10/09/2025
ඊශ්රායල් රාජ්යයේ ඉදිකිරීම් ක්ෂේත්රය යටතේ ක්රියාත්මක වන ප්රතිසංස්කරණ උප ක්ෂේත්රයට අදාළ හතරවන අදියර යටතේ General Renovation work, Ceramic Tiling work, Plastering work රැකියා සඳහා අයඳුම් කිරීම.
රැකියා කාණ්ඩ
01. ප්රතිසංස්කරණ කටයුතු සිදුකරන්නන් - පොදු (General Renovation Work) (විදුලි පේනු සවි කිරීම, බ්ලොක් ගල් භාවිතා කරමින් බිත්ති බැඳීම හා පොටි ඇදීම, ජිප්ෂන්බෝඩ් භාවිතා කරමින් ශාලා සකස් කිරීම - වෙන් කිරීම Gypsum Board with Partition
02. සෙරමික් ටයිල් වැඩ (Ceramic Tile Work)
03. කපරාරු වැඩ (Plastering Work)
අපේක්ෂිත අයදුම්කරුවන් සංඛ්යාව-1500
1. මූලික සූදුසුකම්
a. වයස අවුරුදු 25- 45 අතර විය යුතුය.
b. තෝරා ගන්නා රැකියා කාණ්ඩයට අදාළව මනා දක්ෂතාවයක් සහ පළපුරුද්දක් තිබිය යුතුය.
c. වසර 03 කට වඩා වැඩි කාල සීමාවක් සහිත වලංගු ගමන් බලපත්රයක් හිමි ශ්රි ලාංකික පුරවැසියෙකු විය යුතුය.
d. අයදුම්කරු මීට ඉහතදී ඊශ්රායල් රටේ සේවය කර නොමැති විය යුතුය. (දෙමව්පියන්, බිරිඳ, එක් කුස උපන් සහෝදර සහෝදරියන් හා දරුවන් ඊශ්රායලයේ සේවය කිරීම හෝ එහි පදිංචි පුරවැසියන් නොවීම.)
e. ඊශ්රායලය තුළ පවතින දේශගුණික හා කාලගුණික තත්ත්වයන් අනුව සේවය කිරීමට සුදුසු මනා කායික සහ මානසික තත්ත්වයකින්යුක්ත විය යුතුය.
k. නිදන්ගත රෝග සහ සමාජ රෝග වලින් තොර පුද්ගලයෙකු විය යුතුය.
g. චෝදනාවලින් තොර පිරිසිදු පොලිස් නිෂ්කාශන වාතාව තිබිය යුතුය.
h. අධ්යාපන සුදුසුකම් - 10 ශ්රේණිය සමත් විය යුතුය. (වසර 10ක පාසල් කාලය සම්පූර්ණ කිරීම අනිචායය වේ.)
i. මූලික මට්ටමේ ඉංග්රීසි දැනුමකින්යුක්ත විය යුතුය.
j. ඉහත රැකියා කාණ්ඩයන්ගෙන් ඉදිකිරීම් ක්ෂේත්රයේ හෝ ප්රතිසංස්කරණ ක්ෂේත්රයේ මීට පෙර අවස්ථාවන්හීදී අවසන් කුසලතා පරීක්ෂණයකට සහභාගී වී ඉන් අසමත් වූ පුද්ගලයන් සහ ඊශ්රායලයේ රැකියා සඳහා වෙනත්අංශ යටතේ අයදුම් කර ඇති පුද්ගලයන් නැවත අයදුම්කිරීම සඳහා සුදුසුකම් නොලබයි.
2. මාසික වැටුප ඇමරිකානු ඩොලර් 1520 + අතිකාල දීමනා.
3. කොන්ත්රාත් කාල සීමාව මාස 63 වේ.
ඉහත සුදුසුකම් සම්පූණ කරන ලද අයඳුම්කරුවන් පමණක් 2025.09.09 දින සිට 2025.09.14 දින දක්වා https://www.slbfe.lk/si/slbfe-announcement/calling-application-for-employment-in-general-renovation-work-in-israel/ ඔස්සේ ලියාපදිංචි විය යුතුය. මූලික සුදුසුකම් පරීක්ෂණය සඳහා පැමිණීමට දිනයක් සහ වේලාවක් කෙටි පණිවිඩයක් මගින් දැනුම් දෙනු ලැබේ.
එම මූලික පරීක්ෂණය කායාංශයේ දිස්ත්රික් හා පළාත් කාර්ල වෙතින් සිදු කරනු ලැබේ.
මූලික සුදුසුකම් පරීක්ෂාවෙන් පසු ජාතික ආධුනිකත්ව සහ කාර්මික පුහුණු කිරීම් අධිකාරියට (NAITA) අයත් දිස්ත්රික් මධ්යස්ථානවලදී අයදුම්කරුවන්ගේ මූලික කුසලතා ඇගයිම් පරීක්ෂණය සිදු කරන අතර ඒ සඳහා රු.500.00 ක මුදලක්
NAITA ආයතනය මගින් අයකරනු ලැබේ.
මූලික කුසලතා ඇගයිම් පරීක්ෂණය සමත් අයදුම්කරුවන් පූර්ව කුසලතා පරීක්ෂණය සඳහා කටුබැද්ද පිහිටි කර්මාන්ත ඉංජිනේරු අභ්යාස ආයතනය (IETI) වෙත යොමු කිරීම හා එම පරීක්ෂණයෙන් සමත් වන අයදුම්ම්කරුවන් PIBA ආයතනය විසින් පවත්වන අවසන් කුසලතා පරීක්ෂාව සඳහා යොමු කරනු ලැබේ.
සැලකිය යුතුයි.
වෙබ් සබැදිය අයදුම් කිරීමට, මූලික සම්මුඛ පරීක්ෂණ, පූර්ව කුසලතා පරීක්ෂණ, අවසන් කුසලතා පරීක්ෂණ සහ ලොතරැයි ක්රමවේද ඔස්සේ තෝරා ගැනීම වැනි කිසිදු කරුණක් සඳහා කිසිදු පුද්ගලයෙකුට මුදල් ගෙවීම සිදු නොකල යුතු අතර, කාර්යංශය විසින් ඔබව දැනුවත් කර අයකරනු ලබන සේවා ගාස්තු සහ කාර්යංශ ලියාපදිංචි ගාස්තු පමණක් ගෙවීමට සෑම අයදුකරුවකුම වගබලා ගත යුතුය.. එමෙන්ම සියළුම අනුමත ගෙවීම් සඳහා කායාංශය විසින් ලදු පතක් නිකුත් කරනු ඇත.
වැඩි විස්තර සදහා පිවිසෙන්න www.naita.gov.lk හෝ www.slbfe.lk
