24/02/2025
ජීවිතය වූ කලී මහා පුදුමාකාර දෙයකි.ජීවිතය තුල එකිනෙකාට ලැබෙන්නා වූ අවකාශයන් විවිධ වේ.තම හැසිරීම,ක්‍රියාකාරිත්වය හා විභවතාවයන් ක්‍රියාත්මක වන්නේ තමන්ට ම හිමි වූ තමන්ට ම ආවේණික අවකාශයක් තුල යි.එම අවකාශය විව්ධ වූ හේතූන් නිසාවෙන් සීමාවට ලක් වේ.ස්ත්‍රී පුරුෂ බව,පවුල් පසුබිම,ග්‍රාමීය නාගරික බව,අධ්‍යාපනය,සංස්කෘතිය ,දරිද්‍රතාවය යනා දී බොහෝ හේතු කාරණා මත පුද්ගල විභවතාවන් හා ක්‍රියාකාරිත්වය සීමාවට ලක් වේ.එම සීමාව තුල පුද්ගල ආත්මයන් ස්වයංපාලනයකට ලක් වේ.තම විභවතාවන් ,හැකියාවන් ගිලිහී යාමකට ලක් වේ.එය පුද්ගලානුබද්ධව ගත් විට එම පුද්ගලයාට මහත් අවාසිදායක තත්වයකි.මේ නිසා තේරුම් ගතයුතු වැදගත් ම දෙය නම් ඔබේ සීමාවන් වෙනුවට විභවතාවන් කෙරෙහි අවධානය යොමු කිරීම වටිනා බව යි.
