KONTERBONT

Deen éischte komplett digitale Sproochemagasinn zu Lëtzebuerg. All 2 Méint interessant Themen iwwert an ëm Lëtzebuerg, konterbont gemëscht.

Iwwert dem Liese verbessers du gläichzäiteg deng Sproochkenntnisser an erweiders däi Vocabulaire!

10/07/2026

Och d’Kache wëll geléiert sinn! En historesche Bléck op d’Lëtzebuerger Hotelschoul

Zum Kache gehéiert méi, wéi een am éischte Moment kéint mengen: Et brauch een e gudde Geschmaachs- a Gerochssënn, et muss ee prezis a séier schaffen, Teamfäegkeet ass essenziell, et ginn Organisatiounstalent a Kreativitéit erwaart an e gudde Verhalt souwéi eng gutt Kommunikatioun si wichteg. All dat léiert een an der École d’hôtellerie et de tourisme du Luxembourg.

Wann s du méi iwwer dës Lëtzebuerger Institutioun wëlls wëssen, da lies elo eisen Artikel op: https://konterbont.app/kache-geleiert/

École d'Hôtellerie et de Tourisme du Luxembourg - EHTL

08/07/2026

Maach mat a gewann – däi Bäitrag am KONTERBONT

Du bass tëschent 10 an 30 Joer jonk an hues e kreative Kapp? Da bass du hei genee richteg!

Schreif elo däin eegenen Text op Lëtzebuergesch oder produzéier e Video/Reel an huel um KONTERBONT-Concours „Artikuléier dech!“ deel. Däi Bäitrag ka spéider am Online-Magasinn verëffentlecht ginn. All Gewënner*in kritt e Präis!

D’Deadline ass den 20. November 2026. All d’Informatioune fënns du op: https://konterbont.app/artikuleier-dech-2/

03/07/2026

Mat verbonnenen Aen am Restaurant: Dinner in the Dark – eng Sensibiliséierungsaktioun vun der Stad Lëtzebuerg

Iessegoen ass quasi eng Kulturtechnik, déi en angeneeme Raum schaaft, an deem ee ka Leit kenne léieren, eng Verbindung opbauen oder oprechterhalen. Mee wéi fillt sech esou eng Restaurantsbegéinung un, wann ee fir e ganzen Owend d’Ae verbonne kritt, a wat huet dat mat Sensibiliséierung ze dinn?

Wann s de net wëlls am Däischteren tappen, da lies elo eist Iess-Abenteuer: https://konterbont.app/dinner-in-the-dark/

Ville de Luxembourg

01/07/2026

Vun Iessen a Geschichten – d’Liblingsrezepter aus dem Atelier Info-Média

Wann ee sech wochelaang mat enger Ausgab iwwer Iessen an Ernärung befaasst, da kënnt et méi wéi eemol vir, datt ee mat engem Mo, dee grommelt, virum Computer sëtzt. Dofir huet d’Ekipp vum KONTERBONT d’Iddi kritt, d’Liblingsrezepter vum Atelier ze sammelen an ze verëffentlechen.

Du wëlls eis legendär Rezepter nokachen? Da géi op: https://konterbont.app/liblingsrezepter/

25/06/2026

Alles a Moossen – d’Analys vun der Lëtzebuerger Kichen aus der Siicht vun enger Nutricienne

Gutt, gären an defteg – esou kéint een de Motto vum „richtege“ Lëtzebuerger beim Theema Iesse beschreiwen. Aus ernärungstechnescher Siicht net ëmmer déi optimaalsten Definitioun, mee mat e puer klengen Tipps loosse sech d’Iessgewunnechte ganz einfach verbesseren.

Wéi dat geet, verréit d’Ernärungsberoderin Kristina Reichel am Gespréich mat eiser Korrespondentin Laura Tomassini: https://konterbont.app/alles-a-moossen/

24/06/2026

Den Teller am Wandel
Nei Ernärungstrends verstoen

DʼErnärungsvillfalt war nach ni esou grouss: Vum Vegetarismus iwwer de Flexitarismus bis hin zu méi radikalen Ernärungsformen ewéi dem Frutarismus – all dës Ernärungsforme si munchmol schwéier ze entschlësselen.

Dofir bitt de Konterbont en Iwwerbléck mat Erklärungen, déi s du an eisem Artikel fënns: https://konterbont.app/ernaerungstrends/

19/06/2026

Fastfood oder Slowfood, dat ass hei d’Fro! E Bléck op zwou géigesätzlech Iesskulturen

Fastfood ass schonn zanter Joerzéngten iwwerall ze fannen. D’Beweegung vum Slowfood ass dogéint eng méi rezent Entwécklung. Mee wat zeechent se aus? De Konterbont huet déi zwou Iesskulturen ënnert d’Lupp geholl a sech d’Situatioun zu Lëtzebuerg ugekuckt.

De ganzen Artikel fënns du op: https://konterbont.app/fastfood-slowfood

17/06/2026

Wourop een am Ëmgang mat Liewensmëttel soll oppassen – e Gespréich mam Dr. Serge Losch

Wie sech mam Theema „Iessen an Ernärung“ beschäftegt, sollt onbedéngt och dem Kapitel vun der Liewensmëttelsécherheet genuch Opmierksamkeet schenken. Wat sinn d’Gefore bei der Veraarbechtung, Lagerung, Zoubereedung an dem Konsum vu verschiddene Liewensmëttel? Op wat soll een zwéngend oppassen a wéi kann ee Risike vermeiden?

De Konterbont huet sech mam Dr. Serge Losch getraff, fir mat him iwwer déi verschidde Risiken ze schwätzen: https://konterbont.app/mikrobiologie/

Chambre des Métiers Luxembourg

12/06/2026

„Faaschten huet wierklech e grousst Potenzial“ – en Interview mat der Liewensmëttelwëssenschaftlerin Dr. Bérénice Hansen

D’Bérénice Hansen huet sech an hirer Dokteraarbecht mam Impakt vu Faaschten an Ernärung op chronesch Krankheeten auserneegesat. Si gëtt Coursen op der Uni Lëtzebuerg, ass als Ernärungsexpertin a Fuerschungprojeten involvéiert an huet hir eege Praxis fir Ernärungs- a Gesondheetsconsultatiounen, an där se eng holistesch Approche vertrëtt. Vun hir wëlle mer wëssen: Ass Faaschten en Trend? Wat geschitt konkreet am Kierper a wéi gesond ass et?

Dëst a villes méi fënns de elo am Interview op: https://konterbont.app/faaschten-verschidden-aarten/

10/06/2026

„Mäi Liewen um Teller“
De Stärekach KimKevin de Dood am Portrait

Deen eenzege Michelin-Stär, dee Lëtzebuerg dëst Joer kritt huet, ass un de KimKevin de Dood fir säi Restaurant Lys an der Villa Pétrusse gaangen.

Wat de sympathesche Stärekach dozou seet, kanns du an eisem Portrait iwwer hie liesen: https://konterbont.app/kimkevin-de-dood/

Kim de Dood
Le Lys
Villa Pétrusse
Horesca Luxembourg

Adresse

Luxembourg

Téléphone

+35226623360

Site Web

https://www.konterbont.app/

Notifications

Soyez le premier à savoir et laissez-nous vous envoyer un courriel lorsque KONTERBONT publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.