10/09/2025
කාන්තා ලෝක කුසලානයට යන ශ්‍රී ලංකා සංචිතය නම් කරයි
----------------------------------------------------------------------
2025 කාන්තා ලෝක කුසලාන ක්‍රිකට් තරගාවලියට සහභාගි වන ශ්‍රී ලංකා කාන්තා ක්‍රිකට් සංචිතය ඊයේ(10) ප්‍රකාශයට පත් කර තිබෙනවා.
චමරි අතපත්තුගේ නායකත්වයෙන් යුත් සංචිතයේ උප නායකත්වය හිමිව තිබෙන්නේ අනුෂ්කා සංජීවනීටයි.
මෙවර කාන්තා ලෝක කුසලාන ක්‍රිකට් තරගාවලිය සැප්තැම්බර් මස 30 වැනිදා සිට නොවැම්බර් 2 වනදා දක්වා පැවැත්වීමට නියමිතයි.
තරග ඉන්දියාවේදී සහ ශ්‍රී ලංකාවේදී පැවැත්වීමට නියමිතයි.
තරගාවලියට එක්වන ශ්‍රී ලංකා කාන්තා ක්‍රිකට් සංචිතය මෙසේයි.
නායක චමරි අතපත්තු, උපනායක අනුෂ්කා සංජීවනි.
හසිනි පෙරේරා, හර්ෂිතා සමරවික්‍රම, කවීෂා දිල්හාරි, නිලක්ෂි ද සිල්වා, ඉමේෂා දුලානි, දෙව්මි විහංගා සහ පියුමි වත්සලා.
සංචිතයට ඇතුළත් සෙසු ක්‍රීඩිකාවන් වන්නේ ඉනෝකා රණවීර, සුගන්ධිකා කුමාරි, උදේශිකා ප්‍රබෝධනී, මල්කි මදාරා සහ අචිනි කුලසූරියයි.
තරගයේ ආරම්භක තරගය ශ්‍රී ලංකා කණ්ඩායම සහ ඉන්දීය කණ්ඩායම අතර සැප්තැම්බර් මස 30 වන දින ඉන්දියාවේ ගුවාහටි හිදී දිවා රාත්‍රී තරගයක් ලෙසින් පැවැත්වීමට නියමිතයි.
