19/09/2026
විද්යා හා තාක්ෂණ අමාත්යාංශය යටතේ ක්රියාත්මක වන ජාතික විද්යා පදනම විසින් සංවිධාන කරන ලද "විද්යාව ප්රචලිත කිරීමේ සම්මාන උළෙල - 2026" ආචාර්ය හරිණි අමරසූරිය අග්රාමාත්යතුමිගේ ප්රධානත්වයෙන් සහ විද්යා හා තාක්ෂණ අමාත්ය මහාචාර්ය ක්රිෂාන්ත අබේසේන මහතාගේ සහභාගිත්වයෙන් බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී අද දින (18) පැවැත්විණි.
“ආරක්ෂාව සහ ඔරොත්තු දීම සඳහා කෘත්රිම බුද්ධිය” (AI for Safety and Resilience) තේමා කරගනිමින් උත්සවය පැවැත්විණි. රට තුළ විද්යාව ප්රචලිත කිරීමේ අරමුණ ඇතිව ජාතික විද්යා පදනම විසින් පවත්වනු ලබන විද්යා තරඟවලදී විශිෂ්ට දක්ෂතා දැක්වූ පාසල් සිසුන් ඇගයීම වෙනුවෙන් වාර්ෂිකව මෙම සම්මාන උළෙල සංවිධාන කරනු ලබයි. ඒ අනුව, 2025 සහ 2026 වසරවලදී පැවති තරඟවල විශිෂ්ඨයින් ඇගයීම මෙහි දී සිදු කෙරිණි. පාසල් සිසුන් ඇගයීමට අමතරව, ශ්රී ලංකාව තුළ විද්යා අධ්යාපනය සහ විද්යාව ප්රචලිත කිරීම වෙනුවෙන් කැපී පෙනෙන දායකත්වයක් ලබා දුන් ගුරුවරුන්, විද්යාඥයින් සහ මාධ්ය වෘත්තිකයන් ගෞරවයට පාත්ර කිරීමද මෙහි විශේෂත්වයක් විය.
මෙහි දී අදහස් දැක්වූ ආචාර්ය හරිණි අමරසූරීය අග්රාමාත්යවරිය මෙසේ පැවසීය.
"රටක් විදිහට ඉදිරියට යන්න නම් අපි සම්ප්රදායික රාමුවෙන්
මිදිලා නවෝත්පාදනයන් වැළඳගත යුතුයි. ලෝකයෙන් තාක්ෂණික මෙවලම් ගෙනැවිත් පරිභෝජනය
කරන රටක් වෙනුවට, ලෝකයටම නව තාක්ෂණික විසඳුම් ලබාදෙන නවෝත්පාදක ජාතියක් බවට ශ්රී ලංකාව පත්කිරීම රජයේ ප්රධාන ඉලක්කයයි."
තවද මහාචාර්ය ක්රිෂාන්ත අබේසේන අමාත්යවරයා අදහස් දක්වමින් මෙසේ පැවසීය.
“අපේ එදිනෙදා ජීවිතයේ පැවැත්මට සමාජය තුළ ඉහල විද්යා සාක්ෂරතාවක් තිබීමත් ඉතා වැදගත් වෙනවා. විද්යා සාක්ෂරතාවය විද්යාඥයන්ට පමණක් නොව, සෑම පුරවැසියෙකුටම අත්යවශ්යයි. ඉහල විද්යා සාක්ෂරතාවක් සහිත සමාජයක සෞඛ්යය, පරිසරය, තාක්ෂණය සහ දෛනික ජීවිතය පිළිබඳ නිවැරදි තීරණ ගන්නට පහසු වෙනවා. ඒවගේම තමයි, වැරදි තොරතුරු (misinformation) සහ අසත්ය තොරතුරු වේගයෙන් පැතිරෙන ලෝකයක, විද්යා සාක්ෂරතාවය අපේ එකම ආරක්ෂක් මෙවලම වෙනවා.
අපේ අරමුණ ශ්රී ලංකාව විද්යාත්මක ක්ෂේත්රයේ විශිෂ්ට රටක් බවට පත් කිරීමයි. ඒ අනුව අද පාසල් සිසුන් වන ඔබ අනාගත ලෝකයේ පර්යේෂකයින්, විද්යාඥයින්, නව නිපැයුම්කරුවන් සහ ව්යවසායකයින් වශයෙන් ගොඩනැංවීමට අවැසි විද්යා ප්රතිපත්ති, තීරණ, සංවර්ධන වැඩසටහන් අප අමාත්යාංශය විසින් සිදුකරමින් පවතිනවා.”
මෙම අවස්ථාවට විද්යා හා තාක්ෂණ අමාත්යාංශයේ ලේකම් ආචාර්ය රෝෂණී දිසනායක මහත්මිය, ජාතික විද්යා පදනමේ සභාපති විශේෂඥ වෛද්ය සුදත් සමරවීර මහතා, අධ්යක්ෂ ජනරාල් මහාචාර්ය ශිරෝමි පෙරේරා මහත්මිය, විද්යා හා තාක්ෂණ අමාත්යාංශයේ සහ අනුබද්ධ ආයතනවල නිලධාරීන්, අධ්යාපන අමාත්යාංශයේ නිලධාරීන්, විද්යාඥයින්, ගුරුවරුන්, දෙමාපියන්, පාසල් සිසුන් ඇතුළු විශාල පිරිසක් සහභාගී වූහ.
