Media Unit Sabaragamuwa

29/07/2025

Thamilan News Paper
29/07/2025

29/07/2025

Virakesari News Paper 29/07/2025

29/07/2025

Thinakaran News Paper 29/07/2025

26/07/2025

The Buddhist News

26/07/2025

ITN News

25/07/2025

Virakesari News Paper 25/07/2025

25/07/2025

Thinakaran News Paper 25/07/2025

24/07/2025

සිසු සවිය ක්‍රියාකාරකම් අත්වැල 2025 – 2026...

සබරගමුව පළාත තුළ අධ්‍යාපනය ලබන ප්‍රාථමික අංශයේ 05 ශ්‍රේණියේ සිසු දරුවන් සඳහා සබරගමු පළාත් අධ්‍යාපන දෙපාර්තුමේන්තුව මඟින් සම්පාදනය කළ සිසු සවිය ක්‍රියාකාරකම් සංග්‍රහය 2025 -2026 සබරගමුව පළාත් සභා ශ්‍රවණාගාරයේ දී පසුගිය දා (23) සබරගමු පළාත් ආණ්ඩුකාර චම්පා ජානකී රාජරත්න මහත්මියගේ ප්‍රධානත්වයෙන් එළි දක්වනු ලැබීය.

ප්‍රාථමික අංශයේ ප්‍රධාන අවධි තුන පසු කරමින් ද්විතීයික අධ්‍යාපනය සඳහා නිපුණතා පූර්ණ දරු පිරිසක් බිහි කිරීම මෙහි මූලික අරමුණ වේ.

ප්‍රාථමික අධ්‍යාපනය තුළින් අපේක්ෂිත අත්‍යවශ්‍ය ඉගෙනුම් නිපුණතා නිවැරදිව තහවුරු කර කුසලතා පුර්ණ දරු පිරිසක් සකස් කිරීම සඳහා මෙම සිසු සවිය ක්‍රියාකාරකම් සංග්‍රහය පරිශීලනය කිරීම ඉවහල් වන බව මෙහි සංස්කාරක මණ්ඩලය සඳහන් කරයි.

සබරගමු පළාත් අධ්‍යාපන දෙපාර්තුමේන්තුවේ ප්‍රාථමික අධ්‍යාපන අංශයේ සංකල්පයක් මත මෙම සිසු සවිය ක්‍රියාකාරකම් සංග්‍රහය සකස් කර ඇත.

මෙම අවස්ථාවට පළාත් අධ්‍යාපන අමාත්‍යංශයේ ලේකම් චාමර බමුණුආරච්චි, අතිරේක පළාත් අධ්‍යාපන අධ්‍යක්ෂ පුෂ්පකුමාර ඩයස්, සැලසුම් අධ්‍යක්ෂ නෙවින් කුමාරගේ, නියෝජ්‍ය අධ්‍යාපන අධ්‍යක්ෂවරුන් වන සුමුදු කෝරලෙගෙදර, එච්.ඒ.හුස්නා යන මහත්ම මහත්මීන් ඇතුළු පිරිසක් එක්ව සිටියහ.

24/07/2025

23/07/2025

පරිපාලන හා පාසල් කළමණාකරණ කටයුතු පිළිබඳව මුලික නිපුණතා රාමුවට අදාළ පාඨමාලාව හැදැරූ විදුහල්පතිවරු සඳහා සහතික පත් ප්‍රදානය කරයි...

විදුහල්පති ජාතික නිපුණතා රාමුවට අදාළව පරිපාලන හා පාසල් කළමණාකරණ කටයුතු පිළිබඳව මුලික නිපුණතා රාමුවට අදාළ පාඨමාලාව හදාරා අවසන් කළ විදුහල්පතිවරු 95 දෙනෙක් වෙත සහතික පත්‍ර ප්‍රදානය අද (23) සබරගමු පළාත් ආණ්ඩුකාර චම්පා ජානකී රාජරත්න මහත්මියගේ ප්‍රධානත්වයෙන් සබරගමු පළාත් සභා ශ්‍රවණාගාරයේ දී සිදු විය.

පාඨමාලාව සාර්ථකව අවසන් කළ සබරගමු පළාතේ පාසල් 95 ක විදුහල්පතිවරු සඳහා මෙදින සහතික පත්‍ර ප්‍රදානය කරනු ලැබීය.

ගුණාත්මක පාසල් පාලනය, ධනාත්මක පාසල් පරිපාලනය, ඵලදායී පාසල් කළමණාකරණය හා ගුණාත්මක ඉගෙනුම් ඵල යන නිපුණතා හතර පදනම් කරගෙන නිපුණතා ප්‍රමිති හැට හතරක් සම්බන්ධයෙන් මෙම පාඨමාලාවේ දී විශේෂ දැනුමක් විදුහල්පතිවරුන්ට ලබා දීම සිදු කරයි.

මෙම පාඨමාලාව අධ්‍යාපන අමාත්‍යංශය, ජාතික අධ්‍යාපන ආයතනය, සබරගමු පළාත් අධ්‍යාපන දෙපාර්තුමේන්තුව හා එක්ව සංවිධානය කර ඇත.

ශ්‍රී ලංකා විදුහල්පති සේවා ව්‍යවස්ථාව අනුව III ශ්‍රේණියේ සිට I ශ්‍රේණිය දක්වා උසස්වීම් සඳහා අවශ්‍යතා සපුරා ගැනීමේ ධාරිතා සංවර්ධන පාඨමාලාවක් ලෙස මෙම පාඨමාලාව පැවැත්වේ.

මෙම අවස්ථාවට පළාත් අධ්‍යාපන අමාත්‍යංශයේ ලේකම් චාමර බමුණුආරච්චි, අතිරේක පළාත් අධ්‍යාපන අධ්‍යක්ෂ පුෂ්පකුමාර ඩයස්, සැලසුම් අධ්‍යක්ෂ නෙවින් කුමාරගේ, නියෝජ්‍ය අධ්‍යාපන අධ්‍යක්ෂවරුන් වන සුමුදු කෝරලෙගෙදර, එච්.ඒ.හුස්නා යන මහත්ම මහත්මීන් ඇතුළු පිරිසක් එක්ව සිටියහ.

23/07/2025

ජ්‍යෙෂ්ඨ මාධ්‍යවේදිනී රංජනී සෝමචන්ද්‍රගේ අමාලි නොදුටු ශාපය ජනගත කරයි...

අද, ලංකාදීප, Daily Mirror යන පුවත්පත්වල ජ්‍යෙෂ්ඨ මාධ්‍යවේදිනීයක ලෙස කටයුතු කරන රංජනී සෝමචන්ද්‍රගේ “අමාලි නොදුටු ශාපය” යන නවකතාව පසුගිය දා දැරණියගල බහුකාර්ය ශාලාවේ දී ජනගත විය.

එම කෘතියේ පිටපතක් පසුගිය දිනක රංජනී සෝමචන්ද්‍රයන් විසින් සබරගමු පළාත් ආණ්ඩුකාර චම්පා ජානකී රාජරත්න මහත්මිය වෙත ද ප්‍රදානය කරනු ලැබීය.

ඒ රත්නපුර පිහිටි සබරගමු පළාත් සභා පරිශ්‍රයේදීය.

වසර 25 ක් පුවත්පත් කලාවේ මාධ්‍යවේදිනියක් ලෙස කතුවරිය සේවය කර ඇත.

ඒ ලංකාදීප, ලක්බිම, අද, ඉරිදා ලංකාදීප සහ Daily Mirror යන පුවත්පත්වල මාධ්‍යවේදිනියක ලෙසය.

එමෙන් ම රාජ්‍ය කළමනාකරණ සේවා නිලධාරිනියක් ලෙස රජයේ ප්‍රවෘත්ති දෙපාර්තුමේන්තුවේ සහ දෙහිඕවිට ප්‍රදේශිය ලේකම් කාර්යාලවල ද සේවය කර ඇත.

මේ වන විට රංජනී සෝමචන්ද්‍රයන් දැරණියගල ප්‍රාදේශිය ලේකම් කාර්යාලයේ කළමනාකරණ සේවා නිලධාරිනියක ලෙස සේවය කරයි.

පසුගිය කොවිඩ් වසංගතය තුළ කතුවරිය ලද පෞද්ගලික අත්දැකීම් හා ජන මාධ්‍යවලින් සන්නිවේදනය වූ සිද්ධීන් වලින් ලද කම්පනය මත අමාලි නොදුටු ශාපය කෘතිය එළිදැක්වු බව රංජනී සෝමචන්ද්‍ර පවසයි.

දැරණියගල බහුකාර්ය ශාලාවේ පැවති අමාලි නොදුටු ශාපය එලිදැක්වීමේ අවස්ථාවට ප්‍රධාන ආරාධිතයා සහ දේශකයා ලෙස ශ්‍රී ලංකා අග්නිදිග විශ්ව විද්‍යලයේ භාෂා අධ්‍යන අංශයේ අංශාධිපති ආචාර්ය අමරසිරි වික්‍රමරත්න මහතා එක්ව සිටියහ.

සුභාවිත සංගීත වැඩසටහනක් ද මේ සමඟ පැවැත්වුණි.

අමාලි නොදුටු ශාපය රංජනී සෝමචන්ද්‍රගේ කුළුඳුල් නවකතාවයි.

23/07/2025

ඌව හීසර සමස්ථ ලංකා (විවෘත) දුණු විදීම තරඟයේ ශූරතාවය සඳරුවන් ප්‍රියවංශට...

ඌව හීසර සමස්ථ ලංකා (විවෘත) දුණු විදීම තරඟයේ ශූරතාවය සඳරුවන් ප්‍රියවංශ ක්‍රීඩකයා දිනා ගෙන ඇත.

ඒ වර්ෂ 2025 ජුලි මස 13 දින බණ්ඩාරවෙල මහ නගර සභා පිටියේ දී පැවති තරඟයට එක්වෙමිනි.

ආබාධිත තත්වයෙන් සිටින මෙම ක්‍රීඩකයා වෙත අවශ්‍ය ක්‍රීඩා උපකරණ මිලට ගැනීම සඳහා සබරගමුව පළාත් සභා අරමුදලින් අවශ්‍ය ප්‍රතිපාදන මීට පෙර සබරගමු පළාත් ආණ්ඩුකාර චම්පා ජානකී රාජරත්න මහත්මිය විසින් වෙන්කර දී තිබුණි.

සිය ජයග්‍රහණ සඳහා එම උපකරණ මහත් පිටුවහලක් වූ බව සඳරුවන් ප්‍රියවංශ මහතා සඳහන් කරයි.

පසුගිය දා (21) රත්නපුර පිහිටි අණුඩුකාර කාර්යාලයේ දී සබරගමු පළාත් ආණ්ඩුකාර චම්පා ජානකී රාජරත්න මහත්මිය විසින් සඳරුවන් ප්‍රියවංශ ක්‍රීඩකයා මුණ ගැසුණි.

මෙම ක්‍රීඩකයා දුණු විදීමේ ජාතික තරඟවලින් මීට පෙර ද ජයග්‍රහණ රැසක් අත්පත් කර ගෙන ඇත.