Sl News Backup (2025)

29/08/2025

රනිල් වික්‍රමසිංහ හිටපු ජනාධිපතිතුමා රෝහලෙන් පිටව යයි...

28/08/2025

ස්‍යාමෝපාලි වංශික මහා නිකායේ අස්ගිරි පාර්ශවයේ අභිනව අනුනායක ධුරය සඳහා අස්ගිරි විහාර පාර්ශවයේ විංශසත්වර්ගිත කාරක මහා සඟ සභාවේ හිටපු නියෝජ්‍ය ලේඛකාධිකාරී, අස්ගිරි මහාවිහාර මහ පිරිවනේ විශ්‍රාමලත් පරිවේණාධිපති, පල්ලේකැළේ නාලන්දා බෞද්ධ විද්‍යාලයේ අධ්‍යක්ෂ,
ශාස්ත්‍රපති, අතිගෞරවාර්හ නාරම්පනාවේ ආනන්ද නාහිමියන් පත්කර තිබේ. ඒ අස්ගිරි මහා විහාරීය අතිගෞරවාර්හ මහානායක මාහිමිපාණන් වහන්සේගේ ප්‍රධානත්වයෙන් පැවැති නිලවරණයේ දී ය. අස්ගිරි පාර්ශවයේ අනුනායක ධුරය සඳහා පුරප්පාඩු වූ තනතුර සඳහා වන නිලවරණ අද (28) පස්වරු 3.30 ට මහනුවර අස්ගිරි මහා විහාරීය මංගල උපොසථගාරයේ දී පැවැත්වුණා. අතිපූජ්‍ය ආණමඩුවේ ධම්මදස්සි නාහිමියන්ගේ අපවත්වීමෙන් පසු එම ධුරය පුරප්පාඩු වූ අතර, ඒ සඳහා වන නිලවරණය මෙලෙස පැවැත්විණි.

28/08/2025

ඉන්දුනීසියාවේදී අත්අඩංගුවට ගත් කෙහෙල්බද්දර පද්මේ, කමාන්ඩෝ සලින්ත, පානදුරේ නිලංග, බැකෝ සමන් සහ තැඹිලි ළහිරු යන අන්වර්ථ නාමයන්ගෙන් හඳුන්වාගන්නා අපරාධ කල්ලි සාමාජිකයින් පිරිසගේ චායාරූප

27/08/2025

කුලියාපිටිය විල්පොල පාලම අසලදී පාසල් වෑන් රථයක් සහා වැලි පිරවූ ටිපර් රථයක් මුහුණට මුහුණ ගැටීමෙන් අද(27) උදෑසන සිදුවූ අනතුරකින් පාසල් දරුවන් දෙදෙනෙක් ඇතුළු තිදෙනකු ජීවිතක්ෂයට පත්ව තවත් කිහිපදෙනෙකු බරපතළ තුවාල ලබා රෝහල් ගත කෙරුනා. #

26/08/2025

හිටපු ජනපති රනිල් වික්‍රමසිංහ ඇප මත මුදාහැරෙයි.

28/07/2025

බොරැල්ලේ රිය අනතුරක් - අයෙක් මරුට

28/07/2025

බොරැල්ල ප්‍රදේශය සිදු වූ රිය අනතුරක් හේතුවෙන් ඒ අවට රථවාහන තදබදයක්

27/07/2025

නව අගවිනිසුරු ලෙස ප්‍රීති පද්මන් සූරසේන මහතා දිවුරුම් දෙයි

ශ්‍රේෂ්ඨාධිකරණයේ ජ්‍යෙෂ්ඨතම විනිසුරු ප්‍රීති පද්මන් සූරසේන මහතා අද (27) පෙරවරුවේ ජනාධිපති කාර්යාලයේදී ශ්‍රී ලංකාවේ නව අගවිනිසුරුවරයා ලෙස ජනාධිපති අනුර කුමාර දිසානායක මහතා ඉදිරියේ දිවුරුම් දුන්නේය.

ප්‍රීති පද්මන් සූරසේන මහතා මෙරට 49 වන අගවිනිසුරුවරයා වෙයි.

අගවිනිසුරු මුර්දු නිරූපා බිඳුෂිණි ප්‍රනාන්දු මහත්මිය විශ්‍රාම යාමෙන් පසු පුරප්පාඩු වූ ධුරය සඳහා ප්‍රීති පද්මන් සූරසේන මහතාගේ නම ව්‍යවස්ථා සභාව විසින් පසුගියදා අනුමත කරන ලදී.

1989 වසරේ නීතිඥවරයකු වශයෙන් දිවුරුම් දුන් ප්‍රීති පද්මන් සූරසේන මහතා, ඉන් අනතුරුව නීතිපති දෙපාර්තමේන්තුවට එක්ව රජයේ නීතිඥවරයකු ලෙස සේවය කළ අතර 2007 වසරේදී මහාධිකරණ විනිසුරුවරයකු ලෙස පත් විය.

2016 වසරේදී අභියාචනාධිකරණ විනිසුරු ධුරයට පත් වූ ඔහු 2018 වසරේ අභියාචනාධිකරණයේ සභාපති විනිසුරුවරයා වශයෙන් පත් වූ අතර 2019 වසරේ ශ්‍රේෂ්ඨාධිකරණ විනිසුරුවරයකු වශයෙන් පත් විය.

එතැන් පටන් මේ දක්වා ශ්‍රේෂ්ඨාධිකරණ විනිසුරුවරයකු වශයෙන් කටයුතු කරන ප්‍රීති පද්මන් සූරසේන මහතා හිටපු අගවිනිසුරු මුර්දු නිරූපා බිඳුෂිණි ප්‍රනාන්දු මහත්මියගෙන් පසුව සිටින ජ්‍යෙෂ්ඨතම ශ්‍රේෂ්ඨාධිකරණ විනිසුරුවරයා වේ.

ජනාධිපති මාධ්‍ය අංශය

25/07/2025

ශ්‍රී ලංකා පොදුජන පෙරමුණේ ආසන සංවිධායක ධූර පිරිනැමීම බත්තරමුල්ල නෙළුම් මාවත පක්ෂ කාර්‍යාලයේදී අද දින සිදු කෙරිණි. ඒ අනුව,

- මොහාන් ද සිල්වා මහතා - රජ්ගම ආසනය

- චමරි ප්‍රියංකා මහත්මිය - ආණමඩුව ආසනය

- සංජීව එදිරිමාන්න මහතා - මතුගම ආසනය

- චානක මදුගොඩ මහතා - අක්මීමන ආසනය

- ඉසුරු දොඩංගොඩ මහතා - බද්දේගම ආසනය

- ඩබ්ලිව්. ඩී වීරසිංහ මහතා - අම්පාර ආසනය

- ලලිත් වර්ණකුමාර මහතා - බණ්ඩාරගම ආසනය

- ප්‍රේමලාල් ජයසේකර මහතා - නිවිතිගල ආසනය

යන අය ආසන සංවිධායක ධූර ලබා ගත් අතර අපගේ දේශපාලන ප්‍රතිපත්ති අනුව කටයුතු කරමින් ජනතාව සමඟ සාර්ථක ගමන්මගක් ගෙන යාම සඳහා ඔවුන් වෙත මාගේ හෘදයාංගම සුබ පැතුම් එක් කරමි.

25/07/2025

මෙරට මුහුදු තීරයේදී එක්ස්ප්‍රස් පර්ල් නෞකාව ගිනිගැනීමෙන් සිදු වූ සමුද්‍රීය පරිසර හා ආර්ථික හානිය වෙනුවෙන් ඩොලර් බිලියනයක වන්දි ගෙවන්නැයි, නෞකා සමාගමට ශ්‍රේෂ්ඨාධිකරණයෙන් නියෝග.

23/07/2025

*රජයක් හැටියට අපි මූලිකවම සුබසාධනය සැලසිය යුත්තේ මහජනතාවට ද නිළධාරීන්ට ද?..*
# # # # # # # # # # # # # #
නියෝජ්‍ය අමාත්‍ය ප්‍රසන්න ගුණසේන මහතා විමසයි.

"ආර්ථික, සමාජීය, දේශපාලන සංස්කෘතික පරිවර්ථනයක් සඳහා තමයි අපි පෙනී සිටින්නේ. සමාජය පරිවර්තනය කරන්න ඕන කිව්වට, පරිවර්තනය තමන් ළඟට එනකොට, අඩිය පස්සට ගන්න පිරිසක් එක්ක කොහොම ද අපි පරිවර්ථනයක් කරන්නේ? අනිත් අය සමග System change කරන්න කතා කළාට, තමන් ළඟට එද්දි කකුල පස්සට ගන්නවා. අපට හිමිවුණු බහුතර ආණ්ඩු බලය යොදවලා, රාජ්‍ය බලය හොබවන, පහුගිය දේශපාලන අතකොළු වුන සුළුතරයකගේ බලය බිමට සමතලා කරලා, අවශ්‍ය ජනතා බලය වෙනුවෙන් පෙනීසිටීමක් තමයි අද මේ අපි සිදු කරන්නේ. අපිy මූලිකව තේරුම්ගත යුතු කරුණ තමයි, ප්‍රථමයෙන් සුබසාධනය සැළසිය යුත්තේ මහජනතාවට ද නිලධාරීන්ට ද යන වග"
යැයි ප්‍රවාහන හා මහාමාර්ග නියෝජ්‍ය අමාත්‍ය ප්‍රසන්න ගුණසේන මහතා අවධාරණය කරයි.
මීමුරේ ජනතාවගේ ප්‍රවාහන පහසුකම් විධිමත් කිරීමේ මූලික අරමුණෙන්, ශ්‍රී ලංකා ගමනා ගමන මණ්ඩලයේ ප්‍රධාන කාර්යාලයේ තිබූ බස් රථයක් මීමුරය ප්‍රදේශයට ලබාදීමේ අවස්ථාවට එක්වෙමින්, නියෝජ්‍ය අමාත්‍ය ප්‍රසන්න ගුණසේන මහතා මෙම අදහස් පළ කළේය.
2021 වසරේදී ප්‍රසම්පාදන කටයුතු සිදුකර, මීමුරේ ජනතාවගේ ප්‍රවාහන පහසුකම් වෙනුවෙන් ලබාගත් බස් රථ දෙකෙන් එක් බස් රථයක් පමණක් ඒ සඳහා යොදවා ඇති අතර අනෙක් බස් රථය මේ දක්වා ශ්‍රී ලංගම ප්‍රධාන කාර්යාලයේ සුබසාධන කටයුතු වෙනුවෙන් යොදාගෙන තිබේ. ප්‍රවාහන නියෝජ්‍ය අමාත්‍ය ප්‍රසන්න ගුණසේන මහතාගේ මැදිහත්වීමෙන් අද දින එම බස් රථයද මීමුරේ ජනතාවට ලබාදීමට හැකිවිය.
මෙහිදී වැඩිදුරටත් මාධ්‍යයට අදහස් දැක්වූ නියෝජ්‍ය අමාත්‍ය ප්‍රසන්න ගුණසේන මහතා ....,

"සුළු පිරිසක් පසුගිය කාලේ ලොකු උද්ඝෝෂණයක් කළා මේ බස් එක මීමුරේට දෙන්න බැහැ කියලා. නමුත් අද වනවිට ඒ සියලු බලපෑම්, බලවේග යටපත් වෙලා තිබෙනවා. මී මුරේ කියන්නේ රක්ෂිතයක් මැදින් ගමන්කළ යුතු ගම්මානයක්. සාමාන්‍ය ධාවනයේ යොදවන සියලුම බස් රථ එම පටු මාවත් වල ගමන් කරන්න අපහසුයි. ඒ නිසා තමයි ඒ වෙනුවෙන් වෙනම බස් රථ දෙකක් ගෙනත් තිබෙන්නේ. ඒ බස් රථ දෙකෙන් එකක් පමණක් මීමුරේට දීලා. අනෙක මේ දක්වාම කොළඹ රඳවගෙන තිබුණා. තනි බස් රථයක් සේවයේ යෙදවීමෙන් නිතර නිතර එම බසය කාර්මික දේෂයන්ට ලක්වෙනවා. ඒ තුළින් මීමුරේ ජනතාවගේ ප්‍රවාහන අවශ්‍යතා වලට විශාල බාධාවක් වෙලා තිබෙනවා. ජාතික ආර්ථිකයේ පංගුකාරයන් වෙන්න රටේ හැමෝම බලාපොරොත්තු වෙනවා. ඒ දායකත්වය සෑම ප්‍රදේශයකින්ම සමාන කරන්න බැරි වුණත්, යම් මට්ටමක හෝ දායකත්වයක් දිවයිනේ සෑම ප්‍රදේශයකින්ම ලබාගන්න නම්, මහාමාර්ග හා ප්‍ර වාහනය තිබිය යුතුමයි. ඒ සඳහා ගමේ ජනතාව ගමෙන් එළියට ගන්නම ඕන. එහෙම නැතිව අපි බලාපොරොත්තුවෙන සංවර්ධනය රටට, ජනතාවට ළඟාකරගන්න බැහැ. මීමුරේ පමණක් නොවෙයි, ලංකාවේ පවතින තවත් මෙවැනි දුෂ්කර ප්‍රදේශයන් කෙරෙහි ද ප්‍රවාහනය වෙනුවෙන් අපේ විශේෂ අවධානයක් යොමුකළ යුතුයි" යැයි පැවසීය.

මෙම අවස්ථාවට මහනුවර දිස්ත්‍රික් පාර්ලිමේන්තු මන්ත්‍රී බී.එම්. බස්නායක, ශ්‍රී ලංකා ගමනා ගමන මණ්ඩලයේ සභාපති ජීවක පුරසිංහ යන මහත්වරුන් ප්‍රමුඛ ආයතනයේ ජ්‍යෙෂ්ඨ නිලධාරීන් පිරිසක් එක්වූහ.

23/07/2025

මාරවිල, වික්‍රමසිංහ මාවත, මැද නාත්තන්ඩිය, නාත්තන්ඩිය ලිපිනයේ පදිංචි එදිරිසිංහ ආරච්චිලාගේ වසන්ති චතුරානි නමැති 39 හැවිරිදි කාන්තාව සහ ඇගේ වයස අවුරුදු 10ක පිරිමි දරුවා මෙම වෙඩි ප්‍රහාරයට ඊයේ (22) ලක්ව තිබෙනවා.

ත්‍රී රෝද රථයකින් ඇයගේ මවගේ නිවසට පැමිණි ඔවුන් මවගේ නිවස ඉදිරිපිට ත්‍රිරෝද රථය නවත්වනවාත් සමඟම පිටුපසින් ඩියෝ වර්ගයේ යතුරුපැදියකින් පැමිණි හෙල්මට් සහ ජැකට් දමාගත් දෙදෙනෙකු විසින් වෙඩි තබා පලා ගොස් ඇත.

මෙම වෙඩි ප්‍රහාරයෙන් කාන්තාවගේ හිසට බරපතල තුවාල සිදුවී ඇති අතර මාරවිල මූලික රෝහලට ඇතුළත් කිරීමේදී මියගොස් ඇත.

ඇය සමග පැමිණි දරුවාගේ දකුණු පාදයේ කලවා ප්‍රදේශයට එක් වෙඩි පහරක් වැදී ඇත.

Sl News Backup

29/08/2025

28/08/2025

28/08/2025

27/08/2025

26/08/2025

28/07/2025

28/07/2025

27/07/2025

25/07/2025

25/07/2025

23/07/2025

23/07/2025

Address

Website

Alerts

Contact The Business

Shortcuts

Share