HIV ) ඇති කිරීමට හේතු වෙන බව කියන්න.
මේ රෝග නිවාරණයට ඖෂධ නොමැති බව අවධාරණයෙන් කියන්න. ඕනම රෝගයක් සනීප කිරීමට වඩා කරන්න පුළුවන් හොඳම සහ කළ යුතුම දේ රෝග වලින් වැළකී සිටීම කියලා කියන්න. ( prevention is better than cure).
මේ විදියට දරුවෝ පොඩි වයසේ සිට වයසට අනුකූලව නිසි පරිදි දැනුවත් වෙනවනම් මේ සමාජය මීට වඩා යහපත් වෙයි වගේම ගැහැනු දරුවන් පොඩි වයසෙදි ගර්භණී වෙන අවස්ථාත් අඩු වේවි.
මේ වගේ තව වැදගත් ලිපි බොහෝමයක් Road to Heaven අපේ page එකේ අන්තර්ගත වෙනවා. දරුවන්ට discipline හරි විදියට කියා දෙන ආකාරය වගේම අලුතින් බබාලා ඉන්න අම්මලාට වැදගත් කරුණු රාශියක් ඇති ලිපි ඔබට වගේම අනිත් අයටත් දැන ගැනීමට share කරන්න.
Heaven is a place on earth. Disciplining your child.
📝 Road to Heaven 💝
