12/10/2025
අද කතා කරන්නෙ Self Care tips ටිකක් ගැන.
අපි ඕනම කෙනෙක්ට හැම දවසක ම මානසිකව වගේ ම චිත්තවේගීයවත් සෞක්‍යය පෝෂණය කරන්න මේ self care එහෙමත් නැත්නම් අපි කියනවා අපි අපිට ම සත්කාර කරගන්න පුරුදු ඕනි වෙනවා..
ඉතින් අපිට පුළුවන් වෙන්න ඕනි සරල දේවලින් සතුට හොයාගන්න.
මොනවද මේ simple self care tips?
1.අලුත් කෑමක් හදන්න.
2.ඔයාට කැමති විදියේ චිත්‍රයක් අඳින්න එහෙම නැත්නම් පාට කරන්න.
3.ඔයා වැඩක නිරත වෙනවා නං podcast එකක් අහන්න.
4.එක වරකට එක පොඩි වැඩක් විදියට වැඩ කරන්න.
මේ විදියේ දේවල් වලින් ඔයාගේ මනස සන්සුන් වෙනවා.අවධානය තියාගෙන සාර්ථකව සතුටින් කරන්න පුළුවන් වෙනවා.අවසානයේ ඔයාගෙ හිතට සතුටක් ලැබෙනවා.
5.ඔයා ඔයාට ම කණ්ණාඩියෙන් කතා කරන්න.ඔයා ගැන හොද ඔයා කණ්ණාඩියට කියන්න.
6.ඔයාට බැරි දෙයක් නම් අනවශ්‍ය දෙයක් නම් දෙවරක් නොසිතා බෑ කියන්න.එපා කියන්න.ඒක වරදක් කියල හිතන්න එපා.
7.ඔයා ඔයාටම ආදරණීය ලියුමක් ලියන්න.
මේ දේවල් වලින් ඔයා ඔයාට කරුණාවන්ත සහ ආදරණීය කෙනෙක් වෙනවා.ඔයා ගැන ඔයාටම ආත්ම අභිමානයක් ඇතිවෙනවා.ආතතිය අඩුවෙනවා.
8.ඔයා කැමති සිංදුවක් අහන්න
9.හවසක පොඩ්ඩක් ඇවිදින්න යන්න.
10.පැළවලට සාත්තු කරන්න.
11.සිංදුවක් දාගෙන පොඩ්ඩක් නටන්න.
12.උදේ තේක නිදහසේ බොන්න
13.ජර්නල් ලියන්න.
14.දවසේ ලැබුණු පුංචි සතුටු දේකට වුණත් ස්තූතිවන්ත වෙන්න.
15.ඔයා ඔයාගෙ පුංචි ජයග්‍රහණයක් වුණත් සමරන්න.
මේ හැමදේකින් ම ඔයාට ධනාත්මකව ජීවිතය ගෙවන්න උදව් වෙනවා.
ඔයා තුළ තියෙන අනවශ්‍ය ආතතිය නිදහස් වෙලා හිත සන්සුන් වෙනවා.ඔයා ඔයා ගැන ම හොද දේවල් හිතන නිසා ම ඔයාගෙ වටිනාකම වැඩිවෙනවා.
අතීතය අමතක කරලා අනාගතය ගැන වද නොවි වර්තමානයේ සතුටින් ජීවත් වෙන්න උදව් වෙනවා.
ඉතින් මේ ලිපිය ඔයාට වැදගත් වුණා නම් ඒ ගැන කියන්න.අපි අම්මල විදියට සතුටින් ඉන්නයි මේ හැමදේම කරන්න ඕනි.
අම්මෙක් කියන්නෙ හැමදේම අමතක කරන්න ඕනි කෙනෙක් නෙවි
ස්තූතියි.
-කෞශල්‍යා පෙරේරා-
