https://www.facebook.com/106028817971618/

Gamana, Wattala (2025)

18/07/2024

⭕ Gamana News Alert
ඥනසාර හිමියන්ට ඇප...👇

බරපතල වැඩ සහිත වසර 4ක සිරදඬුවම් නියම වී සිටි, පූජ්‍ය ගලගොඩඅත්තේ ඥානසාර හිමියන් ඇප මත මුදා හැරීමට අභියාචනාධිකරණයෙන් නියෝග.

18/07/2024

⭕ Gamana News Alert
හිටපු නගරාධිපති තුෂාර සංජීවගෙ දඬුවම ලිහිල් කෙරේ....👇

කුරුණෑගල බුවනෙකබා රාජසභා ගොඩනැගිල්ල කඩා ඉවත් කළ සිද්ධියට අදාලව වසර 3ක සිර දඬුවම් නියමවී සිටි හිටපු නගරාධිපති තුෂාර සංජීව ඇතුළු විත්තිකරුවන්ගේ දඬුවම වසරක් දක්වා අඩු කිරීමට අභියාචනාධිකරණයෙන් නියෝග.

09/07/2024

⭕ Gamana News Alert
හදිසි දුම්රිය වර්ජනයක්. වර්ජනය කලොත් වැඩ වරදින බව ප්‍රවාහන අමාත්‍යංශය කියයි...👇

අද (09) මධ්‍යම රාත්‍රියේ සිට ක්‍රියාත්මක වන පරිදි දුම්රිය ස්ථානාධිපතිවරුන් සහ දුම්රිය පාලකවරුන් හදිසි වර්ජනයක් කැඳ වූ බව දුම්රිය ස්ථානාධිපතිවරුන්ගේ සංගමයේ සභාපති සුමේධ සෝමරත්න පවසනවා.

එම වර්ජනය හේතුවෙන් කොළඹ කොටුවේ සිට බදුල්ල, ත්‍රිකුණාමලය, මඩකලපුව, රඹුක්කන දක්වා සහ එම ස්ථානවල සිට කොළඹ කොටුව දක්වා ධාවනය වන රාත්‍රී තැපැල් දුම්රිය සහ අනෙකුත් දුම්රියයන් අවලංගු කෙරේ.

සිය ඉල්ලීම් වලට මෙතෙක් විසඳුම් නොදීමට විරෝධය පළකරමින් මෙලෙස දුම්රිය ස්ථානාධිපතිවරුන් විසින් මෙම වැඩවර්ජනය අරම්භ කර තිබෙනවා.

මේ අතර ප්‍රවාහනය අත්‍යවශ්‍ය සේවාවක් බැවින් හදිසි වැඩ වර්ජන නීති විරෝධී වන අතර සේවයට වාර්තා නොකරන දුම්රිය සේවකයන්ට විනයානුකූල පියවර ගන්නා බව ප්‍රවාහන අමාත්‍යංශ ලේකම් පවසයි.

09/07/2024

⭕ Gamana News (Update)
ටැටූ ආයතනයේ හිමිකරු සියල්ල වමාරයි. ඝාතනයේ වගකීම KPI හෙවත් කන්ජිපානී ඉම්රාන් බාර ගනී...👇

ක්ලබ් වසන්ත සම්බන්ධයෙන් විමර්ශන පැවැත් වූ පොලිසිය ටැටූ ආයතනයේ හිමිකරු අත්අඩංගුවට ගෙන ප්‍රශ්න කිරීමේදී හෙළිකර ඇත්තේ ඩුබායි රාජ්‍යයෙන් ලැබුණු කොන්ත්‍රාත්තුවකට අනුව ක්ලබ් වසන්ත තම ආයතනය විවෘත කිරීමේ උත්සවයට කැඳවාගෙන ආ බවයි.

ඒ වෙනුවෙන් ඩුබායි රාජ්‍යයේ සිට ටැටූ ආයතනයේ හිමිකරුගේ බැංකු ගිණුමට රුපියල් දසලක්‍ෂයක් බැරවී තිබූ බව ද විමර්ශනවලින් අනාවරණය වී තිබෙනවා.

“ඩුබායිවලින් ආව කන්ට්‍රෑක්ට් එකට ක්ලබ් වසන්ත මරන්න මං උදව් කළා. ඒ ප්ලෑන් එක අනුව ටැටූ ෂොප් එකේ විවෘත කිරීමේ උත්සවයට වසන්තව ගෙන්නලා එයාව මරන සැලසුම ක්‍රියාත්මක කළා. ඒ වෙනුවෙන් මට ඩුබායිවලින් රුපියල් ලක්‍ෂ 10ක මුදලක් ලැබුණා” යැයි ක්ලබ් වසන්ත ඝාතනය සම්බන්ධයෙන් සැකපිට අත්අඩංගුවට ගත් අතුරුගිරිය ටැටූ ආයතනයේ හිමිකරු පොලිස් ප්‍රශ්න කිරීම් හමුවේ පාපොච්චාරණය කර ඇත.

සුරේන් වසන්ත පෙරේරා හෙවත් ක්ලබ් වසන්ත ඇතුළු දෙදෙනකුට මරු කැඳවමින් අතුරුගිරියේදී එල්ල කළ වෙඩි ප්‍රහාරයේ පසුපස සිටින්නේ තමා බව ප්‍රංශයේ සිටින කංජිපානි ඉම්රාන් ඩුබායි පාතාල කල්ලි වෙත ඊයේ (08 වැනිදා) තහවුරු කරමින් පණිවිඩ එවා ඇතැයි අනාවරණය විය.

තමා විසින් මෙය කළ බව හැඟවීමට ටී 56 උණ්ඩවල පතුරම් කොපුවේ කේ.පී.අයි. (KPI) ලෙසින් සඳහන් කිරීමට ද කන්ජිපානි ඉම්රාන් කටයුතු කර තිබේ.

කන්ජිපානි ඉම්රාන් ලෙස හැඳින්වීමට මෙම අකුරු තුන කොටා ඇති බවත්, මෙම උණ්ඩවල රත්රන් ගා ජීවම්කර වෙඩි තැබීමට කොන්ත්‍රාත්තුව භාරගත් කල්ලි කටයුතු කර ඇතැයි ඩුබායිවලින් තොරතුරු කියැවෙන බවත් වාර්තා විය. වසන්ත වෙඩි නොවදින සුර පලඳින බව අනුමාන කර උණ්ඩ ජීවම් කරන්නට ඇතැයි සැක පහළවී තිබේ.

කෙසේ වෙතත් ඒ ගැන විමර්ශනවලින් තහවුරු වී නොමැති බව පරීක්ෂණ කණ්ඩායම් සඳහන් කළේය.

මාකඳුරේ මධුෂ් රුපියල් කෝටි දහයක් ක්ලබ් වසන්ත සමග ආයෝජනය කර පසුව මුදල් ඉල්ලා සිටීමේදී මධුෂ්ට නොදීමත්, එයින් පසුව මධුෂ් කන්ජිපානි ඇතුළු පිරිස ඩුබායි පොලිසියට කොටුකරදීමට අන්නාසි මොරිල් සමග කටයුතු කළ බවත් කියන සිද්ධීන්වලට පළිගැනීමට මෙම ඝාතනය කර ඇති බවත් විමර්ශන කණ්ඩායම් වෙත තොරතුරු ලැබී ඇත.

08/07/2024

⭕ Gamana News Alert
අතුරුගිරිය වෙඩි තැබීමේ සිද්ධියෙන් "ක්ලබ් වසන්ත" මියයයි. කේ. සුජීවාගේ පාදයකට බරපතල හානී.....👇

අතුරුගිරිය ඔරුවල ප්‍රදේශයේ ටැටූ ආයතනයක් විවෘත කිරීමට යමින් සිටියදී සිදුවූ වෙඩි තැබීමකින් ප්‍රසිද්ධ ව්‍යාපාරික සුරේන්ද්‍ර වසන්ත නොහොත් ‘ක්ලබ් වසන්ත’ මියගොස් තිබෙනවා. ඒමෙන්ම තවත් පුද්ගලයෙක් ⁣හෝමාගම රෝහලට ඇතුලත් කිරීමේදී ජීවිතක්ෂයට පත්ව තිබෙනවා.

මෙහිදී ජනප්‍රිය ගායිකා කේ. සුජීවා ⁣බරපතල තුවාල ලබා රෝහල් ගත කර සිටිනවා. ඇයව මේ වන විට කොළඹ ජාතික රෝහල වෙත මාරුකර යවා ඇති බවටයි වාර්තා වන්නේ. ඇයගේ පාදයකට බරපතල හානී සිදුවී ඇති බවටයි රෝහල් ආරංචි මාර්ග පවසන්නේ.

මේ වන විට මෙම වෙඩිතැබීමෙන් දෙදෙනෙකු මියගොස් තවත් 4 දෙනෙකු තුවල ලබා රෝහල් ගතකර තිබෙනවා.

මෝටර් රථයකින් වෙඩික්කරුවන් පැමිණ ඇතිබවටයි වාර්තා වන්නේ.

05/07/2024

⭕ Gamana News
අකුරණ අවන්හලක ගින්නක්. ප්‍රධාන මාර්ගයක් වැසේ...👇

අකුරණ නගරයේ අවන්හලක ඇති වූ ගින්නක් හේතුවෙන් මහනුවර - මාතලේ මාර්ගය තාවකාලිකව වසා ඇති බව වාර්තා වනවා.

ගින්න හේතුවෙන් තවත් වෙළඳසැල් කිහිපයකට ද පැතිර යාම හේතුවෙන් මෙ‌ලෙස මාර්ගය තාවකාලිකව වසා දැමීමට කටයුතු කර ඇති බව වාර්තා පැවසෙන්නේ.

අද (05) අලුයම මෙම ගින්න හටගෙන ඇති බවත් ගින්න මැඩපැවැත්වීමට මෙතෙක් හැකිවී නොමැති බවයි, පොලීසිය පැවසුවේ.

පොලීසිය වැඩිදුරටත් ප්‍රකාශ කළේ, අවන්හල තුළ ගෑස් සිලින්ඩර 50ක් පමණ පවතින බවට එහි හිමිකරුවන් ප්‍රකාශ කර ඇති බැවින් ගින්න මැඩපැවැත්වීමට කටයුතු කිරීම අසීරු වී ඇති බවයි.

ගින්න ඇතිවීමට හේතුව මෙතෙක් අනාවරණ වී නැත.

03/07/2024

⭕ Gamana News
මහින්ද කහඳගම එක්සත් ජාතික පක්ෂය සමඟ එක්වෙයි...👇

ශ්‍රි ලංකා පොදු ජන පෙරමුණේ කොළඹ මහනගර සභාවේ හිටපු නාගරික මන්ත්‍රී මහින්ද කහඳගම එක්සත් ජාතික පක්ෂයේ සාමාජිකත්වය ලබා ගෙන තිබෙනවා.

ඒ අනුව ජනාධිපති රනිල් වික්‍රමසිංහගේ ප්‍රධානත්වයෙන් සිරිකොත පක්ෂ මූලස්ථානයේදී ඔහු මෙලෙස පක්ෂ සාමාජිකත්වය ලබාගෙන ඇති බවයි සඳහන් වෙන්නේ.

02/07/2024

⭕ Gamana News
ලිට්‍රෝ ගෑස් මිල තවදුරටත් අඩුකරයි...👇

අද(02) මධ්‍යම රාත්‍රියේ සිට ක්‍රියාත්මක වන පරිදි කිලෝග්‍රෑම් 12.5ක ගෘහස්ථ LP ගෑස් සිලින්ඩරයක මිල රුපියල් 100කින් අඩු කෙරෙන බව ලිට්‍රෝ සමාගම පවසයි.

ඒ අනුව එම සිලින්ඩරයක නව මිල රුපියල් 3690 ක් වනු ඇත.

5kg ගෑස් සිලින්ඩරයක් රුපියල් 40 කින් අඩු කෙරෙන අතර එහි නව මිල රුපියල් 1482 දක්වා පහත වැටේ.

2.3 kg ක ගෑස් සිලින්ඩරයක මිල අඩුකර ඇත්තේ රු.18 කිනි.

ඒ අනුව එම සිලින්ඩරයක නව මිල රු.694 දක්වා අඩුවන බව ලිට්‍රෝ සමාගමේ සභාපති මුදිත පීරිස් පවසයි.

01/07/2024

⭕ Gamana News
බස්ගාස්තු සංශෝධනය කෙරේ. අවම බස් ගාස්තුව රු. 28යි...👇

අද (01) මධ්‍යම රාත්‍රියේ සිට සැලසුම් කළ ආකාරයෙන් 5.07%කින් බස් ගාස්තු පහළ දැමීමට ජාතික ගමනාගමන මණ්ඩලය තීරණය කර ඇත.

ඒ අනුව අවම බස් ගාස්තුව රුපියල් දෙකකින් පහළ යන අතර එහි නව මිල රුපියල් 28කි.

30/06/2024

⭕ Gamana News Alert
සම්බන්ධන් දිවි හැර යයි...👇

දෙමළ ජාතික සන්ධාන පාර්ලිමේන්තු මන්ත්‍රී, හිටපු විපක්ෂ නායක ආර්. සම්බන්ධන් (91) අභාවප්‍රාප්ත වෙයි.

30/06/2024

⭕ Gamana Breaking News🇱🇰
ඉන්ධන මිල පහළට...👇

අද(30) මධ්‍යම රාත්‍රියේ සිට ක්‍රියාත්මක වන පරිදි ලංකා ඛණිජ තෙල් නීතිගත සංස්ථාව ඉන්ධන මිල පහත දමා තිබේ.

ඒ අනුව ලංකා පෙට්‍රල් ඔක්ටේන් 92 ලීටරයක මිල රුපියල් 11 කින් පහළ දමා ඇත. එම ලීටරයක නව මිල රුපියල් 344 ක්.

ඔක්ටේන් 95 ඔක්ටේන් වර්ගයේ පෙට්‍රල් ලීටරයක මිල පහල දමා ඇත්තේ රුපියල් 41 කිනි. ඒ අනුව එහි නව මිල රුපියල් 379 කි.

සුපිරි ඩීසල් ලීටරයක මිල රුපියල් 22 කින් පහළ දමා ඇති අතර එහි නව මිල රුපියල් 355 ක් වේ.

කෙසේවෙතත් ලංකා සුදු ඩීසල් සහ භුමිතෙල් මිල නොවෙනස්ව පවතින බව ලංකා ඛණිජ තෙල් නීතිගත සංස්ථාව පවසයි.

ලංකා IOC සහ සයිකොපෙක් සමාගම් දෙකත් සිපෙට්කෝ මිලට සමානව ඉන්ධන මිල සංශෝධනය කර තිබේ.

29/06/2024

⭕ Gamana Breaking News🇱🇰
කොවිඩ් - 19 නව ප්‍රභේදයක්. රෝහල් ගත කිරීම් සහ මරණ ඉහළට...👇

කොවිඩ් - 19 වෛරසයේ නව ප්‍රභේදයක් අමෙරිකාවේ ව්‍යාප්ත වෙමින් පවතින බව විදෙස් මාධ්‍ය වාර්තා කරයි.

අමෙරිකානු රෝග පාලනය සහ වැළැක්වීමේ මධ්‍යස්ථානය පවසන්නේ ප්‍රාන්ත 39ක නව ප්‍රභේදය පැතිර යමින් පවතින බවය.

වෛරසයේ සක්‍රීයතාව සාපේක්ෂව තවමත් අඩු අගයක් පැවතිය ද රෝහල්ගත කිරීම් සහ මරණ ඉහළ යමින් පවතින බව වාර්තා වෙයි.

Gamana

18/07/2024

18/07/2024

09/07/2024

09/07/2024

08/07/2024

05/07/2024

03/07/2024

02/07/2024

01/07/2024

30/06/2024

30/06/2024

29/06/2024

Address

Telephone

Website

Alerts

Contact The Business

Shortcuts

Share

Category