Moafrika Radio Television - Mr TV

04/08/2025

Khotsang: Khomo e sa lisoeng e oela lilomong. Ha majalefa a borena ba sa bo tsotelle, bo tla fela.

04/08/2025

Khoeli: Litaba tsa meeli le kabo ea mobu li batla marena a molao, joale li sitoa ho sebetsoa koano Ha Kelebone.

04/08/2025

Sechaba sa Ha Kelebone Likuiling, se lla ka bosieo ba Morena Masupha Letsie boseletsing ba borena.

04/08/2025

Re Nts'a Lephola ka Liteboho MrB Hlakane

04/08/2025

MOSALI O HLOKOMELISA BASOTHO KA LEORELAMO LE KANNANG LA METSA LICHELETE TSA BONA

Pulane Mahao oa Thaba-Bosiu, Thaba-Kupa, Maseru, o re Basotho ba e le hloko leorelamo le ntseng e metsa lichelete tsa bona ka bolotsana ka le reng ba hapile naepene e itseng, empa ba laelloa ho ts’ela chelete h**e ba tle ba bo fumane.

O re o ile a letsetsoa ke monna ea ileng a re o hapile likete tse mashome a mararo tsa Maloti, empa monna e’o a re a ts’ele sekete le makholo a mahlano le h**e a fane ka karete ea boitsebiso h**e a tle a li fumane. Lehakoe la litaba le sitiloe ho hokahana le leoreamo ka lebeka la mehala e sa sebetseng.

03/08/2025

SETHO SA KOMOTI EA PARAMENTE SE RE BACHA BA NAHA ENA BA TSETSELELA MESEBETSI 'MUSO O BA UTLOE

’Malelaka Lehohla Malakane o re bongata ba bacha ba litereke tsa naha ena, bo utloahala bo tsetselela ho theheloa le ho fumants’oa mesebetsi ke ’muso, ’me litaba tsena, li utloahetse potolohong ea komiti ea boiketlo ba sechaba Paramenteng ea naha ena, e neng e isitse sets’oants’o sa molao oa ntlafatso ea bacha sechabeng libekeng tse peli tse fetileng.

Moparamente oa Khubetsoana ka ho ABC Kobotata ea Basotho, ebile e le setho sa komiti e boleloang, o re ha bacha ba ne ba lokela ho phunya masoba sets’oants’o seo sa molao, ba buile ka lebatama la tlhokahalo ea mesebetsi le h**e ba thusoe ho ba le boemeli Paramenteng ea Lesotho. Qholotso e ’ngoe e sibollotsoeng ke Malakane litabeng tsena kea bacha ba neng ba sa tsebe letho ka litemana tsa sets’oants’o seo, ’me litho li bile tsa lokela ho ba tataisa ka sona temana ka temana.

03/08/2025

BOIKETO BA LIPOLOTIKI BO QALELLA HO NKA MOJAO, LESOTHO

Moetellipele oa Democratic Congress monghali Mathibeli Mokhothu, o re sepa le imetse banyeli, lits’episo tsohle tseo banna le basali ba likotlo ba ileng ba iketa ka tsona, h**e ba alingoe litulo tsa puso ke bakhethi, li felletse phate-soba ’me litsena, o li buile sebokeng seo a se rehileng lira li nyahame, li katitle mehatla Malimong Ha ’Matjotjo Berea, ka Labosupa la ha khoeli ena e hlola matsatsi a mararo.

Mokhothu ea neng a ts’oehletse melomo, a bua ka thata, o akarellelitse lits’ebeletso tse putlammeng le bophelo bo pulufalletseng bakhethi pusong ea banna le basali ba ileng ba ikana le ho ts’episa Basotho mahali-hali ao ba seng ba sitoa ho a phethahatsa.

Ka nqa e ’ngoe, Machesetsa Mofomobe oa mokha oa sechaba sa Basotho, o re eena o amohetse litho tse kaholimo ho lekholo le mashome a ts’etseleng tse furaletseng RFP le ABC Kobotata ea Basotho Thuathe hona Berea moo. Lehakoe la Litaba la Phutsalatso ena, le fumane h**e seboka sa monghali Thabo Maretlane oa RFP, sona se bile Tsikoane Linots’ing, Leribe ka letsatsi le boletsoeng.

03/08/2025

LEHATA LA MOSALI EA BOLOKILOENG KA 2020 LE FUMANOA KA HAR'A SEKUPU SA MATHUOELA, BEREA

Monghali Katleho Letsoela oa Bela-Bela Ha Boshoane Peete, Berea, o re ’melaelloa ea khaotseng hlooho ea rakhali oa hae ea bolokiloeng ka mongoaha oa 2020, ea bileng litlamong tsa sepolesa sa Mapoteng, o thobile matsohong a sona, ka mor’a h**e lehata le fumanoe lapeng ha hae, ka Labone le fetileng.

O re sena, se tla ka mor’a h**e sechaba sa moo, se fumane katiba ea seepamere se sa kang sa phalella mokhosing lebitleng le boleloang, ’me ha sechaba se tsoa lets’olong sa fumana lehata ha ’melaelloa ka har’a sekupu sa mathuela, la phuthoa ke sepolesa ho ea ’moshareng. Ha ho e-so tsebahale h**e na o tla hlaha khotla neng.

03/08/2025

MAK’HANSELARA A FUMANA ’MUELLI EA TLANG HO E’A AMELA KHOTLA

Molula setulo oa komiti ea naha ea bakhethoa ba Puso ea libaka Lesotho mona, o re ’muelli ea tlang ho sebetsa litaba tsa Mak’hanselara, o tla simolla ka ho ngolla ofisi ea tonakholo ka sepheo sa ho fumana mabaka a ho se kopane le mak’hanselara a neng a labelabela ho isa lengolo la litletlebo ho eona.

Monghali Motebang Setona o re Adv. Lintle Tuke, o a ts’episitse ho khokhohanya puo le ofisi ea Ntsokoane Matekane, empa e bang mahlakore a fapana ka maikutlo, o tla e nka ka lechoba. O re le hoja Tuke a itse a ke a kopane le ofisi eo pele a bua ka litjeo tsa ho a amela khotla, mak’hanselara a tla ikotla lipokotho ’me a amohetse boemo boo.

03/08/2025

BORENA BA HA KELEBONE, MAKHALANENG BO LOKOTSEHA SEBAKENG BO HLOKA MOTHONAKI

Monghali Ferete Ramakabane o re o khathetse ke ho ba mots’oareli ofising ea borena ba Ha Kelebone Makhalaneng, Maseru, ka mabaka a bophelo, likhang tsa puso tse hlokang ba tsoaletsoeng borena, le ho se fumane bohashana ba mosebetsi oo a e leng selemong sa bobeli a’o etsa ntle ho lekhonono la letho.

Monghali Masupha Letsie ee mora oa hae a roletsoeng matla a puso ka mor’a ho timela ha Mofumahali ’Mamotena Letsie o re mora oa hae, o phathahantsoe ke mosebetsi ka hona borena setse le eena e le Masupha. Ho le joalo o re o sitoa ho busa sechaba sa Ha Kelebone ka nepo kaha le eena a sa fumane meropotso ea puso, ho ka mo lumellang ho sebetsa ka bolokolohi.

03/08/2025

LITHARIFI TSA AMERIKA LI SEHISA MEKHATLO EA BASEBETSI LETSOALO

Mekhatlo ea basebetsi ba lifeme e re litharifi tsa leshome le metso e mehlano lekholong tsa tlhaiso ea Lesotho e eang Amerika li e sehisa ka mala ka h**e lifeme li ne li li ntse li kikitlela nakong ee Lesotho le neng le buletsoe phenyenye.

Mongoli kakaretso oa Economic Freedom Trade Union, Ts’epang Nyakanyaka Makakole, o re ke nako ea h**e Lesotho le kope lipuisano le Amerika ho ithaphatlalatsa molemong oa basebetsi, empa e phephethele taba ea ho amohela mapantiti a tsoang naheng eo.

Ho sa le joalo mookameli oa setsi sa nts’etsopele ea ntlafatso ea moruo oa Lesotho, Molise Ramaili, o re ho theoloa ha litharifi tsa Amerika ho file setsi sa habo ts’epo ea h**e mesebetsi e teng ea Basotho, e tla bolokeha le ho se bebofaletsa menyetla ea ho fumana batseteli ba bacha. Lehakoe la Litaba

03/08/2025

BOHASHANA: Sechaba sa Ha Kelebone Makhalaneng, Maseru, se seboko ka tlhokahalo ea morena, ka ha se hloloa ho fumana lits'ebeletso tsa mantlha.

Call now to connect with business.