07/07/2024
1948 සුද්දගේ නිදහස බලන්න අලගල්ලේ ගියපු අපේ ගමන.
මුහුදු මට්ටමේ ඉදන් 1140m උස අලගල්ල කන්ද ටිකක් නගින්න අමාරැ කන්දක්. මේ කන්දේ රක්ෂිතය අයිති වෙන්නේ හතරලියද්ද ප්‍රාදේශිකයට. සුද්දගෙන් 1948 නිදහස ලැබුනම ඒක බලන්න අවට ගම්මුන් මේ කන්දට නැග්ගා කියලා ජනප්‍රවාදයේ තියනවා. ඒකට හේතුව කොළඹ පැත්ත මේ කන්දේ මුදුනට පේන නිසා. ඉතින් මේ කන්දට යන්න පුලුවන් ලේසිම පාරවල් දෙකක් තියනවා.
1. නුවර පැත්තෙන්, කොළඹ පැත්තෙන් කොච්චියේ එනවා නම් ඉහල කොට්ටේ ස්ටේශන් එකෙන් බැහැලා යන්න පුලුවන්. කොච්චියේ එන අයට ලගම පාර තමයි මේ පාර.
2. අනිත් පාර තමයි නුවර - කොළඹ පාරේ කඩුගන්නාවෙන් පොත්තපිටිය පාරෙ ගිහින් පොත්තපිටිය බස් ස්ටෑන්ඩ් එක ලගින් උඩට තියන අලගල්ල තේ ෆැක්ටරිය පාරෙන් යන එක.
අපි ගියේ දෙවනි යට තියන පාරෙන්. මෙතනින් ගියාම ෆැක්ටරිය පාස් කරගෙන තේ වත්ත මැද්දෙන 2Km වගේ යන්න පුලුවන්. අන්තිමට තියන ගෙදරින් බයික් වල යනවනම් දාලා යන්න පුලුවන් වෙන වාහන වලනම් යන්න බෑ. එතන ඉදන් Hike එක ටිකක් වැඩි හැබැයි ගමන ඉක්මන්. ඒ පැත්තෙන් කන්ද නැග්ගම සිංහ කට ලගට තමයි මුලින්ම යන්නේ.
එතනින් ඉහලට නගින්න කඹයක් දාලා තිබුනත් ඒක කැඩෙන සුලුයි. අපේ ආත්ම විශ්වාසයෙන් පරිස්සමෙන් නගින්න ඕන. ටිකක් අපහසුයි. එතනින් ඉහලට ගියාම සුන්දර වටපිටාව ගමන් මහන්සිය නිවාගන්න පුලුවන්. ඉට පස්සේ කන්දේ අනිත් දිශාවට යන්න ඕන එතනට කියන්නේ පූජා ගල.
මේ ගමන යන්න කලින් රෑටන ගලෙන් බහින්න වෙනවා. එතනින් බහින එකනම් ගොඩක් අවදානම්. ඒ අවදානම අරං තමයි බහින්න ඕන. එතන ගල විදල කම්බියක් සවි කරල පහලට කඹයක් දාලා තිබුනත්, ඒක විශ්වාස කරන්න නම් අමාරැයි. ගොඩක් අය පාවිච්චි කරන නිසා එක ගලට මැදිලා කැඩෙන්න තියන සම්භාවිතාවයනම් වැඩි. මෙතනදි ඉදගන රෑටලා තමයි යන්න ඕන. කලබලයක් නැතිව හෙමින් බැස්සොත් ඕන කෙනෙක්ට බහින්න පුලුවන්. ආත්ම විශ්වාසය තමයි ඕන.
එතනින් බැහැල 2km කැලේ මැදින් ගියාම පූජා ගලට එන්න පුලුවන්, එතන 2016 දි හදපු චෛත්‍යයක්‍ සමඟ බුදු මැදුරක් තියනවා. මෙතනට ආවාම මෙතනින් බැස්සොත් ඉහල කොට්ටේ දුම්රිය ස්ථානයට යන්නත් පුලුවන්, ආපු පාරෙම සිංහ කට ලගට ඇවිත් තේ ෆැක්ටරිය පැත්තෙනුත් බහින්න පුලුවන්.
විශේෂයෙන්ම කියන්න දෙයක් තියනවා, මේ වෙද්දිත් කන්ද මුදුනත පූජාගල අවට ප්ලාස්ටික් බෝතල්‍, පොලිතීන්, අරක්කු බෝතල්‍, බියර් ටින් වගේ දේවල් ගොඩක් තියනවා, ඒවා නිසා කන්ද මුදුන දැනටමත් අපවිත්‍ර වෙලා තියෙන්නේ. ඒකට හේතුව මෙතන කෑම්පින් කරන්න පුලුවන් හොද ආරක්ෂිත තැනක් නිසා. යන්න අයට කියන්න තියෙන්නේ, මේ වගේ ලස්සන තැන් අපවිත්‍ර කරන්න එපා.
විෂේශයෙන් කියන්න තියෙන්නේ, ලස්සන තැන් විදින්න දකින්න අනාගතේටත් ඒ ලස්සන ඉතුරැ කරන්න, පා සටහන් විතරක් තියලා එන්න.
🖋 Chānu
2024.05.09 ගිය ගමනක්.
