23/08/2026
GR plaza Grand Opening. ...Srilanka Trincomalee.
குதூகலமாக கொண்டாடப்பட்ட GR Plaza
வின் பிரமாண்டமான திறப்புவிழா!!
திருகோணமலையில் வாழ்கின்ற மற்றும் திருகோணமலையை நோக்கி வருகை தருகின்ற மக்கள் தங்களின் பெரும்பாலான தேவைகளை ஒரே இடத்தில் பெற்றுக் கொள்ளும் முகமாக 68000 சதுரஅடி பரப்பளவில் பல்வேறு வசதிகளைக் கொண்ட GR Plaza இல. 406 பிரதான வீதியில் மிக பிரமாண்டமான முறையில் திறந்து வைக்கப்பட்டுள்ளது.
ஐந்து மாடிகளைக் கொண்ட GR Plaza வானது புதிய தொழில் நுட்பங்களை பயன்படுத்தி இயற்கையான அம்சங்களை உள்ளீர்க்கின்ற வகையிலும் திருகோணமலையின் இயற்கை அழகை ரசிக்கின்ற வகையிலும் அமைக்கப்பட்டுள்ளமை சிறப்பம்சமாகும். இதில் நிலக்கீழ் தளமானது சுமார் 40க்கும் மேற்பட்ட வாகனங்கள் தரித்து நிற்கக்கூடிய வகையில் அமைக்கப்பட்டுள்ளதுடன் கீழ் தளத்தில் பாரிய சுப்பர் மார்க்கட்டும், முதலாம் மாடி மற்றும் இரண்டாம் மாடியில் பிரமாண்டமான 500 பேருக்கு மேற்பட்டோர் இருக்கக்கூடிய மண்டபங்களும் காணப்படுகின்றன. இதில் திருமண நிகழ்;வுகள், பிரமாண்டமான கூட்டங்களை நடத்தக்கூடியவாறு அனைத்து வசதிகளுடனும் இவை அமைக்கப்பட்டுள்ளன.
அதனைத் தொடர்ந்து மூன்றாம் மாடியில் இந்தியாவின் பிரபலமான சேலம் ஆர்ஆர் புரியாணி அமைந்துள்ளது. இது உட்புறமாகவும் வெளிப்புறமாகவும் இருந்து உணவு உண்ணக்கூடிய வகையில் அமைக்கப்பட்டுள்ளதுடன் திருகோணமலையின் மலைகள், கடல்கள், கப்பல்கள் போன்றவற்றை ரசிக்கும் விதத்தில் அமைக்கப்பட்டுள்ளது. இதற்கு மேல் உள்ள நான்காம் மாடியில் பிரமாண்டமான 15 சொகுசு அறைகள் அமைக்கப்பட்டுள்ளன. அதனைத் தொடர்ந்துள்ள மேல் தளத்தில் நீச்சல் தடாகம், சொகுசு அறைகள், மாலைநேர கபே என்பன அமைக்கப்பட்டுள்ளன. திருகோணமலையினுடைய அழகை இங்கிருந்து ரசிக்கக்கூடிய வாய்ப்பு இங்கு கிடைக்கின்றது. குறிப்பாக திருகோணமலையை நோக்கி வருகின்ற சுற்றுலாப்பிரயாணிகளுக்கு இது சிறப்பான அனுபவத்தை வழங்கும் என்பதில் எவ்வித மாற்றுக் கருத்துகளும் இல்லை.
இந்த கட்டமானது திருகோணமலையில் முதன் முறையாக பல புதிய தொழில்நுட்பங்களை பயன்படுத்தி அமைக்கப்பட்டுள்ளது. இதனை பட்டய கட்டட கலைஞரான கீதபொன்கலன் கெனத் வடிவமைத்திருந்தார். கட்டட வேலைகளை கிறேஸ் கன்ஸ்ட்ரக்ஷன் மேற்கொண்டிருந்தது. இங்கிருந்து வெளியேறுகின்ற கழிவு நீரும் சுத்திகரிக்கப்பட்டு தாவரங்களுக்கு பயன்படுத்துகின்ற விதத்தில் கட்டமைப்புகள் மேற்கொள்ளப்பட்டுள்ளன. இதுபோன்ற இயற்கையோடு இயற்கையை நேசிக்கின்ற பல விடயங்கள் உள்வாங்கப்பட்டுள்ளன.
இவற்றைவிட 100க்கும் அதிகமானவர்களுக்கான வேலை வாய்ப்பை இந்த GR Plaza நிறுவனம் வழங்குகிறது. இதன் மூலம் பல குடும்பங்களின் பொருளாதாரம் கட்டியெழுப்பப்படவுள்ளதோடு திருகோணமலையின் பொருளாதார வளர்ச்சிக்கும் பாரிய பங்களிப்பை வழங்கவுள்ளது. இவற்றின் ஊடாக இலங்கை நாட்டின் பொருளாதாரமும் வளர்ச்சியடையும்.
