31/07/2025
O SELAKHA NGOANA (11) KA SEKELE
Paballo Mokheba – Leribe
Potlako Hlojeng (28) oa Likhakeng, Ha Mahlomola Leribe, o hlahile Lekhotleng la ‘Maseterata Koaesa, bochochising ba Mochochisi Lepheana, ka La 16 Phupu Monongoaha; a qosoa ka polao ea motho.
Detective Police Constable (D/P/C) Limpho Teba ho tsoa Ofising ea Mafokisi Hlotse, o bontšitse h**e ofising ea habo, ba ile ba amohela tlaleho ka La 13 Phupu Monongoaha, e reng moqosuoa o bolaile moshanyana, e bile o se a le matsohong a sechaba.
O re ba ile ba potlakela moo, ‘me ba fumana eo, ba thakhola lipatlisiso.
Ha a tsoela pele o re ba fumane h**e moqosuoa o ile a fumana mofu a alositse naheng, a le thokoana le ba bang ba babeli ba neng ba alositse le eena. A re eo o ile a hlasela ngoana ka sekele ka le reng batsoali ba mofu ba mo phelisa ba linonyana ka boloi.
O re balisana ba bang ba ile ba belaela h**e ho na le se etsahalang, eaba ba atamela, ‘me eo a tšola tlhako morong; ba mo kenya ngoanya, ba mo qhautsa.
Moqosuoa o emetse nyeoe a le ka Setsing sa Tlhabollo ea Batšoaruoa, moo a tla hlaha hape lekhotleng ka La Hlano Phato Selemong sena.
Mookameli oa Mafokisi Hlotse, Inspector Mathibe Mathibe, o hlokomelisitse sechaba h**e ho inkela molao matsohong, ke tlolo ea molao. A re ba se ke ba senya bokamoso ba bona, ka ho etsa joalo.
Coutersy of
