Muckracker

Muckracker News and Media

BASOTHO BA BATLA PUSO EA ABC- SEPHOHLEA bua sebokeng seo ABC e neng e se tšoere Lithabaneng #40, molula-setulo oa lekho...
03/05/2026

BASOTHO BA BATLA PUSO EA ABC- SEPHOHLE

A bua sebokeng seo ABC e neng e se tšoere Lithabaneng #40, molula-setulo oa lekhotla la bacha ka hare ho lekhotla lena, monghali Keketso Sephohle, o elelisitse sechaba h**e e le lekhotla la bacha ba tsoile letšolo ho kena ntlo le ntlo e le ho tsosa sechaba molota ka lekhotla lena.

A re sepheeo sa bona se seholo ke ho tsosolosa tšepo eo sechaba se nang ke eona ho ABC, ba bile ba ntse ka ikopela tšoarelo ho sechaba moo e bang ABC e ile ea se hata litorong teng.

Sephohle o hatetse pele ho bontša ha Basotho ba ba file tsebe, 'me ba bontša ha ba hlile ba laretse ho bona ABC e boetsa e busa hape, e le ho phethahatsa litaba tsena tseo bona e le bacha ba ntseng ba ba joetsa tsona, kaha pusong ena e teng ba phoqehile ho ea ka litebello tsa bona.

A ipiletsa ho sechaba ho khetha Kobo-tata ka bongata e le ho e fa monyetla oa h**e e li hule nthau ntlheng ea puso likhethong tseo naha e eang e li lebile.

A tsoela pele ho bontša ha ABC e entse moralo oa tšebetso, oo ba itlammeng ho sebetsa ka oona molemong oa naha ea Lesotho. A re ka moralo ona, ba tla lokela ho lula ba tšoara liboka nako le nako, e le ho hlahloba manoni o oona.

Sephohle o boetsa a leboha bacha ba habo ka mosebetsi o motle oo ba ntseng ba o etsa oa ho hasa litaba tse molemo ka lekhotla lens, a re ha ho bobebo empa ba tleneletse pele feela, qetellong ho tla ba le leseli.

A phethela ka ho ipiletsa ho boetapele ba ABC h**e ha bo nka puso, bo etse ho ea ka maano le motheo oa ABC, e leng ho nahanela batho bohle ho kenyeletsa le bacha. A re bacha ba lapile ha ba na mesebetsi, 'me o ipiletsa ho boetapele ba lekhotla lena ho phethahatsa taba-tabelo tsa bacha

Bona ke boemo boo batho ba phelang ho bona Mafeteng. Ho ea ka tlaleho ea monghali Lehana Moshoeshoe, lelapa lena le nang...
03/05/2026

Bona ke boemo boo batho ba phelang ho bona Mafeteng. Ho ea ka tlaleho ea monghali Lehana Moshoeshoe, lelapa lena le nang le batho ba 7, le phela le ho ipatla tlasa marulelo ana a ka 'nang a fefoha le ho heleha neng le neng.

Moshoeshoe o ipilelitse ho motho ea ka hlomohang pelo ho thusana, ho etsa joalo. A re lelapa lena le fumaneha Ha-Seitlheko Mafeteng, 'me motho a ka thusana ka hohle ka moo a ka atlehang.

A re mealo, likobo, lijo le moaho ka kotloloho ke tlhoko ea lelapa lena

ABC E TŠOARA SEBOKA MASERU Kobo-tata ea Basotho e bile le seboka se seholo kajeno Lithabaneng #40 seterekeng sa Maseru....
03/05/2026

ABC E TŠOARA SEBOKA MASERU

Kobo-tata ea Basotho e bile le seboka se seholo kajeno Lithabaneng #40 seterekeng sa Maseru.

A bua sebokeng sena, moetapele oa eona mohlomphehi Nkaku Kabi o itse ba ikemiselitse ho tsetela bohlahising hang ha ba kena pusong. A re ba etse hloko h**e Basotho ba ntse ba rekisa masimo a bona, empa leha ho le joalo, masimo a setseng nakong ea thekiso, ba tlo a sebelisa hamolemo e le ho hlahisoa lijo tsa temo

O hatetse pele ka ho ipiletsa ho Basotho ho lumela ho baloa nakong ena ea palo ea sechaba, a re palo ea manane a joalo e tl'o ba thusa nakong ea puso ho bona h**e na ba sebetsa holima manane a makae ka mekhahlelo eohle ea oona.

A boela a bontša ha ba ntse ba le morerong ho theolela lilemo tsa maqheku a fumanang litsiane tsa 'muso ho mashome a tšeletseng, 'me palo ea manane ana e tl'o ba thusa haholo e le puso.

Mohlomphehi Kabi o phethetse puo ea hae ka ho tiisa h**e ba tla sebetsa ka matla le bahlanka ba lekala la bophelo metseng, ho bona h**e thibelo ea mafu le ho phekoloa ha oona ba e phamolela holimo.

A re o kopa ho Molimo ho boloka moetapele oa mehleng oa lekhotla lena, Dr. Thabane e le h**e a tle a bone ha ba phethahatsa litabatabelo tsa hae ka Lesotho

02/05/2026

LITEBELLO KE TSE HOLIMO HO BAKOPI BA LIKOLO THUTONG E PHAHAMENG

Ke bonyane bacha ba ka holimo ho makholo a mabeli ba entseng likopo tsa ho amoheloa sekolong sa koetliso ea litichere ba ntseng ba seka-seka taba ea bophelo ba bona kamor'a ho phethela sekolong se phahameng.

Baithuti bana ba re ba tšoenyehile haholo ke h**e na ba tla atlela ho ithuta le sekolo sena kamor'a h**e ba ele hloko h**e bohlolo ba bakopi ba amoheloa ke sekolo empa setsi sa lithuso tsa 'muso, NMDS, se ba hana.

Ho sa le joalo, e mong oa baithuti ba seng ba ntse ba tsoela pele ho ithuta le sekolo, "Sir Lehakoe" ho ea ka moo a ipitsang ka teng, o ipilelitse ho bacha bana ho khoba matšoafo, haholo ba lakalitseng ho ithutela lithuto tsa mahlale, a re o etse hloko h**e bongata ba baithuti mafapheng ana ba amoheloa bobeli ke NMDS le sekolo.

A re leha ho le joalo, bacha ba kopileng ho ithutela ho ruta lithuto tsa puo, ho bonahetse ho se bobebe h**e NMDS e ba amohele ka mabaka ao a sitiloeng ho a teka.

Ha ba eletsana, bacha bana ba itse ho molemo ho iqalla likhoebo e le ho qoba lebatama la ho hloka chelete kamor'a ho phethela lithuto tsa bona. Ba re ha se likhoebo tsohle tse hlokang chelete ho qaloa, motho a ka iketsa lenqosa, a rongoa hohle ho phethahatsa litabatabelo tsa baji, 'me a putsoa ke balaetsi ba hae

Re buile le NMDS, 'me ea tiisa h**e e amohela mokopi ha feela a fihlela lipehelo tsa kopo le lenane la bona le ntse le ba lumella ho nka bakopi

27/06/2025

'Makatleho Mothibeli ka Mafeteng araba fono kapa u kene inbox ea rona.

08/06/2025

Re ithutile h**e motho ea ka mor'a litaba tsena kaofela ke Monghali Maseela, ea reng o ne a ile a kena khoebisanong 'moho le bone bona, boo qetellong bo ileng ba mo hlanohela, 'me ba re kaha ehlile bo hloleha ho ka lefa, e ka ba bohlale h**e a ngole litaba tsena mona.

Maseela o re bone bona, bo kopile h**e litaba tsena tsa bona li se felle mona, a mpe a manehe lifoto tsa bona lipalong tsa motlakase le ho tsebisa sechaba mofuta oa batho oo ba leng 'ona. Maseela o re nomoro e nepahetseng ea faneng ka eona ke eo a reng e letsetsoe, kaha tseo a faneng ka tsona bakeng sa M-pesa le Eco-cash, li fosahetse, 'me sena o se entse ka boomo.

Tsena kaofela li tiisitsoe ke mofumahatsana Khopotso Mopeli.

07/06/2025

BARUTOANA BA LLA SA PHOHOMELA MATELILE

Moipone Molefi (19), Khopotso Mopeli (21) Thalelo Mphofe (18) le morutoana e mong eo re sitiloeng ho ngola mabitso a hae fatše hoba a le tlase lilemong, ba kenang sekolo ho tse ling tse phahameng tikolohong ea Matelile, ba re ba kopa h**e mang kapa mang ea ka ba thusang ka chelete a mpe a etse joalo kaha ba khasa ka har'a likoloto.

Bone bona bo re bo se bo tšaba ho tsamaea ka bolokolohi hobane bo kolota bahoebi ba Ha-Makhakhe mona, hoo ba bang ba seng ba nkile qeto ea ho ba isa lekhotleng.

A bua lebitsong la bona, Mopeli o kopile h**e e mong oa baahi, Sephewe David Maseela, a ba kopele thuso mona, e le ho qoba h**e ba isuoe lekhotleng, moo ba tlang ho fumanoa ba le molato, 'me e be ba ba le letšoao la botloli ba molao.

Ba ipilelitse ho bohle ba ka ratang ho kenya letsoho ho pholosoeng ha bona, ho ka lahela M-pesa, Eco-cash kapa ho isa chelete ka letsoho ho eena Sephewe le linomorong tsena 5920 1798 le 6352 8357.

Bakeng sa lintlha ka botlalo, motho ea ka ratang ho thusa a ka fumana Sephewe Ha-Makhakhe pel'a leloaleng moo a sebeletsang teng, kapa a letsetsa linomoro tseng; 5992 6536

E LE HO ETSA TŠALO-MORAO EA TABA TSENA, RE FUMANE H**E BARUTOANA BANA BA ENTSE LIKOLOTO TSENA HO TLOHA KA TLHAKUBELE, MOO BA NENG BA KOLOTA BA TŠEPISA H**E HANG HA BATSOALI BA QETA HO ROMELA CHELETE, E BE BA TLA E LEFA.

KE MONA MOO MOHOEBI E MONG A ILENG A FELA PELO, 'ME A BA TSEBISA H**E O EO BA QOSA KAHA BA SE BA NA LE BOIKARABELLO HO KA ARABELA MATJALA AO A BONA.

RE BUISANE LE MOHOEBI EA JOALO EA SA KANG A RATA HA MABITSO A HAE A HLAHELLA, 'ME A BONTŠA HA A ILE A NKA QETO EA H**E O EO BA QOSA KAMOR'A H**E A BONE BA SE BA MO NYAMELETSE, 'ME A FETISA MOLAETSA KA BANA BA BANG BA SEKOLO HO ELELLISA BAO KOTSI E BA TLELANG, KE MOO BA ILENG BA MATHELA MONA H**E BA MPE BA HAUHELOE.

POTSONG EA H**E BA KOLOTA BOKAE, BA SITILOE HO FANA KA LINTLHA KA BOTLALO HOBA BA RE CHELETE EO BA E KOLOTANG, MOTHO KA MONG E FETA LEKHOLO, HA MOIPONE A BONTŠITSE EA HAE E FETA MAKHOLO A MARARO.

MOHOEBI ENOA, O RE BATHO BANA NTHO E MO HALEFISITSENG KA HOFETISISA KE HOBANE BAO BA NE BA HANA HO MO FA LINOMORO TSA BATSOALI HO KA BA HLALOSETSA TABA TSENA, BA MPA BA MO BALISA MOO BA BUILENG LE BATSOALI BA BONA, MOO A SE NANG BONNETE BA H**E E FEELA E NE E LE PUISANO EA BONA LE BATSOALI KAPA CHE!

05/07/2023

PAID ad

Ha-Motjatji, Ha-Thabo, Litjepeletsane, Ha-Motšetšero, Ha-Mosala, Ha-Thobi, Ha-Raliapeng, Ha-Mpapa

Mona ke se ke etsa khoelehetso ho bacha ba lilemong tsa ho khetha, haholo ba Lehlakaneng E04, ho nka bohato ho leka ho fetola boemo ba baka sa bona

Me bua mona ke le mocha ea tšoenyehileng ke bobosi bo se nang molemo sechabeng, bo ichebileng bo-bona le beng ka bona

Joalo kaha rea likhethong tsa "macanslara", ke bua mona ka phatla e phahameng h**e ke tl'o emela likhetho tikolohong ena. 'Me ke ipiletsa ho bohle ba nang le thahasello ho boneng ntlafala tikolohong ea bona ho nkhetha.

Ke bua mona ka maano a boleng bo holimo. 'Me 'ona ke a latelang;

Ho ntlafatsa tikoloho le moruo ka temo ea lifate tsa litholoana

Tsetela temong

Ho felisa bobolu le khethollo phanong ea bosebeletsi

Ho akofisa le ho phethahatsa merero e metle eo 'muso o neng o e ralile

Maana ana ha a fella, empa e le karoloana feela ea 'ona.

Ela hloko h**e ke moiketi ea ilemetseng(Independent) lebitso la ka ke SEPHEWE DAVID MASEELA. LETŠOAO LA KA KE KHARAFU

16/05/2023

SESOSA SA LEFU LA JOKI SEA HLAHELLA

Ho ea ka Motseki Joki ho hlaha lelapeng la bo mofu Ralikonelo Joki,ke likulo tse 7 tse thuntseng Leqhashasha.Likulong tseo tse 7,tse 5 ke tsona tse bakileng h**e ebe Leqhashasha ke mofu kajeno.

A buoa Moaforika FM,Joki o bonts'itse kulo ele ngoe e kene hlohong 'me ho bonahala sethunya se ne se beiloe hlohong ea hae hantle ha a thunngoa holatela botebo ba eona kaha e qhaqhile hlooho ka hare.

Ho feta moo,o re tse peli li ka lehlakorong la letsoho le letona ha tse peli li kene ka lehlakorong la letsoho le lets'ehali

O re tsena tse keneng mahlakorong li hlenhlantse sohle se ka hara 'mele eleng 'mats'oafo,libete mala joalo joalo.

16/05/2023

BAITHUTI BAA KENELOA MATELILE

Morutoana oa se seng sa likolo tse Ha-Makhakhe ea lulang matlong a khiroso o re o seboko ke tšireletseho e fokolang moo a phelang teng.

Morutoana enoa ea etsang Grade9, o re kajeno mantsiboea ha a fihla moo a lulang, u fumane fenstere e pshatliloe ka mohl'omong lejoe, eaba motho ooa kena a inkela mohala oa hae oa thekeng le litsejana.

Ha a bua ka pelo e bohloko, o re mohala ona o ne a qeta le ho o reka, 'me o belaela e ka ba batho ba mo lisang kapa ba pel'a hae e le bona babelaelloa ba mofapa-hlooho. O re o tlalehetse mong'a moaho, 'me o itse o tla etsa ka mokh'o mong.

Ha a menyeletsa maritsa, o bontšitse ha nokoane sena se bile sa phutha lejoe leo se pshatlileng ka lona sa tsamaea ka lona, mohl'omong se tšaba h**e se ka louoa ka lona.

Setšeng sena sa bolulo, barutoana ba bang ba phela le mong'a setša kahare ka ntlong e le 'ngoe, ha ba bang ba phela ka ntlong e ka thoko.

Ho sa le joalo, ha se lekhetlo la pele sebakeng sena ho utsuoa hoba menyenyetsi e re ho na le mohla masholu a ileng a kena, a inkela lijo le tsohle, lehoja ka tsatsi le leng le fapaneng, ba ile ba kena ka tsela e tšoanang, ka bomalimabe ba fumana barutoana bao ka hare, 'me bao ba ba tlaleha, hofihlela ba isoa sepoleseng sa Matelile.

Menyenyetsi e meng e re baahi ba motse o ka holimo ho matlo ana a khiriso, ba ka 'na ba nkha lefotha tabeng ena hoba ke bona ba kileng ba fumanoa

09/05/2023

MOSALI O SHOELA TUMELO MASERU

Setho sa kereke ea New Jerusalem Apostolic Church in Zion, e Setibing Maseru, se noetse koetseng Nokeng ea Makhaleng se qeta ho kolobetsoa sontaha se fitileng.

A buoa Molisa ea Molemo Fm Moareka-Bishopo oa kereke eo, Alexander 'Malei, o itse lehlasipa le ile la thella letlapeng la oela ka koetseng,le ne le qeta ho kolobetsoa le ba bang.

Moareka-Bishopo o itse metsi a ne a le mangata empa o hlotse a ntse a kolobetsa batho mono.

Lehlasipa le tlalehoa e le ngoetsi e ncha e sokang e qeta khoeli tse tharo e le lenyalong, Sepolesa se batlile lehlasipa sa ba sa itlosa.

𝗦𝗢𝗨𝗥𝗖𝗘:𝗠𝗢𝗟𝗜𝗦𝗔 𝗘𝗔 𝗠𝗢𝗟𝗘𝗠𝗢 𝗙𝗠

Address

Makhakhe
Matelile

Telephone

+26663528375

Website

Alerts

Be the first to know and let us send you an email when Muckracker posts news and promotions. Your email address will not be used for any other purpose, and you can unsubscribe at any time.

Shortcuts

Share