radio 100,7

16/09/2025

D’Enseignantsgewerkschaft SNE huet op hirer Rentréespressekonferenz net mat Kritik un de Pläng vum Educatiounsministère gespuert. Dat virun allem um Projet “Alpha – zesumme wuessen”, also der Alphabetiséierung op Franséisch.

D’Enseignantsgewerkschaft SNE huet op hirer Rentréespressekonferenz net mat Kritik un de Pläng vum Educatiounsministère gespuert. Dat virun allem um Projet “Alpha – zesumme wuessen”, also der Alphabetiséierung op Franséisch. Et wieren nach ze vill Froen onbeäntwert, sot de Patrick Rema...

16/09/2025

Kënnt et an der Gemeng Conter zu engem politesche Wiessel? Déi aktuell Buergermeeschterin kann dat am 100,7-Interview net ausschléissen. Hir Partei, d'CSV, wier jiddefalls net bereet fir Réckzuch "à l'amiable".

An der Gemeng Conter goufen et Kontakter fir eng CSV-DP-Koalitioun, confirméiert d'Buergermeeschterin Marion Zovilé-Braquet. Si schléisst awer net aus, datt et zu enger Koalitioun DP, LSAP an déi gréng kéint kommen.

16/09/2025

An de Lëtzebuerger Kulturkreesser tauchen emmer nees Diskussiounen op, wann Auteuren an Artiste mat Kulturkritiker unenee geroden. Meeschtens geet et dacks méi ëm den Ego vun de verschiddenen Protagoniste, wéi ëm d‘Wierk selwer, mengt de Journalist an Auteur Laurent Moyse a sengem Fräie Mikro. Säi Fazit: Och an der Kultur gehéiert de Kaméidi zum Trend vun eiser Zäit.

16/09/2025

Et gëtt ee Sozialplang fir 124 Mataarbechter:inne verhandelt, esou de Generaldirekter vun ING Luxembourg, de Michael Burch am 100,7-Interview. D’Bank wëllt weider 21.000 Konte vu Privatleit a vu klengen a mëttelgroussen Entreprisen zoumaachen.

16/09/2025

Gudde Moien op dësem zweeten Dag no der Rentrée 📆 Start informéiert an den Dag mam 100,7-Moiesupdate📱

15/09/2025

❓🤔 An eisem neie Format “Fro vun der Woch” wëlle mir är Meenung héieren! All Woch stellt d’100,7-Redaktioun sengen Nolauschterinnen a Nolauschterer eng Fro zu engem aktuelle gesellschaftlechen Theema an dir kënnt se beäntwerten andeems dir eis eng Sproochnoriicht iwwer eis App oder Whatsapp eraschéckt. Mir gräifen är Gedanken op an diskutéieren se Enn der Woch zesummen.

🏫👨‍🏫 Passend zur Rentrée stelle mir iech dës Fro: Wat ass déi eng Saach, déi dir um Lëtzebuerger Schoulsystem géift änneren?

📱 Schéckt eis gären är Gedanken als Sproochnoriicht iwwer Whatsapp op de 621 44 00 44 oder iwwer d’Chat-Funktioun an eiser App. Mir freeën eis op är Gedanken!

15/09/2025

Lëtzebuerg wëllt Palästina d’nächst Woch bei der UN-Vollversammlung als Staat unerkennen. Dat huet de Premier Luc Frieden zesumme mam Ausseminister Xavier Bettel haut um Méindegmoien no der aussepolitescher Chamberkommissioun matgedeelt.

15/09/2025

D’Uni Lëtzebuerg wier den Instrumenter vun der KI géintiwwer oppen, esou de Rekter Jens Kreisel am 100,7-Interview. Mee grad wéi aner Universitéite misst een och hei am Land nach am Beräich vun der Kënschtlecher Intelligenz léieren.

15/09/2025

Léif Nolauschterinnen an Nolauschterer, ❤️

mir hoffen, dir hat e schéine Summer a freet iech elo wéi mir op d'Rentrée!

Vun dëser Saison u presentéiert sech de Radio 100,7 mat enger neier visueller Identitéit an engem neie Claim "Lauschter Lëtzebuerg“, deen d’Missioun an den Usproch vum Lëtzebuerger ëffentlech-rechtleche Radio ënnersträicht.

De Radio 100,7 gëtt de villfältege Stëmme vum Land eng Plaz, fir sech auszedrécken an erzielt hir Geschichten – a mat hire Wierder. Lauschteren heescht entdecken, kucken, fillen, verstoen a sech verbannen. Lëtzebuerg nozelauschteren heescht Lëtzebuerg d’Wuert ginn an och déi onbequeem Froen ze stellen. 🎤🤔

Mat eiser neier visueller Identitéit a mam Claim "Lauschter Lëtzebuerg“ setze mir en däitlecht Zeechen:
➡ Lauschteren ass méi wéi Toun – et ass eng Haltung, déi d’Diversitéit an d’Komplexitéit vun eiser Gesellschaft reflektéiert.

D’Rentrée 2025 ass fir de Radio 100,7 e spannende Schrëtt an eng nei Ära, un där eis Ekipp mat vill Engagement an Häerzblutt iwwer déi lescht Méint geschafft huet, fir eis Nolauschterinnen an Nolauschterer mam héchste Qualitéitsusproch ze informéieren an ze ënnerhalen.

Mir freeën eis zesumme mat iech dës Rees unzetrieden! 🤗

13/09/2025

Den Ausseminister Xavier Bettel ass dofir, datt Lëtzebuerg elo e Palästinenserstaat soll unerkennen. Bis elo war Lëtzebuerg an den Ausseminister jo net där Meenung.

Den Ausseminister Xavier Bettel ass dofir, datt Lëtzebuerg elo e Palästinenserstaat soll unerkennen. Dat seet hien um Samschdeg an engem Interview am Lëtzebuerger Wort. Bis elo war Lëtzebuerg an den Ausseminister jo net där Meenung.

12/09/2025

Als eng Reesreportage, verbonne mat biographeschen Elementer: Esou kéint een dem Michael Merten säi Buch iwwer de fréieren LSAP-Ausseminister Jean Asselborn beschreiwen.

Als eng Reesreportage, verbonne mat biographeschen Elementer: Esou kéint een dem Michael Merten säi Buch iwwer de fréieren LSAP-Ausseminister Jean Asselborn beschreiwen. Am Radio 100,7-Interview huet hien e puer Detailer zum Buch bekannt ginn.