01/09/2026
இளம் ஊடகவியலாளரின் சமூகப் பணிக்கு ‘Best Young Journalist Award – 2026’! 🏆
இளவயதிலேயே ஊடகத்துறையில் செய்திச் சேவையாற்றி வருவதுடன், சுற்றுச்சூழல் பாதுகாப்பு மற்றும் சமூக விழிப்புணர்வு நடவடிக்கைகளிலும் ஈடுபட்டு வரும் இளம் ஊடகவியலாளர் மின்மினி மின்ஹாவுக்கு, ‘Best Young Journalist Award – 2026’ விருது வழங்கி கௌரவிக்கப்பட்டுள்ளது.
தமிழ் லெட்டர் இணையத்தளத்தின் 10ஆவது வருட நிறைவு விழா, அக்கரைப்பற்று மாநகர சபையின் ஹல்லாஜ் மண்டபத்தில் நடைபெற்றது.
தமிழ் லெட்டர் ஸ்தாபகர் சிரேஷ்ட ஊடகவியலாளர் ஏ.எல். றமீஸ் நெறிப்படுத்தலில், சிரேஷ்ட ஊடகவியலாளர் எம்.ஐ.எம். றியாஸ் தலைமையில் நடைபெற்ற நிகழ்வில், தேசிய காங்கிரஸ் தேசிய தலைவர், முன்னாள் அமைச்சர் மற்றும் அக்கரைப்பற்று மாநகர சபை மேயர் ஏ.எல்.எம். அதாஉல்லாஹ், மின்மினி மின்ஹாவுக்கு பதக்கம் அணிவித்து விருதை வழங்கினார்.
இளம் வயதிலேயே ஊடகப் பணியுடன் சமூக மற்றும் சுற்றுச்சூழல் பாதுகாப்பு நடவடிக்கைகளில் அவர் ஆற்றிவரும் பங்களிப்பை பாராட்டும் வகையில் இந்த விருது வழங்கப்பட்டதாக தெரிவிக்கப்பட்டது.
நிகழ்வில் முன்னாள் இராஜாங்க அமைச்சர் சட்டத்தரணி எஸ்.எம்.எம். முஷாரப் முதுநபீன் உள்ளிட்ட அரசியல் பிரதிநிதிகள், உள்ளூராட்சி உறுப்பினர்கள், வைத்தியர்கள், கல்வியாளர்கள், ஊடகவியலாளர்கள் மற்றும் பல்வேறு துறை சார்ந்த முக்கியஸ்தர்கள் கலந்துகொண்டனர்.
தமிழ் லெட்டர் இணையத்தளத்தின் 10ஆவது வருட பூர்த்தியை முன்னிட்டு, பல்வேறு துறைகளில் சிறப்பாகப் பணியாற்றி வரும் 20 முக்கியஸ்தர்கள் இதன்போது கௌரவிக்கப்பட்டனர். voice செய்திப் பிரிவின் சம்மாந்துறை செய்தியாளரான #மின்ஹாவுக்கு எமது செய்திப் பிரிவின் சார்பாகவும் வாழ்த்துக்களை தெரிவித்துக் கொள்கின்றோம்.
👏 இளம் ஊடகவியலாளரின் சமூகப் பணிக்கு கிடைத்த இந்த அங்கீகாரத்திற்கு வாழ்த்துக்கள்!
