Daladawaththa Media Unit - DMU

01/06/2026

01/06/2026

29/05/2026

වාද්දුව තල්පිටිය දළදාවත්ත පුරාණ මහා විහාරස්ථ ශ්‍රී රේවත දහම්පාසල් වාර්ෂික ත්‍යාග සහ සහතික පත් ප්‍රධානය කිරීම මැයි මස 10 දින සිදු කෙරිණි.

26/05/2026

දළදාවත්ත පුරාණ මහා විහාරය
තල්පිටිය

ඵෙතිහාසික සිත්තම්ගල්ලෙන රජමහා විහාරාධිපති මහාවිහාර වංශික ශ්‍යාමෝපාලී මහා නිකායේ ශ්‍රී රෝහණ පාර්ශවයේ මහා නායක අති පූජ්‍ය අගලබඩ පියසිරි මහා ස්වාමිපාදයානන් වහන්සේගේ අපවත්වීම පිළිබඳව අසා අප මහත් සංවේගයට පත්වීමු.
සිංහල බෞද්ධ ජනයාගේ මුදුන් මල් කඩවූ ශ්‍රී දන්ත ධාතූන් වහන්සේ එදා ⁣ඵෙතිහාසික දෙල්ගමුව විහාරයට වැඩම කරන අතරතුර ආරක්ෂාව සැපයූ පූණ්‍ය භුමි ලෙස සිත්තම්ගල්ලෙන රජ මහා විහාරයත්, වාද්දුව තල්පිටිය දළදාවත්ත පුරාණ මහා විහාරයත් අතර ඇති ශතවර්ෂාධික ඵෙතිහාසික තොරතුරු වල සම්බන්ධතාවය තවදුරටත් උද්දීපනය කරමින් ශක්තිමත්ව පවත්වාගන්නට අපවත්වී වදාළ නායක මාහිමිපානන් වහන්සේ වර්තමානයේ දැක්වූ උනන්දුව සහ කැපවීම මේ මොහොතේ සිහිපත් කරන්නේ අතිමහත් ගෞරවයෙනි. එම කැපවීම සහ උනන්දුව තවදුරටත් සපථ කරමින් මෙම මස 24 දින අප විහාරස්ථානයේ පැවැත්වෙන අපවත්වී වදාළ අති ගෞරවණීය තල්වත්තේ ඉන්ද්‍රජෝති නායක මාහිමියන්ගේ වාර්ෂික ගුණානුස්මරන පිංකමෙහි සාංඝික දානමය පිංකමට වැඩම කරවීමට උන්වහන්සේට කල ආරාධනය අප කෙරෙහි මහත් කරුණාවෙන් පිළිගත් බව මෙහිදී සඳහන් කරන්නේ පුණ්‍යානුමෝදනා ස්තුති පූර්වකවය.
උන්වන්සේගේ අපවත්වීම අප විහාරස්ථානයටත්, සමස්ථයක් ලෙස ශාසනයටත්, රටටත් පිරිමැසිය නොහැකි පාඩුවක් වනු නොඅනුමානය.
අපවත්වී වදාළ උන්වන්සේ වෙනුවෙන් වාද්දුව තල්පිටිය දළදාවත්ත මහා විහාරස්ථානයේ සහ එහි විහාරකාර්ය සාධක සමිතිය ඇතුළු සියළුම සංවිධානවල බලවත් සංවේගය පළකරන අතර උන්වහන්සේට උතුම්වූ නිර්වාණ සම්පත්තිය ලැබේවා ! යි ප්‍රාර්ථනා කරමු.

ශ්‍රාස්ත්‍රපති තල්පිටියේ චන්දරතන නායක ස්ථවිර
සියම් මහා නිකායේ මල්වතුපාර්ශවයේ පානදුර තොටමුණු බද රයිගම් කෝරළයේ ප්‍රධාන සංඝනායක, විශ්‍රාමලත් පරිවේනාධිපති,
විහාරධිපති, දළදාවත්ත පුරාණ මහා විහාරය, තල්පිටිය, වාද්දුව.

15/04/2026

ඉපැරණි උලුවස්ස නිමිති කොටගෙන නිමැවුණු පිරිත් මණ්ඩපය 🙏

වාද්දුව තල්පිටිය දළදාවත්ත පුරාණ මහා විහාරස්ථානයේ වැඩසිට අපවත්වී වදාල අලව්වේ ශ්‍රී රේවතාභිධාන නායක ස්වාමීන් වහන්සේ වැඩවාසය කල සමයෙහි බෙහෙත් ගේ නමින් හැඳින් වුනු ගෘහයේ සවිකොට තිබූ පැරණි උලුවස්ස ප්‍රතිසංස්කරණය කර එම උලුවස්ස භාවිතා කරමින් ව්‍යාපාරික සුනිල් ෆොන්සේකා මහාතාගේ දායකත්වයෙන් යුතුව ඉදිකළ නව පිරිත් මණ්ඩපය බුද්ධ වර්ශ 2569 වූ බක් මස පසලොස්වන දින (15) එනම් රාජ්‍ය වර්ශයෙන් 2026 වූ අප්‍රේල් මස 15 දින එළඹුණු සුභ මොහොතින් විවෘත කල අවස්ථාව

📷 CHATHURA ANURADHA SUBASINGHE
දළදාවත්ත මාධ්‍ය ඒකකය

15/04/2026

හිසතෙල් ගෑමේ පුණ්‍යෝත්සවය

බුද්ධ වර්ශ 2569 වූ බක් මස පසලොස්වන දින (15) එනම් රාජ්‍ය වර්ශයෙන් 2026 වූ අප්‍රේල් මස 15 දින පූර්ව භාග 06.55ට යෙදුනු සුභ මුහුර්ථයෙන් හිසතෙල් ගෑමේ චාරිත්‍රය වාද්දුව තල්පිටිය දළදාවත්ත පුරාණ මහා විහාරස්ථානයේදී, පානදුර තොටමුණ බද රයිගම් කෝරළයේ ප්‍රධාන සංඝ නායක, ප්‍රවචන කීර්ති ශ්‍රී ඉන්ද්‍රජෝත්‍යාභිධාන, විශ්‍රාමික පරිවේනාධීපති, දළදාවත්ත පුරාණ මහා විහාරාධීපති, පූජ්‍යපාද තල්පිටියේ චන්දරතන නාහිමියන්ගේ මූලිකත්වයෙන් සහ දළදාවත්ත පුරාණ මහා විහාරවාසී ගෞරවනීය ස්වාමීන්වහන්සේලාගෙ සහභාගීත්වයෙන් පුරාණ චාරිත්‍රානුකූලව සිදුකෙරිනි.

📷 CHATHURA ANURADHA SUBASINGHE
දළදාවත්ත මාධ්‍ය ඒකකය

14/04/2026

ලැබුවා වූ සිංහල හින්දු අලුත් අවුරුද්ද ඔබ සැමට සාමය සතුට සෞභාග්‍යය සපිරි සුබ අලුත් අවුරුද්දක් වේවා !

දළදාවත්ත මාධ්‍ය ඒකකය.
Daladawaththa Media Unit.

15/03/2026

🙏 ඓතිහාසික දළදාවත්ත පුරාණ මහා විහාර පුදබිම 🙏

Daladawaththa Media Unit
දළදාවත්ත මාධ්‍ය ඒකකය

04/02/2026

අද දින ස්වකීය පුණ්‍යවන්ත දිවියෙහි ජන්ම දිනය සිහිපත් කරන, ශ්‍යාමෝපාලී වංශික මහා නිකායේ රාජපූජිත මල්වතු මහා විහාර පාර්ශවයේ පාණදුරා තොටමුණු බද රයිගම් කෝරලයේ ප්‍රධාන සංඝනායක, ප්‍රවචන කීර්ති ශ්‍රී ඉන්ද්‍රජෝත්‍යාභිධාන, විශ්‍රාමික පරිවේනාධීපති, ශ්‍රී රේවත දහම්පාසල් ප්‍රධානාචාර්ය, ශාස්ත්‍රපති, වාද්දුව තල්පිටිය දළදාවත්ත පුරාණ මහා විහාරාධීපති, පූජ්‍ය තල්පිටියේ චන්දරතනාභිධාන නායක ස්වාමීන්ද්‍රයන් වහන්සේට, තවත් ශතවර්ෂාධික කාලයක් ලෝක ශාසනික සංරක්ෂණයෙහි නිරතවන්නට, උතුම් රතනත්‍රයාශිර්වාදයෙන් නිදුක් නිරෝගී චිර ජීවනයත්, කායික හා මානසික සුවතාවත් සැලසේවායි ප්‍රාර්ථනා කරමින් අළුත්කුරු පරණකුරු දෙකෝරළයේ ප්‍රධාන සංඝනායක, ගණේමුල්ල දම්තිලින මහා විහාරාධිපති, පූජ්‍යපාද තල්පිටියේ කෝලිතවංස නායක ස්වාමීන්වහන්සේගේ වැඩමවීමෙන් සිදුකරන්නට යෙදුණු බෝධි පූජා පිංකම.

දළදාවත්ත මාධ්‍ය ඒකකය | Daladawaththa Media Unit
දළදාවත්ත පුරාණ මහා විහාරය, තල්පිටිය.