حاتم محارب - Hatem Mohareb

حاتم محارب - Hatem Mohareb غارق في عمق وتفاصيل الذكريات
(1)

عودة للعمل في مجال التدريب في طرابلس بعد فترة نقاهة وراحة علاجية الحمد لله الذي بنعمته تتم الصالحات
31/08/2025

عودة للعمل في مجال التدريب في طرابلس بعد فترة نقاهة وراحة علاجية
الحمد لله الذي بنعمته تتم الصالحات

29/08/2025

الحمد لله على تمام الصحة والعافية .. الحمد لله العليم بالنوايا والخبير بعباده ..
صلوا على خير الخلق

23/08/2025

الحمد لله رب العالمين دائما وأبدا .. ذلك فضل الله وحده

تشريهن عشان ينكسرن عندك ثاني يوم .. وهكذا …
17/08/2025

تشريهن عشان ينكسرن عندك ثاني يوم .. وهكذا …

هذه الصورة تحديدا عام 1992 .. وانا في الصف السابع في امتحانات الفترة الثالثة (النهائية) في مدرسة الشهيد حسن البراني العا...
14/08/2025

هذه الصورة تحديدا عام 1992 .. وانا في الصف السابع في امتحانات الفترة الثالثة (النهائية) في مدرسة الشهيد حسن البراني العامة اجدابيا
الصورة كانت مأخوذة تقريبا لصحيفة "الوسطى" التي كانت تصدر في اجدابيا في ذلك الوقت.
المبتسم في الصورة هو جاري وصديق الطفولة المرحوم علاء محمود القذافي الزوي غفر الله له.
انا اللي جالس خلفه وقدامي #الكوتي مفتوح (علبة الهندسة) وامحلق #بانكص ولابس سروال #فونكي وسورية أمريكية ولكن باين في الصورة كأني لابس #قامجو وتقريبا كنت باشناباتي 😅

13/08/2025

هذه فرس #امهجّرة (مديورلها قيد) انشوف فيها لها يومين تبرم في مكانها بين المقرون وسيدي عبدالعاطي
واضح عليها التعب والجوع والعطش .. وللعلم انا من اجدابيا.
بالله اللي يفهم فيها او قريب منها يشوف قصتها وياخذها عنده كان ما عندها صاحب
بارك الله فيكم
موقعها بالضبط على القوقل موجود في التعليقات
#تعديل
الناس اللي تسأل ليش ما حطيتلها امية وعلفة
بالنسبة للمية .. عندي بنقة في السيارة حطيتها له ..
نزل واحد ما نعرفه وعنده عقاب خضرة حطها لها
حاولنا انفكو القيد ولكن الفرس مش ثابتة ونحن اصلا ما نفهمو في الخيل وحطينا احتمال مرات عندها صاحب وقريب منها .. لو نفهم في الخيل او سيارتي قلع او عندي وين انحطها ما كنت نشرت المنشور.
في المقابل انا حطيت الموقع في التعليقات اللي يرغب يشوف هل عندها صاحب او لا وهل يقدر ياخذها او لا
وديما طيبين

12/08/2025

تنفيذ تعليمات جهاز الحرس البلدي اجدابيا بطلاء واجهات المحلات باللون الرصاصي
#اجدابيا

11/08/2025

من المبادئ التي يجب أن تعيش بها حياتك:
- عِش بكرامتك.
- افهم نيّة الذي قدّم لك خدمة ..
- إذا استطعت أن لا تطلب من أي أحد خدمة فلتفعل.
- في زحمة فوضى الحياة .. اعمل لآخرتك

زمان ايام الاعدادية والثانوية كنت بمجرد ما تنتهي الامتحانات نبدا على طول العمل في المطاعم اللي في شارع الكفرة اجدابيا.. ...
05/08/2025

زمان ايام الاعدادية والثانوية كنت بمجرد ما تنتهي الامتحانات نبدا على طول العمل في المطاعم اللي في شارع الكفرة اجدابيا..
عام 97 كنت طالب في ثانية ثانوية علمي .. وعمل العطلة كان في مطعم الأستاذ إدريس المصراتي المعروف بإدريس مارادونا وشريكه في ذلك الوقت الحاج مفتاح مقيل
طلعت النتيجة بعد أيام والقيت روحي دابلها في #البحثة .. اللي توا اسمها الرياضيات..
حياة باتي أي شي ممكن يتقبله ويتغاضى عنه إلا أنك اتجيه راسب .. وقتها ممكن يقتلك بطريقة اللي نفذها #راغنار في مسلسل فايكينج
المهم .. خممت وفكرت واحترت .. وتخيلت جميع السيناريوهات اللي ممكن اتصيرلي .. وقلت ما فيها الا انجيبله دجاجة محمّرة وصبّاط (شبشب) لو تتذكروه ..
ونعقد معاه هدنة وصفقة (أن لا يتعرّض لي .. لا يمسني بسوء .. لا يهينني ولا يعايرني يا الساقط)
وصلت الحوش متستّرا خلف تلك الدجاجة .. دخلت متخفيا .. وأوكلت مهمة الوساطة التاريخية لأمي الثانية -زوجة أبي حفظها الله- .. استلمت مني الدجاجة .. وباكّو الشبشب .. تأملتني بشفقة وقالتلي : الطريحة جايتك جايتك هههه
ولكني كنت مراهنا على ذاتي وكينونتي .. واثقا من الأسد الذي في داخلي ..
مرّت نصف ساعة .. هدأت جوارحي .. واستقر فؤادي ..
ها هو والدي الحبيب يتعشّى .. الخطة نجحت .. والسلام عم .. والهدنة دخلت حيّز التنفيذ .. والحمد لله رب العالمين..
بعد لحظات من العشاء جتني مراة باتي .. وقالتلي يبيك باتك في المربوعة الفوقية 😑
قلت ممكن يبي يوصيني أو ينصحني .. لا أعتقد أن الدجاجة ستخذلني.
القيت باتي في البالكوني .. امولع السبسي اللي بعد العشاء .. جيت نبي انسلم عليه .. قاللي خش جو للمربوعة ههههه
نطقت الشهادتين وخشيت..
خش وراي .. وصكر الباب وراه .. والباب دار صوت زي افلام الرعب ..
فتح علبة #الصبّاط .. ومسك كل فردة في يد .. وخبطهن في بعضهن وقاللي : تبي ترشيني يا كلب؟؟؟
وعينك ما اتشوف الا النور .. الدنيا ليل لا حزّاز ولا عمك يحزنون ..
تحولت المربوعة الى حلبة ملاكمة .. كل الجولات سقطت فيهن انا بالضربة القاضية بالصباط اللي انا جبته بيديا ..
نزلت بعدها محطّم العظام والفؤاد .. وبعد نص ساعة جتني مراة باتي وجايبتلي #باكّو_الصبّاط .. قالتلي قالك باتك رده وجيب أكبر منه برقم ههههه
——-
ابنائي الراسبين في الثانوية يعوضكم الله خير وربي يوفقكم في الدور الثاني.
#الصورة مع والدي رحمه الله وعمري 5 سنوات ..

04/08/2025

حتى بعد ركبت دعامة ما زالوا طامعين في الكلاوي ..
تبيله قايله زي هذك القايلة

02/08/2025

“يوم نقول لجهنم هل امتلأتِ وتقول هل من مزيد"
سورة "ق"

Address

Ajdabiya

Website

Alerts

Be the first to know and let us send you an email when حاتم محارب - Hatem Mohareb posts news and promotions. Your email address will not be used for any other purpose, and you can unsubscribe at any time.

Shortcuts

Share

Category