SAMMANTHURAI NEWS, Sammanthurai (2025)

02/11/2025

சம்மாந்துறை பிரதேசத்தில் இளைஞர் சேவை மன்றத்தின் மெய்வல்லுனர் இறுதிப் போட்டிகள் சிறப்பாக நடைபெற்றது

செய்தி நிருபர் : முபாறக் அஸ்லம்

தேசிய இளைஞர் மன்றத்தின் 35வது இளைஞர் விளையாட்டு போட்டிகளின் ஒரு பகுதியாக, மெய்வல்லுனர் இறுதிப் போட்டிகள் மற்றும் வெற்றி பெற்ற வீரர்களுக்கு சான்றிதழ் மற்றும் பதக்கம் வெற்றி கிண்ணம் வழங்கும் நிகழ்வு இன்று 1-11-2025 சனிக்கிழமை சம்மாந்துறை அல்-அர்ஷத் மகா வித்தியாலயத்தில் சிறப்பாக நடைபெற்றது.

இந்நிகழ்வு இளைஞர் சேவைகள் உத்தியோகத்தர் கே. சமீர் தலைமையிலும் லோ.சுலெக்‌ஷன் ( விளையாட்டு உத்தியோகத்தர்) அவர்களின் பூரண ஒத்துழைப்புடன் இடம் பெற்றது

இவ் நிகழ்வின் பிரதம அதிதியாக அரசியலமைப்பு பேரவை உறுப்பினரும், அம்பாறை மாவட்ட கரையோர பிரதேச செயலகங்களின் அபிவிருத்தி ஒருங்கிணைப்புக் குழுத் தலைவரும், பாராளுமன்ற உறுப்பினருமான ஏ. ஆதம்பாவா கலந்து கொண்டு சிறப்பித்தார்.

இவ் நிகழ்வில், சம்மாந்துறை பிரதேச செயலாளர் எஸ்.எல். முஹம்மது ஹனீபா மற்றும் கிழக்கு மாகாண இளைஞர் சேவை மன்றத்தின் பணிப்பாளர் எச்.யூ. சுகந்த ஆகியோர் கௌரவ அதிதிகளாக கலந்துகொண்டனர்.

மேலும் இந் நிகழ்வில், உதவிப் பிரதேச செயலாளர் வி. வாஸீத், அம்பாறை மாவட்ட இளைஞர் சேவை உத்தியோகத்தர் ஏ. முபாரக் அலி, சம்மாந்துறை பிரதேச சபை உறுப்பினர் வை.பி.எம். நவாஸ், சம்மாந்துறை பிரதேச இளைஞர் கழக சம்மேளனத்தின் உறுப்பினர்கள் இளைஞர்கள் என பலரும் கலந்து கொண்டனர் என்பது குறிப்பிடத்தக்கது

02/11/2025

சம்மாந்துறை கைர் ஜும்மா பள்ளியில் பிரதேச சபை உறுப்பினர்களுக்கு சிறப்பு கௌரவிப்பு நிகழ்வு!

செய்தி நிருபர் : முபாறக் அஸ்லம்

சம்மாந்துறை பிரதேச சபையின் கௌரவ தவிசாளர் மற்றும் உறுப்பினர்களை கௌரவிக்கும் நிகழ்வு பள்ளிவாசல் நிர்வாகத் தலைவர் அல் ஹாபிழ் றமிஸ் அவர்களின் தலைமையில் 31-10-2025 வெள்ளிக்கிழமை கைர் ஜும்மா பள்ளியில் சிறப்பாக நடைபெற்றது

இந்நிகழ்வை முன்னெடுத்தது பள்ளியின் பொறுப்பு நம்பிக்கையாளர், ஓய்வு பெற்ற பிரதான பொலிஸ் பரிசோதகர் எம். எஸ். அப்துல் மஜீத் அவர்களின் வழிகாட்டுதலின் கீழ். சமூக வளர்ச்சிக்காக ஒன்றிணைந்து செயல்பட வேண்டிய அவசியம் குறித்து அவர் நிகழ்வில் வலியுறுத்தினார்.

மற்றும் சம்மாந்துறை பிரதேச சபையினால் மேலும் பல்வேறு புதிய திட்டங்களை உள்ளடக்குவதாகவும் எமது ஊரின் தேவைகளை முடிந்த அளவு பூர்த்தி செய்வதற்காகவும் வருமானங்களை அதிகரிப்பதற்காகவும் பல்வேறு தீர்மானங்கள் எடுக்கப்பட்டதாகவும் தவிசாளர் கூறினார் மேலும் அவர் தெரிவிக்கையில் இம் முறை சபைக்கு இளம் துடிப்புள்ள பிரதேச சபை உறுப்பினர்கள் கிடைக்கப்பெற்றதாகவும் அவர்களின் புதிய புதிய சிந்தனைகள் மூலம் புதிய திட்டங்கள் ஆரம்பிக்க இருப்பதாகவும் . எமது ஊரின் அபிவிருத்திக்கு தன்னால் முடிந்த அளவு அவர் முயற்சி செய்வதாகவும் அவருக்கு உறுதுணையாக பிரதேச சபை உறுப்பினர்கள் இருப்பதாகவும் எமது ஊரின் தமிழ் மக்கள் வசித்து வருவதால் எந்தவித இன பிரச்சினைகள் இடம்பெற விடமாட்டேன் அனைவரும் சமம் நாம் அனைவரையும் மதிக்கிறோம் என்றே கௌரவ தவிசாளர் மாஹிர் அவர்கள் கருத்து தெரிவித்துள்ளார் .

இறுதியாக, பள்ளியின் இமாம் மௌலவி றிஸ்வின் அவர்கள் சம்மாந்துறை பிரதேச மக்களுக்காகவும், புதிய உறுப்பினர்களின் சிறப்பான பணிக்காகவும் விசேட துஆ பிரார்த்தனை இடம் பெற்றது என்பது குறிப்பிடத்தக்கது

10/10/2025

Celebrating my 6th year on Facebook. Thank you for your continuing support. I could never have made it without you. 🙏🤗🎉

14/09/2025

சம்மாந்துறை உள்ளக வீதியில் யானை அட்டகாசம்!

Vedio: Mubarak Aslam

09/09/2025

சம்மாந்துறை பொலிஸ் நிலைய பொறுப்பதிகாரி கே.டி எஸ் ஜெயலத் அவர்கள் Bibile பொலிஸ் நிலையத்திற்கு இடம் மாற்றம் செய்யப்பட்டுள்ளார்
அவருக்கு சம்மாந்துறை மண் சார்பாகவும் ஊடக பிரிவு சார்பாகவும் நன்றிகளை தெரிவித்துக் கொளகிறோம்

03/09/2025

சம்மாந்துறையில் உருகுலைந்த நிலையில் ஆண் சடலம் கண்டெடுப்பு!

செய்தி நிருபர்: முபாறக் அஸ்லம்

சம்மாந்துறை பகுதியில் இன்று (03) உருகுலைந்த நிலையில் ஆண் ஒருவரின் சடலம் ஒன்று கண்டெடுக்கப்பட்டுள்ளதாகத் தெரிவிக்கப்பட்டுள்ளது.

இச்சம்பவம் தொடர்பாக சம்மாந்துறை பொலிஸ் நிலையத்தில் முறைப்பாடு கிடைக்கப் பெற்றதையடுத்து, மேலதிக விசாரணைகளை சம்மாந்துறை பொலிஸார் தீவிரமாக மேற்கொண்டு வருகின்றனர் என்பது குறிப்பிடத்தக்கது.

👉 சடலத்தின் அடையாளம் மற்றும் மரணமுற்ற சூழ்நிலைகள் குறித்து விசாரணைகள் தொடர்ந்து இடம்பெற்று வருகின்றன.

29/08/2025

காணாமல் போன தங்க நகை கிடைத்து விட்டது பகிர்ந்து உதவிய அனைவருக்கும் நன்றி. மற்றும் பல்வேறு ஊடகங்கள் மூலம் இந்த தகவலை பகிர்ந்துஉதவிய அனைவருக்கும் மிகவும் நன்றிகளை தெரிவித்துக் கொள்கிறார் உரிமையாளர்

28/08/2025

சம்மாந்துறையில் தங்க நகை ஒன்று காணாமல் போய் உள்ளது

இன்று (28-8-2025 வியாழக்கிழமை மாலை 4.00 மணி முதல் இரவு 10.00 மணி வரை சம்மாந்துறை வீதிகள், Food City Bank மற்றும் பிரதான வீதிப் பகுதியில் சென்றபோது, படத்தில் உள்ள தங்க நகை காணாமல் போயுள்ளது.

இந்நகையை கண்டு எடுக்கும் நல்ல உள்ளம் கொண்டவர்கள்

தொடர்பு கொள்ளவும் : /0740978335/ 0789941886/

அனைவரும் இந்த தகவலை பகிரவும் உங்கள் ஒவ்வொரு பகிர்வும் மிகவும் பெரிய உதவி

கண்டு எடுத்து வழங்குபவர்களுக்கு சிறந்த சன்மானம் வழங்கப்படும்

23/08/2025

சம்மாந்துறையைச் சேர்ந்த பேராசிரியர் கலாநிதி எஸ்.எல். றியாஸ் எழுதிய 65 நூல்களின் அறிமுகமும், கண்காட்சியும் !

செய்தி : நூருல் ஹுதா உமர்
படங்கள்: முபாறக் அஸ்லம்

இலங்கை சமாதான கற்கைகள் நிலைய பணிப்பாளர் பேராசிரியர், கலாநிதி எஸ்.எல். றியாஸ் அவர்கள் கடந்த 25 ஆண்டுகளில் எழுதிய 65 நூல்களின் அறிமுகமும், கண்காட்சியும் பன்னூலாசிரியர் கலாபூசணம் ஏ. பீர் முஹம்மது தலைமையில் சம்மாந்துறை அப்துல் மஜீத் மண்டபத்தில் இன்று நடைபெற்றது.

கடந்த 1996 ஆம் ஆண்டு நவமணி பத்திரிகையில் கிழக்கு மாகாண செய்தியாளராக இணைந்ததன் மூலம் தனது எழுத்துகளால் பிரகாசித்த எஸ்.எல். றியாஸ் 1996 இல் இலங்கை கிரிக்கெட் அணியின் உலக கிண்ண வெற்றியை தொடர்ந்து ஊடகவியலாளர் எம்.எம். ஜெஸ்மினும் இணைந்து சர்வதேச கிரிக்கெட் நிகழ்வுகள் என்ற தலைப்பில் டெஸ்ட் விளையாடும் அனைத்து கிரிக்கெட் அணிகளினதும் சாதனைகளை தொகுத்து ஒரு நூலை 2001 ஆம் வருடம் வெளியிட்டார். அதுவே அவரின் முதலாவது நூலாகும்.

அன்று ஆரம்பித்த அவரின் எழுத்துப் பணி இன்றும் தொடர்கிறது. குழந்தை உளவியல் பற்றி 1400 பக்கங்கள் கொண்ட தனது ஆய்வு நூலை (Understanding and supporting Children Psychological Needs) எனும் தலைப்பில் 2 பாகங்களாக வெளியிட்டிருந்தார். மேலும் தேசிய இனப்பிரச்சினைக்கான தீர்வு திட்டங்கள் பற்றிய ஆய்வு சுமார் 1100 பக்கங்கள் கொண்ட ஒரே நூலாக தொகுக்கப்பட்டுள்ளது. இந்தியாவில் இடம் பெறும் முஸ்லிம்கள் மீதான வன்முறைகள் Violence Against Muslims in Independent India என்ற ஆய்வு 1700 பக்கங்கள் கொண்டது. அவை 3 பாகங்களாக தொகுக்கப்பட்டுள்ளது.

The Evolution of Muslim Political Aspirations in Sri Lanka என்ற இலங்கை முஸ்லிம்களுக்கு ஒரு அரசியல் கட்சி ஏன் தேவைப்பட்டது என்ற ஆய்வு ஆதிகாலம் முதல் இன்று வரை ஆய்வு செய்து சுமார் 750 பக்கங்களாக தொகுக்கப்பட்டுள்ளது. மேலும் 21st Century Romeo and Juliet என்ற கதையானது William Shakespeare இன் Romeo Juliet கதையை அடியொற்றி எழுதப்பட்டது. Romeoவும் Juliet உம் 21ஆம் நூற்றாண்டில் வாழ்ந்திருந்தால் சமூக ஊடகங்கள் இவர்கள் வாழ்க்கையில் எவ்வாறு செல்வாக்கு செலுத்தியிருக்கும் என்ற ஒரு கற்பனை நூலை உட்பட தேசிய இனப்பிரச்சினைக்கான காரணங்கள் பற்றிய பல நூல்கள் அடங்களாக 65 நூல்கள் இந்த கண்காட்சியில் இடம் பிடித்திருந்தது.

இந்நிகழ்வில் மூத்த உலமா "வரலாற்றில் ஒரு ஏடு புகழ்" மௌலவி ஏ.சி.எம். புகாரி, பாராளுமன்ற உறுப்பினர்களான எம்.ஏ. அஸ்ரப் தாஹிர், ஏ. ஆதம்பாவா, முன்னாள் பாராளுமன்ற உறுப்பினர்களான எம்.ஐ.எம். மன்சூர், ஏ.எம். நௌசாத் உட்பட நிர்வாக சேவை அதிகாரிகள், சமூக அமைப்புக்களின் பிரதானிகள், உள்ளூராட்சி சபைகளின் உறுப்பினர்கள், இலக்கியவாதிகள், ஊடகவியலாளர்கள், கல்விமான்கள், கலாநிதி எஸ்.எல். றியாஸ் அவர்களின் குடும்பத்தினர் என பலரும் கலந்து கொண்டிருந்தனர்.

16/08/2025

போதை ஒழிப்பு விழிப்புணர்வு மாநாடு சம்மாந்துறையில்

செய்தி நிருபர்:முபாறக் அஸ்லம்

இன்றைய சமூகத்தில் வேகமாக பரவி வரும் மிக ஆபத்தான அச்சுறுத்தலாக போதைப் பொருள் பயன்பாடு மாறி வருகிறது. குறிப்பாக இளைஞர்கள் மற்றும் பாடசாலை மாணவர்கள் மத்தியில் இதன் பாதிப்பு அதிகரித்து வருவது

போதைப் பொருள் ஒருமுறை பயன்படுத்தப்பட்டாலே அது உடல் நலனையும், மனநலனையும் அழித்து விடுகிறது. கல்வி, குடும்பம், வேலை, சமூக உறவுகள் அனைத்தையும் முற்றிலும் சீரழிக்கக்கூடியது இதனை சம்மாந்துறையில் இருந்து முற்றாக அழிக்க வேண்டும் என்ற நோக்கத்துடன் பல்வேறு அமைப்புகள் நிறுவனங்கள் போதை பொருள் விழிப்புணர்வு நிகழ்வுகள் நடாத்தி வருகின்றது மற்றும் சமூக மாற்றத்திற்காக சம்மாந்துறை நலன்புரி சமூக சேவைகள் அமைப்பின் ஏற்பாட்டில் 16-8-2025 சனிக்கிழமை
சம்மாந்துறை பத்ர் ஹிஜ்றா ஜூம்ஆ பள்ளிவாசல் முன்பாக இடம் பெற்றது

இந்நிகழ்வில் சம்மாந்துறை பிரதேச செயலாளர் தேசபந்து எஸ்.எல்.முஹம்மது ஹனீபா, மனித உரிமைகள் ஆணைக்குழுவின் இணைப்பாளர் ஏ.சீ.ஏ.அசீஸ், தேசிய அபாயகர ஒளடதங்கள் கட்டுப்பாட்டு சபையின் வடக்கு மற்றும் கிழக்கு மாகாண இணைப்பாளர் எம்.எம்.ஜீ.பீ.எம். றஸாட், சம்மாந்துறை பொலிஸ் நிலைய பொறுப்பதிகாரி கே.டி.எஸ் ஜெயலத், சம்மாந்துறை ஆதார வைத்தியசாலையின் வைத்திய அத்தியட்சகர் டாக்டர் டி.பிரபாசங்கர், முன்னாள் அமைச்சின் செயலாளரும் சம்மாந்துறை மஜ்லிஸ் அஷ்ஷுறா அமீர் எம்.ஐ. அமீர், வவுனியா மாவட்டத்தின் முன்னாள் அரசாங்க அதிபர் ஐ.எம்.ஹனிபா, சம்மாந்துறை பிரதேச செயலக போதைப் பொருள் தடுப்பு சிகிச்சை அழிப்பு மற்றும் புனர்வாழ்வு அபிவிருத்தி உத்தியோகத்தர் ஏ.ஜே.எம்.இக்ராம், சம்மாந்துறை பிரதேச சபை உறுப்பினர்கள், சம்மாந்துறை அல் உஸ்வா உயிர் காப்பு படையினர் மற்றும் பொதுமக்கள் என பலரும் கலந்து கொண்டனர்.

SAMMANTHURAI NEWS

02/11/2025

02/11/2025

10/10/2025

14/09/2025

09/09/2025

03/09/2025

29/08/2025

28/08/2025

23/08/2025

16/08/2025

Address

Telephone

Website

Alerts

Contact The Business

Shortcuts

Share

Category