وليد الخشيف

وليد الخشيف شركة DO هي شركة رائدة تعمل في مجال الميديا و الإنتاج الإعلامي , مقرها الرئيسي مدينة مصراتة

عقد قران صديقي و جاري و خوي يالي لم تلده امي محمد إبن المرحوم باذن الله تعالى جاري عبدالسلام زيتون بارك الله لك وبارك ال...
03/10/2025

عقد قران صديقي و جاري و خوي يالي لم تلده امي

محمد إبن المرحوم باذن الله تعالى جاري عبدالسلام زيتون

بارك الله لك وبارك الله عليك و جمع بينكما في خير

الف الف مبروك وخيي الباهي محمد

دام انه الكُتب الدراسية مزال اهو نعطيكم فكرة باهية بكل 💡 احني هكي ولا هكي مش مهتمين بالتعليم و الصحة العام هذا مفروض ت...
21/09/2025

دام انه الكُتب الدراسية مزال اهو نعطيكم فكرة باهية بكل 💡

احني هكي ولا هكي مش مهتمين بالتعليم و الصحة
العام هذا مفروض تقروا صغارنا على اهمية انك تدفع فلوس على الاسلحة

ياريت المدارس اتعاملوهم معاملة المليشيات و اطلعوا من مخازنكم ارتال من شوية علم يالي متعلمينة صغاركم يالي يقروا في مدارس خاصة

ونستاهلو مايجينا لاننا ساكتين نستاهلو

17/09/2025

تخيل
اتنوض الصبح تفتح عينك
تلقى روحك في حوش اهلك
وتسمع صوت امك اتقول
نوضوا خوك راهو تأخرتو ع المدرسة وانت عمرك 10 سنوات في الصف الخامس
وتبدأ تشبح في خوتك و خواتك كلهم قاعدين في نفس الحوش
واتجيك امك تعطيك خمسة قروش واتقولك خود سندوتش من المدرسة راهو بوك مجابش خبزة لان بره ريح وصقع واجد ودورة تسمع صوت كلاكس سيارة بوك ويضبح عليكم

تخيلو اننا كُنا في حلم
حلب تتمنى انك تكمل باقي الحلم
او انك ترجع صغير بين كل هالذكريات

اني شخصيا
اتمنى اني نرجع صغير و نطلب من الله اني مانكبرش بكل

اللهم اغفر لمن اشتاقت العيون لرؤيتهم و اشتاق القلب لهم

13/09/2025

قُل لشاتمك : و مغتابك : و المفتري عليك
سبحان الذي سخرك لحمل سيئاتنا
كما سخر البهائم لحمل متاعنا
😌

10/09/2025

#نيبال

زعما الاجسام السياسية
تتفرج على يالي قاعد يصير في #نيبال

السلام عليكم اذكركم و اذكر نفسي بصلاة خسوف القمر اليوم لانها آية من آيات الله عز وجل خسوف القمر هوه آيةٌ يوخف الله بها...
07/09/2025

السلام عليكم
اذكركم و اذكر نفسي بصلاة خسوف القمر اليوم
لانها آية من آيات الله عز وجل

خسوف القمر هوه آيةٌ يوخف الله بها عباده ، حتى يتوبوا و يعودوا و يستغفروا .

فَإِذَا بَرِقَ ٱلۡبَصَرُ (7) وَخَسَفَ ٱلۡقَمَرُ (8) وَجُمِعَ ٱلشَّمۡسُ وَٱلۡقَمَرُ (9) يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

طريقة صلاة خسوف القمر

تبدأ بتكبيرة الإحرام، ويقرأ المصلي الفاتحة ثم سورة طويلة في القيام الأول، ويركع ركوعًا طويلًا .
ثم يعتدل و يقول سمع الله لمن حمده ، ويقرأ الفاتحة وسورة أقصر في القيام الثاني، ويركع ركوعًا أقصر
بعد ذلك يسجد سجدتين طويلتين.
ثم يقوم للركعة الثانية ويصليها بنفس الصفة، لكن مع قراءة وسجدات أقل طولاً من الركعة الأولى .

الف الف مبروك للمنتخب الليبي الفوز قدام انقولا وفي ارضهم شي كبير جداً الشيء الوحيد يالي قاعد يفرحنا ويالي قاعد موحد صفو...
04/09/2025

الف الف مبروك للمنتخب الليبي

الفوز قدام انقولا وفي ارضهم شي كبير جداً

الشيء الوحيد يالي قاعد يفرحنا ويالي قاعد موحد صفوف الليبيين
هوه المنتخب

01/09/2025

الرابح فيها خاسر

30/08/2025

من المناشير يالي عجبتني جداً
وانا اتفق مع هكي تفكير

من منشور @طاهر الرطب

ملاحظة
الإعلام يسوق بأن الحرب مابين مدينة و قوات الردع
راهي الحرب لو قدر الله و صارت مابين حكومة و قوات الردع
غير هكي وهم

احنى عايشين في مصراته ويلي يبي الحرب وإراقة دم الليبين المسلمين هم الطبقة المستفيدة ولن يقدموا احد من أبنائهم للموت ، اما باقي الناس حتى الذين يعملون اولادهم في الجهات الأمنية من اجل لقمة العيش لايريدون الحرب شكلا ومضموناً ، ولا علاقة للمناطق والمدن بما يحدث من هذه الهرطقة.

وقد رأى الناس نتائح الحرب والتضحيات من 2011 إلى اليوم لم يستفد احد ممن ضحوا بدمائهم وأرواحهم فأرجوكم لا تلقوا بأنفسكم وأولادكم إلى التهلكة ،، فحروب السلطة والمال لا يوجد فيها شهيد فلا تكذبوا على أنفسكم وعلى ابنأئكم

الحل في ليبيا لن يكون إلا إذا اتفق الليبيون على الانتخابات والوقوف مع الفائز مهما كان شخصه ،، والانتظار إلى الفترة القادمة إمّا التجديد له أو انتخاب غيره ،، أما أن يتصارع الليبيون على السلطة والمال فلا نتيجة له إلا اهدار أموال الوطن ومقدراته ودخول الأجنبي أكثر بحجة دعم جهة على أخرى

اللهم إني أبرأ إليك من أي حرب بين أبناء الدين الواحد

يلي بيحارب gزة جاهزة

28/08/2025

اني ماعنديش مانقول
الا
أسأل الله ان يحقن الدماء يارب
يشهد عليا الله
اني مانحبش الحرب لاننا كملنا بعضنا بهالحروب

اني نبي نسأل اي حد ماشي توه وناوي الحرب
بالله بدل ماتركب سيارة سلاح وتشد سلاح
تره جرب البس بدلة وامشي طالب بحقوقك المدنية
مثلاً
انك حامل شهادة كبيرة وتبي تطلع اتكمل قرايتك بره والله مانك محصلها
صغارهم عايشين احلى عيشة وانت عيشتك تمرميد

روح وشد حوشك وشد عملك و قرايتك و اخدم لاخرتك

راهي فانية

25/08/2025

الامانات وصلت لصاحبها
وان شاءالله ربي يتقبل منكم

24/08/2025

بنخش في الموضوع طول
أقسم برب العزة اني وليد مختار الخشيف لو درت خير في الناس رح تكون في السر مش في العلن

لكن الدالة نبيها في العلن
سألتكم بالله
في عائلة ليبية ساكنة بإجار في حوش والله ماينسكن فيه

بالله عليكم لو في حد يقدر يساعد ياريت يتواصل معاي واي حد عنده ثقة في وليد يتواصل معاي
واني مستعد نجيك وين ما انت و فلوسك في رقبتي و رح انلمهم ونعطيهم للعائلة

يالي ناوي يتصدق اني اولكم

Address

Misrata
Misurata
00218

Telephone

+218914299960

Website

Alerts

Be the first to know and let us send you an email when وليد الخشيف posts news and promotions. Your email address will not be used for any other purpose, and you can unsubscribe at any time.

Shortcuts

Share

Category