Пфляўмбаўм / Pflaŭmbaŭm. Жаночае выдавецтва

29/10/2025

Да Ночы расстраляных паэтаў публікуем архіўны здымак 1926 года. Ён ёсць у зборніку паэзіі Яўгеніі Пфляўмбаўм "Сонца", які мы выпусцілі ў 2023 годзе.

На здымку Яўгенія Пфляўмбаўм з паэтамі Валерыем Мараковым і Янкам Туміловічам. З фондаў БДАМЛМ

Валерый расстраляны НКУС 29 кастрычніка 1937 разам з 22 іншымі беларускімі літаратарамі.

Янка быў арыштаваны і памёр 21 студзеня 1938 у ГУЛАГу.

Яўгенія знікла з публічнага жыцця як паэтка амаль да скону свайго жыцця.

28/10/2025

Анлайн з Марынай Шодай, перакладчыцай «Кніг Якуба» Вольгі Такарчук

28/10/2025

«Калі не складана, перадайце, калі ласка, аўтарцы, што для мяне гэта адна з найлепшых кніг, прачытаных за апошнія гады. Вельмі моцна, нешаблонна і стылёва. Дзякуй!»

Водгук пра кнігу «Эйфарыя» Марыі Пархімчык 😎

23/10/2025

Віншуем Марыну Шоду, перакладчыцу з польскай рамана «Кнігі Якуба» Вольгі Такарчук з трапляннем у доўгі спіс прэміі Шэрмана за 2024 год!

✅Марына Шода - пераклад з польскай рамана "Кнігі Якуба" Вольгі Такарчук

Падзеі гэтага гістарычнага рамана адбываюцца ў другой палове XVIII стагоддзя. Перадусім гэта падарожжа па Рэчы Паспалітай, дзе пераплятаюцца народы, рэлігіі, культуры. Гэта гісторыя харызматычнага самаабвешчанага месіі Якуба Франка, расказаная ягонымі паплечнікамі і задакументаваная ў судовых справаздачах, абсмяяная яго ворагамі.

Паводле апытання Gazeta Wyborcza, польскія чытачы прызналі гэты раман найлепшай кнігай першай чвэрці ХХІ стагоддзя. На момант з’яўлення беларускага выдання твор перакладзены на пятнаццаць моў, а колькасць яго чытачоў толькі ў Польшчы перасягнула паўмільёна. Бясспрэчна, гэта адзін з найважнейшых твораў сучаснай польскай літаратуры, які ўмацаваў пазіцыі аўтаркі сярод выбітных творцаў сусветнай літаратуры і паспрыяў прысуджэнню Вользе Такарчук Нобелеўскай літаратурнай прэміі за 2018 год.

23/10/2025

Віншуем Алега Віркевіча 😎, перакладчыка з украінскай кнігі Марыі Маціёс «Салодкая Даруся», што выйшла ў нашым выдавецтве, з трапляннем яго працы ў доўгі спіс прэміі Шэрмана за 2023 год!

22/10/2025

Гэта нашая дызайнерка і кніга! Ганарымся!

22/10/2025

А вось і яна, тая самая тоўсценькая кніга, чытаннем якой можна насалоджвацца вельмі доўга: інвестыцыя ў ваш вольны час! Анлайн-прэзентацыя будзе!

21/10/2025

Уладзіміру спадабалася кніга

Даляцеў да мяне ад Уладзімір Някляеў водгук на кніжку «На прызбе ў Сілічах».

“Шаноўная спадарыня Марыя, пасядзеў нарэшце (раней шпіталі не дазвалялі) з кнігай у руках на прызбе ў Сілічах. І нібы пагаварыў з блізкім чалавекам пра тое жыццё, пра якое гавораць не па радыё і не ў тэлевізары... Дзякуй за размову!”

Мне хочацца тое, што вы сказалі, як узнагароду павесіць у сябе на старонцы. Дарагія чытачы, мяне пахваліў Кароль Паэзіі! Гэта трэба было дажыць да такіх гадоў, каб такого дачакацца!

На здымку: кветкі за кніжку на прэміі Ежы Гедройця.

16/10/2025

Пра нашую Югасю Югася Каляда пішуць!