31/10/2025
BASOTHO BA TEKA SELLO SA BONA HO MATEKANE MOHOANTONG
Bokamoso News 31.10.2025
Joalo kaha re tlalehile h**e ho ts'oeroe mohanto o moholo motse-moholo Maseru, moo Basotho ba isang lengolo la litletlebo ho Mohl. Sam Matekane, ho fetse ho bile joalo. Har'a tse keneng lengolong la litletlebo ka 'muso oa Matekane, ke tse latelang;
1. 'Muso o bone h**e theko ea motlakase ea theoloa, motlakase oa M20.00, o etse 20 units.
2. 'Muso o etse molao oa h**e seterateng, theko ea lintho e ts'oane, mohlala, ha apole e rekisoa M2.00, e rekisoe bokalo ke baits'okuli bohle.
3. 'Muso o bone h**e mabenkele a melata, a koalla chelete libankeng tsa Lesotho.
4. H**e 'muso o bone h**e baits'okuli ba tebetsoeng seterateng ke oona, o bone h**e o ba fa sebaka. Ho seng joalo, ba tla khutlela libakeng tsa bona ba sa natse ho lelekoa.
5. Lengolong la litletlebo ho boela ho hlahella h**e balli ba hopotsa tonakholo h**e o ts'episitse bacha mesebetsi e 62 000, 'me lengolong, balli ba re ha 'muso o ntse o etsa maoala a ho lokisa mesebetsi eo, 'muso o bue le Afrika Boroa, h**e Basotho ba phelang naheng eo, ba nolofalloe ke ho sebetsa teng.
6. 'Muso o etse bonnete ba h**e sechaba ha se sokole lipasa le liID.
7. Ho be le ho theoleloa ha matla sechabeng, ho macanselara.
8. Tonakholo a bone h**e 'musong oa hae, bohatelli e ba pale ea maobane. Mohlala eaba h**e liealemoea tse ling li ea khaoloa moeng ha tse ling li sa khaoloe.
9. H**e Makhotla a bele Dr. Ts'epo Lipholo toka.
10. Lengolong, kopo ke h**e ha 'muso o hira, le batho ba phelang le bokooa, ba kenyeletsoe. Mohlala, ha e ba ho hiroa 100 ea batho, 10% e be ea batho ba phelang le bokooa.
11. 'Muso o tsoe litsing tsa ts'ireletso, masoleng, mapoleseng le mautloeleng joalo-joalo.
12. 'Muso o bone h**e manyolo a ea fumaneha ho batho bohle, le ho ea rekang mokotla o le mong.
13. H**e 'muso o buisane le America, litarrif e be 10% joalo ka linaheng tse ling, le h**e 'muso o fumane AGOA hape.
Tsena ke tse ling tsa litaba tse hlaheletseng lengolong la litletlebo. Beng ba mohoanto, ke mekhatlo e 'maloa ea basebetsi, e kang NACTO, Lentsoe la sechaba, le e mong, 'moho le mekhahlelo ea sechaba e kang ea bacha le baits'okuli. U hlokomele h**e Mohl. Sam Matekane o ne a le siko ho amohela lengolo, 'me o romelletse moifo oa Letona ofising ea tonakholo, Mohl. Limpho Tau a itseng lengolo leo le tla fihla ho tonakholo. Le Bahlomphei Mokhethi Shelile le Ts'eliso Mokhosi ba bile teng, e le matona. Mohl. Tau o itse Basotho bao ba entse hantle ho lla ka tsela e nepahetseng.
Ke mohoantong ona moo ho neng ho binoa lipina tse kang; "O leshano Ntsokoane, o palame terekere..."
Phomotsa moratuoa oa hau borokong ba ho qetela ka hlompho ka ho kopana le ba ha Tsibela Tomb Stone.
1. Ba tla u etsetsa majoe a matle a mabitla.
2. Ba tlo boela ba u etsetsa lits'epe tse ntle tsa mabitla.
3. Ba lokisa le mabitla a senyehileng.
Tsena le tse ling u ka li etsetsoa ka litjeo tse loketseng boleng bo batloang ke uena.
Ba fumaneha Maseru empa le libakeng tse ling ba ka fumaneha.
Call: +266 59169469.
WhatsApp: +266 62169469
__
