Official Ts'enoloFm

Home
Lesotho
Maseru
Official Ts'enoloFm

Contact information, map and directions, contact form, opening hours, services, ratings, photos, videos and announcements from Official Ts'enoloFm, Broadcasting & media production company, TS'ENOLO FM LOWER THAME PHATLALLA, Maseru.

TS'ENOLO 104.6FM OFFICIAL FACEBOOK PAGE
"Leseli La Tsoelopele"
+266 64047899
STUDIO +26663056111 / 57834896
WHATSAPP +26663310420
Lower Thamae opp thamae shopping center

06/08/2026

BLAATJIES, O HLOLEHA PELO KE TS'EBETSO E TSOILENG MATSOHO EA BA-KRESTE BA HABO

Mobishopo oa Diocese ea Lesotho, ea qetang ho hlomamisoa Kerekeng ea Chache, The Right Rev. Molemo Edwin Baatjies, o entse kopo e ikhethang e eang ho Bakreste ba habo, eleng Baholo-ba-liparishe, Baprista, Lelapa la Baitlami le liphutheho.

Blaatjies o re selemong se felileng, Mobabatsehi Moareka-Bishopo o ile a phatlalatsa sekheo sa molisa ea moholo (Mobishopo) dioceseng ea Lesotho, eaba ho uoa likhethong, 'me ba atleha ho khetha molisa eo.

O re ka la 25/07/2026, molisa eo o ile a halaletsoa le ho hlomamisoa, ka hoo o re baa leboha ke hona.

O tsoelapele, o re Moapostola Paulosi o re, “Thabang kamehla, se phetseng ho rapela, lebohang linthong tsohle.” (1 Bathesalonika 5: 16-18), ka hona ba feela ba leboha e le kannete.

O re lengolo lena leo a le ngotseng, le boetse ba leboha ha bao bohle ba atlehisitse litaba tsena molemong oa diocese ena, le kereke ea Morena Molimo ka kakaretso.

O re ba leboha le ba ileng ba kenya letsoho h**e tsohle tseo molisa enoa a tla li sebelisa ha a hlohonolofatsoa li be teng.

O re ba boetse ba kopa h**e ba ‘ne ba tsoelepele ho rapella kereke ea Morena Molimo, ‘Moho le baetapele bohle ba eona, ba rapelle h**e ba tlamahane ha ‘moho h**e e tsebe ho hasa molaetsa o molemo e le ntho e le ‘ngoe.

Ore re ba kopa hape h**e bohle ba ineheleng Morena Molimo, ba iphane re tsebe ho beha litholoana.
O tsoelapele, o re Moapostolo Paulosi o re “Bana beso, re le tsebisa mohau oa Molimo o neiloeng likereke tsa Masedonia. Li bile har’a teko e matla ea matsoenyeho, empa ka baka la thabo ea tsona e khaphatsehang, li ile tsa fana ka matsoho a mabeli, leha li futsanehile hakaalo.

O re o paka h**e li ile tsa fana ho ea kamoo li nang le hona kateng, e le ho feta kamoo li nang le hona kateng, ‘me e le ka boithaopo.

Ore ruri baa leboha, Morena Molimo oa khotso le lerato a ba etse hantle.

Ho sa le joalo, ba tla ba lekopano Masite ka la 31 Mphalane 2026, ho isa la 1 Pulungoana, ho ea ntšetsa-pele merapelo ea bona le ho thaba ho ea pele.

O tla tjena kamor'a Rev. Khabe

06/08/2026

LETONA LA THUTO LE LAKALLETSA BAITHUTI TSELA TS'OEU

Letona la thuto le koetliso professor Ntoi Rapapa le mookameli oa phethahatso oa Econet Telecom Lesotho monghali Dennis Platjiies ba entse tsela ts'oeu ho baithuti ba bahlano(5) ba fumaneng lihlapiso tlasa letlole la Econet Telecom Lesotho la Higherlife foundation,hoea nts'etsa lithuto tsa bona pele likolong tse fakakaneng tsa thuto e phahameng Amerika.

Baithuti bana ke Thembizile Mochesane, Katleho Mpemi, Kamohelo Mophirime, Nthabeleng Lebele le Thokhoi Molapo, 'me batla ithuta mafapheng a khoebo, lichelete le mahlale ka ho fapakana.

06/08/2026

Bo-mpoli ba liki e kholo lihlopheng tsa banna naheng ea Lesotho, Lijabatho ba tla bapala le bo-mpoli ba liki e kholo BA naha ea Madagascar lipapaling tsa CAF kamora lotho e bileng kajeno.

Leoto la pele le tla bapala lipakeng tsa 4 le 6 Loetse ha la bobeli le tla bapala lipakeng tsa la 11 le 13 Loetse monongoaha,mabaleng a tla boleloa ha morao

06/08/2026

APPOLOGY!

Lebota lena le kopa ts'oarelo ho Basotho Convenant Movement-Malata Naha, ka ho loba litaba tsa bona mabapi le phatlalatso ea bacha ba BCM-MN tlasa sehlooho se reng "BCM E TSOA PUO KA KA MOETAPELE OA EONA DR. REVEREND TS'EPO LIPHOLO" ka la bobeli bekeng ena.

Lebota le ile la bontša ha phatlalatso eo ea bacha ene e supa ha Dr.Lipholo a buile hampe ka sepolesa, ha seo eleng sona ele h**e bacha ba BCM-MN ba re ba ngongorehile ke tsela eo sepolesa se sebetsang ka teng ha se lebile moetapele oa eona.

Ruiri!! Re re thupa shapa fats'e ho Malata-naha ohle. E khoptjoa ele maoto mane.

06/08/2026

MOJAPELA ORE BACHA KE BONA BA IKOLOTANG TLHALOSO

Moetellipele oa lekhotla la kanana ea Basotho SR advocate Teboho Mojapela o re bacha ba ele hloko h**e ha hona motho ea ba kolotang tlhaloso ea mofuta o fe kapa o fe litabeng tse ba amang.

Puisanong le Ts'enolo Fm kajeno advocate Mojapela o re bacha ke bona ba ikolotang tlhaloso ka h**e ba kene ka hare ho lipolotiki, ba ngolise le komisi e ikemetseng ea likhetho IEC, 'me haba ea likhethong, ba khethe moetapele ka makhabane,kaha seo ele sona setla ba pholosa mathateng a bona. O tsoetsepele h**e ke polotiki fela etla ba thehela mesebetsi ha fela ho felisuoe bobolu.

Advocate Mojapela o re mofets'e oa naha ea Lesotho le Afrika ka kakaretso ke bobolu kaha batho ba fuoang matla ba ichebile bo bona. O re naha ea Lesotho e oetsoe ke bomalimabe ba ho lula e etelloa pele le batho ba fosahetseng.

06/08/2026

LEKALA LA THUTO LE KOETLISO LESOTHO LE PHETHETSE KAHO EA LIPHAPHOSI TSA HO RUTELA LE MATLOANA

Meaho e tseleng ea ho neheloa semolao likolong tse 61 ho tloha khoeling ena ea Phato ho fihla Mphalane 2026.

Lenane la likolo tsa pele tse hlahang ke tse hlano tsa pele tse tlo neheloa meaho ena ke;

1.Khoarai PR (Maama - Maseru): E neheloa ka la 06/08/2026.

2.Chabatsane PR (Mphosong - Leribe): E neheloa ka la 10/08/2026.

3.Hlotsenyane PR (Tsikoane - Leribe): E neheloa ka la 12/08/2026.

4.Leseling PR (Lebakeng - Qacha's Nek): E neheloa ka la 13/08/2026.

5.Pulane Combined (Malimong - Berea): E neheloa ka la 14/08/2026.

06/08/2026

LESOTHO LE AFRIKA-BOROA LI TS'OHLA MEKHOA EA TS'EBELISANO MOHO LITABENG TSA TEMO.

Letona la temo, kanetso ea lijo le phepo e nepahetseng, Mohlomphehi Selibe Mochoboroane o bile le kopano le letona la temo la Afrika Willie Aucamp maobane.

Sepheo sa kopano e ne e le ho buisana ka mekhoa ea ho tsosolosa le ho matlafatsa khoebo le khoebisano ea lihlahisoa tsa temo le lihlahisoa tse tsoang liphoofolong, tse ileng tsa emisoa ka lebaka la ho qhoma ha lefu la tlhako le molomo (Foot and Mouth Disease).

Ho ea ka tlaleho, mahlakore ka bobeli a lumellane ho tsoela pele ho sebetsa hammoho ho fumana tharollo e tla thusa ho bula menyetla ea khoebo hape, e le ho tšehetsa lihoai le ho matlafatsa moruo oa linaha tsena tse peli.

📷: Ministry of Agriculture and Food Security

05/08/2026

Hlokoana-La-Tsela le Abiel Sebolai

05/08/2026

NOKOANE, O KHETHELOA HO BA MOLULA-SETULO OA LESOTHO PREMIER LEGUE, BANG BA RE SENA KE MATERAMPUTANA.

Komiti ea Tsamaiso ea Lesotho Premier League (PLMC) , e ngolletse Lihlopha tsohle tsa Lesotho Premier League ho li beha sehlohlolong h**e Monghali Litsie Nokoane, o nkile boemo ba Molula-Setulo oa Lesotho Premier League, ho qala hang.

Monghali Nokoane o nkile boikarabelo bona kamor'a ho khethoa ke Lioli FC, e le moemeli oa bona ho Komiti ea Tsamaiso ea Premier League, a hlahlama Monghali Hlompho Maitin.

PLMC, e re e kopa ka boikokobetso h**e mangolo 'ohle a reretsoeng Molula-Setulo oa Liki a romeloe ho Monghali Nokoane ke hona.

Le ha ho le joalo, maikutlo a mang a re khetho ena e fosahetse, ho keke hoa etsoa khetho ka thoko ho khetho e ngoe, 'me sena ke mataramputana.

Ho utloahala ho se shebele'moho tsbeng ena, 'me ba botsa lengolo lena le phatlalatsang khetho ea Nokoane, e le "love letter".

05/08/2026

MOKHOTHU, O NGOLLA SADC, O KOPA BO-KENA LIPAKENG KHAHLANONG LE 'MUSO OA LESOTHO.

Moetapele oa Bohanyetsi ka lekhotleng la Sechaba, mohlomphehi Mathibeli Mokhothu, o ngolletse Molula-Setulo oa SADC, o kopa bokena-lipakeng khahlanong le ho se ikobele liqeto tsa makhotla a molao ke 'Muso oa Lesotho le mafapha a ona.

Mokhothu, o re bohanyetsi bo eme bo tiisitse pusong ea Sechaba ka Sechaba, le pusong ea molao, boikemelo ba makhotla le tlhopho-bocha ea naha, eo ts'ebetso ea eona e bileng tlasa leihlo la SADC, 'me o re ke ka mabaka ana ba lokelang ho batla bokena-lipakeng ba SADC.

O re, o tl'a hopola h**e ts'ebetso ea tlhopho-bocha ea naha e ile e etsoa ka ts'ehetso ea SADC kamor'a liketsahalo kapo litlaleho tsa ho hloka botsitso lipolotiking le molao-theong oa naha ena.

O tsoelapele, Mokhothu, o re sepheo sa Tlhopho-bocha e ne ele ho matlafatsa puso ea molao, boikemelo ba Mafapha a Puso ea Sechaba ka Sechaba, le ho thibela likotsi tsa nako e tlang Molaong oa Motheo.

O re ho se ikamahanye le liqeto tsa Makhotla, ha ho tlisi ts'oso feela ho matlafatseng makhotla, empa le ho lits'iea tsa Molao oa Motheo tseo tlhopho-bocha e batlang ho li matlafatsa.

Ho sa le joalo, o thathamisitse liketsahalo le linyeoe tseo a reng 'muso ha o iqobele liqeto tsa makhotla malebana le tsona, 'me hara tse ling ke ea Monamoli, Adv Polaki, le ea DDP, Adv Motinyane, le ea Commissioner Mokoko, har'a tse ling.

Ho sa le joalo, Mokhothu o ngolla SADC tjena, o boetse o ngolletse le Tona-Kholo Ntsokoane Matekane ka ngongoreho ea litaba tse ts'oanang .

Address

TS'ENOLO FM LOWER THAME PHATLALLA
Maseru
MASERU

Telephone

+26622316889

Website

http://www.tsenolofm.co.ls/, https://www.soul.co.ls/?id=Tsenolo+FM

Alerts

Be the first to know and let us send you an email when Official Ts'enoloFm posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Official Ts'enoloFm:

Want your business to be the top-listed Media Company in Maseru?

Official Ts'enoloFm

06/08/2026

06/08/2026

06/08/2026

06/08/2026

06/08/2026

06/08/2026

06/08/2026

05/08/2026

05/08/2026

05/08/2026

Address

Telephone

Website

Alerts

Contact The Business

Shortcuts

Share

Category

Listing takedown request