Opus 100,7

Den Opus ass de Radiosender fir klassesch Musek zu Lëtzebuerg. Lancéiert gouf de Sender am Joer 2023 als rengen Internetradio.

Et ass e Schwësterprogramm vum Radio 100,7, aus deem sengem Programm en d’Noriichten iwwerhëlt.

12/05/2026

💿 Der russesch-norwegescher Pianistin Anastasiya Bazhenova hiren intime Klang hëlt eis mat op d’Sich no engem Sënn an enger Welt, déi net méi zesummenhält. Lassgeléist vun historesche Kontexter fillt sech dës Rees erschreckend vertraut un.

🇬🇧 The Russian-Norwegian pianist Anastasiya Bazhenova's intimate sound takes us on a quest for meaning in a world that no longer holds together. Freed from historical contexts, this journey feels terrifyingly familiar.

💬 “We begin with harmony, calm, and proportion with Mendelssohn, and gradually this mood dissolves, until we arrive at Prokofiev, at unrest and extreme contrasts. In other words, at madness.” - Oceana Kaell

08/05/2026

Fir den Europadag ze feieren, organiséiert de Choeur de Chambre de Luxembourg (CCL) haut den Owend (8.05.) um 7:30 Auer e Concert am Grousse Sall vun der Philharmonie. Op der Bün stinn niewent dem CCL och d’Militärmusek an den European Academic Orchestra. Wann een Europadag héiert, denkt een direkt un dem Beethoven seng 9. Sinfonie. De CCL huet sech awer zwee aner Stécker ausgesicht, déi eng déif Symbolik droen: dem Dvořák seng Sinfonie “Aus der Neier Welt” esou wéi dem Bruckner säin “Te Deum”. Wat dës zwee Wierker mam Europadag ze dinn hunn, dat erkläert den Dirigent Antonio Grosu.

Lauschtert eran:
https://www.opus.radio/show/Klassik-Aktuell/202605080940/episode/Iwwer-180-Museker-innen-an-der-Phiharmonie-fir-den-Europadag?pd=opus

08/05/2026

🗓️ Eng Selektioun vun deene Kulturevenementer, déi demnächst besonnesch ervirstiechen, presentéiert vun ärer Opus-Ekipp.

👀 Wërft e klenge Bléck op den Agenda

05/05/2026

Op sengem Debutalbum “Alla Reminiscenza” spillt dee jonke Pianist Ivan Moshuk Pianosmelodië vum Medtner a Rachmaninoff a gëtt zum groussen Erzieler.
Lauschtert den "Plackespiller" an eiser Mediathéik oder an der Opus-App. 🎼🎹🎶

https://www.opus.radio/show/Plackespiller/202605041020/episode/Eng-Musek-dei-1000-Geschichten-erzielt?pd=opus

01/05/2026

Och dës Woch presentéiert d'Ekipp vum Opus eng Selektioun vun deene Kulturevenementer, déi besonnesch ervirstiechen.

👉 Et lount sech e Bléck eranzegeheien!

https://www.opus.radio/show/Agenda/202604301120/episode/Agenda-02-05-07-05?pd=opus

30/04/2026

D’Stephany Ortega ass an aarme Verhältnisser an der Dominikanescher Republik opgewuess. Och wann hir Kolleege si gewarnt hunn, si géing als Musekerin warscheinlech erhéngeren, wollt si net opginn. Si hat ëmmereen Zil am Liewen: glécklech ze sinn.

An der nei Episod vu Klassik Talk verréit si ënner anerem, wat Musek fir si bedeit. Lauschter eran an eiser Mediathéik op opus.radio oder an der Opus-App.

https://tinyurl.com/3hpasefp

26/04/2026

❤️♪ Eist Häerzstéck kënnt dës Woch aus Lëtzebuerg vum Stater Komponist Laurent Menager (1835-1902) - Säi Sträichquartett Op.1 a La Majeur.

Hien huet scho fréi groussen Intérêt an Talent un der Musek gewisen. Den éischte Musekscours kritt hie vu sengem Papp. Ma och schoulesch hat de Laurent Menager eng drop. De Jean Thill hëlt eis mat an d'Entstéiung vu sengem éischten Opus: De Sträichquartett a La Majeur Op.1.

➡️ Lauschtert eist Häerzstéck vun der Woch: https://tinyurl.com/3te5ur44

23/04/2026

🗓 Dëse Weekend spillt den Duo Tonnar Urwald Neiinterpretatioune vum Poutty Stein senge Lidder am Iechternacher Trifolion, an der Philharmonie gëtt et e Lidderowend mam Franz Schilling a Christoph König, den Ofschlossconcert vun der Voice Week ass am Escher Conservatoire oder dir kënnt nach den Event “Florescence in Decay” am CAPE zu Ettelbréck erliewen.

Wou zitt et iech hin? 😊

21/04/2026

💿 De Chopin an de Rachmaninoff, zwee grouss Komponisten, déi sech ni begéint sinn. Bal 80 Joer hu si vun enee getrennt. Deen neisten Album vum Georgijs Osokins mécht en Treffen awer méiglech. De jonke lettesche Pianist spillt vill verschidde Wierker vu béide Komponisten a weist, datt hien en immens ofwiesslungsräiche Kënschtler op sengem Instrument ass.

🇬🇧 Chopin and Rachmaninoff, two great composers who never met. They were separated by almost eighty years. However, the latest album by Georgijs Osokins makes a meeting possible. The young Latvian pianist plays a wide variety of works by both composers and shows that he is an immensely versatile artist on his instrument.

💬 “It simply is an impeccable recording. You can hear every single note with great precision, yet the gentle character of the entire recording remains the focus. Osokins plays in an immensely poetic and romantic manner.” - Marie Schockmel

19/04/2026

E symphonescht Wierk an deem sech alles ëm dem Superman säin Universum dréint. Dat war déi grouss Visioun vum amerikanesche Komponist Michael Daugherty. No 6 Joer war aus senger Visioun du Realitéit ginn.
An entstanen ass eng Symphonie mat 5 Sätz, wou all Saz sech em ee vun den Haaptprotagonisten aus de Superman Comics dréint. Fir d’Häerzstéck vun dëser Woch huet sech d’Carole Mallinger de fënnefte Saz heirauser méi genau ugekuckt.

🎧 Lauschtert d’Häerzstéck vun dëser Woch vum Michael Daugherty an eiser Mediathéik an an eiser App.

18/04/2026

Am Kader vum Klenge Maarnecher Festival huet de Lëtzebuerger Pianist Jean Muller schonn am Abrëll 2022 mat dësem Projet ugefaangen. Hien huet sech virgeholl sämtlech Pianosonate vum Franz Schubert ze spillen. Elo no véier Joer kënnt dëse Projet mam Ofschlossconcert dëse Sonndeg, den 19. Abrëll 2026 op en Enn.

D’Gespréich mam Jean Muller am Harmonesche Moien kënnt dir an eiser Mediathéik nolauschteren.

Adresse

21A, Avenue J. F. Kennedy
Luxembourg
1855

Téléphone

+3524400441

Site Web

http://opus.radio/

Notifications

Soyez le premier à savoir et laissez-nous vous envoyer un courriel lorsque Opus 100,7 publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.