RTEL Lëtzebuerg

26/09/2023

Mir verkafen e Walplakat - juste eemol benotzt. Kann een fir des Walen secher nach emol gebrauchen.

16/03/2020

EXKLUSIV

Cactus hëlleft bei Verbreedung vum Covid-19

Fir d'Hamsterkeef weider unzedreiwen, mécht de Cactus elo juste nach Keesen direkt niewteneen op. Och wann et 10 a méi Keese gett an der juste zwou opgemeet ginn, mussen emmer déi opgemeet ginn, déi direkt niewteneen leien (wéi hei op der Foto vun haut 15h45 am Cactus ze gesinn), dat sot eis de 🌵-Direkter am exklusiven Interview. Esou verbreet sech de Virus am bäschten, well d'Leit net nemmen hannerteneen mee och niewteneen stinn. Dat bäscht Geschäft zenter Joren soll esou weider ugedriwwe ginn.

De Gesondheetsministère sot eis, de Profit steet hei am Land emmer virun der Gesondheet, et kéint een déi Praktik also net verhenneren.

Eise Quallen no kruten Matarbechter och gesot, se sollen ganz no un d'Leit erugoen, esou kéint een de Virus weider ennert de Leit haalen.

'Virus, emmer méi frësch' 🌵

(D'Foto gouf eis vun engem RTEL Informant aus dem Cactus Marnach geschéckt. Vun 8 Keesen waren juste déi hei zwou direkt niewteneen op.)

27/01/2020

+++ Wichteg +++

De Grand Duc Heng huet RTEL en exklusiven SMS-Communiqué-geschéckt:

Bonjour, ech sinn et den Heng. Firwat sinn hei sou Trollen déi op eemol u Fraen ginn?! Fraen mussen heiansdo einfach emol hir Emotiounen erausloossen. Wien huet nach nie engem eng gebeetscht oder e puer Leit entlooss?

Fraen si ganz aanescht wéi Männer - dat seet mer mäin Hauspaschtouer emmer. An et ass mega onfair lo hei op eemol e mannerbemettelt Wiesen unzegräifen.

An iwwerhaapt: Jorzéngten hate mer eis Rou an lo-obwuel mir eis mega Méi ginn Prenz a Prenzessin ze spillen, ginn hei fake news verbreet. Déck mies. Wollt ech awer einfach mol soen, net datt ech lo als passive Fäertarsch hei stinn.

Allez léif Leit-loosst op mannst nach eng Duke-Generatioun no mir vun eisem Lëtz-Kuch iessen an mech meng Pensioun genéissen, dat ass essentiell fir mech. Mir déngen Iech och a maachen lauter gudd Saachen-ech schwieren! Schéck dat un d'Vollék weider leiwen RTEL.

Heng

Senf, de 26.01.2020

24/01/2020

+++ EXKLUSIV vum Haff +++

Eisen ganz gutt informéierte Quellen no, dankt de Grand-Duc Heng deemnächst of! D'Maria Teresia soll Grande-Duchesse ginn.

De Spezialrapporter Jeannot Waringo krut Aenzeien no geschter eng mat der Louis Vittons-Posch an d'Gesiicht, Namürs-Knippercher an den Hals gedréckt an dunn mat engem 100.000 Euro-Scheck aus dem Palais gehäit. 'Et geet elo duer du Virwetztut, maach dech aus dem Stepps, soss ginn ech der eng, datt d'Mauer der nach eng gett', soll d'Maria Teresia duerch de ganze Palais gejaut hunn.
De Spezialrapport, deen eis virläit, huet d'Maria Teresia vun hirem Personal fäerdegschreiwe gelooss. Dorauser wéilt de Xavier Bettel geschwenn d'Konsequenz zéien, datt de Grand-Duc - elo och offiziell - just nach de Mann vun der Maria Teresia ass, déi nei Grande-Duchesse vu Lëtzebuerg gett. De Palais soll op Paräis geplennert ginn an de JC Juncker soll der Maria Teresia erem reegelméisseg déi beschten Insidergeschichten aus dem Land erzielen an hir an d'Rei maachen wat si grad well.
De Xavier Bettel sot no engem geheimen Gespréich mat der Maria Teresia, hien wier emmer schonn e grousse Frend vun der Monarchie gewierscht, et géif keng Grenn ginn sech an déi gestéiert bipolar Muechtverhältnisser vun enger Koppel anzemeschen. An d'Monarchie als Ganzt a Fro ze stellen géif schonn guernet an d'Tut kommen. Dat géif net emol d'Woxx maachen, déi am léifsten e gewieltenen Grand-Duc hätt. Dat eenzegt wat op Drock vum Jeannot Waringo ännere soll: d'Namürsknippercher déi no 4 Auer giess ginn, soll d'Zweckkoppel selwer bezuelen an net op Colmar mathuelen dierfen. Als Géigeleeschtung soll de Budget vum Haff awer net gekierzt ginn.

08/12/2019

EXKLUSIV!

D'Sylvi Mischel vun den ADR-Hausfraen huet RTEL de Walplakat vum ADR zoukomme gelooss!

06/12/2019

EXKLUSIV!

En anormalt Kand vun anormalen Elteren kennt op d'Welt-ganz Lëtzebuerg ass frou!

De Premierminister gratuléiert haut enger anormaler Koppel déi schwanger ass an en anormalt Kand kritt. De Premier Xav sot RTEL: 'Mir wessen elo schonn, datt d'Kand e ganz aussergewéinlecht Kand wäert ginn! Besonnesch intelligent, schéin a léif. Dofir wäert et emol Staatschef vu Lëtzebuerg ginn!'

Op d'Fro vun RTEL ob dat eeschtgemengt ass, dat wier ondemokratesch an onfair vis à vis vun aanere Leit, sot de Premier Xav den 1ten (CSV): 'ma sécher dat! Wat fir eng blöd Fro. Verschidde Kanner sinn einfach besser wéi de Rescht, stupid!
D'Koppel stoung laang ennert Drock fir genuch Drock opzebauen. Elo ass et dann esouwäit. Si hunn et no laange Studien am Ausland fäerdeg bruecht e ganz besonnesche Sperma fir e ganz besonnescht Kand ze propulzéieren. Fir dat ze feieren a well si eben en anormalt Kand op d'Welt brénge wäerten, kritt d'Famill eisen Informatiounen no hirt Liewe laang einfach esou Suen vum Staat geschenkt an si däerfen mat ganz schéinen Autoen ronderemfueren, Namurs-Knippercher à volonté iessen an an engem Prinzessinneschlass wunnen. Mee psssst! Net weider soen, dat ass e Geheimnis.

04/12/2019

Opgepasst un all Elteren! EXKLUSIV:

D'Wouerecht firwat d'Lëtzebuerger Kanner op Dubai geschéckt ginn!

De Minister Cloud Meisch schéckt eisen Informatiounen no Äer Kanner net op Dubai fir d'Weltexpo, mee dohannen an d'Schoul wann se dest Trimester keng Moyenne vu 50 hunn! Esou soll Lëtzebuerg besser bei der nächster Pisa-Etude ofschneiden. Dohannen sollen se dann emol an eng anstänneg Schoul mat engem gudden Educatiounssystem goen. Déi ganz domm Kanner sollen hellefen de Lëtzebuerger Pavillon méi séier opzebauen. D'Sklaven wieren den Ament nämlech ze lues.
Et wier ze vill Aarbecht sech Gedanken iwwer eng anstänneg Bildungspolitik fir jidfer Kand ze maachen. Verschidde Kanner wieren einfach domm a géngen et bleiwen, esou de Clod Meisch. Do géif hien sech keng Méi maachen sot hien eis, mir sollen et awer kengem weider soen. Mee d'Wouerecht muss gedeelt ginn!

Äeren RTEL-nemmen d'Wouerecht. Liked eis Säit, fir déi beschten Informatiounen vu Lëtzebuerg.

04/12/2019

EXKLUSIV!
Keen huet et gemierkt-dofir léise mer et op: Mir hunn déi falsch Capitani-Episod diffuséiert. Eisen RTEL-Chef sot am Interview: Entweder de Xavier erhéicht d'RTEL-Subventiounen an de Budget vum Filmfong nach méi, oder mir spillen elo all Woch déi selwecht Episod! Et schätzt jo souwisou keen déi intellektuell Glanzleeschtung, mat däer eis Capitani begléckt.

Et war eng onfräiwëlleg Iwwerraschung um Dënschdeg den Owend fir vill RTL-Spectateuren.

03/12/2019

EXKLUSIV: Grafsteen vun Däitscht Räich-frëndlecher Groussherzogin geklaut - Maria Teresa geheit mat Namur-Knippercher!

+++ Eisen Informatiounen no ass der fréierer Groussherzogin Marie-Adelheid hire Grafsteen aus der Kathedral geklaut ginn. Aktivisten vum Zentrum fir politesch Schéinheet hätten en am fréie Moien matgoe gelooss fir op hir Däitschfrendlechkeet während dem 1te Weltkrisch opmierksam ze maachen a mat der konservativer Geschichtsschreiwung opzeraumen.

D'Lasep , d'DP an déi gréng hunn sech an enger éischter Réactioun hannert déi aktuell CSV-ADR-Regierung gestallt.
Et wier e renge Mythos datt d'Marie-Adelheid während dem 1. Weltkrisch mam Däitsche Räich sympathiséiert huet.

Et sollen och keng eeschtgemengten Changementer an der Verfassung ginn, déi d'Monarchie wierklech betreffen, esou de Félix Broth am RTEL-Interview. Et géif een d'Leit jo souwisou neméi em hir Meenung froen an emmerhin hätten eréischt 1919, virun 100 Joer, d'halschend vun de Stemmberechtegten fir d'Monarchie gestemmt (66.000 vun 125.000 Leit. Vill Leit hunn deemols net matgestemmt).

Der Adelheid hir enk Verbindungen mam Däitsche Räich wiere fräi erfonnt sot ons och den eenzeg eeschtzehuelenen Historiker zu Lëtzebuerg, den Haff-Historiker Chris Schampess.

D'Fra vum Petit-Duc Henri ass no deser Nouvelle aus dem Rollstull gesprongen, huet mat Namurs-Knippercher op d'kierchlech Secherheetsagenten geschoss an en neien Dierwiechter fir d'Kathedral agestallt.

02/12/2019

Opgepasst Lëtzebuerg! +++

De Schnéi iwwer Lëtzebuerg ass keen normale Schnéi! W.e.g. deelt dese Message, datt jiddereen bescheed weess.

Den Drogeproblem huet sech vun der Gare ewesch verlagert! Eisen Informatiounen no, ass dee wäisse Polver iwwer Lëtzebuerg mat Koks gestreckte Schnéi. Den Zentraldirekter vun der Poliss sot eis am exklusiven Interview, datt een nach méi Kameraen uechtert d'Land well ophänken, den Drogeproblem hätt sech nämlech wahrscheinlech vun der Gare ewesch verlagert. Dat wier net viraus ze gesi gewierscht. Elo ass dat ganzt Land wäiss an et misst een all Duerf mat Kameraen equipéieren. Da wier den Drogeproblem awer definitiv geléist.

Et heescht also oppassen bis dohinner, datt Der net mat der Nues op de Buedem faalt. D'Poliss ass bis dohinner verstäerkt am ganze Land aktiv a plangt och schonn Razzien mat Schnéiween.

Merci datt Dir dese Message deelt! Emmer up to date-déi wichtegst Noriichten mat RTEL.

04/04/2016

EXKLUSIV!

Panama Papers: Lëtzebuerg hellt Steierflüchtlingen op

De Grand-Duché weist Solidaritéit mat de Steierflüchtlingen, déi an enger „international orchestréierter Aktioun“ (P. Gramegna am RTEL-Interview) aus hiren Heemechtslänner verdriwwe ginn. Grouss Wirtschaftsmuechten uechtert d’Welt géifen en economesche Krich féieren a Mënsche mat Streesteiere verdreiwen. Leit wéi de Lionel Messi oder de Michel Platini, déi hiert ganzt Liewen haart fir hir Sue geschafft hunn, géife mat bombastesche Steiere verdriwwe ginn. Och wann een no Luxleaks elo mat „Panama-Papers“ nees Länner wéi Lëtzebuerg, Panama an aner kleng Staaten destabiliséiere well: "Lëtzebuerg léisst sech net vum solidaresche Wee ofbréngen a wäert och weiderhin no Méiglechkeete sichen, fir verdriwwene Minoritéite Schutz ze bidden, dat ass eis neoliberal Pflicht" heescht et aus dem zoustännege Finanzministère.

Op Unuerdnung vum Grand-Duc, seng kinneglech Héichheet Henri, Groussherzog vu Lëtzebuerg, Herzog vun Nassau, Prenz vu Bourbon-Parma, Graf vu Sayn, Königstein, Katzenelnbogen an Diez, Burggraf vun Hammerstein, Herr vu Mahlberg, Wiesbaden, Idstein, Merenberg, Limburg an Eppstein, ginn d’Fändelen ee Mount op Hallefmast gesat an et gëtt de concernéierte Leit och direkt déi Lëtzebuergesch Nationalitéit ugebueden. „öch a meng Famille wössen a wéi enger schwéierer Not déi Leit sinn, datt se mat hire siwe Milliarde Saachen aus hirem eegene Land flüchte mussen, mir mussen deene Leit weiderhin zur Säit stoen“.
D’Fedil huet iwwerdeems e Solidaritéitsfong ugeluecht an d’nächst Woch gëtt mam Bau vun 1000 High-end Steierflüchtlings-Appartementer ugefaangen. D'Belairer Awunner mobiliséieren sech an ënnerschreiwen den Ament Solidaritéitspetitiounen. Si wëllen d'Wunnengen onbedéngt an hire Quartier.

29/01/2016

EXKLUSIV!
Police mécht elo Comic'en

Eisen Informatiounen no, huet d'Lëtzebuerger Police elo eng Equipe an der Police-TV-Kommunikatiounszentral op d'Been gestallt, fir B.D.'en, also Bandes criminelles Dessinées ze maachen. Den éischte Comic soll an dräi Méint erauskommen. Et bréicht een nach e bëssen Zäit fir spektakulär Motiver an Zeen ze setzen. Dofir ginn nach weider Riesencoupen géint Koksmenschen geplangt, déi een dann e bëssen, awer net ze vill verfriemt op Féissbook stelle kann. Mat Koksmenschen sinn awer net déi kriminell Koksmenschen an de Banken gemengt, déi bréichten de Stoff, fir produktiv am Interêt vun eisem Land ze schaffen. Kriminell sinn déi Leit, déi d'Police op Féissbook weist.
Mat der éischter BD brauch d'Police och nach e bëssen Zäit, well den Ament d'Polizisten nach net genuch oppassen, wéi se sech am beschten stellen, fir datt se professionell, staark a geféierlech ausgesinn. Donieft sollen d'Aktfotographien och e kënschtleresche Wäert hunn, do leet de Photograph, deen de Fotospräis 2015, fir seng Foto mam Hakekräiz hannert enger Luucht kruut, besonnesch vill Wäert drop.

Den Ament gëtt och schonns fläisseg op de Féissbook-Fotoen kommentéiert. "An seier zereck and Heeme ht" zum Beispill.
An dat ass och gutt esou, heescht et géintiwwer RTEL. D'Leit sollen mat eise Bouwen matféiwere kennen sot eis de Jemp vun der Police, dee mëttlerweil e Kontrakt mat Hugo Boss huet an e Boni kritt, fir all Kéier wou e seng Auer an enger dominanter Positioun weist.

Wéi op de Biller ze erkennen, schaffe mir vun RTEL den Ament och un enger Police-Soap. Mir halen Iech um Lafenden, well mir si Journalismousse.