28/10/2022
Nisa Publishers 10 වෙනි ප්‍රකාශනය ❤
#ඇමති_පුතා පෙර ඇණවුම් (Pre Orders) signed copy
ආශ්කා රශ්මිගේ කුලුදුල් මුද්‍රිත නවකතාව ❤💛
Season 1
" තමුන්… ඉස්සරහට එනවාහ්..."
සුලෝචනාගේ නෙතු නැවතුනේ තේදාශ්ගේ අළු දෑස් ළඟයි. නමුත් කෝපයෙන් පුපුරමින් ඇය හඬ නැගුවද තඹ සතයකට ඇයව ඔහු මායිම් නොකරද්දි, නැවත වරක් දෙකකුල් සිය මේසය මතින් තබාගෙන පුටුවේ සැප පහසු ලෙස හාන්සි වුණ තේදාශ් සිය ජංගම දුරකථනයට මුහුණ ඔබාගත්තේ සුලෝචනාගේ තරහව උපරිමයෙනුත් උපරිම වැඩි වෙද්දියි.
"තමුසෙට ඕන්නං මං ගාවට එනවා… මං එන්නෑ..."
එක එල්ලේ සුලෝචනාගේ දෙනෙත් දෙස බලා මඳක් තද ස්වරූපයකට වදන් හැසිරවූ තේදාෂ් නැවතත් සිය ජංගම දුරකතනය දෙස නෙතු යොමු කරත්දි, කිසිදු ගරුසරුවක් නොමැතිව හැසිරුණ තේදාශ් අභියස සුලෝචනා තවත් එක් සාවියක් නොවුණි. මුළු ගතම අසීමිතව ගිනියම් වෙද්දි, ඇය ඔහු වෙත වේගයෙන් ඇදී ගියේ ඇගෙ මඳක් උස අඩි සපත්තු පොළොවේ තෙරපී ටක් ටක් හඬින් මුළු පංති කාමරයේම ශබ්දය රැව්පිළිරැව් දෙද්දියි. රුව නොදැක්කද ඇගෙ අඩි ශබ්දය සේම ඇය වෙතින් හමා ආ මනරම් පිච්ච මල් සුවඳ ඇය තමන් අසලටම පැමිණි බව ඉඟි කරත්, ඔහු නොවේ හිස ඔසවා ඈ දෙස බැලුවේ. ඔහුගෙ අහංකාරය ඇය අසල සිතාගන්නට නොහැකි තරමින් වැඩිවෙද්දි, කොහොමටවත් ඔහු නොවේ ඇයව මායිම් කළේ. ඉතින් ඔහුගේ හැසිරීම අභියස සුලෝචනාද තව ඇවිස්සී යත්දි, ඔහු ගැන අඹමල් රේණුවක් තරම්වත් දෙයක් නොදත් ඇය ඔහු ළඟ දරුණු වූයේ ඇයටවත් ඇයව පාලනය කරගත නොහැකි අන්දමිනි.
" තමුන්… තමුන් මහ නැහැදිච්ච දරුවෙක්… ශික්… ගුරුවරයෙක්ට ගරු කරන්න දන්නෑ… 'නොසණ්ඩාලයා'..."
තරහින් වෙව්ලමින් ඇය පිටකරන වදන් ලග තේදාශ්ගේ කටකොණකට නැගුණේ සිනහවකි. ඇය නපුරු නොවේ. නමුත් ඇය ආයාසයෙන් නපුරු වෙන්නට දඟලන හැඩයි. ඇගෙ කටහඬින් ඔහුට එය මනාව වැටහෙයි. නමුත් නිශ්ශබ්දයි. ඇය වදන් සියයක් කීවද, ඔහුගෙ මුව නිසලයි. පිටින් පෙනෙන්නට ඔහු බොහෝ සාමාන්‍යයි. නමුත් සිත ඇතුළතින්, ඔව් සිත ඇතුළතින් ඔහු බොහෝ කෝපයෙනි. දරාගන්නත් බැරි තරම් ආවේගයෙනි.
" නැගිටිනවා ඉස්සෙල්ලාම පුටුවෙන්... ගුරුවරයෙක් ළඟට එද්දි නැගිටින්නවත් දන්නැද්ද..? ආහ්… මොන අසීලාචාර ගතිද මංදා තියෙන්නෙ..! නැගිටිනවා කිව්වම අහලා… නැගිටිනවා..."
සුලෝචනා කෝපයෙන් ගුගුරයි. කොහොමත් දෙකකුල් මේසය මතට ගෙන ගුරුවරියකට අපහාස වෙන අයුරින් හිද හුන් තේදාශ්ව ඇයට පිළිකුල් වී හමාරයි.
" නැගිටින්නැද්ද දැන් ආහ්..?"
වේගයෙන් තේදාශ්ගේ මේසයට අතකින් පහරක් ගසා ඇය කතා කළේ ඔහුගේ අවධානය ගැනීමටයි. සිතේ කෝපය උපරිම නිසාවෙන්ම කිස් කන අත්ලෙහි වේදනාව යාන්තමින්වත් ඇයට නොදැණුනත්, තේදාශ් නම් සිටියේ කෝපයේ උපරිම සීමාවේ බව සැකයක් නොවේ. මෙතෙක් කිසිවෙක් ඔහුට මෙතරම් ශබ්දයෙන් කතා කර නොතිබෙද්දි, මෙතරම් අණ කර නොතිබෙත්දි, මෙතරම් තර්ජනය කර නොතිබෙත්දි, සිතේ කෝපය පිටකරගන්නට නොහැකිව ඒ දෑත් වෙව්ලන බව රහසක් නොවේ. ඔහුගෙ අත්ලෙන් පහරක් වැදුනහොත් ඇය මෙතැනම මිය යන බව සහතිකයි. ඒ නිසාමදෝ නොදනී, ඉවසලා ඉවසලා බැරිම තැනත් ඔහු තවමත් ඉවසන හැඩයි.
" සාගර… මේකිට වැඩිය කෑගහගෙන එන්නෙපා කියපං… එහෙම උනොත් දත් නැතුව තමයි යන්න වෙන්නෙ… හහ්..."
කෝපය සිත ඇතුළෙ තෙරපෙද්දි ඔහු කටකොණකින් සිනහාසුණි. සාගරත් ඔහුට නොදෙවෙනි සිනහවකින් සංග්‍රහ කරත්දි, සුලෝචනාගේ මුළු ගතම තවත් වෙව්ලන්නට වූයේ ඉවසා දරාගත නොහැකි කෝපයක් දැනෙද්දියි.
මේ තරම් නරක ළමයි..! ඇයට ඔවුන් ගැන ඇත්තෙන්ම පුදුම සිතුණි.
" මිස් පොඩ්ඩක් පරිස්සමින් කතා කළොත් හොඳයි… මේ ඉන්නෙ මොණරවිල ඇමතිතුමාගෙ පුතා… අහලා ඇතිනෙ මොණරවිල ඇමතිතුමා ගැන… ඉක්මන්ට මැරෙන්න ආස නැත්තං කටපියන් ඉන්න මිස්..."
සුලෝචනාගේ මුහුණේ කේන්තිය බේරුනේ සමච්චලයට හිනැහෙමින් සාගර පැවසූ වදන් වලටයි. තේදාශ්ද පුරුදු සිනහවෙන් දුරකථනය දෙසම බලා සිටියදී තවත් ඉවසිය නොහැකි තැන ඇය ඔහුගෙ අත වූ ජංගම දුරකථනය උදුරාගත්තේ හරි හයියෙන් හුස්ම ගනිමිනි. තේදාශ්ගේ මුවේ සිනහව පුළුල් වූයේ ඇයගෙ ක්‍රියාවටයි. ඔහු ඇය එලෙසින් සිදුකරන බව කල්තියා දැන සිටිය හැඩයි. පුදුමයක් නොවේ. ඇයත් ජාන්වී වගෙයි. අහංකාර මොණරියක්...තේදාශ්ට මොහොතකට සිතුණි.
" හහ්… එහෙනං තමුන් ඇමති පුතෙක්… නොසණ්ඩාල ඇමති පුතෙක්… හහ්… මං බයවෙයි… දරුවෙක් හදාගන්න බැරි දෙමව්පියො… ශික්… තමුන්ගෙ තාත්තට තමුන්ව හදාගන්න බැරුව ඇති… ඒත් මං තමුන්ව හදනවා… මකවලා හදනවා..."
එක් අතක දබරැගිල්ලක් ඔහුගෙ මුහුණට දිගුකරමින් ඇය කෝපයෙන් පවසයි. තේදාශ් නෙතු ඔසවා බැලුවේ ඇගෙ රත් පැහැ ගැන්වුණ රැවැති වත දෙසයි. අඬලාම දෑස් කදුළින් තෙත් ව ගොසිනි. තවමත් නොවේළුණු කඳුළු වැල් පවා මුහුණට රැගෙන විත් තිබුණේ අමුතුම ලස්සනකි. කම්මුල් රත් පැහැ ගැන්ව ගොසිනි. නාසය පවා රතුයි. විවේකයක් නොමැතිව සෙලවෙන ලා රෝස පැහැ දෙතොල් වෙත මුළු මුහුණ පුරා දඟ කළ ඔහුගේ නෙතු ඊළඟ නිමේශයේ යොමු වෙත්දි, ඔහුගෙ පපුවට දැනෙන්නට වූයේ අමුතු බරකි. අමුතු හැඟීමකි. හරි ලස්සන ඒ දෙතොල් ළඟ ඔහුට සිතුනේම ඇයව සිපගන්නයි. තදින් සිපගන්නයි. ඇගෙ කියවන දෙතොල් මතම තම දෑස් අතරමං කරගත් තේදාශ් දෙකකුල් මේසය මතින් බිමට ගෙන පුටුවෙන් නැගිටගත්තේ, තමන්ට වඩා අඩියක් අඩි එකහමාරක් පමණ උස තේදාශ් අභියස සුලෝචනා හිස ඔසවා ඔහු දෙස බලද්දියි.
පොතේ මිළ - 2450/=
පිටු 448
30%වට්ටම් සහිතව පොතේ මිළ - 1715/=
රුපියල් 735/= ඉතිරියක්...
තැපැල් ගාස්තු 250/=
කුරියර් ගාස්තු 350/=
තැපැල් මඟින් ගෙන්වා ගන්නේ නම් මුළු මුදල = 1965/=
කුරියර් මඟින් නම් මුළු මුදල - 2065/=
Nisa Publishers
1000505014
Commercial Bank
Hendala Branch
Nisa Publishers
88591587
Boc Bank
Elakanda Branch
මුදල් තැන්පත් කළ රිසිට් පත හෝ ඔන්ලයින් ට්‍රාන්සර් ස්ක්‍රීන් ෂොට් එක වට්සැප් හෝ වයිබර් මඟින් 0741577659 අංකයට එවන්න. නැතිනම් මැසෙන්ජර් පණිවිඩයක් තියන්න.
ඒත් එක්කම,
නම -
ලිපිනය -
දුරකථන අංක 2ක්‌ -
එවන්න.
වෙබ් අඩවියෙන් ඇණවුම් කිරීමට
https://nisabookland.com/shop/novels/romance/amathi_putha-season-1/
#නොවැම්බර් 20 දක්වා පෙර ඇණවුම් බාර ගැනේ.
පෙර ඇනවුම් සඳහා කෑෂ් ඔන් ඩිලිවරි වලංගු නොවේ.
#විශේෂ_දැනුම්දීම...
ඇමති පුතා කොටස් තුනක නවකතාවක් බවත් ඊළඟ කොටස දෙසැම්බර් මාසයේ නිකුත් වන බවත් දන්වා සිටිමු. එම නිසා පොත්හල්වලට පොත බෙදා හරින්නේ තුන්වන කොටසත් නිකුත් වී ජනවාරි මස අන්තිම බව දැනුම් දෙන්නෙමු. සීමිත පිටපත් ප්‍රමාණයක් මුද්‍රණය කරන බව ද දන්වා සිටිමු.
#නිසා
