01/05/2024
හැමෝම කොල්ලෝ වගේ ඉඳලා ටිකෙන් ටික වයසට ගිහිල්ලා වැඩිහිටියෙක් වෙනවා කියන්නේ මොනතරම් දුකක්ද...
මම බඩු ටිකක් ගන්න සුපර් මාර්කට් එක ඇතුළට ගිහිල්ලා බඩු ටිකක් ගන්නකොට තමයි තේරුණේ මගේ කාර් එකේ යතුර සාක්කුවේ නෑ කියලා... අතේ තියාගෙන හිටියා වගේ මතකෙකුත් තිබුණා... මම ආයෙත් තක්කාලි, අර්තාපල් සහ අතපත ගාපු හැම රාක්කවල ගිහින් බැළුවත් ඒ කිසිම තැනක යතුර සොයාගන්න තිබුණේ නෑ...
ඊට පස්සේ එක පාරටම මට තේරුණා... ඒක කාර් එක ඇතුළේ යතුරු කටේ දාලා ආවා නේද කියලා... මළ හොන්ඩරයයි... යතුර එහෙම ඇතුළේ තියෙනවා මොකෙක් හරි දැක්කොත් කාර් එක උස්සන්නත් පුළුවන්... මම අධිවේගෙන්, ඉක්මණින් කාර්පාක් එකට ගියා... හිතපු විදියටම බඩු බනිස් වෙලා... කාර් එක පාක් එකේ තිබුණේ නෑ...
මම දඩිබිඩි ගාලා 119 ගහලා පොලිසියට කතා කරා... මම ඉන්න තැන... කාර් එකේ විස්තර... බලපත්‍ර අංකය... මේ හැම දෙයක්ම කියලා යතුර අමතක වෙලා ඇතුළේ දාලා ආව නිසා තමයි මෙහෙම උනේ කියලා පොඩි පාපොච්චාරණයකුත් කරා...
ඊට පස්සේ තමයි ජීවිතේ අමාරුම හරිය... මම තටමලා... තටමලා ගෙදර උන්දැට කෝල් එකක් ගත්තා...
"Daaarling....."(මගේ කටහඬ ඒ වෙනකොටත් වෙව්ලනවා...) මම තටම තටමා කියන්න පටන් ගත්තා... "මම යතුර කාර් එකේ දාලා ගිහිල්ලා... දැන් යතුරත් නෑ... කාර් එකත් නෑ... ඒක මොකෙක් හරි උස්සගෙන ගිහිල්ලා..."
ඒක කිව්වා විතරයි දෙන්නා අතර දිගු නිහැඬියාවක්... ඊට පස්සේ එයා කෑගහන්න පටන් ගත්තා... "මට සැලෝන් එකට යන්න තියෙන නිසා මම ඔහේව සුපර් මාර්කට් එකෙන් බස්සලා ගියා ඔහේට මතක නැද්ද... මන්ඳබුද්ධිකයා... මෝඩයා..." සහ තව සත්තුන්ගේ නම් කෝටියයි...
විලි ලැජ්ජාවේ සන්තෝසේ බැරුවා... කාර් එක තියෙනවා කියලා දැනගත්ත සතුට නිසා සත්තුන්ගේ නම් කොහොම වෙතත්...
"අනේ... කොච්චර හොඳද... ! ඉතින් ඔයා දැන් එනවද මාව පික් කරන්න..." කියලා එයාගෙන් ඇහුවා...
කිසිම හේතුවක් නැතුව එයා ආයෙත් කෑගහන්න පටන් ගත්තා...
"මට දැන් එන්න බෑ මෝඩයෝ... මම දැන් ඉන්නේ පොලිසියේ... ඉන්න තැනකින් ලෝයර් කෙනෙකුත් හොයාගෙන පොලීසියට එනවා... ඇවිල්ලා තමුසෙගේ ඔය තොරණේ විස්තරේ පොලීසියට කියලා මම කාර් එක හොරකම් කරේ නෑ කියලා ඔප්පු කරලා මට ඇප අරගෙන දෙනවා... මේ කොණ්ඩෙට දාපු ඩයි ටික ගල්වෙන්න කළින්..."
Copied
